@@ يــــــا خــــلــي يــــاقــــو قلبــــــك @@

[عبدالرحمن الجابري الحربي]

ياخلي ياقو قلبك=تعذب اللي يحبك ..

ماتخاف يجازيك ربك=غيبتك ياهي طويله ..


اشتقت أضمك وأشوفك=ناقش بقلبي حروفك ..

الله ما أجمل وصوفك=مثلك محال الفصيله ..


بيوتي ما يوصفونه=كل الحلا في عيونه ..

مايسوى عمري بدونه=والروح بعده عليله ..


عين المها كنها عينه=بس اِهْو فارق بزينه ..

بجفونه وحاجبينه=ورموش فوقه ظليله ..


وفيها متاهات ودروب=تخلي العاقل يذوب ..

تسحر بها عقول وقلوب=وتشب نار الفتيله ..


وخدوده اللي حلاها=غطّى على من سواها ..

مثل القمر محتواها=نوره سطع كل ليله ..


والخشم سيفٍ يماني=والفم ذا شي ثاني ..

ربي بحبه بلاني=ماعاد باليد حيله ..


عايش حياته برواقه=يمشي بخفة ورشاقه ..

وريقه عسل في مذاقه=عجزت ألاقي مثيله ..


يتبسم وهذي عاده=خفيف دم بزياده ..

هو قوت يومي وزاده=حبيب قلبي وخليله ..


ماكنه والله من الناس=عقدٍ فريدٍ من ألماس ..

حنون وطيب وحساس=ماني مدور بديله ..


يازين تكفى دخيلك=وين أنت والله لأجيلك ..

في وسط عيني أشيلك=تصبح حياتي جميله ..


هذي القصايد وجاتك=مضمونها ياحلاتك ..

وحياتي اهيَ حياتك=أو موتي أحسن وسيله ..




بقلم / عبدالرحمن الجابري الحربي " شاعر عظيم المشاعر "

21/2/1432 هـ
25/1/2011 م

[جايز المفوز]

صح السانك وعتلا شانك

[جلال الدرعان]

احرف فاضت بالاحساس المرهف
وكلمات عزفت على اوتار القلب وتغلغلت
بين ارجائه ..... وقلم تالق وتفرد بالدفىء بين معانيه
سلمت اناملك اخى على ماابدعت لنا من كلمات رائعة

صح السانك

[حمد الخمعلي]

صح لساانك ياعبدالرحمن

وصح نبضك


كُن بخير

[عبدالرحمن الجابري الحربي]

صح السانك وعتلا شانك
صح بدنـــك أخوي جايز ...

وشاكر للمرور ...

[بنت الكحيلا]

صح لسانك اخوي عبدالرحمن الجابري

والله يعطيك العافية على النص الرائع

وتسلم ويسلم بوحك الراقي والجميل

لك شكري وتقديري

[العنود حسين]

الله الله ياعبدالرحمن مبدع

قصيدة رائعة وانت رائع


صح لسانك وعتلا شانك

[سعد النفج]

صح لسانك اخوي عبدالرحمن ...
ابيات تصحب معها صدق المشاعر و الاحاسيس ..
رغم خلل الوزن البسيط في بعض الابيات إلا ان هذه لا يؤثر على جماليات النص ..
لله درك و دمت بخير ..

[عبدالله المعيوف الدهمشي]

اقتباس:
والخشم سيفٍ يماني=والفم ذا شي ثاني ..

ربي بحبه بلاني=ماعاد باليد حيله ..




صح لسانك عبدالرحمن أبدعت

[عبدالرحمن الجابري الحربي]

صح السانك وعتلا شانك
صح بدنك أخوي جايز ...

وشاكر على المرور ..

[عبدالرحمن الجابري الحربي]

احرف فاضت بالاحساس المرهف
وكلمات عزفت على اوتار القلب وتغلغلت
بين ارجائه ..... وقلم تالق وتفرد بالدفىء بين معانيه
سلمت اناملك اخى على ماابدعت لنا من كلمات رائعة

صح السانك
صح بدنك أخوي جلال الدرعان ...

وكلامك وسام فخر واعتزاز لشاعر في بداية مشواره ...

لك كل الشكر والامتنان على الإطراء الجميل ...

تحياتي لك واحترامي ،،،

[محمد دعسان]

اخوي عبدالرحمن
انت مبدع وتصنع ماتريد شكراً لك
تقبل مروري الله يحفظ

[عبدالرحمن الجابري الحربي]

صح لساانك ياعبدالرحمن

وصح نبضك


كُن بخير
صح بدنك ياغالي ...

ومشكووور على المرور ...

[عبدالرحمن الجابري الحربي]

صح لسانك اخوي عبدالرحمن الجابري

والله يعطيك العافية على النص الرائع

وتسلم ويسلم بوحك الراقي والجميل

لك شكري وتقديري
صح بدنك أختي بنت الكحيلا ...

والله يعافيك ...

وشاكر لك مرورك ...

[عبدالرحمن الجابري الحربي]

الله الله ياعبدالرحمن مبدع

قصيدة رائعة وانت رائع


صح لسانك وعتلا شانك
صح بدنك أختي العنوووود ....

والأروع هو مرورك ...

لك شكري واحترامي ...