حط القمر في غرفتك .. تذكرينه ؟؟

[نفاع العنزي]

لقلوبكم بعد طول غياب


.

تكفين شوفي غيري انسان حبيه
ما عاد انا ذاك الذي تذكرينه
.

مات الغرام اللي تهزك مباديه
وآخر طموحه بالزمن تدفنينه
.

ترفقي به وادمعي لا حضنتيه
ما غيرك انتي من يقدر حنينه
.

قولي له انك بالخفا ما خذلتيه
ماابي اسمعك قوليه بينك وبينه
.

بس اصحي انه يدري انك تواسيه
ما أبيك في لحظة ألم تجرحينه
.


حنـّي عليه وبيـّـني لوعتك فيه
وردي بعض دينه اذا تعشقينه
.

ردي بعض هالدين هالحين رديه
يعني .. يموت ولا خذا نص دينه
.

ما تذكرينه؟جاب هالشمس بيديه
وحط القمر في غرفتك .. تذكرينه؟
.

ما تسمعينه صاح بالصوت لبيه
وإلا متى ما جاز لك تسمعينه ؟
.

عشتي معه عشق القصيد ومآسيه
وشوق الغريب ورجعته للمدينه
.

عطاك طهر الكون وأنتي عطيتيه
عشق القلوب الطاهرات الأمينة
.

ابكيه هاللحظة وبعدين خليه
من حمّل الربان ذنب السفينة ؟
.

وخبـّـي شعورك في حناياك خبيه
ودفتر قصيدي طالبك تحرقينه
.

وكل القصيد اللي لشوقي كتبتيه
في ذمتي عشته قبل تكتبينه
.

ودام الغرام اللي جمعنا دفنتيه
عيشي حياتك وافرحي يا حزينه
.

وخليني أكتب قصة الحزن والتيه
وشوفي بدالي .. واحد تعذبينه
.
.
.

[خلف الغريب]

الله الله يا نفاع

صح لسانك ملايين يا نفاع وسلم بوحك يا مبدع

تحياتي لك

[ناجي الصقار]

.

الله الله الله
نفاع العنزي
صح السانك ملوووووووووووووووووووون يالنشمي
مبدع ورب الكعبه
أسجل حضوري وإعجابي الشديد لهذه الهاله الشعريه الفذه
دمت متألقاً

[هندي المقبل]

الشاعر نفاع العنزي

كالعاده حتى لو طال الغياب يكون الحضور بمستوى نفاع
صح لسانك على هذه القصيده واسجل اعجابي بها

[محمد خلف الزايدي]

نفااع العنزي
صح لساانك وبووح راااقي وانت الارقى والاجزل
انتقيت فابدعت قصيده من ارووع القصااايد لااهاان منطووقك العذب
ودي وتقديري لك ولقريحتك الشاامخه

[سعود راجي الفريح]

تكفين شوفي غيري انسان حبيه
ما عاد انا ذاك الذي تذكرينه
.صح الله السااااااااااااانك
ابداع لايستغرب منك
شكرا لك

[بنت راشد]

ما شاء الله تبارك الله
صح لسسااانك مليآآآر
وسلمت يمينك وبارك الله فيك