رثاء الشاعر موسى المشعان رحمه الله [ ليت العمر يسمح نزوّد سنينك ]

[مشاري بن فالح]

السلام عليكم
رثاء الشاعر الكبير والاخ والصديق العزيز المغفور له بإذن لله

الشاعر(موسى المشعان العنزي ) الاخ الاكبر للشاعر خلف المشعان
أسأل الله ان يرحمه ويغفر له ويسكنه فسيح جناته امين يارب


:



مرحوم ياللي بالقبر دافنينك
.................. ياعزوة اللي يشتكي جور ظلاّم



عز الله انّا كلنا فاقدينك
,,,,,,,,,,,,,,,,,, انا وربعك والمساكين الايتام



ليت العمر يسمح نزوّد سنينك
.................... لا مابخلنا العمر دونك والايام



جعل الثرى برد وسلام لجبينك
.............. تدري بغيابك؟ غيبة اليوم عن عام



وتدري بغيابك؟ صار يبكي عرينك
........... وخلافك الحصني غدى اليوم ضرغام



والطيب نادى يابو وضاح وينك ؟
.............. عقبك غدى هالطيب يبكي ومنضام



شفت الفقير اللي عطيته حنينك
..................... اليوم فاقد مدّتك يابن الاكرام



الموت حقّ وكلنا عاذرينك
..................... لابدّ مانلحق رحيلك مع الخام



ماهو بدينا غير ندعي يعينك
..................... وينوّر المنزال يارب الارحام



ويجعل كتابك ماسكه في يمينك
.................. يوم الحشر يدخلك جنّات الانعام


لـ مشاري بن فالح ( العراق )

24/11/2012

[هندي المقبل]

الشاعر القدير مشاري قالح

جزاك الله خير على هذه القصيده المعبره ,عن الوفاء وطيب الاصل

رحم الله ابو وضاح واسكنه فسيح الجنان

[سعد النفج]

رحم الله الفقيد و اسكنه فسيح الجنان ..
اللهم ألهم أهله الصبر و السلوان و تغمده بواسع رحمتك ..
جزاك الله خير أخوي مشاري على الابيات المؤثرة ..

[حمد الضوّي]

مشاري بن فالح

صح لسانك وإعتلى شانك
ورحم الله الفقيد وأسكنه فسيح جناته
ولايستغرب الوفاء من أهله بارك الله فيك



انقى تحيه

[عبدالرحمن الجابري الحربي]

القدير / مشاري بن فالح

صح لسانك وبيض الله وجهك

هكذا هي عادة الأوفياء يا مشاري

رحم الله الفقيد وأسكنه فسيح جناته

تحياتي