نفسي عزيزه

[عادل علي الخمعلي]

يا بنت أنا مالي مع الناس مطموع=روحي و دربك يا وليفي تدله
اللي يقدرني على الراس مرفوع=واللي يبي فرقاي ماني اخو له
ماكل ما يصدر من الناس مسموع=ولا كل شئ بالمليله تمله
العين ما تزها بلا شوف ودموع=والطيب فالانذال حقر ومذله
اللي يجازي مدت الطيب بدروع=لازم على مرقاه رجله تزله
اليوم يقفا يوم والحزن مردوع=وللصبر في قلبي بيوت مظله
بيت الكريم اللي من الجود مصنوع=عجزت مشاهيب الليالي تهله
ثابت ولو حافه من الماقف صدوع= وما عذربه مبناه ولا محله
اقنب قنيب الذيب لا حاشه الجوع=واسري وعيني للنجوم المطله
رزقي على اللي لاومرنا له خضوع=اللي يبين كل مذهب ومله
نفسي عزيزه تكره الحب للكوع=واللي يهين النفس يالله تعله
حبر القلم يثبت ولو كان مطبوع=وان قدر الله شئ ما سال كله
من لا يفرق بين الاصناف والنوع=ادنات شئ من يدينه يشله

[بنت الكحيلا]

صح لسانك اخوي عادل علي الخمعلي

والله يعطيك العافية على القصيدة الرائعه والشامخه

وتسلم ويسلم بوحك الراقي والجميل

لك شكري وتقديري

[محمد بن موسى]

بيت الكريم اللي من الجود مصنوع
عـجـزت مشـاهـيـب اللـيـالي إتـهـله

ثابت ولو حافه من الماقف صدوع
ومــاعــذربــه مــبــناه ولا مــحـله


عادل الخمعلي

صح الساانك مدد بلا عدد

قصيدة رائعه بفكرتها ومضمونها واسلوبها

استوقفتني هذين البيتين كثيراً


تقبل مروري واحترامي

كن بخير

[محمد دعسان]

عادل الخمعلي مبدع
صح السانك
تقبل مروري
الله يحفظك

[العنود حسين]

شاعرنا القديرعادل


صح لسانك ولاهنت قصيدة رائع


ومعبرة تكدحروفها تنطق عن امافي داخلها

دمت بخير

[جلال الدرعان]

..... غــيمـــــةٌ نــاقيه...
أمــطرت كلمات نــديه
سـقطت عــلى قــلوبنا
لتروينا بــعذبها
حروفـــك كــالشمس
زاهــية بــجمالها..
شـكراً لعباراتك الــمتواضعه
الــتي أبــهجت قــلبي بــرقتها
لــقلبك بـااقاتٌ عـــــطرة مــن الــــكادي

[بسام المطردي]

صح لسانك أخي القدير عادل أبيات رائعة

[حمد الخمعلي]

اخي القدير

عادي الخمعلي

صح قلبك وسلم بوحك اخي على هذه الجزااله0


كُن بخير

[بنت راشد]

شاعرنا القديرعادي
بارك الله فيك
صح لسانك ولاهنت قصيدة رائع

[سعد النفج]

عادل الخمعلي ..
صح لسانك ..
ابيات رغم بساطتها إلا أنها تحمل المعنى الجزل ..
مميز ..

[غموض الشمال]

صح لسانك اخوي عادل

نص رائع ومميز كروعة حضورك

تقديري

[بدرفهد الجعفري]

الشاعر عادل الخمعلي

حضور جميل اشتقنا له كثيرا

ابدعت في ماكتبت وصح لسانك الي ان ترضى

وشكرا على هذا لحضور

[بروق الشمال]

صح لسانك اخوي عادي على هذه الرائعه
تقبل مروري بمتصفحك

[نافع عيد الجديد]

الغالي عادل الخمعلي
درر من اول بيت الى اخر بيت
صح لسانك وسلم بوحك الجميل
رعاك الله

[عادل علي الخمعلي]

اخواني الشعراء والشاعرات لكم مني اجمل التقدير والود
على هذا الاطراء الجميل ويعلم الله اني اريد ان اشكركل منكم
عـــــــــــلى حده لاكـــن تعجز الكلمات عن وصفكم
احـــــــــــــــبائي تقبلو شكري وتقديري دمتم بخير

[صالح الأسود الجعفري]

بيت الكريم اللي من الجود مصنوععجزت مشاهيـب الليالـي إتهلـه
ثابت ولو حافه من الماقف صدوعوماعذربـه مبنـاه ولا محـلـه


صح لسانك اخوي عادل الخمعلي

[خلف الغريب]

صح لسانك اخوي عادل ولا هان بوحك ...

ابيات جميلة رغم انه يلاحظ استقلالية كثير من الابيات عن بعضها لذا ينبغي ان يكون هناك رابط بين كل بيت والذي يسبقه .. ومع ذلك فالفكرة واضحة وجميلة في التعبير عن موقف معين ..

الف تحية لك وملاحظتي وجهة نظر خاصة بي احببت ان اقولها لك ..

شكرا لك ..

[سعود المسعودي]

صح لسانك اخوي عادل ودمت بكل خير