( قـمة المجـد )

[منصور الرويلي]

بسم الله الرحمن الرحيم

تشرفت في تلبية الدعوة للمشاركة في حفل تخريج

ضباط كلية الملك خالد والكلية الحربيه المقام في قاعة

ليالينا يوم الاربعاء ليلة الخميس الموافق 7/ 6 / 1434 هـ

والامنية الصادقه لهم بالتوفيق والسداد .

اليكم مشاركتي بالحفل الكبير .

.



عد ما المؤمن تضرع في ركوعه والسجود = للكريم اللي هدى الانسان للخير ودعاه
عد ما كف السخا من جود معطيها تجود = عد ماهذا الوطن بالخير يمطرنا سماه
السلام يساق وصدور الوفا نفحات عود = يامساء الخير ومساء التتويج والمجد ونداه
بارك الله بالمساعي وبارك الله بالجهود = وبارك الله في وجيه العز والحفل ومساه
كل عزن للوطن بعد خلاق الوجود = في رجالن مانحنت غير في وقت الصلاه
الوطن في قمة المجد وانتم يالاسود = سيفه اللي يحتمي كل شبرٍ من ثراه
الوطن برقابنا له مواثيق وعهود = بالشدايد كلنا ياهل العوجى فداه
دام ابو متعب على عرشه الشامخ يسود = رفرفي يارأية العز في عالي فضاه
في يمينه صارمٍ ماعرف غير الصمود = سيدي سلمان سور الوطن حامي حماه
يالله انك تحمي الدار من كيد الحسود = في وجود أخوان نوره أمطوعة العصاه
كل رُجلن يقرأ الاحداث بأطراف الحدود = ياخذ العبره ولا يحتاج تنبيه ووصاه
الربيع أطماع حسّاد وسياسة يهود = ضيّع الله كل شعبٍ هدم عزن بناه
يالله انك تنصر الحق وتفك القيود = عن شعوبٍ ذاقت الضيم من رؤس الطغاه
يا رجالن دون هيبة كرامتها تذود = عزكم بأيمانكم والولاء معنى الحياه


.

.

.

.

[منصور الرويلي]

http://www.youtube.com/watch?v=kAqJZkQOW58




.
.



حبيبي ترى مركب غرامي بـلا ربـان=خذاه البحر للي جـزر مـده أحيانـي
ذبحني ضمأ شوقي وانا بالبحر غرقـان=أعّرفه خذاني وْماعَرف ويـن ودانـي؟
زراق السماء والبحر واللؤل والمرجـان=وليلن نجومـه بالمسـاء شكلهـا ثانـي
تحريت نور الصبح يطلع وأنـا سهـران=وطال أنتظاري والرجا طـال ماجانـي
تصافق بي الامواج . يارب . يارحٌمـان=واكرر دعاء يونـس واردّده بلسانـي
عليك الفرج يامجري الريح والطوفـان=إلـهٍ خلقنـي مـن عـدم ميتناسانـي
عليّه أعتمدت ولا أعتمادي على الانسان=هو الخالق الدايم وعمـر البشـر فانـي
أنا مارجيت مجازي الطيـب بالنكـران=أنا اكبر من الشرهات وحكاية أحزانـي
شربت الوفا والتضحيه للوفـا عنـوان=وأبقى على مبـداي وسلـوم جدانـي
لا باروا الاصحاب وخانوا بي الخّـلان=واقرب صديقٍ صـد عنـي وخلانـي
رفعت النظر والكف لك ياعظيم الشأن=ودعيت بأسمائك عظيمـات الاحسانـي



.

.

[حمد الضوّي]

الشاعر القدير


منصور الرويلي




صح لسانك مدد بلا عدد وبيض الله وجهك
والف نعم فيك وفي المتخرجين
ابدعت بارك الله فيك








انقى تحيه