واشيب عيني مابقى بالجسم حيل.......

[احمد العريفي]

احياناً يمر الانسان بفتره من الملل حيث تضيق النفس في كل ماحولها من الاشياء.
وخاصه في مراحل معينه من العمر .
وفي هذه القصيده حاولت ان اجسد لكم هذه الحاله.
(شرح الله صدوركم ويسراموركم)
ووجدت ان انجع علاج لمثل هذه الحاله هو الاكثار من ذكرالله
(ألا بذكر الله تطمئن القلوب):


واشيب عيني (http://sahab-alkher.com/vb/showthread.php?t=76169)مابقى (http://sahab-alkher.com/vb/showthread.php?t=76169)بالجسم (http://sahab-alkher.com/vb/showthread.php?t=76169)حيل = ولابـقـى بالعـيـن دمـعٍ تـهــلـــــه

ولابقى عزمٍ يساعد على الشـيــل = عـزمي تردى والخـفـايف تـفـلـه

ولابقى وقـتٍ نعـدل به الـمـيـــــل = والـنـفـس صارت كـل شيٍ تـمـله

صارت تمل من السهر والتعاليل = وتمل من شوف الرموش المظله

ولاعاد تبغى لابسات الخلاخـيــل = ولاعاد له خلقٍ على شوف خـلـه

ولاعاد له خلقٍ على القال والقيل = مـلـت سواليف الـمـخـالـيـق كـلـه

ولاعاد له كيفٍ على البن والهيـل = ولاتشتهي قرصٍ على جال مـلــه

ولاعاد يعجبها السفر والتراحـيـل = امن الوهن صارت تحـب الأظـله

ومن اولٍ تسري على النجم بالليل = ومـافـيـه دربٍ بالخـلا مـاتـدلـــه

واليوم ماتشفق على شوفة السيل = حـتى ولا شوف الربيع بمـحـلـه

لولا الأمـل في مابـقى من مقـابيـل = مـلـت مـن الـدنيا بـدقـه وجـلــه

ولولا صلاة الفجـر بين الرجاجـيل = تصير دنيا النفـس سـودا مـمـله

مالـوم نفـسٍ عـذبـتـهـا الغـرابــيـل = دنيا تـقـلـبـها عـلى كـل مــلـــــه

تـلـوعـهـا الـدنـيا بكـثـر البهـاذيــل = والنفس ماتقوى على الظيم لـله

يارب صبرها على الـظـلم والـويـل = يالله طـلـبـتـك كـل عـقــدٍ تـحـلـه

يارب وفـقـنـا لـدرب الـتـسـاهــيــل = يارب خـل نـفـوسـنا مـسـفـهـلـه

ويالله بحسن الخـاتمه لوفى الـكيـل = يامحصي احساب الفلك والاهـله

ألا بـذكـر الله وكـثـر الـتهـالـيــــــل = تـسلى النفـوس وتنجـلي كل عله


احمد بن عبدالرحمن العريفي
(نديم المجره)

[حمد الضوّي]

الشاعر القدير

احمد العريفي

صح لسانك مليار على هذه الدرر وبيض الله وجهك
وشرح الله صدرك وأبعد الله عنك الضيق والهم والحزن
ومن جعل أمره إلى الله فلاخوف عليه بإذن الله تعالى
كل الشكر لك يا ( نديم المجره )






ودي وتقديري

[شاعر البيتين]

صح لسااانك يانديم المجره ...أبيات فيها من الحكمه الشيء الكثير ..
صح لسااانك لاشك بأنها حبكة شاعر .
.
.
.
.
شاعر البيتين ..

[صالح الأسود الجعفري]

احمد العريفي

صح السانك نص مميز
دائم مبدع يانديم المجره
دمت بخير

[سالم العنزي]

ألا بـذكـر الله وكـثـر الـتهـالـيــــــل = تـسلى النفـوس وتنجـلي كل عله

صدقت ورب البيت يا احمد العريفي

صح لسانك مليووون مره والله يشرح صدورنا وصدرك ان شاء الله ويجعلنا ممن يستمتع بالقران ويعمل به

شكرا من القلب على هذا النص

[سليمان مفضي العنزي]

الله يجزاك خير ويجعل القران شاهدا لك لا عليك

الشاعر احمد العريفي صح لسانك

[هندي المقبل]

احمد العريفي

دائما حينما تحضر نحصل على جرعه شعر تجعلنا نشتاق للشعر وتعيد لنا عشق وحب الشعر الذي يجعلنا بعض اشباه الشعراء نكرهه !

صح لسانك على هذه القصيده واسجل اعجابي واشكر لك حضورك عبر مصتفح ملتقى النخبه

[عبدالرحمن الجابري الحربي]

نديم المجره ..

صح لسااانك وأبعد الله عنك وعن الجميع الضيق والأحزان ...

ابيات فيها من الحكمة الشيء الكثير ... فلله درك على ماكتبت ...

تحياتي ..

[سعد النفج]

نديم المجرة ..
شاعر و لا يختلف على شاعريتك اثنان ..
تميزت بالشعر و بالأسلوب ..
لله درك كم أنت مميز ..

[خليف فراج الشمري]

احمد العريفي


صح لسانك واعتلى شانك


الله يبعد عنك الهم والضيق وعن المسلمين والمسلمات اجمعين


تقبل مروري

[سالم صالح]

المبدع / احمد العريفي ,,,,

صح السانك ابداااااااااااع وصياغة مميزة تعجبني كثيرا واتلذذ بقراءتها والتمعن بها فانت شاعر راقي باخلاقك وفكرك

حكم لامست الوجدان فادعوا الله ان يشرح صدورنا وصدرك ويبعد عن جميع مسلم الضيقة ,,

تقبل تقديري واعجابي