حفلة زواج تركي العنزي

[مشعل التريباني]

(( بســــــــم الله الرحمـــــــن الرحيــــــم ))

بمناسبة زواج تركي جميل العنزي
نبارك للاخ ابوتركي ونهديله هذه الابيات
ونرجو السموحه عن القصور
قصيده تشرفت بالقائها في حفل زواج تركي جميل الفدعاني العنزي
اخوك الشاعر\مشعــــل عسّـــام التريبانــــي الشمـــري

يوم ابو تركي دعانـــــــا نستجيـــب (1) هوحشيم ومن رجاجيـلٍ حشام

ياعريب الساس ياالشهم النجيــــــب (2) استجابة دعوتك منــــــي لزام

ياالعريب ابن العريب ابـــن العريب (3) ياالكريم ابن الكريم ابن الكــرام

ياالرفيق الوافي النبــــــــه اللبيــــب (4) ياالصديق الصادق الفذ الهمـام

من هل الطولات باالوقت الصعيــب (5) متعبين الضدفي وقت الزحــــــام

الوفامن مثلكم ماهـــــوغريـــــــــب (6) انتم الويلان حامين الجهــــــــام

ياتناخودون زينـــــات الحليــــــــب (7) من جموع الضد يروون الحسـام

يجدعون ارواحهم وسط اللهيــــــب (8) ويتعبون الخصم ياحل الخصــام

ويشبعون الضيف باالوقت العصيب (9) يــــوم شحّات الموارد للطعـــــام

للعشا يدعون فـــي راس الجذيــــب (10) ضيفت ابن امهيدبانت للانـــام

هومصوّت للعشا وقــــت المغيــــب (11) والحقيقه مايغطيها الضــــــلام

ولايخفوّن الطريفه عـــــــن رقريب (12) وجاركم محشوم معكم مايضام

تدمحون لزلّته لوصــــارعيــــــــب (13) جاركم يلقى معزّه واحتـــــــرام

جاركم معكم يلاقي كـــــل طيــــــب (14) رافعينه فوق في راس السنـــام

والسموحه ياهل الفعل الرهيــــــــب (15) كان جابالهرج نقصٍ وانفصام

والله اللـــــي عالمٍ فــــــي كل غيــب (16) انكم وافيــــــن مافيكم كـــــلام

وتم ختم القاف فــــي ذكر الحبيــــب (17) ذاوصلى الله عــلى سيد الانـام

[خلف الغريب]

صح لسانك اخوي مشعل التريباني وبيض الله وجهك .
وافية من وافي وشكرا على المدح للويلان ولا عليكم زود يا السناعيس وجمل الله حالك ونعم فيك وفي ربعك يا الوافي ..

نتشرف بوجودك بيننا حياك ريي..

[خليف فراج الشمري]

صح لسانك يامشعل


وجمل الله حالك



والله يوفق المعرس

ويجعل فاله الذرية الصالحة

[مشعل التريباني]

اخواني الكرام
[size="5"]خلف الغريب
خليف فراج الشمري

شكرالكم جميع على المرور والاطرى الله لايهينكم

[بنت الكحيلا]

والنعم بالمادح والممدوح

والله يعطيك العافية على القصيدة الجزله

والله يهني المعرس ويكتب له الحياة السعيده

لك كل الشكر

[مشعل التريباني]

اختي الفاضله بنت الكحيلا شكرالكي على المرور والاطرى الله لايهينكي اختي العزيزه

[صالح الأسود الجعفري]

مشعل التريباني

بيض الله وجهك وصح الشانك
دمت بخير

[هندي المقبل]

الشاعر مشعل التريباني

بيض الله وجهك على هذه القصيده فقد كفيت ووفيت

والف نعم بك وبمن تنتمى لهم ولاعليكم قصور

صح لسانك وتقبل اعجابي

[مشعل التريباني]

اخواني الكرام
صالح الاسود الجعفري
هندي المقبل
شكرالكماجميعا على المرور الله لايهينكم على حسن الاستقبال والاطرى الغير مستغرب منكم

[تركي علي الخالدي]

الشاعر مشعل صح لسانك على هذه القصيده الجزله

الويلان وشمر يستاهلون ويشهد لهم تاريخهم العريق

صح لسانك على هذه القصيده وشكرا لك من القلب

[مشعل التريباني]

اخوي تركي العلي الخالدي صح بدنك يالغالي وبيض الله وجهك على هذه الشهاده الذي نعتزبها جميعا وماعليكم زود

[غموض الشمال]

صح لسانك اخوي مشعل
ولاهنت على هذا النص الجميل
الف شكر لك على اتحافنا به
تقديري لك

[مشعل التريباني]

اختي غموض الشمال شكرالمروركي الله لايهينكي فاضلتي

[بدرفهد الجعفري]

الشاعر مشعل التريباني

صح لسانك والنعم بك وبيض الله وجهك على كل بيت

حضور مشرف لشاعر يشرف

صح لسانك

[فايز الفرحان]

ألف مبروك للعريس



وشكرا لخونا مشعل التريباني

[مشعل التريباني]

شكرا للجميع على المرور والاطرى الله لايهينكم على هذا التفاعل الغير مستغرب منكم

[سليمان الجعفري]

صح لسانك اخي/ مشعل التريباني وبيض الله وجهك
وقفة وافية من رجل وافي وشكرا على المدح للويلان
ولا عليكم زود يا السناعيس وجمل الله حالك ونعم فيك وفي ربعك
تشرفنا بوجودك بيننا حياك ريي

[مشعل التريباني]

اخوي سليمان الجعفري العنزي شكرالمرورك الله لايهينك يالغالي ولو نكتب معلقات في هذه القبيله والله اني احس اني مقصر يعلم الله ولكن هي مشاركه بسيطه والا الويلان غنيين عن المدح مادحهم الله وحنا وانتم مكملين لبعض

[سعد النفج]

و ما عليك زود ..
صح لسانك و مبدع و النص راق لي ..
من الطرق إلى المفردة الى السلاسة ..
شاعر مميز لله درك ..

[محمد البويليد العنزي]

والنعم بالمادح والممدوح

والله يعطيك العافية على القصيدة الجزله

والله يهني المعرس ويكتب له الحياة السعيده

لك كل الشكر

[مشعل التريباني]

اخواني الكرام
سعد النفج
محمد البويليد العنزي
شكرالكم جميعا على المرور والاطرى الله لايهينكم جميعا