اتجرى على الوقفه بقو ومهابه ............

[كاتب الجعفري]

ياسلامي وقصر العرف مفتوح بابه= فيه باب الدخول وفيه باب الطواري

اتجرى على الوقفه بقو ومهابه = قلتها واكثر الشعار شاعر مجاري

[حمد الخمعلي]

مرحبا والمعرفه ياجودي ماتشابه=وانت اظنك تدور لك طريقٍ جباري
لاتقدمة تبغى تشوف شهب الذيابه=انت رجلٍ مخاطر والذيابه سواري

[كاتب الجعفري]

البقا والمهند سلته من نصابه=لاتهقوى علينا بالقرار الاداري

عادتي لا لقيت الذيب كسرت نابه= مار عدتك ياذيبان ماانته بداري

[حمد الخمعلي]

ماخلق مستحيل وحط فوقه رقابه=مانت عالم فقه ولا طبيب استشاري
استرح بالنفق ونا على الارض اجابه=ون بغيتك لقيتك ياقريب المحاري

[بنت الكحيلا]

صح لسانك اخوي كاتب الجعفري

وصح لسانك اخوي حمد الخمعلي

محاورة رائعه من شعراء كبار ومبدعون

الله يعطيكم العافية جيمعاً

[كاتب الجعفري]

يا ضعيف القراية ياضعيف الكتابة= لو عطوك الشهادة ماانت كاتب وقاري

قبل عهد الرسول وقبل عهد الصحابة= الصوارم صوارم والحباري حباري

[كاتب الجعفري]

بنت الكحيلا

صح بدنك وشرفنا حضورك

[حمد الخمعلي]

ياحسين الوصوف ياثقيف الخطابه=ذكرياتك ترا للحين سد الكباري
جرة السارق اللي ضيعتها السحابه=سيلها مادرج حتى تظيع الاثاري

[حمد الخمعلي]

الاخت بنت الكحيلا

صح نبضك وتشرفنا بمرورك

كُوني بخير

[كاتب الجعفري]

تدري ان البنادم ينسأل عن شبابه= ربما فالكباري جاريٍ لك جواري

كم وكم واحدٍ يلفتك منظر ثيابه= لكن المشكله عقله من العرف عاري

[حمد الخمعلي]

أن كشف سترك اللي كان محدٍ درابه=كنت ادراي وبعض الناس ماهو بداري
كان عينك وسيعه بعدنا من ينابه=كل ماطاح قام وقال انا منه عاري

[كاتب الجعفري]

انكشف للهوى جرحك وزاد التهابه= ماتصيب الشكوك مخضبين الشباري

ابتلش صاحبي في دربه اللي مشى به= يحسب ان الـ Corolla مثل عزم الـ Ferrari

[حمد الخمعلي]

أنت يعجبك سلة سيفنا من نصابه=فيه راعي ونيت يمركم بالحواري
أنت حاني وشوفك مثل قوس الربابه=كل ماقلت ماتقرأ صحيح البخاري

[كاتب الجعفري]

صرت مشرف وفي صيرتك مشرف غرابة !! = اثرك اللي على بعض السواليف ظاري

اترك السوق للي باع له واشترىبه= دامك تقول الاصلي مثل سعر التجاري









صح لسااااااااانك يامبدع

والى الملتقى

[كاتب الجعفري]

تــــــــــــعــــديــــــــــــــل

اترك السـوق للـي بـاع به واشترى بـه

[سليمان مفضي العنزي]

صح الله السنتة الشاعرين


محاوره قويه تليق بشاعرين كبيرين

[محمد البويليد العنزي]

صح لسانك اخوي كاتب الجعفري

وصح لسانك اخوي حمد الخمعلي

محاورة رائعه من شعراء كبار ومبدعون

الله يعطيكم العافية جيمعاً

[حمد الخمعلي]

ياهلا بالجميع

الاخ كاتب تشرفت باللعب معك وتأأخري عن الرد هناا بسبب خروجي مهمه للشرقيه
صح لسانك

الف شكر لكل من مر هنا وصحت ابدانكم