شيلة من قصائدي بصوت يوسف شافي

[فراج زايد]

http://www.youtube.com/watch?v=ilvOEIJSCXw&feature=player_embedded






ولله عليك ابطيت والصدر ضايـق
الله لايذكـر لـيـال التفـاريـق

من مابقلبي جا براسـي شقايـق
ومن مابراسي صرت لنوم ما طيق

ياكيف تن قلـب الثوانـي دقايـق
واليوم كنه عام يا نشفـت الريـق

هاذي علومي عقب مانيب رايـق
ويروح يومي مالحقلـه ملاحيـق

اليوم ما كنـي بوسـط الخلايـق
ماغير ابرق في خيالـك تبريـق

ولله لونـك يـم قلبـي تـوايـق
حرام ماتنظـر جميـع المخاليـق


ملاحظه كلمة ما غير ابرق في خيالك ليست كما قال يوسف
المفروض شددها شوي وتكون أتبرٌيق

[صالح الأسود الجعفري]

فراج زايد

صح السانك ع النص الشامخ وشيله رائعه
دمت بخير

[بنت الكحيلا]

صح لسانك اخوي فراج زايد

شيله رائعه كلمات واداء تبارك الله

لك كل الشكر

[فراج زايد]

صاح الاسود

لاعدمتك يا غالي مرورك هو الابداع وصح بدنك

[فراج زايد]

بنت الكحيلا

لاهنتي وهذا من طيبك وذوقك

[بدرفهد الجعفري]

ياسلام عليك

والله انك شاعر جزل ومبدع يافراج

وقصيديتك تسهل على شايلها الابداع

شكرا لمن شالها وصح لسانك يافراج

[فراج زايد]

بدرفهد الجعفري

والله انك بحد ذاتك ابداع في الاخلاق وبيض الله وجهك
وصح بدنك وهذا وسام من سموك ولاهنت