ياهل المحاوره تفضلووووووو.؟

[مطنوخ]

السلام عليكم

هذي اول محاوره لي عندكم وانشالله تبدا وتنتهي على خير مو مثل المحاورات السابقه اللي شفتها في هذا المنتدى.

بعد اطلاعي على جميع المحاورات حبيت ابدا محاوره معكم و الشاطر يتقدم.


اشوف الملعبه اليوم وجعانه في مطالبهـــــا ** واشوفك ياولد مانته عارف ويش معناها
ابا لي شعر ياهل الشعر يوضح لي معالمها ** على منهج سلام اللـه سلام الــله نبداهـا


مطنوخ

[القايد]

اشوف الملعبه اليوم وجعانه في مطالبهـــــا ** واشوفك ياولد مانته عارف ويش معناها

ابا لي شعر ياهل الشعر يوضح لي معالمها ** على منهج سلام اللـه سلام الــله نبداهـا

اخي المطنوخ في المحاوره يجب التقيد بالقافيه والبحر الذي تبتدي به وانا ابتدي معك على قافية وبحر البيت الاخير وارجو بان تكون مبدعاً



هلابك مرحباواللي يباالجزلات قدمها=على منهج رجال الطيب نكتبها ونقراها


بداياتك عليها بلعلوم اللي تكلمها=بحورالشعر يامطنوخ تكتبها وتنساها
تفضل يالمطنوخ

[القماصي]

القايد تفضل

بحور الشعر موزونه وانا ماني مترجمها **** وطول القاف مع عرضه يزين ليل مسراها
وانا لي الشرف يومن هواجيسي تقسمها **** نبي الخلق نزل من فوق يوم ابليس اغواهـا


مطنوخ بالنيابه

[مطنوخ]

اخوي القماصي يكمل عني.

[هادي بن معزي]

يالله يا شباب

في انتظار الردود والتكمله

[القايد]

القماص موجود

[القايد]

كفو يالقماص


بحوروالشعرماندري من اللي كان ظالمها=شكتلي من زمان اليوم والاقلام تدهاها

تفضل يالوكيل اللي توكل كان تنظمها=تراهامع رجال العرف وقت العرف محلاها
تفضل يالقماصي

[القماصي]

القايد

زمان اليوم به ناس انا ودي نهاجمها *****تشيٌخ فالشعر والقول ماهو من رعاياهــــا
ولكن جالك موكل والساحات فاهمها *****يبي يبدع حروف القاف ويشعب لك مطاياها

[القايد]

القماصي

خويي ياخويي ياعسى يمناك معد مها=علوم القوم قبل اليوم نقراهاونمحاها

ترى فيها مطباتاً قويه لاتحطمها= عسى يفداك من عاداك والجزلات عاداها

[القماصي]

القـايــــد


انا ماني مثل فلان والا فلان خادمها **** انا رجل على الطولات رجلي تعرف خطاها
الايالقايد اللي قال توقع لاتحطمهــــا **** نشوف الملعبه بالنص ولانقرب زواياهـــا

[القماصي]

حياك الله يالقايد ومتواصلين معاااااك

[شاعر محاورات]

متابعين وتسجيل اعجاب الصفين

[مزيد المزيد]

القايد // القماصي



مبدعين الله لايهينكم وواصلووووووووووووووووووووووووووووا


الجميع هنا متابع لكم ........

دمتم بخير

[هادي بن معزي]

متااااااااابعيييييييييييييين وكملوها

ماسك الصف
هيااا

[شاعر محاورات]

وواصلووا


الجميع هنا متابع لكم ........

ماسكين الصف

[القماصي]

شكرا لتواصلكم معنا.

انا في انتظار القايد

[القايد]

شكراً للخوان على حضوركم

مطنوخ ، والقماصي ، وهادي معزي , ومزيد المزيد ، وشاعر المحاورات , على حضوركم المشجع

لكم وافر التقدير والاحترام

[هزاع الساري]

يا سلام عليكم



ننتظر رد القايد



والا انسحب ......‍‍‍‍




ماشاء الله يا القماصي

منت سهل يا ولد العم