مشاهدة النسخة كاملة : تعال يالبدر بسولف معك
حمد الخمعلي
19/09/11, (10:53 PM)
يامرحبا يالبدر مدري سمي البدر=والبدر ماشوف نوره بعد غيم سماه
اما تجي بالظهر ولا تجي بالنحر=والرجل لازم يبرهن موقفه ويحماه
نافع عيد الجديد
19/09/11, (11:46 PM)
الله الله
صح لسانك ياحمد وبانتظار بدر
وتراي بصف بدر على وضح النقا
هههههههههههههه يجي اللي انت خاله خلف الغريب يبي يصير بصفك
حمد الخمعلي
20/09/11, (12:25 AM)
هلابك ابو عيد
صح بدنك
اجل ترا الرجال بينا مذبووح ههههههههههههه
وين انت ياولدي ترا القريب لي صار ضدي
شغلك بالطريق يانافع
صبيح العوض
20/09/11, (12:55 AM)
صح السانك ياحمد
وبشر اني بصفك ولايهمونك لابدر ولانافع
اصف مشعلل بعون الله
صبيح العوض
20/09/11, (12:58 AM)
البدر اخر الليل مثل اخر الشهر
:more6:
ياولد ياولد ياولد ياولد
البدر
20/09/11, (01:35 AM)
يامرحبا يالمرحب والبدر لك ظهر = وان ماعرفت..الدليل نشيل لك عن غطاه
اكيد يخفت ضياء نجمك ويذهب دبر = ومن لاتصدر سهوم الحرب جت في قفاه
البدر
20/09/11, (01:37 AM)
استاذي الكبير نافع الجديد
شكرا لحضورك ومساندتك ياطويل العمر تكفيني بس عاد خلك حولي ترى فيني خوف من حمد هههههه
صبيح العوض ياخوي وش قلبك علي الله يهديك .. المهم ياطويل العمر نتشرف بمتابعتك لهذه المحاوره
خلف الغريب
20/09/11, (09:00 AM)
اعلان من غرفة عمليات الثوار ..
للبدر وانصاره ..
نمهلكم يوم للتسليم وبعدها لا احد يلوم الا نفسه ..
مع اني لا اجمل اي عداوة تجاه البدر لكن مشكلته انضمام نافع الجديد له وهذا بحد ذاته سبب كافي
سنقوم بتدمير الموقع بالكامل واما نافع الجديد سأعلقه بإحدى مناير المساجد حى يصير عبرة لمن يعتبر وقد اعذر من انذر ..
الاخ حمد :
القوات جاهزة وما عليك الا توجيهها ..
ماجد الغانم
20/09/11, (10:16 AM)
الله ياسلام مبدعين
اخوي حمد اخي البدر
الله يعافيكم ومتابعين لكم
والصفوف حااااميه
دمتم بكل خير
عاشووووووو
حمد الخمعلي
البدر
شعار مبدعين
بصفحك اخوي حمد
المسانده كامله على خط النار
يالله تجيبك لي يالبدر
وتلعب معي يارب تجيبك
يارب يارب
والله لاتوبك النقد كله
ههههههههههههه
وتراي جاهزلك من تخلص الملعبه انت وحمد
حمد الخمعلي
20/09/11, (12:15 PM)
اقتباس:
المشاركة الأصلية كتبت بواسطة البدر http://www.weelan.com/vb/mecano/buttons/viewpost.gif (http://www.weelan.com/vb/showthread.php?p=388584#post388584)
يامرحبا يالمرحب والبدر لك ظهر = وان ماعرفت..الدليل نشيل لك عن غطاه
اكيد يخفت ضياء نجمك ويذهب دبر = ومن لاتصدر سهوم الحرب جت في قفاه
النقطه اللي شمال الرقم صارت صفر=مازودة في رصيده نقصت مستواه
يبي يضيق الفضا ويصير كبر الشبر=المشكله قدم عينه ويحسبها وراه
حمد الخمعلي
20/09/11, (12:21 PM)
صبيح العوض
تسلم على الحضور وشرف لي وقوفك بصفي
حمد الخمعلي
20/09/11, (12:34 PM)
ولي عهد قائد الثوره ابني خلف الغريب
تسلم على هذا التجهيزواتوقع بدأ الحرب ونحنُ بعون الله منتصرين0
تنويه للقواة المعاديه ارجوا الابتعاد عن وجهي انا وخلف ومن يخالفنا سوف يقع
بالفخ0
حمد الخمعلي
20/09/11, (12:40 PM)
الاخ ماجد الجعفري
صح بدنك ومرورك مشرف لناااا
حمد الخمعلي
20/09/11, (12:45 PM)
هلابك ياطلاااال
كفوا خلك بجنبي 0
وعليك به لاتفكه لين ينشف ريقه تراه ماهو هين البدر
محمد دعسان
20/09/11, (01:31 PM)
اخوي / البدر
اخوي/حمد
متابع لكم
شعار مبدعين
واتنقل بين الصفوف
امتعتونا
البدر
20/09/11, (02:12 PM)
اخطيت رمي الهدف والشوف عندك شجر = كثرت عليك النقط وانت اعرف الاتجاه
مااقول ياغير جعل الله يجيب المطر = بعض العرب لو يجي قدام وجهي ما آراه
البدر
20/09/11, (02:19 PM)
الله يكفيني شرك انت وثوارك ياخلف
لكن مادام ابو عيد معي ماعلي من احد
الي الامام .. الي الامام ..
--
اخوي ماجد الشرف لنا في حضورك ومتابعة اخوك الصغير
--
ياشين ياطلال والله اني تبت عن النقد من حطيت هالتوقيع .. توبوني عنه هههههه
مار فكني شرك هههههههههه
--
اخوي محمد دعسان شرفتنا بحضورك والله يحييك
احساس قلم
20/09/11, (04:58 PM)
صح لسانك ياحمد وصح لسانك يالبدر
وتراني هالمره بصف بصف البدر والمرة الجايه بصف حمد
هههههههههههههه
ابو ساره تعال جاي ههههههه
<<<ماتترك لقافتها
حمد الخمعلي
20/09/11, (05:46 PM)
الكارثه بالمؤنث مايعود ذكر=وحب السنافي معه واللي طحنّته رحاه
مقياس رختر فشل ياريس المختبر=مسح بليد العرب سبورته من غباه
حمد الخمعلي
20/09/11, (05:49 PM)
الاخ محمد دعسان
ياهلابك ومرورك شرف يالغاالي
حمد الخمعلي
20/09/11, (05:53 PM)
الاخت احسااس
الف شكر لك على المرور ويستاهل البدر باللي ياقف بصفه
ماجد لاتطيع كلامها تراها تبي تخليك بوجه المدفع مع الربع هههههههه
كاتب الجعفري
20/09/11, (07:17 PM)
اكيد يخفت ضياء نجمك ويذهـب دبـر
ومن لاتصدر سهوم الحرب جت في قفاه
ومن لاتصدر سهوم الحرب جت في قفاه
ومن لاتصدر سهوم الحرب جت في قفاه
الــبـــدر
حـمد الخمعـلي
إبداع في أبداع
والصف واحد كما يقال:(عينان في رأس)
متاااااابع
البدر
20/09/11, (08:27 PM)
الكارثه بالذكر نوباً يعود خكر = يعجبه يامن ثوب اخته لبسه وزهاه
ومقياس ريختر ماهو منك بحاجة شكر = معروف قدره لو ان الله بمثلك بلاه
البدر
20/09/11, (08:35 PM)
اختي احساس قلم كفو يابنت الرجال
كاتب الجعفري يسلم راسك وشاكر لك حضورك
كاتب الجعفري
20/09/11, (09:45 PM)
ومقياس ريختر ماهو منك بحاجة شكر
معروف قدره لو ان الله بمثلك بـلاه
ياسلااااااااااااااااااااااااااااااااااااام
انت وينك من زمان ههههههههههه
حمد الخمعلي
20/09/11, (10:11 PM)
الكلب دمه حمر والذيب دمه حمر=والفرق عند النوايا في صدور الرواه
إن جاك بأول شهر ون جاك بآخر شهر=ياجب على الصايم يصلي فروض الصلاه
البدر
20/09/11, (11:54 PM)
اقول لك ثور وانت تقول لازم يدر = وظنونك الآثمه ماهي طريق النجاه
والله لا اخليك تبلش وين درب المفر = وقرينك اللي براسك غير نلعن ثواه
البدر
20/09/11, (11:56 PM)
الشاعر الكبير / كاتب الجعفري
شكرا على المتابعه والتشجيع
تشرفني بحضورك ياطويل العمر
سالم العنزي
21/09/11, (03:31 PM)
الشاعرين الكبيرين حمد الخمعلي والبدر
الله الله على هالابداع وهالامتاع اللي تقدمونه لنا
محاوره من الطراز الرفيع
ووووووينك ياحمد
حمد الخمعلي
22/09/11, (12:48 AM)
اقول لك ثور هذا من فصيلة بقر
0000وتقول لي بس ابا حبه وسلم علاه
الارض طولك وقبرك نص متر بمتر
0000من تحت راسك حصاه وفوق راسك حصاه
البدر
22/09/11, (02:39 AM)
الحمدلله حمد من بعد غيبه حضر = لكن ياللاسف صاير ابعقله سفاه
ليته مواصل ودور عن غيابه عذر = والا دخل مستتر من فوق راسه عباه
البدر
22/09/11, (02:39 AM)
الشاعر سالم العنزي
صح بدنك وشكرا لمرورك وحضورك يكفي..
حمد الخمعلي
22/09/11, (12:42 PM)
الديره اللي حجرها مابناله جدر=اللي يكحل عيونه سببت في عماه
مادام صدرك من الضيقه يبي ينفجر=احزم عباتك على خصرك يامال الغناه
حمد الخمعلي
22/09/11, (12:48 PM)
الاخ كاتب الجعفري
تشرفنا بمرورك لاخلا ولاعدم
الاخ سالم العنزي
صح بدنك وتسلم على المرور
البدر
23/09/11, (12:34 AM)
الدار في ظل اهلها وضعها مستقر = ومن لاحمى ديرته ترى الحجر مايحماه
واللي يكحل عيونه في عيونه جهر = ومن ينعمي من يديه الله يعجل شفاه
البدر
23/09/11, (12:36 AM)
اسناذي : حمد الخمعلي
شكرا لك لأعطائي هذه الفرصه لكي استفيد من خبرة وشاعريه حمد الخمعلي وما انا الا تلميذ في فصلكم جميعا
ومازلت احبو في هذا المجال ولايعدو كونه هوايه جديده رغبت عن طريقها الترويح عن النفس معكم وتنشيط هذا القسم .
شاكر لك وتشرفت باللعب واطمع بتوجيهك وتقييمك دائما
اخوك البدر
حمد الخمعلي
27/09/11, (11:01 AM)
صح الله لساانك يالبدر والله يعطيك العافيه لسعت صدرك
ونحن كلنا تلاميذ لازلناا نتعلم من بعض
وألف شكر لكل من تابعناا الله يعطيهم العافيه
كُن بخير
غريبة الدار
15/10/11, (01:39 AM)
حمد الخمعلي قمة في الابدااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااع