(الحلقة الخامسة)(من قائل الابيات)

[احساس قلم]

نكمل معكم
حلقات موضوعناا ومع شاعر اخر من شعراء ويلان
اليكم الابيات وانتظر منكم الاجابه
من هووو؟

غلطان .. انا شاعر على قـد حالـه
يكتب حروفه بين نفسه وبينـه

ماله مع الشهره مقام ورسالـه
يكتب على الفطره ويرسم حنينه

احيان يكتـب للقوافـي هبالـه
واحيان يكتب للقصيـده ونينـه

يظغط على نفسه ويخفي سواله
تحت الظلوع اللي تحدت جبينـه

في وسطها / حزنن يقطّع حباله
ويرميه لسباع القهر والغبينـه

ناراً تعدت بالوصايف خيالـه
يخفي لهبها خايفن من سنينـه

ان جا يسولفها / تعاظم مقالـه
ياكبرها في حق نفسـه وعينـه

وان دسها / فاقت عظيم احتماله
كنه يدس الجمر داخـل يدينـه

ياعونة الله والشقا راس مالـه
والحزن مكسب والمواجع تدينه

حط الجروح بوسط حثله جمالـه
ودمدم قبر حزنه وعينه حزينـه

يالله يامـن كـل مسلـم لجالـه
تبري جروحن بالمحاني دفينـه

وترحم فقيرن بالزمـن مابقالـه
ياغير عطفك / يالله انك تعينـه

[سالم صالح]

صح السان قايلها...

هل هو ضمن الطاقم الاداري والاشرافي في شبكة ويلان ام لا ؟

[احساس قلم]

ابو دانه ههههههههههههههههههههههه هوطاقم اكيد
بس وش طاقهم مراح اقول هههههههههههه

[ماجد الغانم]

ياسلام صح لسان قائلها والله لايهينه ابيات قمه

والله يعطيك العافيه احساس على هذا الابداع المتجدد
........
والله هذي استشق فيها عبق الورد

واقول انها لحمد الخمعلي ..ومافيه نقاش

[حمد الخمعلي]

صح لساان قااايلهااا

وقصيده رااائعه من شااعر يعزف على اوتاار القلب



وهي من عذوبة وروائع الاخ محمد بن موسى

[احساس قلم]

ايوه ابدعو بعد :more74:
ابو سارة دور ريحة العود هههههههههههههههههههه:sm162:
خل عنك الورد لانه مو ابومين <<<ماتعرف اسم ولد حمد :sm93:

حمد حمد حمد >>>تناديه
غير بدل منيه مناااك
موكل مره بتجيبه ههههههههههههههه:sm32:

[حمد الخمعلي]

والله مدري تقولين بالطاقم الادااري لاتمخوليني زي اول مع ابو داانه

اجل مافيه غير ماجد الجعفري ابو سااااره

هااااه وش قلتي

[سالم صالح]

انا والله برمع وبعدين اشوف يمكن صح

انا اتذوق عذوبة ماء هداج

واقول شاعرنا الراقي/خلف الغريب

هااااه ان شاء الله صح

[احساس قلم]

ابو دانه ههههههههههههههههههههههه هوطاقم اكيد
بس وش طاقمه مراح اقول هههههههههههه





حمد انا ماقلت طاقم اداري :D
شف وش كاتبه بعدين حلقة ابو دانه انت قلت ممكن ماقلت
هو الشاعر فلان
وبعدين انت شف كم طااقم بالمنتدى
وترى خلصة فرصك جاوبت ثنين خطاء
:p

[احساس قلم]

ابو دانه وش عندك انت وخويك ابو ساره
ههههههههههههههههههههه
واحد يشم وواحد يتذوق ويشرب
ههههههههههههههههههههههه
صراحة ماودي اقولك لا بس عاد وش اسوي
مو شاعر ويلان (ابوخالد)دور غيره باقي لك
رمعة ثانيه هههههههههههههههههههههههههههههههه
:)

[سراب نجد]

أنا أقول يمكن أنه

الشاعر لافي خلف العنزي

على كل حال صح السان من قالها

شاعر متمكن وبس

[ماجد الغانم]

اجل الرمعه الثانيه وماني مناقش ابد ياحساس

مزيد المزيد ...قولي صح

[حمد الخمعلي]

يعني مالي فرصه ياحسوووسه

مافيه مشكله بترك الفرصه لغيري لو ني لي نفس برمعه ثاالثه0

يالله راحت عليناااا وش نسوي

[سعد النفج]

صح لسان شاعرها ..
و احساس تقول طاقم >> بس وش طاقمه
المهم يا إحساس ( اسمه مكون من مقطعين ؟؟ ) يعني فلان الفلاني.. أو أكثر من مقطعين ؟؟

[احساس قلم]

ههههههههههههههههههههههههههه
ابو سارة ابشر مراح اقولك لاابد كم عندي ابو سارة
هو فعلا الشاعر الغائب الحاضر (الكادر الاخضر)
ههههههههههههههههههههههههه
مزيد المزيد
رمعتك هالمرة جات صح ههههههههههههههه
\\,,
سعد جابها ابو ساره خلاص
مايمدي اقول مقطع والا مقطعين
ــــــــــــــــــــــــــــــــــــــــــــــــــ
طبعاا يسعدني اني اسأل ابو راكان
1- اين انت من المنتدى يابوراكان وش هالغيبه؟؟؟
لكم المايك آل ويلان
(اتمنى ان ابوراكان يدخل المنتدى)

[سعد النفج]

مبروك ابو ساره ..
انا توقعت انه مزيد المزيد على شان كذا سألت اذا كان مقطعين >> واحد نصاب
كنت ناوي ارمع حمد الضوي ..
.
و اهني ابو راكان بالشهر الكريم و يا هلا و مرحبا ..
.

سؤالي لأبو راكان ..
ماذا قدّم لك الشعر و ماذا قدمت له ..

[ماجد الغانم]

فعلاً نص تأكدت ان خلفه شاعر كبير وله باع طويل
لو اني استبعدته بالبدايه لا انقطاعه ..

ولكن لما رجعت للنص مره ثانيه اقسم الله اني قلت مافيه غيره ابو راكان هذا اسلوبه

وكل عام وانت بخير يابو راكان ..واتمنى ان تكون بخير وصحة وسلامة


...................................

س/ ماهو اخر جديد مزيد المزيد ..وهل لنا بشرف معانقة نص اخر ؟

دمت بكل خير ..واسأل الله لك التوفيق والسعادة

[مزيد المزيد]

السلام عليكم ورحمة الله وبركاته ..

اولا اشكر الاخت احساس قلم التي اعطتني هذه الفرصة للعودة لشبكة ويلان التي لم ابتعد عنها كثيرا

فانا متواصل مع بعض روادها وادارتها ولكني مقصر معها لضيق الوقت احيانا .

ثانيا كل عام وشبكة ويلان واعضاءها بخير وصحة وسلامة ..

الاخ ماجد

كل عام وانت بخير واعادة الله عليك وعلى من تحب كل عام بخير وصحة وسلامة ..
مبروك النقطة وتستاهلها واختيارك واطرائك شرف ووسام فخر لي اتشرف به عندما يكون من ماجد الجعفري .

الاخوة الاعزاء / سعد النفج وحمد الخمعلي وسالم صالح و سراب نجد

استغل هالفرصة لابارك لكم بالشهر الكريم جعلنا الله واياكم من عتقاءه .

[مزيد المزيد]

الاخت احساس

ماني غايب مثل ماقلت قبل لكن الوقت ضيق جدا واحيانا ادخل واقرا ومايمديني اكتب تعليقاتي

واخاف من العتب احيانا لانه مايمديني ارد على كل مايعجبني فالروائع كثيرة والوقت ضيق .

[مزيد المزيد]

الاخ الغالي سعد النفج

ياهلابك ياغالي ومبروك عليك الشهر ..

بصراحة لم اقد للشعر اي شيء بل قدم لي الكثير ومن اهم ماقدم لي :

الفضفضة والتعرف على اشخاص اكن لهم كل الحب والتقدير

[مزيد المزيد]

هلابك ياماجد وكلي شرف بحروفك الطيبة التي لاتخرج الا من قلب طاهر يتشرف بأن يكون بين اظلعك ..

بالنسبة لطلبك ما اقدر اردك يا ابو ساره عزيز وغالي ..

ابيات وليست قصيدة كتبت قبل شهرين تقريبا


ياموت ضاق الصدر من كثر طاريك = والدمع مل العين من كثر ماها
هذي ثلاث شهور .. ماتعبت يديك ؟= ادفن جروحي وانت عينك وراها
كل ماسليت شوي جتني عوانيك = تلكد بها خيل الشقا من شقاها
اضحك واخفّي ضحكتي من خطاويك = واقول يمكن خطوته في قفاها
للحزن في وجهي رسوم وتباريك = تطعن ظلوع الصدر غل ّ وتباها
ياموت اخذت حزامي ظهري واناديك = ياموت نفسي لاتخيب رجاها
نفسا ً رضت بالموت من دون تشكيك = محدن يموت ولحظته ماقضاها
ادري طريقك حق والكل ماشيك = وصدوف بقعا تلحق اللي مشاها
ياموت مؤمن في قضى ربي وفيك = ذي حكمة الله .. قبضته منتهاها

[ماجد الغانم]

ياهلا بابو راكان غالي وعزيز

سعداء بهذه الاطلاله الكريمة

و كلي فخر بمعانقة احرفك صح لسانك ولاهنت
على هذه القصيدة الجزله بيض الله وجهك

دمت بكل خير

[احساس قلم]

وياهلا بكل من مروا هنا
وشكرا لكم جميعااا
شكرا لك يابوراكان تواجدك
وردك
شكرا لكم جميعااا وانتظروني غداان شاءالله
مع ابيات جديده وشاعر اخر

[حمد الخمعلي]

ياهلا وميت هلا ونورتناا اخي ابو راكااان

كل عاام وأنت بألف صحه وعاافيه ونحن سعدااء بهذه الاطلاله وهذا الحضور0

صح لساانك على القصيدتين اللتي لايكتبهاا إلا شااعر بحجمك0

الشكر موصول للأخت إحسااس قلم على هذا الموضوع اللذي جعلناا نتذوق عذوبة حرفك ونرا قلمك بيناا مره أُخرى


لدي سؤال0

هل كثرة التصفح على الانترنت وقرآءة القصائد تجعل الشاعر يكتب قصاائد بكثره أم تجعل الشاعر بحيره ماذا يقول؟


تحيااتي لشخصك الكريم وأتنمى أن لاتقطعناا من تواجدك0

كُن بخير

[مزيد المزيد]

الاخ الغاالي حمد


حياك الله وسعدت بتواجدك وانت من الاشخاص المميزين باخلاقهم وتعاملهم وكتاباتهم

بالنسبة لسوالك :


اعتقد ان كثرة القراءة وتصفح القصائد لن تجعل الشاعر يكتب اكثر ولن تجعله يكون بحيرة .

لأن قراءة الشعر توسيع لمدارك الشاعر وبها يطلع على نتاج الاخرين

ويستفيد كيفية الربط وطرق ايصال الفكرة لذلك ارى ان من لدية الموهبة

والفكرة ويجد الفراغ لها بالاضافة الى المحفزات والمواقف

سيبدع في كتابة القصيدة وسيجد انه استفاد بشكل غير مباشر مما قرا ..

ولن تتولد الحيرة لدى الشاعر الا اذا كان يرغب بالكتابة فقط للكتابة

ونصيحتي لمن يمر بمثل هذا الاحساس ان يبتعد عن الشعر فترة مؤقتة سماعا وقراءة

وسيعود بشكل افضل واجمل .

دمت بكل خير