يشّار ياجرحي

[مسعد النافل]

اهدي لكم اعضاء منتدى ويلان الكرام هذا النص المنتواضع




لاتسحب الذكرى من ادراج الارشيف = خل الضمير من الهواجيس فاضي

حاول تفضفض عن طريق السوااليف = واحذر من الوحده تعيش انتفاضي

بشّار ياجرحي من المجتمع سيف = ظلمه قديم وشعب عمري فياضي

كان يتحلّم بالمطر لاقبل الصيف = واليوم حلمه موووت والكل رااضي

في وقتٍ اشهب وين دنيا المواليف = سكّر على الموضوع قبل إنقضاضي

على محل الجرح والناتج الحيف = وشلون ابجمع من رضاااي اعتراضي

اسرع من اللي يوقد النار بالليف = حزني على قلبي بطبعه ريااااضي

لو انه اثقل من خطا الغرب ماشيف = "حماية مدن " والا الحقيقه ملاضي

لين اكتشفت المساله مابها زيف = صفحة بياااض بلون خطٍ بياااضي
تبي العرب تقرا وتبي الهوى طيف = كل شي عندك بالحياه افترااضي
لاتندهش كله مسلسل وتاليف = والا ترا الواااقع من الفعل ماضي

[محمد المالكي]

كتبت فأبدعت ... صح لسانك والى الامام ...

تقبل مروري ..

[مسعد النافل]

المالكي
صح بدنك ولاهنت
اخطاء املائية
راااضي = رضاي
نقضاضي = إنقضاضي

[حمد الضوّي]

مسعد النافل

قصيده رائعه بروعة شاعرها وبموضوعها وبمضمونها
صح لسانك حتى ترضى ولافض فوك



تم تعديل الأخطاء الأملائيه



ودي وتقديري

[شاعر البيتين]

صح لسااانك حتى الرضى ..رغم وجود الأخطاء الإملائيه واللغويه في النص ..
.
.
.
شاعر البيتين ..

[مسعد النافل]

حمد الضوي / صح بدنك ولاهنت

,,,,,,,,,,,,
شاعر البيتين / صح بدنك لكن مدام انك شاعر بيتين وش عرفك للاخطاء اللغويه
كان كاتبها الله يحييك

[عبدالرحمن الجابري الحربي]

مسعد النافل ..

صح لسانك .. أبيات تلامس الواقع ..

تحياتي ..

[شاعر البيتين]

الشاعر القدير والأخ العزيز / مسعد النافل ..

عندما ينتقد النص فليس المقصود هو صاحبه أو هو نقد لمجرد التجريح أو غير ذلك ..والمفروض من الجميع هنا

أن لايطبل لأي نص ولايرد بألفاظ سئمنا منها مثل (صح لسانك ) هنا الجميع أتى ليتعلم من النقد ولايوجد قصيده تخلو من

النقد ..

والنص الذي أمامي يوجد عليه بعض الملاحظات ...أن أردت أن أفصلها فلا مانع لدي ..

وهوليس تقليلاً يعلم الله لا في النص ولافي صاحبه وقد لا أكون أيضا ً محقا ً في نقدي ..أما شاعرالبيتين فهذا لقب وأتشرف فيه من شخص عزيز وغالي عندي مثلك أستاذي الفاضل ..

ورب َ بيتينِ ِ خيرُ من ألف بيت..

شكرا ً يافاضلي ...
.
.
.
.
شاعر البيتين ..

[مسعد النافل]

الاخ شاعر البيتين
النقد اللي يجرح نقد الرجال بفعالها عساني انا وياك وكل وايلي
مما يقولون ويفعلون
والا الشعر كلام وانا اخوك فما اشعر من الدقيس الصلبيه
الي لو ان المليون على وقتها كان جابت البيرق

وليس تقلييلاً من شان الشعراء بقدر ماهي مثال لقوة الشعر اقصد الدقيس
.
كما ان من الابطال شعراء وكذلك من الجبناءشعراء ومن الكرماء شعراء
ومن البخلاء شعراء لذا خذ راحتك وهات ماعندك كلمه كلمه بيت بيت

والمجال مسموح لك ولغيرك ونحن هنا كسوق عكاظ والمنتدى خيمة النابغة

[مسعد النافل]

عبدالرحمن الجابري الحربي
صح بدنك ولاهنت

[هندي المقبل]

الشاعر القدير مسعد النافل

اهلر بك وصح لسانك علي هذا النص الشعري المميز
تقبل اعجابي وشكري

[صالح الأسود الجعفري]

مسعد النافل

صح السانك نص مميز
دمت بخير

[صاهود الوائلي]

لو انه اثقل من خطا الغرب ماشيـف
"حماية مدن " والا الحقيقـه ملاضـي

لين اكتشفت المسالـه مابهـا زيـف
صفحة بياااض بلون خـطٍ بياااضـي
تبي العرب تقرا وتبي الهـوى طيـف
كل شي عنـدك بالحيـاه افترااضـي
لاتندهش كلـه مسلسـل وتاليـف
والا ترا الواااقع من الفعـل ماضـي








شاعر يامسعد وصح الله لسانك حتى ترضى

ولاهنت على النص الذي وقفت على معانيه ورسالته اهنيك وانا من حلال نصك عرفت انك شاعر بماتعنيه كلمة شاعر ولكن استغرابي من اصحاب الشأن في قسم منتدى الشعراء بكلمة ضيف عزيز , وانا اعلم اخي مسعد وانت تعلم بإنها لاتعني شيء بمقدار ماهي تعني انك شاعر وليس كل ماكتبت تحت اسمه معنى انه شاعر ولكن مااقول الا بيض الله وجهك على النص وصح لسسسسسسسسسانك حتى ترضى

تقبل مروري

واتمنى اقراا لك المزيد

اخوك صاهود السبيعي