مشاهدة النسخة كاملة : هلا يامرحبا بك يالفريدي مرحبا تعويض
كاتب الجعفري
21/05/12, (11:40 PM)
السلام عليكم ورحمة الله وبركاته ,,
هلا يامرحبا بك يالفريدي مرحبا تعويض= تراحيبٍ تعوض غيبة الاول مع الثاني
عطاك اللي عطاك من البيوت الوافيات معيض=وانا بعطيك مثله وانت مايمديك تنساني
فهد الفريدي
22/05/12, (12:28 AM)
يدوم بك البقا يا للي ترحب غيض مدري فيض
لـكــــن مـا فيه نـار والـعـه مــن دون دخــانـي
يقولون العرب دين الشتا يقضى ليا جـا القيض
تـبا تـــرجـع بـحـمـل مـثـل الاول يا كـحــيـلانـي
كاتب الجعفري
22/05/12, (01:56 AM)
انا طالبك تزعلني على شان الهجوس تهيض= ويطرب من حضر ماهو على شانك ولاشاني
طيور الصيد تفرق يالفريدي عن طيور البيض= تغديتك زمان العام ماتقدر تعشاني
معيض بن عريفج
22/05/12, (06:03 AM)
الللللللللللللللللللللللللللللللللللله تحياتي لكم وصحت الالسن والقلوب
كاتب الجعفري
24/05/12, (01:49 PM)
تعديل للبيت الاخير
طيور الصيد ماتقدر تعشاها طيور البيض= تغديتك زمان العام ماتقدر تعشاني
كاتب الجعفري
24/05/12, (01:50 PM)
حياك الله يامعيض وصح بدنك
غريبة الدار
24/05/12, (03:21 PM)
صح لسانك اخوي كاتب وصح لسان اخوي فهد متابعه
كاتب الجعفري
24/05/12, (04:31 PM)
حياك الله ياغريبة وصح بدنك
فهد الفريدي
27/05/12, (12:47 AM)
ليا هيضت غيضك تاكل الخريّط والحميّض
تـفـلـي فـا لنعايم ون ضوت البـطن مـلـياني
تقوله مير انا ذيك السنة ربضتكـم تربيـض
حليك يـا رجـب ياللي تجـي قـدام شــعباني
فهد الفريدي
27/05/12, (03:13 AM)
تـفـلـي فـا لنعايم ون ضويت البـطن مـلـياني
كاتب الجعفري
30/05/12, (07:46 AM)
توي واصل من سفر .. عذرا على التأخير
استلم
من الخريط والضريط بطنك يمتلي ويغيض=نبات ٍ في ديركم تاكله راضي وزعلاني
وجيه ٍ بيض و وجيهٍ تحط كريم للتبييض= ومهما كان لايمكن يبيض وجه سوداني
فهد الفريدي
31/05/12, (01:46 AM)
بعد قضفت دربك يابن وايل تطـلب الـتعـريـض
وانا امشي في طريقي من سعة ماني بعجلانـي
الا يا زين وجهك صورته ومحـمضه تـحميـض
على غلاف المجلة والوصوف اشكال والوانـي
كاتب الجعفري
31/05/12, (04:38 PM)
الا يالسايق المغرور لا رخصة ولاتفويض= احسب انك تصل جده واشوفك دون عسفاني
عطانا الله وجيهٍ بيض واخلاق وفعول ٍ بيض= ووجهك سوده بيع الفحم في كل دكاني
الصقار
31/05/12, (10:05 PM)
انا طالبك تزعلني على شان الهجوس تهيض0000ويطرب من حضر ماهو على شانك ولاشانـي
والله كفو عز الله انكم شعار وتطربون بدون ماتزعلون وانا احرص على متابعه محاوراتكم
دائما
كاتب الجعفري
31/05/12, (10:32 PM)
الصقار
حياك الله ويسعدنا حضورك ومتابعتك