صالح سالم ..... اهلا وسهلا

[كاتب الجعفري]

سلام ياصالح وانا مشتاق للعب الجزيل=والطيب اليا قلت له قدام مايرجع ورى

لكن ليا جبت الحموله وش تحط ووش تشيل= واهل المدن فالمعرفه ماهم سوات اهل القرى

[صالح السالم]

يا مرحبا ترحيب يرقى لك على راس الطويل =بس اقرب اقرب بعد طول غياب والساري سرى
نعرف مخاجنا من المدخال لو قل الحصيل =يوم ان بعض الناس لا باع القليل ولا شرى

[سلامة الجعفري]

الله الله

محاورة باين انها قوية من بدايتها

صح لسانك ياكاتب

صح لسانك ياصالح

وانا متابع

[كاتب الجعفري]

دام البقا وانته يلو تسهر ورى ذا الليل ليل=يبغى يوقف موترك قدام لايطلع كرا

المدن لاهبت هبوب العاصفه ظل ٍظليل= والا القرى تدفنك لاهبت ولاتلقى ذرا

[كاتب الجعفري]

سلامه الجعفري


صح بدنك ونشكر متابعتك

[صالح السالم]

الحيد لو تقوى هبوب الريح لا يمكن يميل = وقمة سنام طويق ما يشبه لميقاف الثرى
حنا تعلمنا من الدنيا بلوغ المستحيل = واعلمك بالعلم لا من زرتنا بام القرى

[صالح السالم]

سلامه الجعفري

صح بدنك

سعداء بتواجدك

[كاتب الجعفري]

العام ياصالح وانا خابرك رجالٍ حليل=واليوم ماشاء الله من اولها تبي رد البرا

لابد ماترجع بك الدنيا على ذاك النزيل=صراف تلقى به خلل, صراف تمسك لك سرا

[صالح السالم]

حسني مبارك يوم ما دور عن بلاده بديل = اليوم ماله كف تبطش له ولا عينٍ ترى
ما كنت هاقي يرجع الفارس وهو عابر سبيل = من بعد سيف ورمح صاير له مع الغبن اخشرى

[كاتب الجعفري]

حسني مبارك رمز للتاريخ جيلٍ بعد جيل=لكن هذا اعلامنا كذب وتبجح وافتراء

المزح يبقى مزح واليا عودت نار وفتيل= لو يغزي الفارس على العدوان ترجع قهقرا

[صالح السالم]

صح السانك اخوي كاتب

والحقيقه ما فيك حيله

ابلشتني بالقافيه الصعبه

سعدت بمحاولة اللعب معك مع اني اعتبرك استاذ بالمحاوره

شكرا لكل من مر من هنا

وشكرا لك اخوي كاتب

[كاتب الجعفري]

صح بدنك ولاهنت

وانت استاذ ولكن شكلك تخاف من العين ههههههه

تشرفت باللعب معك ولك ازكى التحايا

[حمد الخمعلي]

الاخوه الكراام

كاتب الجعفري

صالح السالم

شعراء كباار وطارووق جزل لايستغرب عليكم

صحت السنتكم

[كاتب الجعفري]

حمد الخمعلي

صح بدنك واسعدنا مرورك