@@ أمر طعنه @@

[تركي صالح]

لقلوبكم النقيه ولذائقتكم المميزه

-----------------


أمرّ طعنه طعنت الناس الاقراب=اللي توقعهم معك دوم يوفون
تحسبهم اقرابٍ وهم عنك اغراب=وباقل زله منك عنك يصدون
ياليتهم لاخطيت يبدون بحساب=وإلا عن الزله قليلاً يغضون
ولا بعد يرمون لك كلمة إعتاب=وإلا عن اللي بالضماير يقولون
ولا يخلون العتب شرهت أصحاب=ولا بكلمة طيب منهم يطيبون
مارالبلا لا قفّل بوجهك الباب=وصدر بحقك حكم ظالم ومدفون
تبي الحقيقه وانت للحق طلاب=ومن بعد ما انت بداين تصير مديون
انا ادري ان الوقت جاير وغلاب=وانا ادري ان النفس ما تقبل الهون
وانا ادري ان الحق لابد ما يجاب=ولكل طالب حق برهان وعيون
والمسأله ما هي تصانيف وحساب=ولا هي مزاجية عقل يقبل الهون
المسأله قلوا حسينين الالباب=وتسيّد الموقف بعض ناس ٍعفون
اليا حكوا بنفوسهم زادوا إعجاب=واليا جلسوا الغيرهم مايشوفون
وان جيتهم تنصح يقولون كذاب=ما كنهم الا على البعد ينوون
ولبعدت عنهم دوروا للزعل باب=احترت معهم مدري إلوين يسعون
اثر البلاء بنفوسهم بعض الالقاب=اضعاف عقل وللكباره يسومون
تفكيرهم جسّرهم لشيخة عقاب=ما دريوا ابأن الزعل شيخة عفون



تركي صالح الجعفري

[مشعل التريباني]

اخي تركي صح لسانك وجاد بيانك كلمات راقيه ومعبره الله لايهينك

[محمد البويليد العنزي]

صح لسانك
أقف احتراماً لشاعريتك و لا استغرب هذه الجزالة .. و سيبقى حرفك لامعاً و سنرتشف الإبداع بين ثناا أحرفك
مررت لإسجل إعجابي بهذه الشامخه

[حمد الضوّي]

اقتباس:
المشاركة الأصلية كتبت بواسطة تركي صالح http://www.weelan.com/vb/mecano/buttons/viewpost.gif (http://www.weelan.com/vb/showthread.php?p=401183#post401183)
لقلوبكم النقيه ولذائقتكم المميزه


-----------------


أمرّ طعنه طعنت الناس الاقراب=اللي توقعهم معك دوم يوفون
تحسبهم اقرابٍ وهم عنك اغراب=وباقل زله منك عنك يصدون
ياليتهم لاخطيت يبدون بحساب=وإلا عن الزله قليلاً يغضون
ولا بعد يرمون لك كلمة إعتاب=وإلا عن اللي بالضماير يقولون
ولا يخلون العتب شرهت أصحاب=ولا بكلمة طيب منهم يطيبون
مارالبلا لا قفّل بوجهك الباب=وصدر بحقك حكم ظالم ومدفون
تبي الحقيقه وانت للحق طلاب=ومن بعد ما انت بداين تصير مديون
انا ادري ان الوقت جاير وغلاب=وانا ادري ان النفس ما تقبل الهون
وانا ادري ان الحق لابد ما يجاب=ولكل طالب حق برهان وعيون
والمسأله ما هي تصانيف وحساب=ولا هي مزاجية عقل يقبل الهون
المسأله قلوا حسينين الالباب=وتسيّد الموقف بعض ناس ٍعفون
اليا حكوا بنفوسهم زادوا إعجاب=واليا جلسوا الغيرهم مايشوفون
وان جيتهم تنصح يقولون كذاب=ما كنهم الا على البعد ينوون
ولبعدت عنهم دوروا للزعل باب=احترت معهم مدري إلوين يسعون
اثر البلاء بنفوسهم بعض الالقاب=اضعاف عقل وللكباره يسومون
تفكيرهم جسّرهم لشيخة عقاب=ما دريوا ابأن الزعل شيخة عفون



تركي صالح الجعفري



الشاعر القدير

تركي صالح

صح لسانك وإعتلى شانك وشامخه من شاعر ٍ شامخ لافض فوك
لقد أجدت وأبدعت شاعر متمكن يتفنن بتوظيف الكلمات
وإختيار المفردات شاعر يستحق أن يُفتخر به وبشعره
وشهادتي فيك مجروحه لاشك
أكرر صح قلبك يابن عمي

مررت لإسجل إعجابي بماقرأت

{ تم التنسيق حسب طلبك }




أجمل التحايا

[الرااايق]

صح السانك

ياتركي

ابيات جزله

محبتي لك

[سراب نجد]

تركي صالح / صح السانك وسلم بنانك

بيض الله وجهك على هذه القصيده الرائعه

من قصايد الشاعر القدير/ تركي صالح

والذي يجد حسن التعبير الشعري والأبداع الرائع

لك مني جزيل الشكر والتقدير

[بدرفهد الجعفري]

مبدع ياتركي صالح

صح لسانك على هذه القصيده التي فيها من الحكم الكثير وموسومه بوسم تركي صالح

صح لسانك وتقبل اعجابي الكبير

[صالح الأسود الجعفري]

تركي صالح

صح السانك نص شامخ بشموخك
دمت بخير

[سعد النفج]

تركي صالح ..
صح لسانك مدد بلاعدد ..
حضور جميل و ابيات ذات معنى ثمين ..
شكرا لحضورك يا نقي

[عبدالرحمن الجابري الحربي]

تفـكـيـرهـم جـسّـرهــم لـشـيـخــة عــقـــاب
مـا دريـوا ابـأن الـزعـل شيـخـة عـفـون

.......

الشاعر تركي بن صالح

صح لساااانك ياغااالي على هذي الأبيات التي استمتعت بها كثيرا ...

كفيت ووفيت وحبتها على الجرح ...

تستحق التميز ...

[سفير حائل]

اخي تركي صح لسانك وجاد بيانك كلمات راقيه ومعبره الله لايهينك

[سالم العنزي]

كفوا ياشاعر الويلان

ابدعت في هذه القصيده ياتركي وامتعتنا بما كتبت

صح لسانك وتقبل اعجابي الكبير

[ابو غريب العبدلي]

الشاعر تركي شاعر لايكتب من فراااااااااااااااااااااااااااااااغ

وصدقت ياخوي أمر طعنه هي من الاقراب والتدخل في شؤن الاخرين وبين الاقراب




لله درك وصح لسانك ياخوي وتسلم على القصيدة التي هي من قلب وافي وصادق الله الله عليك وانا من المتابعين لك يابناخي

ابوغريب العبدلي

[خليف فراج الشمري]

صح لسانك واعتلى شانك


امتعتنا اخوي تركي الله يمتعك بالعافية والسعادة

[خلف الغريب]

صح لسانك يا ابو صالح ملايين ولله درك ..

يعلم الله انك اصبت كبد الحقيقة ووصفت الموضوع بما يستحقه ..

ياليتهم لاخطيت يبـدون بحسـاب
وإلا عـن الزلـه قليـلاً يغضـون
ولا بعد يرمون لك كلمـة إعتـاب
وإلا عن اللي بالضمايـر يقولـون
ولا يخلون العتب شرهت أصحـاب
ولا بكلمة طيـب منهـم يطيبـون


هذولا ماتوا يا ابو صالح اله يرحمهم هالحين الخوة سكين ومسن ..

تحياتي لك

[هندي المقبل]

ابو صالح

صح لسانك على هذه الابيات الجزله والقصيده المميزه

دائما مبدع ياتركي وتاتي بالشعر الجزل

كل شيء بهذه القصيده مميز .. فكره .. موضوع .. واسلوب شعري

صح لسانك وتقبل اعجابي

[تركي علي الخالدي]

للأسف مثل ماقال ابو خالد المجتمع الان طغت عليه المصالح واختفت الكثير من المباديء

الشاعر تركي صالح ... صح لسانك فقد تناولت الموضوع تناولا جميلا بقصيده جميله

تصح لسانك وتقبل اعجابي

[تركي صالح]

القدير / مشعل التريباني

لقد زادني تواجدك شرفاً

كل التقدير على مرورك وأطراءك

تحياتي لك وتقبل خالص التحايا

[تركي صالح]

الاخ / محمد البويليد

على العكس اخي الكريم انا الذي اقف احتراماً وتقديراً لك

ولقد زادني تواجدك شرفاً

كل التقدير على مرورك وأطراءك

تحياتي لك وتقبل خالص التحايا

[بنت الكحيلا]

صح لسانك اخوي تركي صالح

والله يعطيك العافية على هذا الإبداع

قصيدة جزله من شاعر جزل

لك شكري وتقديري

[أحمد بن محمد حنّان]

صح لسانك ياأخ تركي على هاالقصيده الرائعه وأرجو ان تتقبل مني هذه البيتين
خلك على دربك مثل شيخة عقاب وخلهم بقلوبهم لغيرك يولون
تلقى قلوب ن وصافيين الالباب اللي اذا زليت عليهم يعذرون