عاد عيد الخمعلي ...

[البدر]

عاد عيد الخمعلي واللي معه = غائبين وتاركين ديارهم
والحضور اللي هنا متجمعه = يسألو منهو يجيب اخبارهم

[سليمان مفضي العنزي]

والـحـضـور الــلــي هــنــا متـجـمـعـهيـسـألــو مـنـهــو يـجــيــب اخـبــارهــم

الله

اي بالله يالبدر ياليت تجيب لنا اخبارهم ترانا فدقنا متعة المحاوره

خلوووووها

[الصقار]

صح لسانك وبنتظار الرد .

[سالم العنزي]

صح لسانك يالبدر

ومازلنا في انتظار العمده

[كاتب الجعفري]

.

.


عاد عيدك واسمع العلم اسمعه=من رجال ماتطفى نارهم

ما اطيب التوقيع واللي وقعه= نصح قومٍ يقتدى باشوارهم

[فهد الفريدي]

صحت الالسن والقلوب

متابعينكم

[كاتب الجعفري]

الشكر لكل من مر وأسعدنا بمروره

[البدر]

.

.



لاتجيب اعلوم ماهي مقنعه = وانت اعرفك عارفا بأسرارهم
كنت احاول كل طايح نرفعه = لين بين لي سواد افكارهم

[البدر]

شكرا لكل من مر هنا واسعدنا بحضوره

والله يحيي الشاعر الكبير كاتب الجعفري

ولو ماني شاعر بمستواه لكنه يشرفني اللعب معه

واعتذر عن التاخير دوبي شفت الرد

[نافع عيد الجديد]

الغالي البدر
الغالي كاتب
صحت لسنتكم
ومتابع لكم
بين الصفوف

[كاتب الجعفري]

اي شاعر كبير الله يستر بس ههههه



اترك اهل سدير واهل المجمعه=ماتحصل فايده باذكارهم
ان هرجنا قيل كلمة موجعة=وان سكتنا زادوا استهتارهم

[كاتب الجعفري]

الغالي نافع الجديد

صح بدنك وشرفتناااا

[البدر]

مادخلنا غير نبي المنفعه = مع رجالاً يكرموا زوارهم
كل واحد حاضراً في موضعه = مير تال الوقت خفت نارهم

[كاتب الجعفري]

.


.


.





الحيا سكن البوادي تتبعه=مار عيتّ لاتهل امطارهم

تم دعم الشيعه المتشيعه=وارتفع بين الدول مقدارهم

[حمد الخمعلي]

صحت السنتكم

وشد عليه ياكاتب ترا البدر ماهو هين

متابع

[كاتب الجعفري]

حمد الخمعلي

صح بدنك والله يعين على البدر

نتشرف بمتابعتك

[البدر]

من يبي ارضاً مرى ومربعه = يتبع اهل الذود في مشوارهم
ومن تبع رأي الهنوف وضيعه = لا ينشد وش بعد مخضارهم

[البدر]

الاستاذ حمد الخمعلي

صح بدنك

لكن ياخوي وش فيكم علي انا جاي هنا اتعلم منكم وابيكم تعطوني دوره وصرتم تتواصون علي

طيرتوا قلبي من هالتعليم كله .. صايرين مثل المدرسين الفلسطينين قبل عشرين سنه ههههههههههه

[كاتب الجعفري]

...

..

.


يابدر والله ماني بــ إمعه = ميّز اصغار العرب وكبارهم

ياوطنّا ماتصيبك زعزعه=دونك اللي بايعين اعمارهم

[البدر]

.
.


والنعم دام البيوت مشرعه = كل شعباً يحتمون لدارهم
لكن الغادي لزوم نسنعه = قبل يبلون العرب بأشرارهم

[كاتب الجعفري]

...


..

.




السعه كل ٍ يسولف بالسعه= واهل اللازم تجيك اخبارهم
ودنا ينصك باب المزرعه=دون قوم ٍ يابسات اشجارهم

[البدر]

كل نحال النحل لو يلسعه = مايهابه دام جاء في غارهم
لو تصك الباب ماحداً يدفعه = والمسايير تخسر مسيارهم

[كاتب الجعفري]

...

..

.




البدر ليلته ذي مشعشعه=يتلمس للقوم بعض اعذارهم

مانصاحب لابسين الاقنعه=كل واحد صحبته يختارهم



صح لسانك يامبدع وتشرفت باللعب معك

الى الملتقى إن شاء الله

[صبيح العوض]

الشاعر البدر

الشاعر كاتب الجعفري

صحت السنتكم عزالله شاعر من الوزن الثقيل ادام الله هذا التميز

تراي بصف الشاعر البدر ولايهون اخوي كاتب الجعفري

[كاتب الجعفري]

صبيح العوض

صح بدنك وشرفنا حضورك

[حمد الخمعلي]

محاوره ناريه بين شعراء مميزين

صحت ألسنتكم


كُونوا بخير

[البدر]

الشاعر الكبير / كاتب الجعفري

صح لسانك ولي الشرف باللعب معك والاستفاده منك في هذا المجال فأنا مازلت احبو

الشاعر صبيح العوض الله لايهينك وشكرا لحضورك ووقوفك بصفي

الشاعر حمد الخمعلي

يالله حيه وشاكر لك تواجدك وحضورك والحمدلله انك اتيت متأخر لان النيه كانت عليك لكن فكني الله منك ههههههه

شكرا للجميع