المساعد الشخصي الرقمي

مشاهدة النسخة كاملة : منقيات لشاعرعبدالله رجاء الجعفري السهلي العنزي

ناصر محمد السهلي
02/05/12, (06:59 PM)
مساء العزه والكرامه

حبيت انقل لكم جزء بسيط من قلم ابن العم الشاعر عبدالله رجاء الجعفري وانشالله تحوز على رضاكم

قصيده تتكلم عن(( الحكمه)) وفيها مجاراه لبيت شويمان الجروان




الشعر له عندي مراحل ويزداد=وطيب المعاني بين(ن) مبتداها
ابحشمه عن كل شامت ونقاد=نبراس حكمه ينتفع من قراها
لوكان وقتي ماشفع لي بالاعداد=المرجله عشقي ولالي سواها
تجارب الماضي على دور الاجداد=مسيرت(ن) تعرف ونمشي وراها
تفرح قلوب الناس لاهلت اعياد=ضحكات من صبح الحياه ومساها
ونجاوب الضحكات في صوت وانشاد=وبعالي الاصوات نرسل صداها
مرحوم يالي شاد في شعره اسياد=عالج بيوت الشعر وانتج دواها
له حكمت(ن) صارت مع اولاد واحفاد=باطيب عطور الورد واعذب شذاها
الناس ماتدري عن الداي من غاد=ومحست الجمره على من وطاها
يقولها جدي مع الناس تنعاد=مثايل(ن) مثل النجوم بسماها
من صابته بلوى وفي نارها زاد=يصبر على دنياه حتى فناها
دنياك لوتقهر من الناس حساد=مصيرها تفنى ويفنى عطاها
لوتملك الاموال وقصور وشعاد=تبقى هموم الحزن تطحن رحاها
يابوي لوشفنا ترا الوضع منقاد=اجيالنا واجيال سارت معاها
دنيا الفنا بكنوزها شي مافاد=يالله سترك وانت حامي حماها
ناس(ن) على الدنيا مواعيظ وارشاد=مكسب رضى الرحمان غاية مناها
وناس(ن) عليها ذنوب وذنوبها اعداد=من كثر ماتخطي تعيش بخطاها
حتى المجالس صايره كذب واحقاد=غيبه نميمه يقطع الله نماها
لاجاك يلي تسمع العلم نشاد=ينشد عن اوضاع البيوت وبلااها
قله ترا واقع نعيشه ومعتاد=كتبتها والعلم في منتهاها

قصيده تتكلم عن الفخر بقيلة(( الجعافره))





ياهاجسي وين البيوت اللي لها يروى ضماي=عن ماجرى ياهاجسي وسط الهموم الوافره
الليل موحش والبلى في ديرت(ن) تعلن غثاي=لشلهبت سود الجبال المرعبه والنافره
متقلد(ن) فكر الحياه اللي بها لقمة عشاي=مثل الحصان اللي حفى ذيك المراتع حافره
اتيه في ذاك الجفى واعيش من كفه عناي=وانا الذي مازعزعه بعض العقول الشافره
سلام ياديرة هلي والشوق من وصلك رجاي=عيال وايل عزوتي وقت الظروف الكافره
ايه اعترف بالوايلي مادام هاللابه ذراي=ومدامني من ساسهم لسولفو جعافره
وفاي ياصيتاً سمى لصيت لويذكر وفاي=شف الجماعه تجتمع على العلوم الظافره
تبقى الفعايل ذكرنا لونايد العالم وراي=والقصد واضح ينفهم لشعشعت دوافره
واللي بلاني يعترف عن وقعت(ن) فيها خطاي=لكنها مشت علي في زحمت(ن) متعافره
توشحتني بالغلط والسر من سلة خفاي=والزافره من وقعها تبقى علينا زافره
ايه اعترف ان الخطى منساه لودارت رحاي=وش فايدة عذر الخطى لصفرت هالصافره
تسمو سوالف صيتنا على الثريا من سماي=وذكر القصايد فعلنا عند الوجيه السافره
والخاتمه هاض القصيد اللي مزجته في نداي=حنا لها عز وفخر وسط الجموع الوافره
قصيده تتكلم عن ((بيضاء نثيل))





ياعزوتي من دون هفوه وتقصير=عيال وايل في شموخ الفعايل
من دور ابن كلثوم مع سالم الزير=وحبك السمينه في رصيد الاوايل
حبك السمينه تعتلي هامة السير=اصيلت(ن)مثل النسب والسلايل
شفني ثقيل ونيتي كلها خير=لوكنت مبدع في جميع الرسايل
مكثره من دون لاجيب تبرير=مادامني بالشعر صغت المثايل
شاعر حقيقي ماحنته المعاصير=ولينحني لوشاف ضيق وهوايل
ماينحني في كثرة الهرج ويغير=ولاله مع القالات كذب وحبايل
الحر عشه في رفيع المواكير=والذيب صيته مع جميع الحمايل
والبوم مسكانه بذيك المحادير=بين الخفوش الطارفات الهزايل
شعر(ن) بلا منتوج مافيه تصوير=وياما سمعت اقوال مبدع وهايل
ماهو غرور وفلسفه دون تفسير=ولهمني حسد البشر والغلايل
مشيت دربن تنتشيه الحوافير=وحمل القصايد في رصيدي جلايل
يشوقني جمع الرجال المناعير=في وسط روض(ن) جملته المسايل
في خايع(ن) ضم الحيا والتباشير=اقرب ودون شوي لاجيت حايل
نمشي على ذيك الخطوط المياسير=الياما نشوف ديار بيضا نثايل
ولديارنا سويت جزل التعابير=تاريخنا من فوق قب الاصايل
قد وثقوه رجالها دون تزوير=على الفخر والجود فيها دلايل
تخلدو ضمن الفهود المشاهير=على مقر الجود كسب الجمايل
ومع خوة الوافين عندي مشاوير=خوة هل الطالات والشك زايل
يشوقني سج الفياض المخاضير=في جرهد(ن) مادق فيه المبايل
فيها الغضى مع واهجات النواوير=ويزهابها الورد الطبيعي شتايل
النار شبت واعتل(ن) المباهير=مع دلة الرسلان والكيف طايل
وشفت الذبايح علقت بالشناكير=وكل(ن) عصب راسه بعز وفعايل
في وقتها من دون لجه وتفكير=نسترسل ابيات القصايد جزايل
مجلاسنا حول الدلال المغاتير=دام الزمن في تالي العمر مايل
وسوالف(ن) ماقلبت بالدعاثير=فيها العلوم الغانمات الاصايل
هذي نصيحه لرجال البواتير=وكل(ن) حصيله من يمينه نفايل
ومن ضيع الماضي نسى كل تدبير=راحت حياته بيت قيل(ن) وقايل
ناصر محمد السهلي
02/05/12, (07:02 PM)
ابيات عن النفس



مافيه شخصً للرديه غصبني=هذا كلام الحق واصدق رساله
ياناس كان الطيب ساسه غلبني=انا فعلت الطيب مابي جماله
كل المظاهر زيفها ماسلبني=طهر المبادي والوفا والشكاله
واللي قريته بالنواظر رهبني=بين الحقيقه واحتظار العداله
لا يحّسبنه بالملامح نهبني=ولا يحسبني أنثني من دلاله
مافيهم اللي بالمواقف عجبني=دون الوفا تمشي طريق النذاله
عرق الرديه ساسها ماجذبني=من صلب وايل مامشى بالفساله
شفي بخوة شامخً ماعقبني=حرن عمامه تنتخي في خواله
وانا عزايه كل معنى كتبني=ولاني معاتب في زماني حثاله
ناصر محمد السهلي
02/05/12, (07:05 PM)
((فراق الحبيب صعب))


بين الوداع وبين ترديد ذكراك=بين السهر والفكر طيفك دعاني
بين العنى والضيق اخفيت ممشاك=والناس لو غنو لعنت الاغاني
هجرت برجك يوم شيدت مبناك=بين الضلوع العوج وسط المحاني
طيفك معي لاقلت منساك منساك=شف السهر والفكر خاوا زماني
تجيبني الذكرئ مع انغام طرياك=واكتب على كف المحبه نساني
مقدر اعيش العمر من دون لاماك=وان طول غيابك تزايد جناني
بالله لوتسمع منادي وناداك=لاتنصت المجنون شفني اعاني
الشمس في خدك تبين حلااياك=والليل في عينك ضلامه خذاني
خذني معك والليل كله لمسراك=خذني مادام الشوق يمك حداني
خذني مزايا كلها من مزاياك=وخذني اسامي تعتليها معاني
خذني معك والعشق مرسوم بشفاك=خذني معك والعشق يرسم حناني
خذني حبيباً تايهاً وين يلقاك=ضايع ينادي وين ابلقى مكاني
نعم وفي ان قلت مافيه شرواك=وغيابك المجهول جمره كواني
بالله جاوبني على وين فرقاك=كيف اختفيت بحلم ذيك الاماني
مدري على وين النهايه تحداك=هذا الزمن لاقلت قوه بلاني
اذ الخطا مني ترا الود يزهاك=سامح ترا ماشفت منك كفاني
عود على مغليك لاقلت يهواك=عود مدام الشوق يمك دعاني
ناصر محمد السهلي
02/05/12, (07:09 PM)
((يامخذه قلب عنزي))




يامخذه قلب عنزي حدك ترا وضعه خطير=قلبك تزايد بالجفى وانا الوحيد وخابره
البارحه نجم السما ضوه على العالم ينير=قامت هواجيس الحياه المزعله والعابره
سجيت بافكاري على حد الندامه والمصير=نفسي على ماقد جرا نفساً حزينه صابره
كيف النجاه بسجنها وانا الضحيه من والاْسير=هي غايتي هي منيتي عقب السنين الغابره
اسمع ولاتردني اسمع كلامي للاخير=ياللي نهيت احلامنا وسط الغرور مكابره
لد النضر وارجع ورا يالذة التوت المثير=يامترجمه عشق الغلى بوقت الحياه الدابره
سليت لك سيف الغلى واعلنت لك مالا يصير=اجبر همومي ياغلى وانت العيون الجابره
انا عطيتك ماتبي واحساسي المرهف امير=تامر على قلبي ولو تعددت منابره
انا رميتك بالهوا وحنا على متنه نطير=يامعذبه عرق الغلى نبض(ن) يزيد مثابره
كان الوفا من بيننا رحل ولا له من سفير=الله يجازي صدتك سبت غرور مكابره
ناصر محمد السهلي
02/05/12, (07:12 PM)
((الثغر الجميل))


ياصاحب الثغر الجميل المحلى=ياجاذب النظرات من كل الانظار
ياناعس العينين ورمش(ن) مضلى=يابوشعر يلعب على زين الاوتار
كم لك على قلوب العواشق تسلى=سرقت نوم الليل من ذيك الابصار
تعال في قلبي طلبتك تفلى=اسكن مادام الروح تصبح لك الدار
الشوق من دمي لعينك تعلى=يرسم على غيابك مشاريه وانذار
ماعاش من خلاك واعلن وخلى=ماقولها لوصار بالوقت ماصار
اقولها باحساس صادق وكلى=اني على غيرك تماديت الاخطار
انسى الجفى انطق زمانه ولى=تعال تلقاني على شوفتك ناااار
ناصر محمد السهلي
02/05/12, (07:14 PM)
((حال الشعر والمستشعر))


ياصاحب الثغر الجميل المحلى=ياجاذب النظرات من كل الانظار
ياناعس العينين ورمش(ن) مضلى=يابوشعر يلعب على زين الاوتار
كم لك على قلوب العواشق تسلى=سرقت نوم الليل من ذيك الابصار
تعال في قلبي طلبتك تفلى=اسكن مادام الروح تصبح لك الدار
الشوق من دمي لعينك تعلى=يرسم على غيابك مشاريه وانذار
ماعاش من خلاك واعلن وخلى=ماقولها لوصار بالوقت ماصار
اقولها باحساس صادق وكلى=اني على غيرك تماديت الاخطار
انسى الجفى انطق زمانه ولى=تعال تلقاني على شوفتك ناااار
ناصر محمد السهلي
02/05/12, (07:18 PM)
قصة العين والياء


صوت الهوا ذيباً تعالى بالاجواء=لاصارت ارياح الهوا من شبابيك
صوته يخوف والمفارق له اصداء=ورد الجزا طبع الجفى مانجازيك
طعنْت حبيبك صوتها بكل الارجاء=طعنه تنادي طعنتي كلها فيك
وشحيلت المفتون والحب باغوا=تعلقت مشاعره في معاليك
الله حسيبك كان ودي لك ارضاء=بعت الذي باحساس دمه يغذيك
حتى القمر يامنوتي ماله اضواء=اثر القمر في طلته كان يطريك
يلي كتبت بداخلي كل الاسماء=ماضنتي تلقى صدوقاً يداريك
ويلي كتبت بدنيتي كل الاشياء=اصبر على قلباً يودك ويشريك
لوقالو العذال من كل الانباء=تسمع كلام الغير والغير يهفيك
انا الوفا في رحلت(ن) كلها اخطاء=وانت الجفى يامنوتي كيف نشكيك
انا احبك لعنبو حب الاغماء=حباً تجلى في سماْ روح مغليك
هذي حقيقة قصة العين والياء=وثقتها وارسلتها دون تشكيك
ناصر محمد السهلي
02/05/12, (07:23 PM)
كلمة ((وعد))




كلمة وعد.. لكن وعد.. في نطقها غير الوعد=يمكن اسم..يمكن لقب..شياً تعرفنا عليه
مابغى وعد..لن الوعد..اصبح على غير العهد=لني انا عايشتها..من معرفة بعض الوجيه
كم واحداَ.. قد قالها.. يمي ولا وفا بعد=ياكثرهم..مايعدهم حتى بعد..عقل النبيه
ابشر انا سمعتها..حفضتها ..عد وعدد=وعندي قناعه.. من سمع اقوالهم.. يصبح سفيه
حتى الغدر..باسماعنا ..اصبح مثل صوت الرعد=وسنونهم تضحك لنا من منطلق شخصاً نزهيه
قالو قريبك ياولد..قلت القرابه.. ياحمد=وقت(ن) ..يفرق شملنا..حنا نقوله مانبيه
اللي تركنا مانبي طرده ولو يملك بلد=خله يعيش بحيرته في ظلمة الدنيا يتيه
لا صار مني يحترق ياعل عينه لرمد=كره القرايب حيله ودك توسم حجتيه
اقولها مبطي وانا من طاب حظه ماسمد=لذا يابن عمي ترى هرج القفى مانشتهيه
ماهو غرورن عندنا يصنع لنا بعض النكد=ولاهو كبر او غطرسه ولاهو مقامن ندعيه
مال الوفا في سلمنا مال البشر ماتنتقد=بضهورنا تحشنا وكبارهم صفق بيديه
لاتلومني في غربتي..همي ولا غيري احد=همي انا..في صفحتي محداً درابه او قريه
كل(ن) على حلامه بنى في عيشته..عيشة رغد=واحلامنا..ماحققت في وقتنا..مانرتجيه
كلمة وعد..لكن وعد..في نطقها غير الوعد=يمكن اسم..يمكن لقب..شياً تعرفنا عليه
ناصر محمد السهلي
02/05/12, (07:25 PM)
((الوقت))


ياوقت هون من صواديفك اليوم=عاونت حضاً خايب(ن) مارحمني
لاطاب لي حال(ن)ولاطاب لي نوم=والحزن ياعيال النشاما سكني
ارسم من الواقع خيالاات وحلوم=طبعي ولكن ضلم وقتي رهني
الفكر ضايع في متاهات وهموم=ضايع وحزنه بالمصايب سجني
رحال في دنيا بها عفون وقروم=واقول هذا الوقت رمحه طعني
عطيتني يادوخت الوقت لاطوم=ومن السعد ياوقت سهمك حرمني
واعدمتني بامثال من كان معدوم=حكم العدو لصدام حكمك عدمني
يامجتمع ماني مع الغير ملزوم=والغير ماعمره بطيبه غمرني
حاولت اغير بالطبايع من سلوم=حتى ولو حاولت مثلك ..ضلمني ....؟
ناصر محمد السهلي
02/05/12, (07:27 PM)
حكاية طيف


ناس(ن) تسافر من هنيا الي جنيف=وناس(ن) تعيش الضيق وسط الحفاير
يالعنبو هالدور بالقهر والزيف=حتى قليل الاصل يملك عماير
لاتسالون النفس هو ليه اوكيف ؟=من حرت(ن) ياناس باقصى الضماير
ملعون يادورًا به الكذب ياحيف=مثل المرض جريه مع الدم ساير
عايش على الدنيا اشوف التحاسيف=عايش وقهري من زماني تباير
ماكني الا اصرف الهم تصريف=والهم يجمع من شتات الحساير
بالله وين الغيبه اليوم ياطيف=من هو يجيب العلم باحلى البشاير
وقفاتها تذكر مثل بارق السيف=بنت الشيوخ اللي به العز ناير
دايم عليه ترسل الشعر وتضيف=تضيف دمعاً شوق حبه عباير
اجي لها غرقان مالي مجاديف=ماغير انا في بحرها شوق زاير
قلبي لها يكتب من الحب تعريف=والقلب نبضاته تهز الزراير
ياطيف هذا الحال مامن تكاليف=عقب الدلع واللبس باحلى الحراير
تبدلت ياطيف راحت تخاريف=ضاعت على ماقيل بين الدواير
جاك الجواب وباقي العلم لوشيف=ابكتمه والضيق ساكن وجاير
ناس(ن) تغادر كل عطله مع الصيف=كل(ن) على فلوسه مع الجو طاير
يعني خلاصة شي ينقال ياطيف=اقولها من قلب ضايق وفاير
خلوني بديره بعيده عن جنيف=نعيش في قريه تسمى..... الحفاير؟
ناصر محمد السهلي
02/05/12, (07:30 PM)
((حافز))



ارجوك ياحافز انا جيت ابشكيك؟؟=ومن لايجيب العلم ماقيل فايز!!
وشفيك ياحافز على الناس وشفيك؟؟؟=من فاز بشروطك عطيته جوايز!!!
شيبان مع شبان ؟ والكل يدعيك=ورطتنا ياشين عند العجايز...!
ياجدتي مافيه شي(ن) يقديك؟=شروطهم تنفيك من دون عايز!!
حافز يبي خبره على ويش يعطيك؟؟=كانك درستي جاك منهم حفايز؟
وانتي ياجده ينعرف وين ماضيك=وسط النفود وقبل لبس البلايز!!!!
ناصر محمد السهلي
02/05/12, (07:32 PM)
((اسناد))




فضـفـضـت يـاتـركـي مــــن الـخـاطــر شــــوي=وانــــــت الــصــديــق الـــلـــي يـــقـــدر صــديــقـــه
الـــلـــي بـــلانـــي فــــــي كـــلامـــه وانـــــــا حـــــــي=قــــــــــام يــتــخـــبـــط دون صــــــــــدق وحــقـــيـــقـــه
لا يــلــحـــق الـــــــزلات ســـــــيً عــــلــــى ســــــــي=هـــــــرج(ن) بــــــــلا بــــرهــــان مــــالــــه وثــيـــقـــه
لا جـــيـــت رحـــبـــي عـــلـــى ضـحـكــتــه لــــــي=ولــقــفــيــت ولــــــــع فـــــــــي مـــكـــانـــي حـــريـــقـــه
الــــشـــــي والله لـوحــســبــنــا عـــــلـــــى الـــــشـــــي=يــمـــكـــن نــفـــكـــر كــــيـــــف نـــلـــقـــى طـــريـــقـــه
الــمــر يـبـطــي كــيــف يـصـفــى مـــــع الــمـــي=لاصـــــار بــعـــض الــنـــاس تـســمــع طـقـيـقــه
يــــامــــا دمــحـــنـــا زلــــــــة الـــخـــايـــب الــــحـــــي=ويــــامـــــا نــســيـــنـــا كــــــــــل هــــــــــرج وفـــريـــقــــه
اصبحت في وضعي مثل جاهل(ن) غي=وســـــــــــط الـــعــــلــــوم الـــهـــافـــيـــات الـــدقـــيـــقـــه
والـــيـــا سـئـلــتــه صــــــار عـــيــــاً ولـــــــد عـــــــي=وشــــلــــون ابــــقــــدر يــــابــــو حــــاتــــم اطــيـــقـــه
قــلـــبـــه خــبـــيـــث ويــنـــعـــرف قـــلـــبـــه الــــنـــــي=ويــجــذبــك فــــــي بـــعـــض الــخــوافــي بــريــقــه
يـبــســط لـــــك الـدنــيــا عــلـــى جـلــســة الــفـــي=ويــــــقــــــدم الـــمـــعـــســــول كــــــذبـــــــة رحــــيــــقـــــه
مـايـفــيــد بــــــه طــــــب الـمــصــحــات والـــكــــي=الله بــــــــــــــلااه ولـــــــيـــــــت ربـــــــــــــــي يـــفــــيــــقــــه
ناصر محمد السهلي
02/05/12, (07:35 PM)
((الوطن))



دمـنـا عـلـى خـيـر ومـسـرات يـاصــاح=دام الـوطــن فـــي قـمــة الـخـيــر دمــنــا
في ظل ابومتعب سنا البرق لا لاح=نـعـمــة امـــــان الـخــيــر فـيــهــا ضـمــنــا
الله واكـــبــــر يـــاوطــــن زف الافـــــــراح=مـــن هـاجــس الــثــورات حــنــا سـلـمـنـا
دام الشريعـه للـوطـن عصـبـة ســلاح=شـفـنـا عـلــى نــــور الـحـقـايـق وصـلـنــا
حب الوطن يجـري مـع الـدم لاسـاح=فــــي وســــط شــريــان الحـبـيـبـه سـكـنــا
المملكـه درع الـعـرب نــور واصــلاح=بـقــيــادة الــلـــي فـــــي غــلاتـــة حـضــنــا
لـوكــان مـامـلـك يـاوطــن بـيــت نــيــاح=الــشـــاهـــدالله نــفــتــخــر فـــــــــي وطنا
ناصر محمد السهلي
02/05/12, (07:38 PM)
رجوع الملك عبدالله سالم معافى



ياهاجسي من منبر الشعر ملزوم=قدح القصايد نار شوق وعلامه
من هاجسن قافه على الشعر منضوم=مليكنا والقاف زاد اللتحامه
حنا مقام اخلاص واحساس ملموم=ضد العدا لصار عج وعسامه
طبعن على امجاد العرب صدق وسلوم=ماهي سوالف مدعين الفهامه
مدحن على امجاد الوفا صار مرسوم=للقايد اللي ماجهلنا مقامه
في غيبته حزن وتفاكير وهموم=والكل يدعي له بطيب وسلامه
ياسيدي ياوالدي مابها لوم=شعبن على حبك يترجم كلامه
شعبن يحبك فارقت عينه النوم=يرجي رجوعك ياحفيد الزعامه
لك الولاء ماهي سواليف وحلوم=دام الولاء بالروح دايم دوامه
انت المليك اللي حظن كل مضيوم=ياناصرن دين الشريعه نظامه
قلبك كبير ويحتوي كل محروم=يادرعنا والنور يدحر ضلامه
امر صغير ويتبع هامة القوم=حنا لكم صدقن تعلى سنامه
على العهد ماننقض العهد لويوم=فدى الوطن لوصار طيش وغمامه
وعلى الولاء ماننقض العهد ونسوم=والعهد واجب في عضيم اللتزامه
وعيال وايل عهدها صك مبروم=من حد عرعر لين حد المنامه
من شرقها من غربها ماهي علوم=ياللوافي اللي رافقتك الشهامه
ياسيدي بالقلب والروح محشوم=وحبك على شبه الجزيره علامه
ناصر محمد السهلي
02/05/12, (07:42 PM)
الفاتنه



يافاتنة قلبي وانا حيل مذهول=بخرس العيون اللي هدبها رمني
ياما صدفت بعالمي كل مجمول=ولافيه غيرك فالبسيطه فتني
منك الخطى يا((فايزه)) حيل مقبول=مسجون في حبك وطيفك سجني
لوكنت في وصل الهوا حيل مجهول=ايه اعترف باحساس شاعر واغني
انا معك في سكة الليل مسدول=انا معك لو اضلم الشوق عني
ارتاح في لقياك وان غبت مشغول=ولا ماعترف بالبيض لو يعشقني
انا الضمى وانت الوفا حيل هملول=لاحتجت لك اطياف وصلك سقني
ياعنك والله يصبح الخاطر محول=اهيم في ضنك وتعرف مضني
ولو الخطى من جانبي صرت مسئول=اقوالهم يابنت مازعزعني
ولو الغلا في صنع الانذال معمول=مبطي غلات الغير فيك احرمني
بس الغلا مع راية الصدق مفتول=نبض الحقيقه والمشاعر لفني
اتيه في عالمك من حول لاحول=على مثول الحرف فنك وفني
انا حكاية حب مع خد مبلول=معك معك من وين ماتلتحمني
منك الغنج والكبر يازين معسول=ومنك الشهد والورد ياما سقني
شاعر ولاهزه من الغير مرسول=ودر البحر والقاف لجلك دعني
تدرين وين الجرح والجرح مغلول=الجرح والله في زمانه مكني
في عالم(ن) مافيه لناس مدلول=عالم غريب والمواقف خذلني
اجيلهم حشمه وشيمه على طول=ولقفيت كل(ن) في مكانه جرمني
ناس(ن) تحب الحش والزيف والقول=ولشفتهم هلو وكل(ن) حضني
وانا اشوم بجيتي وين ماجول=اعرف وقاري والتجارب كفني
الله واكبر كيف اصبحت مخذول=غلطات قرب ويالحبيبه كوني
بيت الردى في وقتنا صار منزول=وعنك البيوت الصادقات اكتبني
وسيف الردى في وقتنا صار مسلول=زمان فيه الطيب ذكره غبني
لابد مانجامل ونضحك على اصول=ورضى البشر يابنت كله تمني
ناصر محمد السهلي
02/05/12, (07:50 PM)
المبنى



الله يامبن(ن) به الزين يسكنك=ضبي(ن) تفرد في وسامة جماله
اهب يابليس الخطيات ملعنك=فتنت قلبي في محاسن دلاله
لبى عيونه حسنها شي يفتنك=ذاك الغنج والزين كله لحاله
لويلتفت للخلف ردفه يجننك=خلفيت اللكزس بوسط الوكاله
لبيه يالبيه لاقلت يرهنك=مثل السجين اللي يدور كفاله
ودي على بوس الشفايف لو احضنك=اشفها لحدووووود عشق الثماله
وارص جوفي والمساعي تمكنك=رسالت(ن) من قلب يحمل رساله
لين العرق ينسال يالفاتنه منك=مثل العسل ماحلى مساله مساله
حاولت لكن خنجر الوقت يطعنك=اخاف تسلك بي طريق الجهاله
حنا زماله والزماله بها ضنك=وسط العمل مافيه غير الزماله
ناصر محمد السهلي
02/05/12, (07:53 PM)
خمشه


هاض القصيد وهيضتة التهاني=والمدح يندر في مجره زماني
المدح له ناسه وعرفه من سنين=ويستأهلة من كان فعلة من ضماني
يستأهله نسل الرجاجيل الابطال=اللي مقر الطيب فيهم عياني
اللي لهم في قمة الجود هامه=ذباحة الجزلات وسط الصياني
وقفاتهم رمز الرجولة والأفعال=لا جاهم الملهود قاصي وداني
ايه خمشة من صيتها والدلاله=جزل العلوم الغانمات السماني
ايه خمشة والفعل شامخ وشامخ=ايه خمشة والطيب كلة بياني
عيال وايل تاج فخري ورأسي=تاج الرجولة والفخر والمجاني
عيال وايل عز من هو لفاهم=لا جيتهم ما قلت من هو نساني
اجيلكم حشمة وشيمة ومقدار=أجيلكم لو كنت بالبعد عاني
اجيلكم يا درع الامجاد بالذات=يا ربعي الوافين هذا مكاني
رؤس عنزة عند القبايل والاشهاد=ومقركم ما هو هزيل وطماني
مقركم يذكر برؤس المثايل=برق الحيا من ساميات المعاني
مقركم عز(ن) لفينا لجوه=مقركم يذكر ولا به هواني
يفداكم الشعر الجزيل الحقيقي=من قلب صادق لا نطق به لساني
ويفداكم أحساسي وشعري وكلي=أعيال عمي لو زماني رماني
أفخر بكم وسط القبايل والاوطان=ومن ينكر الوافين مبغض أناني
ناصر محمد السهلي
02/05/12, (07:54 PM)
البالوت


المجلس اللي جلستـه دوم بالـوت
مابيـه لوكـل النشامـا دعونـي

مابين صن وحكم وازعاج بالصوت
تمضي عليه ساعتي ماهرجونـي

اجلس ومر الكبد بالصدر مكبـوت
وعند النصيحه بصوتهم هربونـي
ناصر محمد السهلي
02/05/12, (07:57 PM)
الاستسقاء




غاب الربيـع وموسـم ارزاقنـا راح=وجفـت مـوارد رزقنـا دون ميعـاد
حتى المـزارع نبتهـا مابـه اربـاح=مافادهـا حـرث المكايـن والاسمـاد
يشكي جفاف اشجارهـا كـل فـلاح=مزارع(ن) جفت على غيـر حصـاد
غاب المطر واستنفـذت كـل الارواح=من كل جنس ونـوع ياكثـر الاعـداد
ياكثرهم لاقلـت مـن خـف وجنـاح=راحو على غدر الضمى خنجر(ن) حاد
ونادى كبير القوم بالصـوت لاصـاح=يدعي جميع الناس في صوت وارشـاد
يستسقـي الله يامـر الـبـرق لا لااح=وبامره نشـوف السيـل للقـاع لا راد
واستبشرو في وابـل الخيـر لاطـاح=امطار خير وعمـت اربـوع وبـلاد
في وقتهـا نسمـع تهاليـل الافـراح=الله كريـم ورحمتـه عمـت اجـواد
صالح الأسود الجعفري
03/05/12, (06:03 PM)
ابو محمد

حياك الله بمحلك

وصح السانك ولسان الشاعر عبدالله رجاء

تسلم يمينك ع النقل المميز
دمت بخير
ناصر محمد السهلي
03/05/12, (07:18 PM)
الرائع صالح الجعفري

هلافيك لاخلا ولاعدم من هطول نزفك وكرمك

تشرفت بتعليقك الشامخ
ناصر محمد السهلي
18/06/12, (02:48 AM)
مرثية الامير سلطان ونايف لشاعر ابن رجاء


احدن يموت ولاذكر عنده احسان=يعني على ماقيل مابه حسايف
واكبر خساره موتت الحر سلطان=وزاد المصيبه موتت الحر نايف
سنه كئيبه كلها ضيق واحزان=هي شمتت فينا جميع الطوايف
اخوان ابومتعب صناديد واركان=افعالهم بالطيب ماهي خفايف
لونكتب التاريخ في كل الاوزان=كم واحدن فعله للامجاد نايف
يالله عساها جنة الخلد مسكان=يامن على رجواك مومن وخايف