كـــــشـــكـــــوووووول

[مشهور الرشدان]

النوم ياللي تالي الليل هجاع = مداعب عيوني ولاجا هدبها
ينساع فكري لـ اشهب اللال ينساع = ومزن المفارق مسمعتني رعدها

[مشهور الرشدان]

الليل ظالم والقمر ماله أحظور = وهذي عماير ديرتاً كنت ابيها
بعض الظروف تخلي الرجل مجبور=انه يحب الديره ولا يجيها

[مشهور الرشدان]

ياللي شكيت الهم والحس مبحوح = سند وتلفحك الهبوب المشافيح
جفنك من الدمعات ياهيه مفضوح = وهمك ولو لحظه من القلب مازيح
تشكيلي همومك وانا منك مجروح = وانت الدواء للجرح وانت التباريح

[مشهور الرشدان]

في منتدى اللي ذكرهم ماله حدود = ويلان والتاريخ موثق وحي
هم لابتي لاحك عوداً على عود = فيهم علوم رجال ماغيرها شي

[مشهور الرشدان]

يانسل سحمه صارت اجواؤنا غيم = وماضنتي بتعكر والراس مرفوع
ان ماحلبت عقب العصر رش او ديم = والا شربنا من ثناياه قرطووع

[مشهور الرشدان]

دمعت ملك تذرف عشان عياله = ماهو عشان الحب والهاويـه
يبكي عشان الشعب واليتامـى = مافيه بالعالـم عطوفـاً زيـه
يالله تعطيـه الهنـا والشـده = ويقودنـا للحـق والجـديـه
ابن الامام اللي يشرف فعلـه = اللي حكم بـاللطف والماويـه
دخل تاريخ الامـه ومنهاجـه = وصاروا هل العوجا بناراً حيه

[مشهور الرشدان]

وجه الفهد اخير من وجه الغزال = وجسم الغزال اخير من جسم الفهد
ومن تجتمع بـ اعضاه زينات الخصال = لايمكن انه يوفي بكل العهد

[مشهور الرشدان]

علميني يالمقابر وش بلاك تصايحين = من ذنوب الخلق والا من سوار المقبره
راحت ليالي حنين وعودت مامن حنين = ومابقابي غير ذنب ويرتجي للمغفره
والله اني كل مالديت في ذاك الجبين = يستهيض بداخلي جرحاً قديماً وذكره

[مشهور الرشدان]

مايسحر الرجال ياكود ثنتين = اما عيون البنت والا حياها

[مشهور الرشدان]

الفكر لامن تربع تطلع الغام القصيد = والجزاله والمعاني في يدي وفرها
اقو من نحت الصخر واقو من فك الحديد = اشيلها واحطها ومستحيل اضرها

[مشهور الرشدان]

كلن قصد بالخصر والردف والعين = واللي يبي مشهور محداً قصدبه

[مشهور الرشدان]

سئلت قلبي عن جروحن قديمه = هي طايبه والا لها نبض ونزوف
يقول طابت بس باقي امقيمه = وبوجودها يطريلي الهم والخوف

[مشهور الرشدان]

ياللي تقول ان الخيانه مؤنث = أرجوك لاتنسى ترى الجرح رجااال

[مشهور الرشدان]

ياقلب لاتحزن وجرحك مواريه = بانت وحظك كلهم يندبونه
تاهت دروبك والمعنى هقاويه = خابت وخابت في حبيبه ظنونه
ماهو بذنبك وانت حقك موفيه = ولاهو بعيب اهل العذل يشمتونه
كنت ارتوي من فيض حبه واداريه= تسهر عيوني لجل راحت عيونه

[مشهور الرشدان]

والله لولا الذل واخشى من اشراك = لاقول مانت من التراب امخلوقي
لركع لكم تسعه وتسعين لرضاك = واسجد لكم من كل قلباً صدوقي

[مشهور الرشدان]

لا مايتزرى كود راع المناقيد = اللي به نقصاً ويرجا الكمالي

[مشهور الرشدان]

اليا ارتعش جسمه وهزت لك اردوف = يصبح لها عصم الشوارب وقوفي

[مشهور الرشدان]

لاتنتقدني كان قلت الحق ياابن المهتدين = عوايدي مايمر علم يضرني ماعدله
أصبر على زلتي قريبي لوبها حقدن دفين = وأعلمه بكبر خطاء وان شدلي بشد له

[مشهور الرشدان]

البارحه والليل موحش والاحلام = ضيف قلط وسط الحشا واستباحه
ضيف ثقيل وماعرف قدر الاكرام = عكر مزاج الفكر والنوم ازاحه
حتى قضيت الليل والجفن مانام = كابوس حلمي بالحشاء له مساحه

[مشهور الرشدان]

السيف له في سلم الاعراب تمجيد = ميزان عدل ومن رموز الشجاعه
حده لسان الصدق لايمكن ايحيد = لبى لقول الحق سمـعاً وطـاعـــه
بالحق سلطانه على العالم ايزيد = وكلن يقول الحق جاء من قنـاعـه
هذا تراه السيف وبكل تأكيـد = يفصل مابين أمرين في ربع سـاعـه

[مشهور الرشدان]

قبل امس ذبحت المستحيل بيدي = واليوم صادقت الامل واستقريت

[مشهور الرشدان]

احسد اللي يستطيعون البكاء = من دفا العبرات ترتاح القلوب

[مشهور الرشدان]

الضيقه اللي من لها سنين تخنقني = مدري علام الناس لي ماتصلحها
هو الوطن ياهيه ماهو بعاوزني = والا ملوك الارض ماتبغاء مرابحها
العمر روح وهذا اللي يضايقني = والعالم الخايبه تـطـرد مصـالحـها
كن البنيخي على ضيمي تويدني = مافـيـهـم اللي فزع يالله تذبحـهــا
شوارد الفكر تاخذني وتبعدني = وترى المصيبه اذا قامت مراوحها

[مشهور الرشدان]

الحاله اللي جت بعد صد وفراق = ادخل على الله ماتصفها الكتابه
باسبابها يازين غلفت الاوراق = بالحبر ودموع العيون الغلابه

[مشهور الرشدان]

ياجرح انا مالي سوى جرحي اعلاج = دامت كلام الناس تصل النوايا
اعيش حال الصمت في دنياء الازعاج = واكتم جروح الروح وسط الحنايا

[مشهور الرشدان]

دخلت مع باب المحبه برجلي = وحرمت انا ماخش مع نفس هالباب

[مشهور الرشدان]

العيون اللي تناظرني عذاب = من حلاها صرت انا مسحور فيها
اسحرتني واسحرت كل الشباب = واعذاب اللي بعمره يحتريها
كنت يياسلمان في عمر الشباب = لين عيني مرت الفتنه عليها
شيبتبي وافقدتني للصواب = العقل والقلب كله في يديها

[مشهور الرشدان]

تزعل وتتضايق وانا معك موجود = وشلون لاغبت عنك وتنحيت
ماتدري ان الضيق منسي ومفقود = اليا التقى قلبي وقلبك وغنيت
غنيت لك حبي على ريشة العود =وارخصت لك قلب الحزن والتناهيت

[مشهور الرشدان]

تشعل مشاهيب الغلا داخلي نار = والجوف من كثر الوله فيه جمر
عليك ياللي بينهم فايف ستار = كل الحبايب من غلاتك تذمر
غلاك عندي ملفت لكل الانظار = من مطرقة حبك بقلبي تسمر
اغليك ماجارت على الروح الاقدار = مازال نسل اادم على الارض عمر

[مشهور الرشدان]

اول اقول انك على الجرح تشفيه = والحين ماتشفي وانا جروحي عطاب
اهد في بيت الجفاء وانت تبنيه = وتسوق لي جيش المفارق على اركاب
اون وناتي واسوق المشاريه = وتصـدني برمـاح وتكشـر النـااب

[مشهور الرشدان]

يالله تغفرلي تكفى ياربي = وتغفر عن اللي عنده اخطاء وذنوب
الادمي من كل ذنب امتعبي = وخيرالاوادم من بعد ذنبه ايتوب
وانا رجيتك والهواجس تهبي = يالله ترشدني على المنهج الصوب
نويت انا اترك لحيتي لا التربي = وعزمت اغض العين عن كل رعبوب
ومن اولن بريت بامي وأبي = لكن بزيد البر واقصر الثوب