المساعد الشخصي الرقمي

مشاهدة النسخة كاملة : أحفاد وايل

محمد الصندلي
16/08/12, (04:24 AM)
قصيدة أهــــداء الي أخي وصديقي وجاري العزيز / عـــــاطف موسى العنــــــزي

ووالله لو أكتب عشرات القصائد لاتوفي أبو موسى حقه .. ويكفي جيرة 20 سنه من على عهد

آباآنا رحمهم الله والذي في صدري تجاهه أكبر من أي قصيده أو اي شي آخر

أتمنى أن تنال استحسانه وأستحسان الجميـــع





السيره الذربه رقت راس ماطال=وكلمة نعم تكفيك عند القبايل
ياحي من هو للشهامات فعّال=( عاطف ولد موسى من أحفاد وايل )
20 عام وبيننا الطيب مازال=يعطي دروسه من فعول الحمـــايل
جيران و آخوان ونواميس وأفعال=تضرب مثل في كل حارات حايل
لموسى وناجي والبدايات يارجال=قصو شريط الوافيه والفضايل
وراحو وخلو للمروات تمثال=وعاطف حفظ موروث نهج الأوايل
ورغم أختلاف الأزمنه رغم الأجيال=ابيوتنا وحده مع الشك زايل
من الشيمه البيضاء لبس ثوب وعقال=رام المروّه وأنفرد بالخصايل
واليا نصاه المختطي يرخص المال=ولاحسب حسبة ردود الجمايل
واليا برك للمعظله شال الأثقال=يبرك مباريك الجمال الأصايل
أنا مدحته ماارجي جنيه وريال=مبداي مدح الطيب مااقصد بدايل
لله در الوايلي خوش رجــــال=رجـــال يسوى في عيوني قبايل



ودي للجميع
ديــــــم
16/08/12, (04:48 AM)
ونعم فيك وفيييهم
قصيده شامخه وخالقي
حمد الضوّي
16/08/12, (07:32 AM)
محمد الصندلي



صح لسانك وإعتلى شانك وبيض الله وجهك
ورد الثناء ماهو غريب على الطيبين اللي مثلك وشرواك
والف نعم بالمادح والممدوح. هكذا ينبغي ان تكون الجيره
كثر الله من امثالكم ايها الأوفيا






















انقى تحيه
محمد خلف الزايدي
16/08/12, (07:39 AM)
صح لسااانك
والنعم فيك وفي جاااارك
انت تفعل الطيب وهو يستاااهل
عوااافي للجميع
هندي المقبل
16/08/12, (02:15 PM)
ولله درك انت ايضا يامحمد وبيض الله وجهك على هذه القصيده التي نفخر بها جميعا

وهكذا هو حال الغانمين اذا تقاربوا

جارك لم يحصل هذا المدح وهذا الوفاء منك الا وهو يستاهل النعم لذا نقول نعما به والله يكثر من امثاله

وانت اظهرت الثنا وقدرت الجيره وكنت وفي وعلمك غانم فنعما بك وبيض الله وجهك

قصيده رائعه ومشاعر جميله صح لسانك واهلا بك في شبكة ويلان العربيه
نافع عيد الجديد
16/08/12, (02:23 PM)
صح لسااانك
والنعم فيك وفي جاااارك
انت تفعل الطيب وهو يستاااهل
وحياك الله في ويلان العربيه
بدرفهد الجعفري
16/08/12, (03:06 PM)
والنعم بالجميع وهذه عادة اهل الطيب ياتقاربوا

الشاعر محمد الصندلي صح لسانك وبيض الله وجهك والله يديم المحبه
سالم صالح
16/08/12, (05:50 PM)
المبدع / محمد السبيعي

صح السانك ونعم فيك وفيه وطيبكم هو اللي جمعكم على العز والمعزة والله يديمها من خوة

تقبل ودي
خلف الغريب
17/08/12, (05:21 AM)
الف صح لسانك ابو زيد على هذه الباذخة

كفو وصح لسانك وما عليك زود وانت ممن يفتخر بخوتهم وجيرتهم

وابو موسى يستاهل هذه الابيات الجميلة فهو من وارثي الطيب والمقيمين له

لله درك يا ابا زيد وصح لسانك مدد بلا عدد
عبدالرحمن الجابري الحربي
24/08/12, (09:28 PM)
شاعرنا / محمد الصندلي

صح لسااانك وألف نعم بالمادح والممدوح

وانت راع الوفا ولا يستغرب منك والطيب يستاااهل

تحياتي
محمد الصندلي
31/08/12, (07:30 PM)
الله يحيي الجميع
في قصيدتي
ولي الشرف في مروركم جميعا
والممدوح يستاهل
واتمنى ان تكون القصيده قد نالت استحسان الجميع
وعساكم من عواده وكل عام وانتم بخير والله يقدرني على الجماله والطيب
مع الجميع
محمد البويليد العنزي
04/09/12, (01:35 PM)
صح لساااااااااانك وأعتلا شاااااااانك
أبيات درر متناثره ، أستمتعت بها كثيراً
كل الشكر لك
دمت بخير
محمد الصندلي
05/09/12, (03:10 AM)
محمد سلمت ولاهنت يالغالي
طال عمرك والله يسعد حياتك