{{ حَسْن النوايا الشيخ هزاع أبالروس }}

[حمد الضوّي]

قصيده بمناسبة إختيار الشيخ الدكتور/ هزاع بن عايش ابالروس
( سفير النوايا الحسنه ) من قبل منظمة السلام الدوليه بهيئة الأمم المتحده …
ـــــــــــــــــــــــ


ســلام يا راسٍ تميّــز عــن الـــروس=راسٍ شــمــخ تاج المــراجــل لبـُوسه
راس العديم اللي كسب كل ناموس=اللي خصال الطيب فيــه مغــروسه
لاجاء الحبل من كل الاطراف ممسوس=درب المخـــاطـــر مـــايهـــابــه يــدوسه
فعله يغيض نفوس ويراضي نفوس=و محــاول عنــاده مـــريره يـحــوسه
من نافسه قلبه من الخوف ممروس=والكبد تغلي مــن قـهــر ومحموسه
لخصمه شقى وهم وعقوبه وكابوس=شـــرٍ على وجـيــهٍ غضيبــه عبــوسه
حَسْن النوايا الشيخ هزاع ابالروس=شخصيته من كــل عيــب محــروسه
ماهو على شانــه غني يملك فلوس=طيبـه سبــب ترشيحتــه لا فلــوسه
من حـقــه التتويج والفــوز بالكـُـوس=ومن حــقـــه إنجلّـه وراسه نــبــوسه
يوم الزمن قالوا تجــاريب ودروس=ينهل من صـروح المراجـــل دروسه
هداج تيمــاء مــايشبّــه على رســوس=وعمق البحــر مـــن يستطيع ويقــوسه
وشمس الضحى ماتشْبه لـ ضيّ فانوس=عســــاه عـــنّــا مــــاتْــغــيّــب شمـــوسه
من جاه يشكِ الجوع والفقر والبوس=يمنــاه بالسمــن العريــب مغمــوسه
يزبن لــه المحروج لــو دونه رمــوس=مثل الربـيع اللــي تروده عســوسه
يـفــداه من لـه راي تايــه ومعموس=لو شـار عميـــا فكــرتــه ومعكوسه
ماهمّه إلا يكْسي الجسم ملبوس=ولاهمّـه إلا مــايحــرك ضــروسه
ولــو حســابــه بالملايــيــن متروس=صرفـه على عيالــه وحالــه يعوسه
وابو فهد لاجَــتْ لـ ريّــس ومــريوس=راسٍ يروس الــروس مـاحـدٍ يروسه
الله يلوس عيــون مــن يَحْسِده لــوس=وراس سهَمِه يرجع لـ صدره وقـوسه
.
.
.

حمد بن سالم الضوّي الجعفري

[سليمان الجعفري]

حَـسْـن الـنـوايـا الـشـيـخ هـــزاع ابـالــروس
،،،،،،،،،،،،،،، شخـصـيـتـه مــــن كــــل عــيــب مـحــروســه

مـاهـو عـلـى شـانـه غـنـي يمـلـك فـلــوس
،،،،،،،،،،،،،،، طــيــبـــه ســـبــــب تـرشـيــحــتــه لا فــلـــوســـه

مــــن حــقــه الـتـتـويـج والــفــوز بـالــكُــوس
،،،،،،،،،،،،،،، ومــــــن حـــقـــه إنــجــلّــه وراســــــه نــبــوســه

يـــــوم الــزمـــن قــالـــوا تــجــاريــب ودروس
،،،،،،،،،،،،،،، يـنـهــل مــــن صــــروح الـمـراجــل دروســــه



الشااعر القدير والراااائع / حمد الضوي

بيض الله وجهك ياالغالي على القصيده الراااائعه والشااامخه

وبتأأأأكيد ان الشيخ / هزاع عائش الروسان شخصيه تستحق هذا اللقب

وهو من وضع لنفسه هذه المكانه الرفيعه عند كل من يعرفه ويستأأأأهل اكثر من ذلك

لك مني اجمل التحايا والاحترااام

[حمد الضوّي]

الأخ سليمان الجعفري

وجهك أبيض ياغالي ومرورك يضئ المتصفح
بارك الله فيك ...