يابعد حيي

[خلف سماح]

دار نفسك" يابعد حيي " تراك=بين نيبان الذيابه والنمور
انت مدرك مار ماربي عطاك=غير كبرة نفس مع زايد غرور
لاتفاخر بين هذا وبين ذاك=وانت تدري كل ماهناك مخبور
عارفينك ماجهلنا مستواك=المعالم بيّنه والصدق نور
يمك الانظار مدري من وراك=وانت في كف القدر باقي تدور
تحسب ان الوقت يمشي في هواك=اعتبر دنياك لك نقطة عبور
لاتغامر والزمن يبحث خفاك=وانت بالاحداث مانت من الحضور
مثل ماقال المثل ماك بسماك=ومثل ماقال المثل علِت نحور
كان ضحكت صاحبك تكسب رضاك=لو حصل تقصير في بعض الامور
قايس الاهداف من قبل امغزاك=لايغرك قولت الذيب الجسور
مايفرق بين مرك من حلاك=من يضمد جرح ويجبر كسور
واصل المشوار من دون ارتباك=دام رزيت العلم مانت معذور
المهم ايديك لاتسبب عماك=وكان صابك باس ماصابك طهور
والختام الله يسعد لي مساك=وانتبه للمنعطف بين الجسور

[طالب الونيس]

صح لسانك ياخلف سماح
قصيده جزله التزمت بها بالغموض

[سعد النفج]

خلف سماح ..
لا استغرب هذه الجزاله ..
شاعر مميز و لك نصوص يتداولها الجميع ..
و أعلم بأنني مهما تحدثت سأكون مقصراً بحق شاعريتك ..
صح لسانك و نطمع بالمزيد ..

[بنت الكحيلا]

صح لسانك اخوي خلف سامح

والله يعطيك العافية على النص العذب

تسلم ويسلم بوحك الراقي والجميل

لك شكري وتقديري

[حمد الضوّي]

الشاعر القدير
خلف سماح

صح لسانك حد الرضى أبدعت بارك الله فيك
حبكة شاعر متفرّد لله درك
يامبدع





الــــ1000ـــف تحيه لروحك الطاهره

[عين المها]

صح لسانك ياالشاعر خلف سماح نص رائع

[البقمي]

صح لساااانك

حبكة شاعر عملاق لله درك

[خلف الغريب]

واصـل المشـوار مـن دون ارتـبـاك
دام رزيــت العـلـم مـانــت مـعــذور
الـمـهـم ايـديــك لاتـسـبـب عــمــاك
وكان صابك باس ماصابـك طهـور
والخـتـام الله يـسـعـد لـــي مـســاك
وانتـبـه للمنعـطـف بـيـن الجـسـور


ابداع والله يا سمي ورسالة قوية وفي الصميم تصلح للكثير ..

لله درك ..

ذكرتني بأبيات الأمير عبيد الرشيد ومنها قوله :

عيب على اللي يتقي عقب ما بان ...وعيب طمان الراس عقب ارتفاعه

مبدع يا سمي وبانتظار المزيد

[صالح الضويحي]

لامانع ان يكون ضيف عزيز .. ولكن هو أكثر اسم يستحق لقب شاعر حتى وأن حمل هذا اللقب من يستحق ومن لايستحق..


خلف سماح



رغم انني أتمنى دائماً أن يأخذ المجال الأرحب في قصائده وأن يبتعد قليلٍ عن مجال القصيده المنحازه لغرض واحد . الا أنه شاعر من أبدع الشعراء واكثرهم عمقاً...


تحيتي وتقديري

[فراج زايد]

صح لسانك مدد وطاب شعرك

[جايز المفوز]

الشاعر \ خلــــــــــف الســـــــــــــــــــــــــــــــــــــماح

صح السانك

تقديري لك على القصيده الرائعه


تقبل فائق الشكر والتقدير

[سالم العنزي]

دائما وانت رائع ومبدع ياخلف

صح لسانك على هذه الابيات الجميله والممتعه

تقبل اعجابي وتقديري لك ولحرفك الجميل ..

استمر فانت مبدع

[صالح الأسود الجعفري]

خلف سماح

صح السانك نص رائع
دمت بخير

[بدرفهد الجعفري]

واصـل المشـوار مـن دون ارتـبـاكدام رزيــت العـلـم مـانــت مـعــذورالـمـهـم ايـديــك لاتـسـبـب عــمــاكوكان صابك باس ماصابـك طهـور


رائع ومبدع ياخلف

صح لسانك على هذه القصيده التي كل بيت فيها عن قصيده

تقبل اعجابي وشكرا لك

[هندي المقبل]

الشاعر الكبير خلف سماح

صح لسانك وانت شاعر كبير وقدير وقصائدك دائما مميزه وجزله ..

واشكر اخوي صالح الضويحي للتنبيه واتفق معه بأن خلف سماح شاعر مهما كان اللقب وهذا اللقب لايقدم من لم يفرضه شعره ولايؤخر من كان شاعرا جزلا مثل خلف سماح ...

ولكننا هنا والله يفوتنا الكثير من الاسماء ليس عدم اعترافا منا بشاعريتهم ولكن احيانا تفوتنا بعض االاسماء

خلف سماح تقبل اعجابي وشكري لك ..

[بنت راشد]

خلف سماح

صح السانك نص رائع
وبارك الله فيك

[عبدالرحمن الجابري الحربي]

خلف سماااح ...

صح لسااااانك ملايييييييين ..

نص راقي وشاامخ .. يستحق التميز ..

تحيااااتي ..

[سليمان مفضي العنزي]

الشاعر : خلف السماح

اتشرف وافخر بمروري على هذه القصيده التي استمتعت بها ..

شكرا لك شاعرنا القدير على هذا الابداع اللغير مستغرب والحضور المميز ..
حضوري هنا بعد ان استمتعت بهذا النص هو لتسجيل اعجابي ...

فأرجوا تقبله

[خلف سماح]

اخواني / خواتي
اسعد الله اوقاتكم بالمسرات

شكرا لكل من سجل مروره على متصفحي وسجل اعجابه واشاد بن هذي القصيده تستحق الاشاده
كلي فخر وعتزاز امام الردورد المشرفه وكلي فخر بمرور جميع الاعضاء الكرام

اعتذر عن تاخير الرد ولون المفروض ان يكون كل رد واحد على حده اكتفي بهذا الرد للجميع
حفظكم الله ودمتم بخير

[جايز المفوز]

الشاعر القدير
خلف سماح

صح لسانك حد الرضى أبدعت بارك الله فيك
حبكة شاعر متفرّد لله درك
يامبدع





الــــ1000ـــف تحيه لروحك الطاهره

[قاسم عبدالله المفوز]

الشاعر خلف سماح دائما مبدع والقصيده جزله صــــــــــح لســـــــانــــــــك دمت بـــــــود