سجل حضورك بأبيات ارتجالية

[سعد النفج]

أسعد الله جميع أوقاتـكم



أعزائي شعراء آل ويلان ..




بين ما نبوح به من كلمات وما نهمس به ..

من مشااااعر وما تخطه أقلامنا وما تحفظه ..

أذهاننا....... سجل حضورك بأبيات ارتجاليه ...

ابيات تجمع في معانيها ما يعادل كل ما أردنا قوله في قصيدة ..

يعبر عن كل ما بداخلنا بين حروفه ..

وهمساته ,,, بين فواصله ونقاطه ,,,

هو بيت موجز في سطوره ,,,شامل في

معانيه وشعوره ,,,,





هنا سجل حضورك بأبياتك الإرتجالية .. التي جادت به قريحتك

الشعرية ,,,




دمتم بخير جميعآ ..



.

[سعد النفج]

ثلاث سنين من عمر الشقا يا قلبي المسكين ..
هِنآآآك .. اشعل شموع الحزن يحيي عيد ميلاده ..

[محمد دعسان]

ياسعد النفج تبغى الخوافي تبين- قمت اتخمش اوراقي حضرت اعلومي
تواردت هاالخواطر بالقسا والين - وسوتلي زحمه خطير اشقق اهدومي

[سلامة الجعفري]

في خاطري كم معاني ودي اظهرها = لكن ليا اليوم ماتسعـفـني الفاظي
عسى مزون القصيد يهل ماطرها= من شان تنبت حروفٍ تدرك اغراضي

[محمد بن موسى]

الراقي / سعد النفج


يعطيك العافيه على هذا الطرح الرائع








سلام للويلان ذربين الايمان=اهل الكرم واهل الصفات الحميدة
اللي لهم في قمة المجدعنوان=ودستورهم شرع الولي والعقيدة
عاداتهم في يوم روغات الاذهان=ردع الخصيم بكف خطلا شديدة
شجعان في وقت الملمات شجعان=طبعاً يوّرث من حفيد لحفيدة
ذخرن لابو متعب على مر الازمان=ويعدّهم بالحرب وافي رصيدة

[سعد النفج]

شكرا لكم احبائي على هذا التفاعل و الذي لا أستغربه على المبدعين أمثالكم ..
و للشعراء ابيات سـ تنسكب هنا لـ نستمتع بجمال أحرفهم و فكرهم ..
.
.

[مشهور الرشدان]

الليل ظالم والقمر ماله أحظور = وهذي عماير ديرتاً كنت ابيها
بعض الظروف تخلي الرجل مجبور=انه يحب الديره ولا يجيها

[أبو غرام]

في البدء .. ألف مبروك العوده يابن نفج
وألف ألف مبروك الإشراف
والرجل المناسب في المكان المناسب
وثانياً .. أنك كنق من كنوق الكيبورديات والأبيات الإرتجاليه
فشكراً لك على إتحاة هذه الفرصه ..
وثالثاً يطيب لي كغيري ممن سبقوني
التواجد هنا وتسجيل ابيات ارتجاليه ..


يطيب البوح والغربه تفيض بهاجس المشتاق=على نفح الهوا يخرز ترانيمه وقيفانه
يقض الوجد والمعنى تلمه تمتمات أوراق=عذق يصدح بما اخفى غرامه خلف بيبانه

[ميامين]

ماشاءالله شعراء ويلان صح نبضكم وعلى شانكم

متااابعه لأرتجاليتكم الراقيه بشغف

دمتم بود..>>

[غموض الشمال]

مشكور اخوي سعد ع الموضوع الراقي...



ياليت مفتاح القلوب بيدينا=نحب من نبغى ونبيع من باع
ماكان غربلنا الزمان وشقينا=ولاشفت بالدنيا حزينٍ وملتاع

[سعد النفج]

ابيات مميزه و شعراء يستحقون المتابعة ..
الشكر لكم جميعا ..
و لك يا أبو غرام همسه ..
الله بارك فيك و أنت من المميزين بالكيبورديات و لعلنا نستمتع معك و مع الشعراء و الشاعرات في هذه الزاوية ..
دمتم بود ..

[بنت الكحيلا]

تسلم اخوي سعد على هذا الموضوع الجميل

الله يعطيك العافية

دامك مقفى لا تناظر بعينك = ما تنفع النظر ما دام الغلا مات

الله ينور لك بقايا سنينك = مابقي ن لك عندنا غير دعوات

[سعد النفج]

العفو أختي بنت الكحيلا ..
و تتجمل هذه الزاوية بمشاعركم الراقية ..
.

[سعد النفج]

حرف الغرام اللي زرعته قبل عآم ..
دمعي عليه من انتظآري سكبته ..

بذره / و لا كأن مرت به أيام ..
و اللي بعمره صاير اليوم نبته ..

علقت به حلمي / وانا مالي احلام ..
حتى على حايط زماني كتبته ..

[أبو غرام]

تتوه خطانا في قربك وقربك يعني الابعاد=على قدر الغلا يبقى جفاك موثّق اوصالك
الا ليت اللقا امسى غيابه في نهار رقاد=ولا لوّح هوا عشقك ولانطرد ورى امثالك

[سعد النفج]

تعبت اداري زلة الصاحب البار ..
و تعبت ادور بالوجيه السماحه ..

ليا صار مالك عند الاصحاب مقدار ..
ابعد و تلقى بالزمان انشراحه ..

البعد يصنع للرجاجيل تعبار ..
و كثر المواجه للمشاريه ساحه ..

[محمد بن موسى]

ياقلب اركد واترك الناس للناس=وخل المقرّد تصطفق مع بعضها
الواش يلقى له من الخلق خناس=اللي له دروب الخساسه فرشها
خله يفصل له على قده قياس=جوخة ردا تزهاه كانه لبسها

[بروق الشمال]

لك الشكر اخي سعد على هذه الفكره الغير مستغربه من امثالك



من طراق باب المقرد صار قارد=ومن فتح باب المحبه جاه عله
والله ان الفكر في غيبته شارد=ودموع بوسط محجرها تهله

[غموض الشمال]

قال المثل واليوم ادركت معناه=اليا بغيت فراق افعل ملا يطاااااق
اللي يبي فرقاي يبشر بفرقاه=مطرد سراب ولا ورى نفسي انساق

[أبو غرام]

ياصاحبي لو تفتح القلب للناس=الخلق تكشف خافي الجاش وتروح
من بعدها لا ترتجي هامة الراس=القدر ينزل والحشا ينضح جروح

[أبو غرام]

هبّت هبابيب وانحطن بالخفا حب
وامست علوم البعض نكث وغصايب



ياصاحبي يفداكِ من هبهب ودب
ضعاف النفوس مدورين الطلايب



اللي غيابك لا حضر هاجم بسب
الله يطشه بالخطا والنشايب



تبت يمينه وان حضر حضرته تب
لو كان من ضمن الاهل والقرايب

[بندر السديري]

الشاعر الرائع : سعد النفج
تسلم على هاالطرح الرائع


ترى الجفا بليا سبب له حوبه=حني على روح(ن) غلاك اشقاهاا
وان كان حبك ماحفظت دروبه=مانيب بندر سترها وحجاهاا

[سعد النفج]

شكرا لكم على هذا التفاعل الجميل و على هذه الأبيات التي امتعتنا و راقت لنا ..
و لا زلنا نطمع بالإرتواء من ابياتكم احبائي ..

[محمد بن موسى]

يآمن يوصل لأبن صالح سلامي=الوايلي تركي عسى الرب ياقاه
ويآخذ معه حرفي وجل احترامي=ويسلمه للقرم في كف يمناه




منورة صورتك الموقع يابو صاالح

[غموض الشمال]

يالله تفرج ضيقتي وترحم الحال=من هم قلبي ضايقتني هدومي
وقصر عليه وحشة الليل لاطال=ويسر اموري يالطيفٍ رحومي

[بندر السديري]

والله إني راس رجال من روس الرجـال=والرجـال الصاملـه بيـنـن منطوقـهـا



مشربي من صافي العـد والنبـع الـزلال=والمراجـل عاشقتنـي وانـا معشوقـهـا



مارضيت الذل وأقفيت عن صفـر الـدلال=دلتـي كبيتهـا يـوم شـفـت حروقـهـا

[مشهور الرشدان]

يا محمد الموسى لو تكون جزاع & في وقت ما ينفع رع الصبر صبره
عن الاوادم طلع احساس ملــتاع & و لا تطلعــه قدامــهـم ثـــم تشـره

[بروق الشمال]

حبني ياصاحبي مثلي واحبك=واحفظك عن كل نمام ونذل
ساكن بعيني ولو ناسي تسبك=مااصدق حكيهم ناس تعذل

[غموض الشمال]

مجاراه للأخت بروق...




صاحبي حرت بعذابك ويش طبك=صاحبك ليه لمشاعره اتخذل
خوف فيني خالقك ربي وربك=لاتذله خافقي وخافقك اذل

[بنت الكحيلا]

الظلم ياشينه ولو كان لحظات

تحس روحك من سبايبه تطلع

جربت لحظاته وجريت ونات

والقلب من زود القهر حيل ولع

[سعد النفج]

صمتي كلام و دمعة العين عآآآدي ..
.
مجرد ان الوضع محتأأأج ( دمعهـ )

[بنت الكحيلا]

يا قلب مالك في طريق الهوى حظ

هذا نصيبك وقتنع في نصيبك

[خلف الغريب]

عودة حميدة اخي العزيز ومشرفنا الراقي سعد النفج وموضوع كعادة مواضيعك يحمل من الجمال الكثير ...

اشكر كافة الاخوة والاخوات الذين تفاعلوا مع الموضوع ..

أتمنى أن ترتقي أبياتي الى مستوى ما كتب




يا سعد لا تنبش جروح الليال = ينفتح قبر الجروح المندفن
راح تفكيري بعيد ولا يزال=فوق غبة موج خاضته السفن
اكذب ان قلت ان وضعي عال عال=قلب ما يبرد ولا عيون يغفن
ضاعت علوم المراجل والرجال=والنجوم السارية شفهن طفن
وان بغيت الصدق شف اقرب مثال = كم شغاميم تولاهم عفن
مالي الا اصد لو جالي مجال=لو لمسته في كفوفي ما نظفن
خذ خلاصة ما كتبته بارتجال =امتلن كوس المحاني وذرفن
وش تبي في نبشنا يا ابن الحلال=خل ميت القلب في وسط الكفن

[محمد بن موسى]

اقتباس:
المشاركة الأصلية كتبت بواسطة مشهور الرشدان http://www.weelan.com/vb/mecano/buttons/viewpost.gif (http://www.weelan.com/vb/showthread.php?p=353573#post353573)
يا محمد الموسى لو تكون جزاع & في وقت ما ينفع رع الصبر صبره

عن الاوادم طلع احساس ملــتاع & و لا تطلعــه قدامــهـم ثـــم تشـره




ياصاحبي ماني لما قلت مرتاع=لو شرها ياصل نجوم المجره
اقولها مثني ومثلوث وارباع=واعيدها عشرين مره ومره
اللي مشى سيده على درب الاسناع=مايرخي اذنه لكل شخصً يمره

[بروق الشمال]

اقتباس:
المشاركة الأصلية كتبت بواسطة غموض الشمال http://www.weelan.net/vb/mecano/buttons/viewpost.gif (http://www.weelan.net/vb/showthread.php?p=353648#post353648)
مجاراه للأخت بروق...




صاحبي حرت بعذابك ويش طبك=صاحبك ليه لمشاعره اتخذل
خوف فيني خالقك ربي وربك=لاتذله خافقي وخافقك اذل




يسلموووو اختي غموض
افتخر في هالمجاراه من شاعره عزيزه كغموض لك كامل ودي واحترامي اخيه

[بروق الشمال]

ياغموض لاتفتحين الجاش=الجاش وسطه مداميره
حراسته قوم منهم حاش=قلب المولع جماهيره
مراش قلبي ولا يرتاش=والنوم قفن مساييره
قولوا لخلي يجي بنعاش=القلب عقبه مساعيره

[محمد بن موسى]

تعال واسمع يا ابيض الوجه بيتين=بيتين يغنن يالخوي عن قصيدة
الاوله وان اجتمع عندك اثنين=لاتميز المخطي بواقع رصيدة
والثانيه ياصاح لاتكون وجهين=خلك من اصحاب الصفات الحميدة

[محمد بن موسى]

دخلت موضوع الاعضاء المفقودين بالقسم العام

فماكان مني الا الرد على تسائلهم بهذة المتواضعه



فاقد كثير من الرفاقه والاخوان=اللي عذاب أغيابهم ماقويته
منهم حمد الخمعلي طير حوران=اللي لياضاق الدهر بي نصيته
ومنهم ابو غانم سلايل كحيلان=الجعفري ياحي ذكره وصيته
ومعيض والصقار مع ابن درعان=والدهمشي والاشجعي مانسيته
واذكر صبيح ابن عوض واف الايمان=اللي رسخ بالراس قافه وبيته

[ماجد الغانم]

كل الشكر اخي سعد على هذه المساحه الجميلة .

...
وبيض الله وجهك اخوي محمد على هذه المشاعر

تفضل طال عمرك والمعذره على التقصير
...

سلمت يامحمد عسى الله يحميك
......................ياللي بفعل الطيب دايم تقدم

انا اشهد ان الطيب يفخر بطاريك
...............والا ذكرت اسمك وقف لك وسلم

[سعد النفج]

يا صاحبي ما عدت الدنيا و انا توي صغير ..
و لا زالت حدودي سواد الشارب و حلق اللحـــا !

و لو شفت راسي شيب هذا ما يدل اني كبير ..
لكن من ظروف الليالي و المشاوير انتحى !!

[مشهور الرشدان]

أغليك من الله وهب لك غلايه = وبالصد والهجران جازيتني ليه
وشفت التغلي بس من دون غايه = لاقلت وينك ردك يكون وش فيه
بلاك ماتدري في بعدك شقايه = وقلبي يغيـابك ياحلو نار تـكـويـه
والله متعذب وقربك دوايه = بس الاسف قلبي فقد من يداويه

[سلمان العنزي]

بالليل نكتب ان ذا الليل ظالم وانا وش ابا اكتب بوقت القوايل
لكن قلم شعري على طول والم يا جيت ابا اكتب في جميل الجدايل

[غموض الشمال]

للمنتدى بالقلب قدر ومعزه=اشتاق له لوهي ثواني ليا غبت
لاضاق صدري بكل ركن اتنزه=واسلي الخاطر عن الضيق والكبت

[غموض الشمال]

اقتباس:
المشاركة الأصلية كتبت بواسطة بروق الشمال http://www.weelan.com/vb/mecano/buttons/viewpost.gif (http://www.weelan.com/vb/showthread.php?p=353906#post353906)

ياغموض لاتفتحين الجاش=الجاش وسطه مداميره
حراسته قوم منهم حاش=قلب المولع جماهيره
مراش قلبي ولا يرتاش=والنوم قفن مساييره
قولوا لخلي يجي بنعاش=القلب عقبه مساعيره



العذر يالغلا للتو دخلت الموضوع...



يابروق حالي وحالك ماش=الشوق ضقنا بتصاويره
الحب قبلك لجاشي داش=وبالجوف ركز مساميره
قلوبنا للحبيب هشاش=والعقل جن بتفاكيره
مير اسمعي الرد مني كاش!=القلب (قوي) تجابيره

[بندر السديري]

الملكي هل القوافـي والقصيـد=سمن على كبد العـدو موالهـاا
عيال زايد عزوة اليوم الشديـد=اللابه اللي ماربح مـن طالهـاا
دواسرن فاالطيب والراي السديد=ترمي عمايمها وتحذف عقالهاا
يامحزمي يادم يمشي فاالوريـد=ماللشدايد كون طيب رجالهـاا

[سلمان العنزي]

وا هني الصقر لامنه كفخ=طار و ابعد عن حلوق المزعجين
عن جديد النفخ و الي ما نفخ=طلعة(ن) مع الرجال الطيبين

[محمد بن موسى]

الله يعز الملّك ويعز الاسلام =ويعز دار المملكه مع اهلها
دار السعود مدلهة كل منظام=يارب تحفظ سهلها مع جبلها

[بندر السديري]

صح السانك يابوفهد


الديره اللي حبها فالفكر حام=تنعم بمدراة المليك بمهلها
ترخص لها روح(ن) ورا دم وعظام=ونموت ماجاها غشيم(ن) جهلها

[بنت الكحيلا]

من خلقتي ما جرحت انسان في هرجي

والكلمة اللي تغيض الناس اخبيها

والحمدلله بصمتي عالي ن برجي

والصمت حكمة وكل ن عارف فيها

[غموض الشمال]

النفس طابت من حضورك وطرياك=ابعد عسى فالبعد خيره وراحه

[أبو غرام]

أسلّي خاطري بالمزح اعالج طعنتي بسكات=على رمضى القهر امشي وعيني تفتل حجاجه
أكابر والغدر مظني على صدري يضيم الذات=ألا وإن ضاقت الفرحه عزومي تتّبع فجاجه

[غموض الشمال]

البعد لايعني بأن الغلا..مات!!=بعدي هروبٍ..بالغلا قبل ..لايموت
مادام بغرورك.. وصلنا النهايات=ولاعا ينفع بك رجاوي..ولاصوت
على الاقل ذكراه تبقى له.. اثبات=من قبل موته بيننا..موت /مكبوت
وتصير حتى ذكراياته..بشاعات؟=ويموت في قلبٍ..غدى فيه منحوت

[بندر السديري]

ينوي الجرح خلي مير قلبـي فطيـن=مـادرى انـي عليـه ادور والفهـاا
مادرى ان السديري طول عمره ذهين=بندر يبعثـر الاعصـاب ويصفهـاا

[سعد النفج]

اسمعي ضجيج حزني من ورا حدب الضلوع ..
و افهمي معنى الغياب وضحي لي غايته ..
يا كيف ابتحمل غيابك من ربوع ليا ربوع ..
وشلون ابنسى ما مضى من ذكريات ٍ بايته ..
يا هيه لو طوّل غيابك تنتحر كل الدموع ..
و لا عاد تبقى دمعة ٍ على الليال الفايته ..

[بنت الكحيلا]

الحب ما هو كلمة بس تنقال

من هو يحب البنت يمشي لهلها

وفي شرع ربي يثبت الحب با فعال

وحبيبته بالوصل يحي املها

[مزون الوايليه]

خذني جريح مالقا من يداويه

وخذي يتيم ن لاضااااقت به همومه

خذني طفل لافقد صدر الحنون

ودي اشوف صورتي في عيونه

وا ن غفت عيني لاتتركي يازين

ارجوك لاتعيد ذكريااااااااااااااااااات حزينه


بقلم مزوووون الوايليه:)

[بندر السديري]

تحياتي على كل الحضور بمنتـدى الويـلان=وعسى ربي يجملني واسوق الطيب واديـره
وهذي قافية بندر تمـد يمينهـا مـن شـان=تسافر في معاليق الحنايـا بـدون تأشيـره
تدوج بفكر عشاق القصيد الرايـع الطربـان=وتشبع رغبـة الشفقـان للشعـر بحذافيـره
قصيدي ياقصيدي سم باالله وادحر الشيطـان=تقدم وافتح قفول الصـدور وفضهـا سيـره
قصيد(ن) مايحرك جفن عين ومايهز إلسـان=رفيق(ن) بار باالخوه وخانت بـه معاذيـره
والا يالله دخيلك من حضور(ن) ابكم ونقصان=وانا في وجهك من غرور شيطاني وتقصيره

[غموض الشمال]

يارب عني تزيل الهم والضيقه=تعبت ادور على الراحه وتجفاني
مل القلم من كتابتي نشف ريقه=ولاشال همي ولا بدد لي احزاني

[حمد الخمعلي]

في البدايه الف شكر للاخ سعد النفج على هذه المساحه0


الاخ القدير الفاضل محمد الموسى

الف شكر لك على هذه الابياات وصح لساانك وانا ليس ببعيد عن المنتدى ولاكن للظروف احكاام0



يامحمد الموسى سلايل كحيلان=شديتني في قافك اللي قريته
عساك ماتفقد مع الوقت خلان=ويحماك ربٍ حجة الناس بيته
((صدري غدا لهموم الايام دكان=أما شراني هم ولا شريته))

[فــرج الدهمشي]

يا مرحبـا باللـي لفونـا مداهيـل=منهم صديق ٍوالقرابه مـع الجـار
(يامرحبا ترحيبة البـدو بالسيـل)=لاصار ربعي بالمجالـي وحضـار
حنا ضيوف ٍعندكـم يـا رجاجيـل=وانتم معازيب ٍ وانتـم هـل الـدار



قريبا لاعضاء شبكة الويلان

[بروق الشمال]

كسير العظم يبرى بعد لمه=وكسير القلب ماضني يباتي
عليك الله يامحبوب شمه =من انفاسك تعودلي حياتي

[غموض الشمال]

بكره بسافر..وابي منك تسامحني=اخاف مارجع وقلبك ..غاضبٍ مني
مابيك تندم..ولاترجع تصافحني=ابيك دايم بخير..وراضيٍ عني

[سعد النفج]

ما جيت إلا و انا ناوي على موتي ..
ادري وصالك صعب / لكن / حبيتك

[بندر السديري]

قاف السديري في ظلام الوقت ذيب(ن) مايهاب=ايخمّـد الفتنـه ويطفـي نارهـا وعروقـهـا
مطنوخ بدروب المراجل ذيب من بين الذيـاب=سيوف عزي في سما الطالـه تلـوح بروقهـا
ماهمني حقد الردي ولا خفت من نعق الغراب=وهروج من يغتـاب نفسـي ماتهـز عذوقهـا
ولا شحنّي من يصدق فـي تلعـات الرقـاب=لا بـد ماتفتـح لـه الدنيـا قفـل صندوقهـا
ويشوف براق الحقايق لا فضح زيف السـراب=ويميـز العقّـال مـن وقفاتهـا ومنطوقـهـا
اقولها وارقا برجلي فـوق هامـات الصعـاب=لو لقمتي عند الـردي فـي ذمتـي ماذوقهـا
اعز نفسي عن دروب الذل واسـوق الركـاب=على علوم(ن) للمراجـل جازلـي طاروقهـا
يوم(ن) غيري لاحداه الوقت ياكل لـه تـراب=المرجله عنده عـدم والنفـس طايـح سوقهـا
ادخل على الله من سواد الوجه وصكات الغياب=امـا حيـاة العـز والا المـوت يامعلوقـهـا

[محمد بن موسى]

ونعم ملايين يابندر ولايسدون

وصح بووحك ونبض روحك

ابيات في منتهى الروعه ومهما قلت بحقك اجدني مقصر





.
.



يالله تحفظ نور عيني واهاليه=وتجعل لهم في كل خطوة سلامه
وتستر عليه من الطريق وبلااويه=ونشوفهم بعد السفر بالسلامه

[محمد بن موسى]

اليوم حالي غير عن كل الايام=أمّر يوم يمرني في حياتي

[محمد بن موسى]

طال انتظاري في رجاء دق جوال=ولادق جوالي وطال انتظاري
سبحان ربً غير الحال بأحوال=اللي على قلوب المخاليق داري
هو الذي يعلم وش بخافقك جال=ويعلم خفايا النفس سر وجهاري
والا انت عندي دايماً منزلك عال=تسكن صميم القلب بأمرً وزاري

[بنت الكحيلا]

بعطيك ياقلبي على كيفك شوي

وسايرك ما ودي اكسر بخاطرك

وترا السراب اللي تشوفه ما هو مي

خلك ذكي ما دامني حيل اسايرك

[بندر السديري]

ماعليك زوود يابوفهد
وصح بدنك ياسلطان الحرف
والروعه والله بشخصك




ياسلامـي عـد مزنـن تهلـل ثـم سـال=وعـد رعـاد السحايـب وعـد بروقهـا
للرفيق اللي علومه علـى روس الطـوال=عاسف امهـار القصايـد ورافـع سوقهـا
صاحبي سلطان بشكيلك اوضاعن أجـلال=كود تبرى النفـس ويفـك ربـي عوقهـا
يـوم انـا شفيـت فنجـال دلـه بالعـدال=مالقيت الا الغـدر فـي طعمهـا وذوقهـا
والخيانـه بنهـا والتلـون حـب هــال=ول ياكيـف الـردى والنفـوس وبوقـهـا

[حمد الخمعلي]

ماودي تناظر عيوني تشووفك=تشووف منزالك ويكثر تغليك

[مشهور الرشدان]

مايسحر الرجال ياكود ثنتين = اما عيون البنت والا حياها

[همس الوفاء]

قـصة عناد مسـتـوطـنه فـي داخــلــي غــصـب

... مــقــدر أجــامــل نــاس مــايـعـجـبـونـي....

[بنت الكحيلا]

يارب تكتب لي بعد ضيقي افراج

وتجعل دموع الحزن بامرك سعيده

مالي سوى رجواك يارب مخراج

ياالواحد اللي مايخيب عبيده

[معيض بن عريفج]

يارب تفـرجـهـا عـلى عـبــدك الـلي
ماله وسيه غير رجوى الفرج منك
ان ضـاق صـدره ثـم كـبـر يصـلي
ان ضـايـقــه هاجوس قلبه تزبنك

[سعد النفج]

عآدي لو انك تآخذ الروح و تروح ..
............... ما هي فدا لك بس / هذي حقيقه ..
عودتني تطعن و انا اقول مسموح ..
............... طعنك عذاب و باقي العمر ضيقه ..
إما لقيتك صاحب ٍ يسعد الروح ..
................. او احرق بروحي و بأسرع طريقه ..
مليت اذوق طعونك / و قلبي يفوح ..
................. ورا الضلوع العوج / تسمع شهيقه ..

[صبيح العوض]

اقتباس:
المشاركة الأصلية كتبت بواسطة محمد بن موسى http://www.weelan.com/vb/mecano/buttons/viewpost.gif (http://www.weelan.com/vb/showthread.php?p=353946#post353946)
دخلت موضوع الاعضاء المفقودين بالقسم العام

فماكان مني الا الرد على تسائلهم بهذة المتواضعه



فاقد كثير من الرفاقه والاخوان=اللي عذاب أغيابهم ماقويته
منهم حمد الخمعلي طير حوران=اللي لياضاق الدهر بي نصيته
ومنهم ابو غانم سلايل كحيلان=الجعفري ياحي ذكره وصيته
ومعيض والصقار مع ابن درعان=والدهمشي والاشجعي مانسيته
واذكر صبيح ابن عوض واف الايمان=اللي رسخ بالراس قافه وبيته





اسعد الله اوقات الجميع بالمسرات

الشاعر سعد النفج شكرا على هذا الطرح الرائع

اخي الشاعر محمد بن موسى شكرا على اهتمامك

استلم طال عمرك بيتين ارتجاليه مع العذر توي اقراء ابياتك لك مني كل الشكر وتقدير

لاهنت يارجل/ن له الطيب عنوان * الي ذكـــــرني حـــــالفٍ مانسيتـــــــه

هذاك ابن موسى ســلايل ارويان * قرمٍ على الطــــولات ذكـــره وصيتــــــه

بالمنتدى لو شفتنا احيان واحيان * اظروف وقــــتٍ حـــــدني ماحديتــــــه

حنا هنــا ياصاحبي مثل الاخوان * على المعــــزه كل واحـــــــد لقيتــــــه

[صبيح العوض]

................................

[غموض الشمال]

في هالزمن سهله تحب وتخلا=لعبة مشاعر عن ناس وشطاره
ناسٍ تجامل به وناسٍ تسلا=وكلمة احبك صارت ارخص عباره

[محمد بن موسى]

بيض الشراشف وصوت الأووف / ياسستر=تنقض جميع المواجع / لوتخفيها
وتحير بالدمع عينك وللولي / تشكر=باللي معافيك وغيرك ناس / باليها
تشوف ناسً على التحريك / ماتقدر=والنار تحرق جنوبه /مايطفيها
مشلول وان شاف غيره قام / يتحسر=يبكي تذكر دروبً كان / يمشيها
وتشوف جنبه ضعيف وكله / مكسر=رجليه عزاه مايقدر / يوطيها
وتشوف جنبه كبير السن /مايشعر=والظاهر انه خطير ورايحً / فيها
تحير عينك صحيح وللولي / تشكر=باللي معافيك وغيرك ناس / باليها

[محمد بن موسى]

ضايق ومن كثر الطفش خاطري طاب=ماعادلي بالناس ياناس طاقه

[بروق الشمال]

ياصاحبي بيتك يهز الحشا هز=وقافك يحرك بالمحاني مشاعر

[بروق الشمال]

اقتباس:
المشاركة الأصلية كتبت بواسطة مشهور الرشدان http://www.weelan.com/vb/mecano/buttons/viewpost.gif (http://www.weelan.com/vb/showthread.php?p=355647#post355647)

مايسحر الرجال ياكود ثنتين = اما عيون البنت والا حياها




استبيحك عذرا اخي مشهور ولكن بيتك راق لي كثيرا فحبيت اجاريه وانا اختك


ان كان سحرك يالناخي من اثنين=اما عيون البنت ولا حياها
فالبنت يسحرها من الرجل ثنتين=المرجله وافعاله الي تباها

[سعد النفج]

قسم بالله ما جيتك و انا ناوي على فرقاك ..
و لكن حالت ظروف الزمن ما بينك و بيني ..

[محمد دعسان]

تبت وتوبه تكفر مامضى-والله العلم بخاف ذنوبهاء
يابدر السالفه عصر وقضى-ولوادم غافله يادوبهاء
كل ماجيب السولف له مضى- والله العلم بكل ادروبهاء

[محمد بن موسى]

راحت سنين العمر اطرد ورى رضاك=وياللاسف مابان صدقي بعينك
شككتبي وانا اشربك شوق واضماك=وخونتني وانا احسب اني ظنينك
هديت كل اللي بنيناه واياك=وقطعت حبل الوصل بيني وبينك

[شوق العنزي]

ودعتك الله .. وانا لارحت صعب ارجع=ودعتك الله .. وانا في قمت احزاني
ولو كنت اقدر اسامح زلتك واشفع =ماكان قلت : الوداع ارجوك انساني

مشكور اخوي ع الموضوع الرائع

//

[محمد بن موسى]

ان كان عيبي قل مالي وانا اخوك=فالدين لرقاب النشاما قلايد
نستر شبور وجيهنا عن هل اللوك=اللي لهم شذب المقفي عوايد
وعن كلمة تنقال من فّم صعلوك=تصبح على كبدك سعير ووقايد

[محمد بن موسى]

الله ياليل الألم والمعاناه=ما اطوّل ثواني ساعتك والدقايق
مابين صرخة (أخ) تردف لها ( آه )=تحس كنك بين نار وحرايق
وتهل دمع العين وتقول عزآه=وتضيق بك دنياك وسط الخلايق
مالك جدى ياكود قولة حلولاه=وتصفيقتاً بيديك والصدر ضايق
وترجي من المولى يعجل على شفاه=اللي بيديه علاج كل الخلايق

[سعد النفج]

اهدت لي الجرح و الحسرات و الضيقه ..
............. و اهدت لي الحزن و اهدت لي بعد ياسي ..
و اهديت لعيونها قلبي و ترويقه ..
............. و اهديت زهرة شبابي و آخر أنفاسي ..

[شوق العنزي]

/

رغم الوجع والآه في صدر دكتور
دآوآ قلوب الناس واخفى جرآحه

اضحك وكني رآيق البال مسرور
وانامثل طيرن .. كسيرن جنآحه

امشي بدربن مضلمن مابه النور
وأنا انتظر يشرق .. عليه صبآحه

أثري مابين الهم والغم محصور
مافي مفر امن العنآ واجتيآحه

مآجور ياقلبي من الضيم مآجور
اصبر عسى في تآلي الأمر رآحه




//

[محمد بن موسى]

شطحه :)



أثقل وحاسب وانتبه وامسك بريك=وخل الحكي والبربره لاعدمناك
بعض الكلام اللي تقوله يوديك=ورى مغيب الشمس والناس تنعاك

[مشهور الرشدان]

يارفيق الجرح مدري يارفيقي = ياهنا دنياي مدري ياكدرها
من سحابك أروني ببل ريقي = وان روى العطشان بين لي قمرها

[بنت الكحيلا]

من يحترم غيره يزيد احترامه

ويصير له هيبه وحشمه ومقدار

ومن هو يقلل قيمته في كلامه

يهين نفسه ويتعرض للضرار

[غموض الشمال]

اقبل ترى مستقبلك قلب مغليك=ادخل تجول به على كيف كيفك
هذي بساتينك وهذي ارآضيك=وهذا سكنك وكان مساكن طيفك
فداك منهو عرش قلبه موليك=يا مالكه بالطيب ماهو بسيفك
كلي تحت امرك وسلطة معاليك=أنت المعزب وانا يادوووب ضيفك

[شوق العنزي]

..


اللي صعد فوق الجبل وحداني=سهله عليه النزله الفوريه
وانا خذيت العلم من جداني =الحر مايهوى سوى الحريه
علمني الشعر الذي خلاني=واول بيوتي قلتها مرثيه
المشكله ماقال صح لساني=ولاشاف حتى الموهبه الشعريه


//

[سعد النفج]

يا هيه يا ضميان شوفي / و تبغاني وفي ..
................. قبلك ضميت / و للأسف / ما لقيت أي اهتمام
تصد عني / و اتّغلى / و ترجع تختفي ..
................. و اتعبتني بالصد و الهجر يا وبل الغمام ..

[سعد النفج]

يا شينها ليا من تحيزمت بإنسان ..
تبيه عون و لا لقيته لك معين ..
هذي هي القصه مع فلان و فلان ..
دايم على ضيقي يا بو حمود ساعين ..

[مشهور الرشدان]

الفكر لامن تربع تطلع الغام القصيد = والجزاله والمعاني في يدي وفرها
اقو من نحت الصخر واقو من فك الحديد = اشيلها واحطها ومستحيل اضرها

[بندر السديري]

اشهد انك على الطالات مافـيك حيله=طير حر(ن) رقى المرقاب وعاف الطماني

جعل يسقى هذاك الليل ويسيل سيـله=ليلة(ن) جيتكم ساري ودربي حـداني

ياهجوس السديري والطروق الجزيله=جمليني مع الطـيـب وحلي لســاني

لو نظمت المـدايح جــت بحـقـه قــليـله=مايوفيه طـرقي والبيـوت السمــاني

مـير هـذي حروفي جـت لـرد الجميـلـه=صاغها الملكي من كل عرق(ن) غذاني

[سعد النفج]

اضيق / مدري ليه يا ناعس الطرف ..
................ و ماني بخابر غير / طعنه من يديك ..
مدري : من الطعنه / او اني / تحت ظرف ..
.............. لكن على الثنتين مجبور اداريك ..

[مشهور الرشدان]

كلن قصد بالخصر والردف والعين = واللي يبي مشهور محداً قصدبه

[بندر السديري]

تبطل الصلاه من غير تكبيره=والسديري جمل الشعر بأوزانه

ألف بسم الله على الدار والديره=حافظك رب السموات سبحااانه

يابـلادي ياعسى فالامــر خيـره=يبتلا المؤمن على شدة ايمانـه

الذنـوب إلها عـقايب وتكـفيــره=والعـقوبه ترفع الذكـر قـرآنــه

[محمد بن موسى]

من قال قول ولاثبت عند قولة=ينعّد من بين الرجاجيل كذاب
ومن لادعم قولة جزايل فعوله=ينعاب حتى لو بعد غلطته تاب

[شوق العنزي]

والله انك منت فاهمني وصعبه افهمك=واشهد اني مابي افهم شخص تفكيره غريب
يآآكثر زلاتك وعيب ٍ علي اعلمك =كيف تتكلم معاي بذوق وتكسبني بطيب



//

[بدر المريحمي]

الله يعطيكالعافيه ياسعد ياسعد بين نفج يالى الطيبك معروف / طيب جدك وطيب ابوك وطيب خالك وفعلك وطيبك متنسا يبن نفج يارعي المعروف /وفعال جدك فكك ادخيل وبوك

[بروق الشمال]

سلام مني على الويلان بجمعهم=من قاصي اقصى مقاصيهم الى ادناهم

[محمد بن موسى]

ياموت ماتمهل من العمر ساعه=حتى تطيب النفس شوف الحبيبه
جاها قضاها وسلمته الوداعه=مصيبةَ ياكبرها من مصيبه

[بندر السديري]

لو تحس المنايـا ولـو تحـس القبـور=ماخذت ضحكة الدنيـا واغلـى خليـل
لكن الموت حق وكـل لحظـه يـدور=وكم عمار(ن) قصفها في صباح(ن) وليل
عقبها شفت حزن الكون غطا الزهـور=واختفا كـل معنـى للزمـان الجميـل

[شوق العنزي]

الآ يآدنيتي كنت احسب ان الناس فيها خير=طلع لاخير بالدنيا ولافي ناس نغليها
اثاري دقة الساعه تمر وتشكي التقصير=من احبابن يمر الوقت مانسمع خطاويها
رحلت وجيتهم كنت احسب إن المقابل غير=لقيت ان المشاعر ميته والوقت طاويها

[محمد بن موسى]

البارحه ياا ( .... ) شبيت ضوي =واشعلت ليلَ طافياتً شموعه
قررت ابعرف صاحبي من عدوي=وعزلت من يوم الخميس وربوعه

[غموض الشمال]

كان القصايد..بالغلا..ماتوفيك=ابعتزل شعري..وهجر..القصايد
وش لي بشعرٍ..مايسرك ويرضيك=لولا عيونك..مانظمت ..الفرايد

[بروق الشمال]

يقولون تحت الثرى فلا بد ماننساه=وانا اقول بعدي له شفوقن ولهانه

[بندر السديري]

كن الحروف تهل دم(ن) ودمعات=ومن نار حزنك ذاب ثلج الجليدي

لا تبحث الخافي ترى مامضى فات=والبس مع الايام ثوب(ن) جديدي

ذي عادة الدنيا هموم ومسرات=نريد ويكتب ربنا مايريدي

شد الحزام وقل عساها سلامات=وماكل يوم(ن) للمطاليق عيدي

[بروق الشمال]

ياحلى عسل في شفاه الحب ياسكر=ياتوت ياورد يرمان يكادي
اقرب على الخل باشواقك ولا تفكر=الفكر ماينفع المشتاق لو زادي
تعال خل الغلا يزداد ثم نسكر=في سكرة الحب والمحبوب جوادي
بيني وبينك صخب لكن ماعكر=صفوت هوانا مناقيدن وحسادي

[بروق الشمال]

تقول ارجعي شوف اش كتب وش قال=واقول ارجع واكتب علشان ماشوفه
لون المحبه قضب سبحى ولبس عقال=ماكان اكثر قلوب المواليف منحوفه
واذا جابني حظ التعاسه على هالجال=ابصبر ولو ان الزمن مابه حسوفه

[بنت الكحيلا]

ليه الدموع وليه تشكي عذابك
وانا ليا شفتك جروحي تزودي
يا دنيتي لا تشتكي من مصابك
لا عاش هم يحتويك بوجودي

[بندر السديري]

والله إنـي راس رجـال مــن روس الـرجـال=والــرجــال الـصـامـلـه بـيـنــن منـطـوقـهـا



مشربـي مـن صافـي الـعـد والنـبـع الــزلال=والـمـراجـل عاشقـتـنـي وانــــا معـشـوقـهـا



مارضيت الـذل وأقفيـت عـن صفـر الـدلال=دلـتــي كبـيـتـهـا يــــوم شــفــت حـروقـهــا

[مشهور الرشدان]

سئلت قلبي عن جروحن قديمه = هي طايبه والا لها نبض ونزوف
يقول طابت بس باقي امقيمه = وبوجودها يطريلي الهم والخوف

[شوق العنزي]

. [ الهوى ] كلمه قديمه غارزه فيني خناجر=واصبحت في هالزمن ياصاحبي مثل الخطيه

يعني انسى هالمحبه واترك الديره وهاجر=ماورى ذاك الشعور الا المتاعب والأسيه

//

[سعد النفج]

سلام يالجارح و انا عايش الجرح = رغم الثقه ما بيننا يا رفيقي
لو اشرح اسباب الغلا ؟ طوّل الشرح =و تلعب حروف الابجديه بريقي
لكن / كسرت بخاطري و انتهى الفرْح = و اللي مسح طعم الفرح / هو صديقي!
يضحك بوجهي ثم يهدم لي الصرح = و لا تستحق السالفه كل ضيقي
و ما كنت مؤمن بالخساره و بالطرح = حتى كشفت الأقنعه في طريقي

[مشهور الرشدان]

ياللي تقول ان الخيانه مؤنث
’’’’’’’’’’’’’’’’’ أرجوك لأتنسى ترى الجرح رجااال.

[شوق العنزي]

..




ملعون ابو خير الذكرى وطاريه =مامر يوم الا وطيفه .. تهيالي
راح وتركني ولاحتى طرا الجيه=وكل يوم انطر لقاه وشوفه قبالي
ياليت صرح وقال انه مهو ليه=اقلها شوفته .. تنشال من بالي


//

[محمد بن موسى]

ضيقه وهم .. وخيبة ظنون .. والآآم=تجمعت .. في راس .. رجال ..واحد
جاء يرسم ..البسمه ..على ثغر الايام=لكن هجدة من .. الصواديف .. هااجد
وتحطمت من عينه .. امآل .. واحلام=لانه وصل في وقت .. نااكر .. وجاحد

[محمد بن موسى]

يالله وان ضاق الفضاء في عيوني=تفتح لنا من عندك ابواب وابواب

[بروق الشمال]

الليل له مع خافقي حب واسرار=والدمع له مع محجري الف سيره

[سعد النفج]

مساء الخير لا و الله مساء الجرح و السكين
مساء طعونك اللي تسكن بصدري من البارح

مساء الكره و التطنيش و التحقير و التجنين
مساء الحزن و حروف الكلام المر يا جارح

[غموض الشمال]

اتابعك بسكات.. وادري اتابع
......................مجبور قلبي يتبعك وين مارحت

حبن تملكنا من.. القلب نابع
.......................ماهو تصنع ليتني فيه ماطحت


.
.

[محمد بن موسى]

لاصار خلك مبعدن وانت زعلان=دور على غيرة وغيرة ينسيك
عمر الزمن مايوم وقف على انسان=يمشي وفيه اشياء كثيرة تسليك
واللي تسبب في دمع سود الاعيان=ماهو كفو لمصافحة طاهر ايديك
خله يولي والزمن خير برهان=انه على نسيان مابك يواسيك

[بندر السديري]

خلقني الله لي شموخ ومهابه=بدري على إيدين الرخوم إتخطفهاا
أرفع مقامي عن طمان الخرابه=واطبّع إمهار الفكر واعسفهاا
والذيب مايحقر جناب الذيابه=بندر عن الشكات نفسه صرفهاا

[شوق العنزي]

.


من لايلوم النفس ماعاش مرتاح =لقى المذمه من جميع الجهاتي
ومنهو فهم ان الزمن هم وافراح =عرف دروب التهلكه والنجاتي



//

[غموض الشمال]

الضيق/ والهم/ والألام/ والحسره=اوفى من الخلق ..مايوم اغدرت فيني
مجبوره اصبر لو ان..الصدر به جمره=واخفي عن الناس دمعٍ.. هلته عيني

[بروق الشمال]

تدري علام الخواطر صايره عمسه=ودموع عيني من الضيقه اوارييها
كله سبب قلب كنه بن منحمسه=من فوق جمرن تحت ضلعين مخفيها

[محمد بن موسى]

محدً عرف سر الصدور المغاليق=غير الذي بالعرش جل جلاله

[بروق الشمال]

ماتت بي انفاس القصيد الي على هاك الرجم=واسترحمت مع يوم موتتها جميع الامنيات

[مشهور الرشدان]

ياقلب لاتحزن وجرحك مواريه = بانت وحظك كلهم يندبونه
تاهت دروبك والمعنى هقاويه = خابت وخابت في حبيبه ظنونه
ماهو بذنبك وانت حقك موفيه = ولاهو بعيب اهل العذل يشمتونه
كنت ارتوي من فيض حبه واداريه= تسهر عيوني لجل راحت عيونه

[محمد بن موسى]

الموت حق .. واصعب العمر لحظات=من تفّقده في ظرف لحظه ودقيقه
موت الفجيعه .. يذبح النفس بسكات=وتنذاه مابين الحلم والحقيقه
البارحه يامهجة الروح ضحكات=من بينهم كلاً يمازح رفيقه
واليوم اصبحنا بواقع ومأسات=كلاَ سكت ودموع عينه غريقه

[سعد النفج]

هذي علومي كان تبغى الوثايق = برسالة الجوال جالك خبرها
مبسوط متعافي و داله و رايق = و العين / عام و نص غايب سهرها
و لو سقتني للضيق ما جيت ضايق = و علاقتك ؟ ضمن الحياه و قدرها
ما شَكّلت دافع و لا هي بـ عايق = و القافله تمشي و لحدن قهرها

[غموض الشمال]

ماتعودت اتبع المقفي ولا ادور وراه=ولاتحريته يجيلي من غيابه قانعه
من رحل عني بكيفه الله يسهل خطاه=ماني له مجبر ولاني طول عمري تابعه

[بروق الشمال]

من يقول اللي ضحك ضحكه سعاده=من يقول اللي نثر دمعه حزين
والله ان جروح قلبي في زدياده=ابتسم واقول ياربي تعين

[غموض الشمال]

ببادلك نفس المشاعر والاحساس =شعور مايخفاك بالحيل بارد
ياسيدي مبداك ماهو على ساس=اطلق صراح اللي من الخلق قارد

[غموض الشمال]

ارحل وفارقني.. واطلق صراحي=ارحل دخيل الله مابيك.. مابيك
انت سبب ضيقي وسبة جراحي =كل الهموم اسبابها فعل ايايديك

[محمد دعسان]

تضايقبي بركين السكوت وتحبس الانفاس-----ونا اكابر وخفيها ولاكن بمرها مسلم
قويت الصبر وتحمل ولاشكي حالتي لناس------من الواقع وطعنات الغدر اليوم متعلم
لوتشوف ارتجاف ايدي وناكتبلك على الكراس-اكيد انك تبي تعرف جواب ولانت متكلم

[مشهور الرشدان]

والله لولا الذل واخشى من اشراك = لاقول مانت من التراب امخلوقي
لركع لكم تسعه وتسعين لرضاك = واسجد لكم من كل قلباً صدوقي

[محمد بن موسى]

ايو الله احبك ولاني بندمان=اقولها ( ؟ ) من صدق نيه
ويقولها قلبً لشوفتك ولهان=وعينً غديتي نورها يابنيه
حبك جرا بالدم مع كل شريان=واحيا ورودن كلبوها نديه

[محمد بن موسى]

ابيات ترحيبه للأعضاء الجدد
اهداء مني لرواد ويلان


يامرحبا باللي وصل ملتقانا=وانظم لاعضاءً عزين واحشام
بتشريفكم عم الفرح منتدانا=وتباشرت به بالفرح كل الاقسام
بوجودكم نفرح ويكمل هنانا=وبدرب الاخوة تنبني كل الاحلام

[حمد الخمعلي]

غبتي ولا ادري وش سبايب غيابك=والنار تحرق خافقي وانت لااهي
ماترحم اللي عن بناته شقابك=ونت ولا همك مع الوقت سااهي

[سعد النفج]

سيف الحزن يقطع من اوراق الافراح
............... و الضيق يزرع بذرته وسط روحـي
يا هيه حزني غير و صياحي صياح
............. دمعي نزل و استنزفتنـي جروحـي
مافات راح و لكن الجـرح مـا راح
............. باقي بقلبـي لـو تجاهلـت نوحـي

[بندر السديري]

صدوف الزمن واحداث الايام والشـدات=حدتني عن ديار(ن) مصيفي بأراضيهـاا
حدتني عن النمسا كسور القدم باالـذات=وانا ناوي(ن) ذا العـام ادوج بعوالهـاا
سقا الله ليال(ن) زرتها في زمان(ن) فات=وعسى الله يعوضني واسج الرجل فيهـاا

[محمد بن موسى]

اشـتـقــت لــلــي غــلاهـــا حــيـــل ذابـحــنــي=والــلـــي لــهـــا الـنــفــس ولـهــانــه وشـفـقـانــه
لــــلــــي غــنــجــهـــا وبـســمــتــهــا تــونــســنـــي=من قبل تنطق ب( بابا ) حالي لسانه
الـــبـــارحــــه يـــافـــهــــد بــالــلـــيـــل زارتـــــنـــــي=تــقــول ابــغــى بـحـضـنــك حــيـــل بــردانـــه
الـقـبــر مــوحــش ولابــــه مـــــن يـجـالـسـنـي=وانـــا لحـضـنـك وصـوتــك حـيــل ولـهـانــه
ضـمـيـتــهــا والـعــبــايــر حـــيــــل تـخـنــقــنــي=واسـتـرسـلــت بـالــدمــوع الـعــيــن غــرقــانــه

[محمد البويليد العنزي]

الشاعرسعد النفج/ في كل حالاتك جزل

قلبي ماهو بيدي لاعاف له شخص
=== لوكان أجامل معه مــــاله مكـــانه
من باعنا برخيص ينباع بالرخص
=== واللي يحقر الناس يلـقى الاهــانه

[مشهور الرشدان]

اليا ارتعش جسمه وهزت لك اردوف = يصبح لها عصم الشوارب وقوفي

[بنت الكحيلا]

يارب من ضيقة بالصدر تفرج لي

يا خالقي ما وقفت إلا على بابك

[مشهور الرشدان]

لاتنتقدني كان قلت الحق ياابن المهتدين = عوايدي مايمر علم يضرني ماعدله
أصبر على زلتي قريبي لوبها حقدن دفين = وأعلمه بكبر خطاء وان شدلي بشد له

[العنود حسين]

صعب ألقى شي فيني مايحبك ........ أنت في قلبي مثل أنا في قلبك

[محمد بن موسى]

الله يبيحك كان قلبك ظلمني=وصدق نمايم كل حاقد وكذاب
وشلون تخلف هقوتي بك وظني=وتترك خفوقي ينزف الدم منصاب

[محمد دعسان]

احساس صادق هوكتبني قصيده +++من لذته انواع الفرح تحتويين



يغزي افكاري وكل ما راح أعيده+++حتى بغموظه أعرف أنه يبيني


دليلي له قصه معايه جديده+++اكابر لكن بواقعي مبتليني


وبمشاعري سوى حكايه فريده+++وبمراره الفرقاالحزن الحزن يحتريني

[مشهور الرشدان]

فوايد الامراض تنفع للمريض =وفوايد الاخلاق تنفع للقبيح
واللي مريض اخلاق رجالن بغيض = لكن مع العالم هو اللي مستريح

[معيض بن عريفج]

مانته لحالك بالزمان الي على غيرك عليك

ولاينحني للذل راسك والحياة قصيرة

[مشهور الرشدان]

البارحه والليل موحش والاحلام = ضيف قلط وسط الحشا واستباحه
ضيف ثقيل وماعرف قدر الاكرام = عكر مزاج الفكر والنوم ازاحه
حتى قضيت الليل والجفن مانام = كابوس حلمي بالحشاء له مساحه

[عبدالله المعيوف الدهمشي]

البيت ياعايد فضى ،، ارجعوا بساع
،،،،،،،،، نبي لجاجة هالعيال الـــــــثـــلاثـــه
،
والله لهم وحشه وهم ساس الابداع
،،،،،،،،، رغم انهم احيان ساس الغــثـاثــــه

[مشهور الرشدان]

السيف له في سلم الاعراب تمجيد = ميزان عدل ومن رموز الشجاعه
حده لسان الصدق لايمكن ايحيد = لبى لقول الحق سمـعاً وطـاعـــه
بالحق سلطانه على العالم ايزيد = وكلن يقول الحق جاء من قنـاعـه
هذا تراه السيف وبكل تأكيـد = يفصل مابين أمرين في ربع سـاعـه

[غموض الشمال]

اجرح مادام الجرح يرضي غرورك=وتحسبه انك رجل لاتجبرت
انثى ولا اقدر على رد جورك=وسيلتي دمعي اليا مني اقهرت
ماهي رجوله لاتجرد شعورك=وخلى من الرحمه وغبني تخيرت
بكره يجي لك يوم والدور دورك=وتسهر عيونك مثل ما غيرك اسهرت

[محمد بن موسى]

.
.
.



يارب وان ضاق الفضاء في عيوني=تفتح لنا من عندك ابواب وابواب

[محمد بن موسى]

ضايق وهمي ياملا كنه طويق=اللي تطاول كل نجد العذيه
دايم مخاويني قبل فكة الريق=ماكن به غيري بكل البريه

[محمد بن موسى]

راحت سنين العمر اطرد ورى رضاك=وياللأسف مابان صدقي بعينك
شككتبي وانا اشربك شوق واضماك=وخونتني وانا احسبني ظنينك
هديت كل اللي بنيناه واياك=وقطعت حبل الوصل بيني وبينك

[همس الورد]

ليه [أحس] إني مـ ع ـاك إنسان [ثـاني]

وأني [ أسعــد ] شخص في هذا الوجود

وان في يديني مفاتيح الأمـانـي

وكل درب امشيه مفروش بــورود

كن عالمه عن النــاس أحتــواني

وكنه للقلب وأشـواقه وقــود

كل يـوم القـى لـه [ صـرح ] بكيــاني

وكل يـوم وعشقه فينـي يـــزود

[محمد دعسان]

اليوم لتعاتب ولتقدم اعذار ---ياما نصحتك ماسمعت النصيحه

[محمد دعسان]

اليوم لاتعاتب ولاتقدم اعذار---ياما نصحتك ما سمعت النصيحه

[محمد دعسان]

ماعرف الون باالقصايد كلامي--الصدق مبدى والنفاق التعاسه

[مشهور الرشدان]

قبل امس ذبحت المستحيل بيدي = واليوم صادقت الامل واستقريت

[صالح المزيني]

يا حظ ما ودك تعدل لو شوي=وشبك علي يا حظ دمرت حالي
شف حالتي يا حظ ماظن لها زي=من زود همي صرت كني لحالي
أمشي و أدوج الدرب لكن ولا شي=أمشي يمين و تتجه لشمالي
لكن على اللي مروي الأرض بالمي=يرفعك يا حظٍ به الوقت مالي


صالح المزيني

[خلف بن فهد الراشد]

انا على طيب الليالي بولاويل
وهي على تجر من غبر الايام

عمرآ قطفت زهور عزة بهاذيل
وعمرآ اعيشة بين اهات وسقام

وشي حياتي قطرفي لي الهلاهيل
اذا لفاك العلم من فواه العلام

خلفكم

[محمد بن موسى]

عجزت لا اعرف يالغلا وش نواياك=واتـعـبــت رجــلــي بـالـمـشــي والـوقــوفــي
حـيـرتـنــي واحــتـــرت يـالــتــرف وايـــــاك=واحـتــارت الافــكــار مـعـهــا الـحـروفــي
مــــــره تـــقـــول الــقــلــب مـــيـــت لـلــقــيــاك=ومـــــرات عـيــنــك يـمــنــا مــــــا تــشــوفــي

[بندر السديري]

والله إني راس رجال من روس الرجال=والرجـال الصاملـه بينـن منطوقهـا
مشربي من صافي العد والنبع الـزلال=والمراجل عاشقتنـي وانـا معشوقهـا
مارضيت الذل وأقفيت عن صفر الدلال=دلتـي كبيتهـا يـوم شفـت حروقهـا

[بنت الكحيلا]

ما عصاني بيت شعري من كتبته

ولا بغيته جاء يلبي ما عصاني

ما اذكر اني في حياتي قد غصبته

لا دعيته في رضاه اقبل وجاني

[سراب نجد]

يا سعـد بالله قلي وش أقول *** حاول تغششني بجمله مفيده
جمله لها مكان بالعرض والطول*** يشتاق يسمعها كل شهماً وليده
والشكروالتقدير للربع موصول*** لعموم وايل طيبين الحديده
(سراب نجد)

[بنت الكحيلا]

مهما حصل بيني وبينك من خصام =مافيه اقرب منك لي يا منيتي


لك من صميم القلب قدر ن واحترام =وانت بعيوني يا عيوني دنيتي

[حمد الخمعلي]

العمر مثل الزهر والحب سريانه=يسقيه أعذب زلالٍ صافيٍ نبعه
تشرب عروقه وتصبح منه رويانه=تزهي بطبع العشيق اللي على طبعه

[غموض الشمال]

ماهو ضروري املك الخلق باعجاب
.......................اهم شي احمل بنفسي قناعه

مازل ماخطي وادمح ذنوب الاقراب
...................والزم حدودي عن دروب الدناعه

وان جاب لي حظ الردى هم وانشاب
............................لجيت للمعبود ذلن وطاعه

[بنت الكحيلا]

والله ما سلمت قلبي لمخلوق

وكل ما تغيب يزيد سهم احترامك

فيك الوفاء والحب والصدق والذووق

قول وفعل لا قلت يصدق كلامك

مثل الجبل ثابت ولا تهزك برووق

واللي يهاط صعب يوصل مقامك

[مشهور الرشدان]

الضيقه اللي من لها سنين تخنقني = مدري علام الناس لي ماتصلحها
هو الوطن ياهيه ماهو بعاوزني = والا ملوك الارض ماتبغاء مرابحها
العمر روح وهذا اللي يضايقني = والعالم الخايبه تـطـرد مصـالحـها
كن البنيخي على ضيمي تويدني = مافـيـهـم اللي فزع يالله تذبحـهــا
شوارد الفكر تاخذني وتبعدني = وترى المصيبه اذا قامت مراوحها

[مشهور الرشدان]

الحاله اللي جت بعد صد وفراق = ادخل على الله ماتصفها الكتابه
باسبابها يازين غلفت الاوراق = بالحبر ودموع العيون الغلابه

[مشهور الرشدان]

يا جرح انا مالي سوى جرحي اعلاج = دامت كلام الناس تصل النوايا
اعيش حال الصمت في دنياء الازعاج = واكتم جروح الروح وسط الحنايا

[بنت الكحيلا]

لقيت لك غيري حبيب ن يسامرك =وانا سهرت الليل كله لحالي



متى لهيب الشوق باالوصل يأمرك =وافرح بشوفك يا بعد كل غالي

[مشهور الرشدان]

دخلت مع باب المحبه برجلي = وحرمت انا ماخش مع نفس هالباب

[بنت الكحيلا]

يارب ياخالقي ياغافر ذنوبي

احاسب النفس لجل رضاك واكسرها

يا الله طلبتك بأمرك سهل دروبي

وكل الصعايب سألتك لي تيسرها

يارب من زود همي ضاق بي ثوبي

اطلبك رحمة واموري لا تعسرها

[سراب نجد]

الحكي واجد والسوالف أمثيره

والنفع بوقته والجماله ما هي بيع



من لانفعني بالحياه القصيره

يا مت ما ني راجياً له منافيع

[سراب نجد]

ودي بجمعاء الجماعه وودي

دايم هواهم ما يخالف هوايه


وأنا لهم بومورهم مستعدي

وكسبة رضاهم رغبتي هي منايه


حب الجماعه ورث أبويه وجدي

ما نستمع للبلبله والوشايه

[سراب نجد]

البارحه واليوم ما ذقت أنا النوم

سهران وحدي والعرب ما دروبي


وأسباب ما بي صرت مرهق ومهموم

يضوي علي الهم وقت الغروبي

[سعود الخلف]

أمسيت ليلي لاأتضايق ولاأضيق
....................... وأصبحت صبحي من عنا الوقت ضايق



الوضع مايحتاج ياقلب : تدقيق
....................... ساعة حزن عاشت بفرح الدقايق !!



والضيقه اللي باغتتني على الريق
....................... تقفي وتقبل لاشافت البال رايق





..

سعـود الخلف

[غموض الشمال]

هني عينك نايم من اول الليل=وانا عيوني عافت النوم منك
ماغير انا وطيوف زولك تعاليل=ريح عيونك وبسهر الليل عنك

[بندر السديري]

على نزفك نزف جرحي تشاركنا ألم وجروح=أشيل هموم عن قلبك وعن قلبي تشيل هموم
وجودك بس يكفيني وأنا مالي معك مصلوح=هلابك كل ماجيتي وأبا أقدم لك المقسوم

[محمد دعسان]

الله من فرقاء تشل احساسي--وراهاق منه ترتجف ايديه
الظلم لاجاء من قريب قاسي--لاكن بحكمه خلهاء عاديه

[سعود الخلف]

الظلم لو زعزع شمـوخ الرواسي
....................... ماكان طعنات الظهر جات : فرديه






:)

سعود الخلف

[سراب نجد]

سجل حضورك والسوالف لها ذوق

ولا خير في هرجاً على غير معنى


وتر مجلس الوافين دايم له احقوق

والطيبه وأن جات فيها الستمعنا


والشعر سبك وحبك وأختيار طاروق

والوزن والمعنى والحقيقه طمعنا

[غموض الشمال]

لاجيت ابسجل حضوري تكدرت=ماللحضور بغيبتك اي داعي
ياللي على قلبي ونبضه تصدرت=مدري علامك صرت للبعد ساعي
مدري نسيت الحب ولا تكبرت=وقتن جمعنا راح كله ضياعي
مادام هذا دربك اللي تخيرت=بحاول انسى كان لي قلب طاعي

[بنت الكحيلا]

يارب نطلب منك رحمة وغفران

في شهرك اللي كلنا صايمينه

عبد ن مشى برضاك ما هو بخسران

خسران من ضيع رضاك بسنينه

ياغافر الزله ويا رافع الشأن

نسألك تملا قلوبنا بالسكينه

[سراب نجد]

سجل حضوري وأنتبه لا تنشد

عن الجروح المبطيه والجديده


وأنا أتصبر وأخر الصبر له حد

ياقوا صبري كن قلبي حديده



وأصبر وأبا أصبر وأخر الصبر لا بد

يات الفرج من عند رازق عبيده



أحداً يجيه الخير بالصاع والمد

وأحداً يجيه الرزق مده زهيده

[غموض الشمال]

يابنت انا اكبر منك واكبر من احكاك = ومن عادتي اصبر وللصبر حده
كاني عطيتك وجه وسايرت ممشاك=بابن فتحته لازم اني اسده
ان كان شوفك ماتعدى لماطاك= فوقي ترى قولك لشخصك مرده

[سراب نجد]

البارحه سهران ما نمت أنا الليل

ياكن وسط الجوف نار وحطبها


والليل كله راح بالحط والشيل

ماعاد انميز صدقها من اكذبها


والصبر مفتاح الفرج والغرابيل

من حض مقروداً نصيبه كسبها

[سراب نجد]

عزاه يا طرفاً من النوم محروم

كن الحماطه تدرج وسط رمشك


واللي حصل تاكيد قدره ومقسوم

وعندي يقين أكيد ما يدخله شك

[بنت الكحيلا]

تدري وش اللي اكرهه في حياتي

اني اشوف انسان عايش بقلبين

وتدري وش اللي ما هوبمن صفاتي

اني اخون اللي سكن بالشرايين

وتدري وش اللي قد يقرب وفاتي

اليا مدحت انسان غيري ببيتين

وتدري با انك انت اعز امنياتي

الياجمعنا الله على الشرع والدين

بنت الكحيلا

[سراب نجد]

مالك ومال الجرح خليه خافي

معافيك ربك والخلائق لها السرار


يا ورد ياريحان يا ماس صافي

يا زهرة البستان من بين الأزهار


لا تبحثين اومور فيها أختلافي

وأنا صبور وشخص ماني بثرثار

[سراب نجد]

يا اللي نظرك يقاس بحدود ماطاك

أرفع نظرك وخل شبحك بعيدي


ترى خيول العز يا طحت تاطاك

السمع كلامي جاك علم الزنيدي


خلك رزين وثبت المشي بخطاك

عساك دوم بخير فالك سعيدي

[بندر السديري]

الصراحه ويش مفهوم الصراحه=من يجاوبني وله باالخشم حبه
كل يوم(ن)نبتديبه من صباحه=لين يسري الليل باأسرار المحبه

[بنت الكحيلا]

عيدك سعيد وياعسى ايامك اعياد

وانا ليا شفتك يجي يوم عيدي

العيد فرحه والفرح فيك يزداد

واكتب لك ابيات الشعر من وريدي

ياعل عيدك يا هنا الروح ينعاد

وافرح بشوفك يا مناي البعيدي

[سعود الخلف]

اقتباس:
المشاركة الأصلية كتبت بواسطة بندر السديري http://www.weelan.com/vb/mecano/buttons/viewpost.gif (http://www.weelan.com/vb/showthread.php?p=383044#post383044)

الصراحه ويش مفهوم الصراحه=من يجاوبني وله باالخشم حبه
كل يوم(ن)نبتديبه من صباحه=لين يسري الليل باأسرار المحبه






:





مبــدأ / تلاشت فكرته من جراحه
....................... والرابح اللي يشربه ولك يصبه





رّيح ولاتنشد عن أهل الصراحه
....................... البقى براسك ترى الكل كـبّه







:)

[سراب نجد]

الصراحه ويش مفهوم الصراحه=من يجاوبني وله باالخشم حبه
كل يوم(ن)نبتديبه من صباحه=لين يسري الليل باأسرار المحبه






الصراحه عز والمنطق نجاحه

وكل فاهم مثلكم يعرف مطبه


يازعيم العرف يارمزالفلاحه

كل غصناً هزه الريح ابمهبه

[محمد بن موسى]

.
.

آلحآل مآش و نحمد الله على الحال
لو إن عيوني في دموعي تغآرق

لكن و ربي ضعت و إحمولي إثقال
هي من طعون أصحآب و الا مفآرق

[مشهور الرشدان]

بندر السديري سعود خلف سراب نجد
انتم اهل الشعر الحقيقي صح لسانكم جميعاً

الله يعين اللي على الصد مجبور &&& والله يخس اللي يفارق خله

[سعود الخلف]

ماعليـك زود يابن رشـدان
وصح بدنك طال عمرك






/







ياهيـه دامه مابقى غير لوعات
........................ وش عاد لو كانت عظامي كسيره




ياليتها شطحه على قول شطحات
........................ أو ليتها " شفره " وتقفي ابخيره




يافصلتي كثر ماعشت فصلات
........................ ياحيرتي كثر ماعشت حيره




ياهيه أسمع وأقتنع بالذي / آت
........................ الشيخ لولا شيخته ماتبعته العشيره




ياهيه أسمع وأعطني بعض الأنصات
........................ كم من فقير لـ مبداه تخضع أميـره !!

[بندر السديري]

مبــدأ / تلاشت فكرته من جراحه
....................... والرابح اللي يشربه ولك يصبه






رّيح ولاتنشد عن أهل الصراحه
....................... البقى براسك ترى الكل كـبّه

صح الساانك ياسعوود


الصراحه عز والمنطق نجاحه

وكل فاهم مثلكم يعرف مطبه


يازعيم العرف يارمزالفلاحه

كل غصناً هزه الريح ابمهبه


صح الساانك سراب نجد

بندر السديري سعود خلف سراب نجد
انتم اهل الشعر الحقيقي صح لسانكم جميعاً


ماعليك زوود ياالمطنووخ

[ابو غريب العبدلي]

المرجله في هالزمن دمها سال= صارت ضحيه وعرضها صار مهتوك

اما تعيش بذل وتصير محتال= والاترى دمك مع الناس مسفوك

وقت يحير صاحب الفكر والبال= فيه البشر مابين عارك ومعروك

هذا جوابي كان تنشد عن الحال=والهرج كثره يابن الاجواد متروك

[محمد بن موسى]

ياما نزفت من الشعر اجمل ابيات
وياما كتبتك يا جـــروحي قصـيدة

انا ادري ان الوقت ياغايتي آت
ومن بعدها نقول فرصه سعـيدة

[فــرج الدهمشي]

اسرجت من خيل المعاني والاحساس=اجمل وصـوف ٍ للحبيـب المثالـي



فـ

[بنت الكحيلا]

كان الرجوله بالمهايط والاقوال

حتى المره تملك صفات الرجوله

[العنود حسين]

ثلاث سنين من عمر الشقا يا قلبي المسكين ..
هِنآآآك .. اشعل شموع الحزن يحيي عيد ميلاده ..

[سعود الخلف]

الحـزن ثوب ولكن الجرح خامـه
........................ تفصلـه مـن طعـن يـمـنى مـداويـك





والفـرح شرهـه والأمـل له حـزامـه
........................ ياقلب خابت شرهتك مع هقاويك





الدمـع طفل أبـدى لحـزنـي أحترامـه
........................ ياعيني هلي الدمع وفلي الشبابيك





والحـظ مكتـوب القـدر بـه عـلامـه
........................ لعبـة قـدر والحـظ منها بـ يعطيـك





والصـدق صوت الحـق يزعـل كـلامـه
........................ والكـذب عـزف والبشر فيه تغويـك

[محمد دعسان]

الطيب صاطع ما يتخفى يبين--ويازين طيب يجيك من راس هامه
ولاانت ياابوسيف طيبك يزين--والشكر لاجا منك عالي مقامه

[ابو غريب العبدلي]

http://www.omanibfs.com/uploaded/781_11227540654.jpg







نروض اللي مالها سرج واعنان = وياما عسفنا ثم طرحنا خيوله

حنا ترى ويلان من ساس ويلان= نعطيك من زود الجهامه سيوله

[سعود الخلف]

طقيتها لطمه وعلى الله توكلت
........................... ضاق الهبُـوب وضاق صدر الشمالي




في عزلتي بمجلس همـومي تعللت
........................... بهرت حزني " دمع " وفاحت دلالي

[مشهور الرشدان]

تزعل وتتضايق وانا معك موجود = وشلون لاغبت عنك وتنحيت
ماتدري ان الضيق منسي ومفقود = اليا التقى قلبي وقلبك وغنيت
غنيت لك حبي على ريشة العود =وارخصت لك قلب الحزن والتناهيت

[محمد دعسان]

مارق جوي والشقا يبرالي - والفلب الاقشرسلم امره توه
اسباب من جاءو لعب بحوالي - قلب موازيني وصرت اتوه

[مشهور الرشدان]

تشعل مشاهيب الغلا داخلي نار = والجوف من كثر الوله فيه جمر
عليك ياللي بينهم فايف ستار = كل الحبايب من غلاتك تذمر
غلاك عندي ملفت لكل الانظار = من مطرقة حبك بقلبي تسمر
اغليك ماجارت على الروح الاقدار = مازال نسل اادم على الارض عمر

[بروق الشمال]

صبلي من دلة الكيف فنجالي=بشربه عله يعدل موازيني
من رحل دمعي على الخد همالي=كاشفن سر القلوب المحازيني

[بندر السديري]

الشاعر اللي ما قصد باالمزايين=إما فضيخ القلب وإلا هبيله

أعماه ربي مع عمى القلب والعين=القلب خالي والهبايب تشيله

شعر الغزل لاصار يرضي هلا الدين=مافيه للشعار ذنب وفشيله

[طيف القصيد]

صح اللسنتكم جميعا


ودي تعرف الهم ومثلي تذوقه

تمسي على دمعه وتصبح على اه

حالي صواديف الليالي تعوقه

وبالي عنى الهاجوس جابه ووداه

حبك سرى بالدم سمم عروقه

ودموع عيني مالها امثال وشباه

[بروق الشمال]

صباحكم سكر جميعا


ليتك تجي وتشوف حالي بلياك=ياصاحبي عقب المعزه ذليله

[بندر السديري]

اقتباس:
المشاركة الأصلية كتبت بواسطة بروق الشمال http://www.weelan.net/vb/mecano/buttons/viewpost.gif (http://www.weelan.net/vb/showthread.php?p=389375#post389375)

صبلي من دلة الكيف فنجالي=بشربه عله يعدل موازيني
من رحل دمعي على الخد همالي=كاشفن سر القلوب المحازيني






الفراق اللي طوى حالك وحالي=ماترك لي غير هم(ن) يوازيني
من رحل ودع به الخالق الوالي=والله يجازيك صبر ويجازيني

[سعد النفج]

يا هيه جيتك شاعرن من هدؤه ما يفيق = لو شفتي بسماه تلبيد و البارق برق
جيتك و انا ادري بالطريق و مشاريه الطريق = و ادري قبل لا اجيك كم مره الباب انطرق
ما جيت ابلعب بالمحبه و اقول اني صديق = و لا جيت لجل اشوف ضحكك مع الناس انسرق
جيتك صديق و معجب و هاوي و جيتك عشيق = جيتك و قلبي بالمحبه تصبّر و احترق

[محمد بن موسى]

.
.

ياصاحبي .. لو شفتني / ماتكلمت
ترا خويك .. ماخفته .. المعاااني

انا حشمتك لوعلى صاحبك / لمت
عن كلمةَ .. آخر مداها .. لسااني

لاني من صدوف الليالي / تعلمت
ما اشنى خويي لو خويي .. شنااني

واصبر ولو جارت علي .. وتألمت
واعز شانه.. قبل لا يعز .. شااني
.
.

[حمد الخمعلي]

غلاك لو جيت اعبرله بقيفاني000=تلعثم الحرف دون اللي ابا قوله000
لأن الغلا أكبر من اللي ينطق لساني000=وظلمك بالحرف لا؟ماهي بمعقوله000

[بروق الشمال]

تسلم اخوي بندر
كلي شرف في مجرات اخ وشاعر كبير كبندر لي




جيتك وانا ضامي من العام للعام=ابي ارتوي من ماك لو سم حالي

[سعود الخلف]

أترك جروحك للوقت ياصاحبي ونام
........................... ولاتلتفت للجرح لو نزيفه تجـدد



وإن كان شفته بمواجعك أبحر وهام
........................... أقطع عروقـه قبل إنك تـردد




:


سعود الخلف

[غموض الشمال]

اول عليك اغار من كل مخلوق=واموت لو غيري تنفس حروفك
واليوم ضاع الحب والخوف والشوق=لا امر صفحاتك ولاحب شوفك

[بنت الكحيلا]

ماهي انا اللي اكون لغيري المرمى

وما احب احد في شباكي يوضع اهدافه

والشفه القاصرة ما تستر الثرمى

والعيب والله على من يكشف الحافه

[بروق الشمال]

ياصاحبي كثر الحكي والمشاريه=ماغير احداث الزمن والحقايق
شخصن تغير في حياته مباديه=وشخصن تمسك في حياته طرايق
وشخصن رمد عينه بتكحيلة ايديه=وماهو بعد تكحيل الاعيان رايق
الشمس ماغطت بغربال ياهيه=تبقى الحقيقه واضحه للخلايق
وانا انا درب المعاييب ماجيه=لو كان غيري في بحوره غرايق

[ابو غريب العبدلي]

عمرك تجاوز وانت للحين بلفيت= عايش شباب وشيبتك تمتلي زيف

منشان ؟؟؟ كم مراسيل صكيت = ياعنتر الي لك بقايا تناتيف

مثل العروق الي بالاقدام دبيت= او كالغبار الى حفة السيف

وياكم على ذيك الليالي تشاويت= الى بها عبله وبنت العدو طيف
[/ ]

[محمد دعسان]

العب باالحرف وحتكم لك باالوزان--ونا على كيفي صنعت المساحه
ما شلت هم ولاتظايقت بحزان --وواجه الصعبات بصبر وصراحه
وعلم الردا والله مبغاه لوزان --وراع الوفا المه وضمد جراحه

[بروق الشمال]

وجيه البشر تحكي على سر بالمعلوق=ولو خبت الالسن فلا بد من زله

[مشهور الرشدان]

اول اقول انك على الجرح تشفيه = والحين ماتشفي وانا جروحي عطاب
اهد في بيت الجفاء وانت تبنيه = وتسوق لي جيش المفارق على اركاب
اون وناتي واسوق المشاريه = وتصـدني برمـاح وتكشـر النـااب

[بروق الشمال]

مبدع وانا اختك ياخوي مشهور



كل الاوادم تجي وتروح=الا انت للقلب محتلي
لو يبعد الجسم تبقى الروح=متعلقه في وانا اهلي

[بندر السديري]

ينوي الجرح خلي مير قلبـي فطيـن
مـادرى انـي عليـه ادور والفهـاا
مادرى ان السديري طول عمره ذهين
بندر يبعثـر الاعصـاب ويصفهـاا

[غموض الشمال]

اغيب ويرجعني غلاك وحنيني=واشتاق لك وارد ضامي لقياك
غلاك في قلبي بوسطه دفيني=الله من زود الغلا غصبن اعطاك
يامنتدى الويلان هذا كنيني=ماقدر على الغيبه ولاطيق جفواك

[سعد النفج]

في عام 1432 هـ
فقدان لـ الأخوان سعيد و فرحان رحمهما الله
يا هيه يا عام الثنين و ثلاثين
مدري علامك ما تقدّر ظروفي

سعدون فاقد له من سنين سيفين
و انا فقدت اليوم غالي سيوفي

سعدون فاقد له من عياله اثنين
و انا فقدت مجمعين الصفوفي

فقدت جداني نكال المعادين
والكل منهم بالفعول معروفي

فرحان و سعيد الرجال الوفيين
اللي عليهم دمع عيني ذروفي

[بروق الشمال]

الله يطول في عمر حامي الدار=الي من ايدينه تزيد العطايا
راس الوفاء والعز ومكرم الجار=تشفق على شوفه جميع البريا
بقلوبنا مزروع حبن ومقدار=للي ملك كل القلوب الهدايا



الله يطيل بعمرك يابو متعب
ويحفظك لدار ولشعبك
سليم معافى

[سعد النفج]

حنــا فــدا للدار يا باغي الــــدار
تبطي و لا تلمس من ترابها شي

[غموض الشمال]

لاصرت ماشعر في غلايه وانا حي=لامت ماينفع بكاك ونحيبك
تعال بدل ظلمة الليل بالضي=ابي احس اني غلاك وحبيبك
وان كان ماتبغى غلايه ياخي عي!!=جمالةٍ كمل بها اليوم طيبك

[سعود الخلف]

هنا هنا بالجـوف من دون زلوم
....................... تحدرت من جرح الأحباب دمعه



هنا هنا حظي شلع به أشهب البوم
....................... وهنا طفت من دمع الفراق شمعه



هذا مكاني أمس وبه واقف اليوم
....................... يالله عسى / تكتب تواليها جمعه

[غموض الشمال]

البارحه جوه من الضيق مخنوق=والقلب وسطه هم مجهول الاسباب
واليوم صبحه مظلمٍ مابه شروق=جانا خبر نور البلد اظلم وغاب
الموت حق وذايقه كل مخلوق=امر الولي تخضع له نفوس وارقاب
مرحوم ياسلطان من قلب محروق=قلبٍ على فرقاك ثكلٍ ومنصاب
ياعل قبرك روض واجنان وبروق=وفي جنة الفردوس تجمع بالاحباب