بفتخر في عزوتي (المعمر والنعم كل ٍ يقوله)

[الحوراء بنت نجد]

http://www.air.flyingway.com/airlogo/pic/basmala-tr.gif




لانزكي انفسنا على احد ولكن الفخر حق مشروع

افخر بأسرتي وقبيلتي دون قصور بكل الأسر والقبائل

المنتمية لها عذرآ لمشاعر وفاء وانتماء لأسرتي الكريمه



ياحروف الشعر وجزال المثايل=اقربي والشعر اله صـــوله وجوله



بفتخر في عزوتي والراس طايل=المعمر والنعم كــــــــــــلٍ يقــــوله



المعمر من تميم اهـــــــــــل الفعايل=اهل اماره واهل علم وراس طوله



عن سنام المجــــــد مانــــقبل بدايل=من تميم العــز والعـــــــليا ذلـــــوله



يشهد التاريخ بــــــثبات ودلايـــل=عن مسيرة مجد تكسيه البطوله



الكرم والسيف والخيل الاصايل=والمبادي والعوايد والـــــــــرجوله



المعــــــمر فعلهم للعقل هــــــايل=وكل عينن ناظرت فيهم خجـــوله



تاج راسي مجد وعصور و سلايل=شجرةٍ غيث السماء تسبق هـــطوله



ساسها ثابت من ايام الاوايـــــل=وفرعها من طولها ما احدٍ يطوله



لويطول الوصف تزداد الخصايل=والجمال اللي تغني بــــــــه فصوله



سيرةٍ تحكي فخـــــر والشك زايل=نشكر الله والشهاده من رسوله





الحوراء بنت نجد (س > آل معمر ) 1434 هــ

[سليمان الجعفري]

الاخت الكريمه / الحوراء ( بنت نجد )
قصيده جميله ورااائعه من شاعرة متمكنه ومتميزة
مليااار نعم بال معمر دون اي قصور بالقبائل الاخرى
من حقك الافتخار بمافعله الرجااال الاشاوس من قبيلتك
تحياااتي لك

[ابراهيم السلمي]

والنعم في اسرة المعمر وتميم كلها

صح لسانك يابنت نجد

[الحوراء بنت نجد]

سليمان الجعفري

ماعليك زود اشكر لك هذه المداخله

الرائعه التي اسعدتني

لك تقديري

[ابو غريب العبدلي]

شاعرة رائعه ومميزة ونعم مليار ولاقصور بأحد ابدعتي

[حمد الضوّي]

الشاعره القديره / الحوراء بنت نجد
قصيده رااائعه من شاعرة ومتميزة
والف نعم بآل معمر ومن حقك الافتخار بفعل
الرجااال الأفذاذ من قبيلتك


تحياااتي لك

[الحوراء بنت نجد]

ابراهيم السلمي

ماعليك زود الف شكر للمتابعه

لك تقديري

[الحوراء بنت نجد]

ابو غريب العبدلي

اشكر لك رقي كلماتك اسعدني حضورك

لك تقديري

[الحوراء بنت نجد]

حمد الضوى

تسعدني متابعتك والنعم فيك ماعليك زود شاعرنا

اشكرك للمتابعه لك تقديري