فقدتك

[طيف القصيد]

فقدتك وانا كلي معك من زمان التيه=نصيتك وصادفني غيابك ومرساله
به من الحروف اوجاع قلبٍ سكن ماضيه=وتوقيعك اقسى من زماني وغرباله
وعطرك مع المكتوب لافاح يالبيه=اسر روحي العطشاء لقلبك ومدهاله
نسى وقتي العالم وجيتك على تاليه=قريته من الآخر وخليت مدخاله
بدايته اشواقك وعطرك على باقيه=وانا مع بداياتك ومع عطرك لحاله
قريته ونبض القلب هايم مع مغليه=حروفه دوى روحٍ من الهم شياله
يقول الغلا باقي وانا اقول ماخليه=اسوق الغلا يمه واجي له على فاله
ولا ياحبيبي ليه تجرح قتيلك ليه=لوأنه تريح ما تولع بك أشواله
يموت الخفوق وكل ما داخله مخفيه=ويبقى الغلا والحب للي على باله
إلى مر طيفه داخل الفكر يا لبيه=لو أنه عناه وبري حاله وغرباله
وكثر التمني مايفيده ولا يشفيه=ومهما تمنّا ما تغير على حاله
ولياسج فكره ونّ لين العرب توحيه=وطالع ليا ما حوله أحد أيتشكواله
انا ادري يموت الورد لاغاب من يسقيه=وانا ادري سيوف الوجد تدمي وقتاله
ولاكن عشقتك دون ماقول كيف وليه=كذا جت لك الخطوات بالود شياله


.
.
.
ام فيصل
مصافحه بعد غياب

اتمنى كل الخير لارواحكم جميعا

[حمد الضوّي]

شاعرتنا القديره

طيف القصيد


صح لسانك مليار على هذه الشامخه والتي بالتأكيد ستشفع لك غيابك
كتبتي فابدعتي بارك الله فيك أختي .. وماتغيبين إلا عن الشر



ودي وتقديري

[عبدالحميد الأمير]

بارك الله فيك أختي ام فيصل
قصيدة تستحق الأشادة لمعانيها الجميلة ..

[سليمان الجعفري]

الاخت الكريمه / طيف القصيده

وصح لسااااانك ملايين قصيده شااامخه من رااس شاعرة رائعه

الله يعطيك الف عااافيه .. لاهنتي

لك تحيااااتي