الزلامي كيف رمح الهواء صابه

[صبيح العوض]

الزلامي كيف رمح الهوى صابـه

والهوى ماصابنـا من على اولنـا

ياهل البيت الحجر سكـرو بابـه

سكـرو بيبانكـم ياعـرب عنـا

وامسكو ورع الهوى اللي بلينابه

كل ماجينـا مـن الـزام قابلنـا

ورعكـم يلعـب ودنيـاه لعابـه

مادرى انـا كـد لعبنـا وهونـا

ورعكـم لايطلـع اليـوم نبلابـه

وان طلع لاتامنون الخطـا منـا

هز رمش العين ولاضحك نابـه

ضحكةٍ منهـا النجـوم يتهاونـا

اتمنـى حـرب مدفـع ودبـابـه

والعيـون السـود عنـا يصدنـا

بس ياهل الـورع متنا من اسبابـه

ولايـرد المـوت لنتـم ولا حنـا

ودنا حبل الهوى نقطـع اطنابـه

ونطلب المولى عسى العفو يشملنا



الشاعر: رشيد الزلامي

منقوله
(http://www.alfredah.net/forum/search.php?do=finduser&u=239&starteronly=1)

[خلف الغريب]

اختيار جميل ورائع يدل على ذائقة رفيعة جدا اخوي صبيح فلك جزيل الشكر..

اما الزلامي فالكلام يعجز عن وصف شاعريته وقدرته على سبك الابيات الشاردة ..

تحياتي لك

[صالح الأسود الجعفري]

صبيح العوض
صح السانك ولسان الزلامي
سلمت يداك ع النقل المميز
دمت بخير

[خالد اليحيى]

الله يعطيك العوآآآفي
ع آلنقل آلآروع
شكراً لك