قالت بدوي

[شايم السدري]

قالت ابدوي وهي قصدها يضيق صدري=تبي تروح وخاطري يكون مضهود
قلت ابدوي ويزيد يابنت قدري=عند النشاما منبع العز والجود
انا بدوي يابنت ماني بخكري=امشي دروب المرجله لو هي سنود
على سموم القيض ياقو صبري=اخاف يلحقني من الناس منقود
الي ابالك صعب بالبال يطري=درب المحبه بيننا يكون مسدود
اقولها من غير تقديم عذري=شوفك غثى والعز في شوفة الذود

[هندي المقبل]

شوفك غثى والعز في شوفة الذود !!!

يابعد تفكيرك عن تفكيرها ،،،،،

الشاعر شايم السدري صح لسانك على هذه الابيات الجميله

اسجل اعجابي

[ميامين]

والنعم يابــدوي
لاقي لها العذر مو يقولون اللي مايعرفك يجهلك ..!
صح لسانك ودام حرفك

تقبل حضوري

[ابراهيم السلمي]

والله والنعم وسبعة انعام

شوفك غثا والعز في شوفة الذود

صح لسانك والله

[شايم السدري]

صح بدنك اخوي هندي

[شايم السدري]

صح بدنك ميامين ودام عزك
ولاكن بالتأني سلامه وبالتسرع ندامه
هههههههه

[شايم السدري]

ماعليك زود اخوي ابراهيم وصح بدنك

[نافع عيد الجديد]

صح لسانك شاعر مبدع وين ماكنت
ابيات معبره عن موقفها
رعاك الله

[حمد الضوّي]

شايم السدري


صح لسانك وأبيات رائعه لافض فوك






انقى تحيه

[سالم العنزي]

الشاعر القدير : شايم السدري

ابدعت في ماكتبت وحينما استمعت به كان حقا على ان سجل اعجابي هنا

صح لسانك وارجوا تقبل مروري المتواضع

[سليمان مفضي العنزي]

الشاعر / شايم السدري
اتشرف وافخر بمروري على هذه القصيده التي استمتعت بها ..

شكرا لك شاعرنا القدير على هذا الابداع اللغير مستغرب والحضور المميز ..

حضوري هنا بعد ان استمتعت بهذا النص هو لتسجيل اعجابي فأرجوا تقبله