ردا على قصيدة الراوي والشاعر فواز الغسلان ( ربيعة .. سادة الدنيا مقابيس الشجاعة )

[خلف الغريب]

بسم الله الرحمن الرحيم
تشرفت بإسناد قصيدة من الشاعر الراوي المعروف فواز الغسلان واعتذر للجميع لتأخر الرد بسبب عطل النت منذ أكثر من شهر ..

وهذا رابط قصيدته :

http://www.weelan.com/vb/showthread.php?t=24862


..



وهذا ردي عليه :

مرحبا ترحيبه الارض بربيعه=بعد ما بلت مزون الوسم قاعه
في حلال أهل الكرم ترثة ربيعه=سادة الدنيا مقابيس الشجاعة
نتشرف فيك يا حلو الطبيعة=وانت عالم طافح بالعلم صاعه
تجمع من اخبارنا ماتستطيعه=يشهد التلفاز مع بث الاذاعة
وانت شاعر تسبك بيوت بديعه=نجم شعر بالفضا يبهر شعاعه
نابغة مافيك شك ولا خديعه=تفرز جنيه الذهب حزة مباعه
بالكلام الحق وشهود الشريعه=وفكر باحث يكتب الجزلة يراعه
ومجد وايل بالسما يبرق لميعه=والثمن يفرق حسب نوع البضاعة
ماحسبنا قيمة الدنيا جميعه=والمراجل عندنا اكبر طماعة
ويوم فارس جرت الحرب لربيعه=عيوا الويلان يعطون الوداعة
احتموا مجد العرب عن كل ضيعه =وضربوا للعالم دروس الشجاعة
وانت مثلك عندنا يشكر صنيعه=يوم فرقت الحقيقه والاشاعة
وكان يافواز طحنا بالخديعه =ماعلينا من حكي قاصر ذراعه
مالنا شروة معاه ولا مبيعه=روسنا ماالله خلقها للدناعة
نبني المنزل على راس الرفيعه=من خلقنا الله منازلنا الرفاعة
الردي لو قال هرجه مانطيعه=وببحرنا ما يرفرف به شراعه
ندفع الاموال ما نحسب لريعه=وجارنا طالت على الطولات باعه
واما انا دايم مكاني بالطليعه=وطيب راسي ورث ما اخذته قلاعه
باني طيبي على ساس منيعه=ما نخاف من الخلا تكثر سباعه
وكان طالت لعبة الهيس اللكيعة=والله ان اعطيه درس باللكاعة




وسلامة الجميع

[حمد الضوّي]

الشاعر القدير/ خلف الغريب

صح لسانك مدد بلا عدد ابدعت الحقيقه بارك الله فيك
وصح لسان الشاعر والراوي/ فواز الغسلان
شعراء كبار ومبدعين ومتميزين
وصوت وصدى جميلين
سبعة انعام بالجميع



انقى تحيه

[سيف العنزي]

الشاعر خلف الغريب شاعر وجزل صح الله لسانك

[مشعل التريباني]

الشاعر خلف الغريب
صح لسانك والله على هذه الرائعه
صراحه ابدعت وامتعت ياخلف لافظ فوك