المساعد الشخصي الرقمي

مشاهدة النسخة كاملة : عقب القصيده .. عاشِقِكْ دافنينه ..!!

مشاري بن فالح
18/05/12, (12:00 PM)
السلام عليكم


كان الموادع بيننا فيه مصلوح
..................... ودعتك الله والمشاعر دفينه


ردْلي هذاك اللي معك كلّه جروح
.................... خابرهْ قلبي عند ايادي امينه


بحرالهوى كلّ الخطا فيه مدموح
.................... الاّ خطاك ايعوم مثل السفينه


لكنّ قلبي كلّ ماجْبرْه مفضوح
................. لاذعذع النسناس ذعذع حنينه


وانوح بغيابك كما نايح الدوح
................ وابوح شوقي في قصايد حزينه


مير البلا مافادني كثرت البوح
.................... اليا ذكرتك زاد قلبي أنينه


ياما على بالي تجي ناس وتروح
.................. الاّ طيوفكْ في عيوني سجينه


لو حنّ قلبكْ ردّلي بضحك ومزوح
................. تلقى مساحةْ خافقي لك مدينه


وان كان مالي في سما خافقك ضوح
................. بطوي بقايا مابقى من سنينه


اسقيتني فرقا وانا انسان مذبوح
............ من يوم فارقتي مدى شوف عينه


ماعاد فيني للموادع بقت روح
................عقب القصيدهْ عاشِقِكْ دافنينه



شعر : مشاري بن فالح البدري

13/3/2012
صالح الأسود الجعفري
18/05/12, (07:52 PM)
مشاري بن فالح

صح السانك نص مميز
والقاء راااائع
دمت بخير
عبدالرحمن الجابري الحربي
20/05/12, (12:01 AM)
وانوح بغيابك كما نايح الدوح
................ وابوح شوقي في قصايد حزينه


مير البلا مافادني كثرت البوح
.................... اليا ذكرتك زاد قلبي أنينه


الشاعر القدير / مشاري بن فالح

صح لساااانك .. أبيات جميلة ومعاني راقية ...

تحياتي ..
حمد الضوّي
20/05/12, (12:28 AM)
مشاري بن فالح


صح لسانك ابيات ولا أروع سلم فكرك الراقي





ودي وتقديري
سعد النفج
21/05/12, (10:48 PM)
مشاري ..
صح لسانك و دائما نجد الاحساس الصادق في نصوصك الشعرية المميزة ..
لله درك ..
رونق الحياة
23/05/12, (05:12 PM)
انا عضوة جديدة بصراحة حبيتها القصيدة وليك الك واتمناء دوام التقدم في مسيرة الشعر:more3:http://:more19::more19:
هندي المقبل
27/05/12, (09:56 PM)
الشاعر مشاري فالح
صح لسانك على هذه الابيات الجميله كالعاده

شكرا لك