مرثيه في الاميرسلطان بن عبدالعزيز ال سعود

[فيصل عوض الجويعان]

بسم الله الرحمن الرحيم


السلام عليكم ورحمة الله وبركاتة


قال الشاعر : عوض الجويعان هذي القصيده مرثيه في صاحب السمو الملكي الامير سلطان بن عبدالعزيز ال سعود
رحمه الله وسكنه فسيح جناته




مرحوم يلي تفعل الـطـيب يمـنـاك *** سلطان ساس الـمرجـله وشـهامـه
يامير ياسلطـان حــنـى فـقـدنـــاك *** يبـن الأمـام إلـي رفــيعً مقــامــه
أبوك لفـعـل الـخير يـامـــير ربــاك *** انت الأمير إلـي مــقر الــزعامـه
كم من ظعيفً نال مـن جودحسـناك *** تلطف بحاله ويبـتهج ببتـسامـه
يامير ياجزل العطا الــطيب مـبـداك *** الـطيـب عنـدك بيـنله عــلامـــه
شعبك على فـقدك حــزينً وينعـاك *** راح الأميـر الـي لـطيـفً كــلامه
أنت الامير المبتسم لكل مـن جـاك *** فـيـك الـوفى وصدق وعز وكرامه
خيرً علـى شـعبك ومنـهو تنـصـاك *** مثل المطر من فيض وبل الغمامه
ياميـر ماتحـصى مكـارم عـطيـاك *** يعجز لسانـي والقلـم مـع ابــهامـه
اطلب ولي العــرش للـخـلد مـاواك *** في جنة الفردوس غــاية مـرامـه

************


************

[حمد الضوّي]

فيصل

سلم بنانك على النقل المميز
وصح لسان الشاعر عوض الجويعان والدك على مايبدو على هذه المرثيه
ورحم الله الأمير سلطان رحمة ٍ واسعه وأسكنه فسيح جناته




تقبل تحيتي وتقديري

[ابوعيسى]

صح لسانك اخي الجويعان مرثيه رائعه
رحم الله الامير سلطان
شكرآ فيصل على نقل القصيده

[محمد البويليد العنزي]

فيصل

سلم بنانك على النقل المميز
وصح لسان الشاعر عوض الجويعان والدك على مايبدو على هذه المرثيه
ورحم الله الأمير سلطان رحمة ٍ واسعه وأسكنه فسيح جناته

[صالح الأسود الجعفري]

رحم الله الامير الراحل سلطان الخير

فيصل الجويعان

صح السانك ولسان ابوك
سلمت يداك ع الانتقاء المميز
دمت بخير

[عين المها]

صح لسانك ولسان أبوك والله يرحم الأميرسلطان

[بنت الكحيلا]

صح لسانك ولسان شاعرها

والله يرحم الامير سلطان ويجعله من اهل الجنة

وتسلم اخوي فيصل على النقل الرائع

تقبل شكري وتقديري