المساعد الشخصي الرقمي

مشاهدة النسخة كاملة : ســــــــــــــــــــــاعة لقـــــــــا

خلف سماح
06/12/12, (12:20 AM)
 يابنت لحــظـــات الزمـــــن علمـــتني *** ان النــــوايا البيـض ماهـــي صحيحـــه
 والنـــاس لـــــو عـطيتها ماعــطــتني *** وألغيت مـــن عشر الشــــرايح شـريحه
 ماباقـــي الا حـــــاجتـن حــيرتــــنـي *** وعـــرضتـها لاهل الـــوجيــه الفليـحــه
 مابـــين يمنــأيـــه ومـابيــــــن مـتنـي *** عليـه اثقــل مــــن جبـــال السطــيــحــه
 مــن طــــاح مابيـن القــــوافل شمتني *** انا اتــركه ولاانقـــذه مــــن مطـيحــــــه
 وانــا ادري ان الطيبــه مااغمضـتنـي *** الذيب يســري لــو ورا الذيب صيحــــه
 حسنــه بعشــر امــــالـها مـاابـلشـتـني *** ونفســي مــع الاصحــاب ماهي وقيحــه
 وانـــا اسـلـــوم الطـيبيــن احكمــــتني *** ولاامـــد كفــي للكفـــوف الشــــحيـحــــه
 راحــــت هجــــوسي بالمــوده وجتني *** وقلــبي بقــا بـين القـــلــوب الجريحـــــه
 وســـلام ياللــي نظرتـــــه صـوبـتنــي *** وانــا رهــين الرمــش وانــا طـريحــــه
 ســاعــة لقـا وســاعــه بــها ودعتنــي *** والمــوقف المحظــور مــانســـتبيحــــــه
 اليـــا ذكــــرت أيـامـــها شــــوقــتنــي *** وسجــيت مابيــن الفجـــوج الفســيحــــه
 جـيـت الامـــواج الـعــافيـه واحذفـتنـي *** وقامــت تــراودنــي هجــوس القريحـــه
 لـكـن تــرا لـــو الـظـــروف ألزمــتـني *** مــــااروح للمـــتــرديــــــه والنطيحــــه
 اشمـخ اليــا شـفت العــيون احــقرتنــي *** والثــور ينطــح ثــور مـــانــي نطيحـــه
 وان جيت في ســـوق الغلا وارخصتني *** جاملــتها مـــن شـــان غـــزة واريحــــه
 والـنــــاس لــو بأســـلوبــها جامــلــتني *** واخــير مــن كــيد اليهـــود الشبيحـــــه
حمد الضوّي
06/12/12, (03:57 PM)
الشاعر القدير

خلف سماح

صح لسانك مدد بلا عدد الحقيقه إنك شاعر مبدع لله درك
فلا تبخل علينا بروائعك بارك الله
ابدعت فأمتعت






انقى تحيه
صبيح العوض
06/12/12, (08:43 PM)
الشاعر القدير / خلف بن سماح

صح السانك شاعر جزل ومبدع تستحق المتابعه

تقبل مروري
ابراهيم السلمي
07/12/12, (01:29 PM)
شاعر قدير ومتمكن

صح الله لسانك

تحياتي لك

اخوك

ابراهيم السلمي
خلف سماح
07/12/12, (02:04 PM)
شكرا لكل من سجل مروره وسجل اعجابه واشاد بهذه القصيده
كلي فخر وعتزاز امام الردورد المشرفه وكلي فخر بمرور جميع الاعضاء الكرام
ولاهنتم
سعد النفج
07/12/12, (07:39 PM)
الشاعر الرائع ..
خلف بن سماح ..
شاعر الحكمة و الجزالة و الرقي ..
صح لسانك ..
مبدع في كل غرض و هذه الأبيات راائعة بحق ..
دمت بخير ..
صالح الأسود الجعفري
08/12/12, (12:58 AM)
خلف سماح

صح السانك نص رااائع

دمت بخير
خلف الغريب
09/12/12, (08:17 AM)
لـكـن تــرا لـــو الـظـــروف ألزمــتـني *** مــــااروح للمـــتــرديــــــه والنطيحــــه
اشمـخ اليــا شـفت العــيون احــقرتنــي *** والثــور ينطــح ثــور مـــانــي نطيحـــه
وان جيت في ســـوق الغلا وارخصتني *** جاملــتها مـــن شـــان غـــزة واريحــــه


صح لسانك ملايين وعز الله ابدعت ..

تحياتي لك