جديدي اهداء لوالدي الغالي

[طيف القصيد]

مـانــي هــواويــه ولانــيــب عـشـاقــه=ولاني علـى درب مـن قفـى سبوقيّـه
ماجيـت أبطلـب طبيـب الحـب تريـاقـه=ولا قلـت يافـلان وش ردك عـن الجـيـه
لا تسال اللى شكى من قفلة اخلاقه= لــو شـفـت للهم فــي عينـيّـه مـاريـه
خلـه يهـوجـس لــو ان الـهـم ماطـاقـه=و ان ســــار دربٍ بـعـيــداتٍ خـطــاويّــه
ماقسى من الليل غيـر الهـم وعناقـه=لاسـيّـر الـضـيـق لـصــدورن شمـالـيـه
آهـات تسـكـن بـوسـط الــروح حـراقه= مـاعـاد بــه صـبـر والكـيـه ورى الكـيـه
وش حيلـة القلـب يومـن الزمـن عاقـه=والـيــد تـقـصـر ونـظـراتـي شـبـوحـيّـه
البـيـت شـامـخ ولاكــن لفـحـة رواقــه=تجـيـب حــر السـمـوم وتـبـعـد الـفـيـه
ياجعـل عمـري لعمـر الغالـي الحـاقـه=الـلـى سـكـن هـامــةٍ بـالـعـز مبـنـيـه
يوم الزمن قاسـي ٍ والعيشـه اشفاقـه=ماسـكـر الـبـاب عــن طـرقـي وعانـيّـه
(أبويـه) اللـي سكـنـا داخــل أعمـاقه=وأستوطن أعماقنا في صـادق النيـه
يالله عـســى مـزنــةٍ بـالـجـود بــراقــه=تمـطـر ديـــاره وتـزهــر فـــي مـراعـيّـه
عسـاه سالم عمود البيت ورواقه=و يـــدوم ظـــل ٍ حـضـنـا فـــي مفـالـيّـه





وسلامتكم جميع

[سعود المسعودي]

بارك الله فيك وصح الله لسانك

[حمد الضوّي]

الشاعره القديره

طـــيـــف الــقــصــيــد

صح لسانك وإعتلى شانك وحفظ الله والدك
وأدامه الله وأعزه وألبسه ثوب الصحة والعافيه
هكذا ينبغي أن يكون الإنسان باراً بوالديه
جعلنا الله وإياك من البارين بوالديهم

الف شكر لك يا أختي على هذه الأبيات المكتوبه بماءاً من ذهب



تقبلي تقديري وإعجابي