مشااعر واحاسيس شعراء ويلان بعودة ملك الخير والانسانيه / عبدالله بن عبدالعزيز آل سعود

[محمد بن موسى]

السلام عليكم ورحمة الله وبركاته

اعضاء وزار شبكة ويلان والعربيه

صباااح / مســاء الخير


يسعدني ان اضع بين يديكم القصائد الوطنيه

والتى عبرت عن صدق الوفاء والمحبه والمشاعر النبيله

تجاه ملك القلوب ابو متعب



وهنا مع فرحة وطن للشاعر الرائع / محسن العبدالله




تباشـري ياموطنـي قـرب العيـد=وتقلـدي عقـد الفـرح يالريـاسـه
وخلي صدا صوت الفرح لك زغاريد=حتى على الموطـن تعـم الوناسـه
وتغرد طيـور السمـاء بالاناشيـد=والارض تفرح كلهـا اليـوم ناسـه
حتى بعودتك سيـدي تفـرح البيـد=والعود خضر عقب ماضـي يباسـه
ومن الفرح العمـر يـزداد تجديـد=ولشوفتك لو دونـه المـوت داسـه
ياخـادم البيتيـن ياسـيـد السـيـد=عودك يـزود بالمواطـن حماسـه
في غيبتك الشرق الاوسـط بتنكيـد=غدو كما الكهرب ضرب سلك ماسه
شعوبهـم عاشـت مذلـه وتهـديـد=غابت رجـال المعرفـه والسياسـه
ياسيدي طيـر السمـاء زاد تغريـد=والشعب يفرح قبل قصـر الرياسـه
في عودتك تحلو بيـوت القواصيـد=يامفخـر الشاعـر وياتـج راسـه
احلـى ليـال العمـر ليالـي العيـد=ورجعتك متعافـي لشعبـك وناسـه
ياسيـدي وكـرر العلـم واعـيـد=ان رجعتك تحسب مكاسـب سياسـه

[محمد بن موسى]

الشااعره القدير / بنت راشد

(( اهتفو للمجد ))




اهتفوا للمجد واليوم السعيد = يابو متعب ياهلا ابك ياهلا
ياهلا بك ياعسى عمرك مديد = رددوها بالمحبة والولاء
شف غلاتك جرت حروف القصيد = مانتحمل غيبتك عننا ترى
يا رموز العز والمجد التليد = كلنا بالعز والخير اخشرا
سارعي للمجد نرفعها نشيد = كل شر ندفعه عنها ورا
عاد عيدك ياوطنا كل عيد = بالأمان والتطور والرخاء
بشايه المعبود رزاق العبيد = مظهر الأرزاق من بطن الثراء
عقب بيت الطين سقفه من جريد= بشامخاتٍ بالمدن ويضا القرى
مؤسسة بالعز من عبد العزيز= وعاد لك بالخير يوم إنه سرا
ياوطنا من سكن بأرضك سعيد = من شرب من ماءك في وجهه مراء
بك ظلال الشرع والحكم الرشيد = عن سموم الال في حجره ذرى
مسكنك بالقلب ولا يمكن يبيد = وأنت شعبك مايحب المنكرى
كل حاسد نكشفه مايستفيد = لو تنمق بالخطاب المفترى

[محمد بن موسى]

الشاعر / مبروك الجابر





النو ساق وساق معه التباشير = مزن من الفرحة حقوق يهله
في عودتك ياسيد كل المشاهير= المملكة فــي شوفتــك مسفهله
وفي عودتك صارت فياض ونواوير = وأنـتـه كـمـا وبـــل إذا أدهر تعله
في شوفتك شفنا الفرح منظره غير = وكل يردد مرحبا في محله
يا مرحبا وعــــداد ماغــرد الطير = وعداد ماخط القلم في سجله
ترحيب احلى من حليب المصاغير = ان ربعت يم الفياض المطله
طلعت فرحه ضمن كل الجماهير= طلعت وفا ماهي بتخريب للـه
لك يابو متعب يا سليل المناعير = الشعب كله شوفتك فرحت له
مادمت في خير ترى الشعب في خير = الخير عم الــدار ذال يوم كله
انت الزعيم اللي تقود الطوابير = وأنت الذي سيفـك علـى الشـرك سلـه
بالعدل حكمك ماهو بحكم تكفير= الشرع دايم منهجه تمتثله
ياخادم البيتين ما منك تقصير = اديت حق الله بدقه وجله
وحنا معك لجات رياح ومعاصير = عاداتنا والعمر كله فدله

[محمد بن موسى]

الشاعر / مشهور الرشدان



السالفه مني تبي قو تصوير=والصوت ياصل لو اعلامه حجبنا
الصدق باقوله ولوكان به ضير =وان خربت الطبخه ترانا خربنا
من منطلق شعوب وتريد تغيير =ارحل ياأبومتعب ترانا تعبنا
أرحل من المغرب تعال أنشف البير=تعال فرحنا وفرح عربنا
يالحاكم الوالد ويالبار يالغير=بعدك بردنا مايدفي حطبنا
حياك ربي عد ماغرد الطير=من صغرنا من عشق حبك شربنا
قلته وأناعاطل ولا أريد تغيير=أهم شي شوفك يشتت تعبنا

[محمد بن موسى]

الشاعر / شباب سعود




نحمدالله يوم زال الهم عنا=يوم عاد بخير وافراح وسلامه
المليك الي يدافع عن وطنا=في قدومه يبتهج قصر اليمامه
قايد القوات والسيف المحنا=درعها زيزومها يوم الجهامه
ابو متعب شال كل الحمل عنا=يالله انك تلبسه ثوب السلامه
خادم البيتين هو قايد ضعنا =كلبونا شعب واحد بحترامه
للمواطن خير وبنومه تهنا=واليتاما نظرته فيها ابتسامه
شاعر (ن) قال المثايل يوم غنا =يصخر الطاروق ماعنده غشامه
هاض جاشي والمثايل طاوعنا=يوم شاش الراس طشيت العمامه
والدول لحظة فرحنا شاركنا =في سلامه سيدي راعي الكرامه
مثل نو الغيث وارعوده تحنا=واصلاً خيره على شرقه وشامه
ياولد صقر الجزيره حين كنا=الولاء معكم على عز وحكامه
والسلام ختام ياحامي وطنا=انت ساس المجد رفيعاً مقامه

[محمد بن موسى]

الشاعر / فرج الدهمشي



بـديت بسم الله بدع المثايل = الواحد اللّي يسأله كل سايل
سبحان ربي خالق الكون والبشر = في اجمل التصوير واعظم وسايل
وانا احمد الله دولة الدين موطني = دولة هل التوحيد واهل الفضايل
المملكة عـز المواطـن وعزها = من عز روس ٍ طايله كل طايـل
الديره اللّي راية المجد بأسمها = نفدى ثراها عن خطآ كل عايل
حنا مدابيس الوغى دون حدها = وحكامها آل سعود من صلب وايـل
اخوان نوره ذخرنا بعـد ربـنا = اهل المواقف والعطاء و الجمايـل
وكم دولة حلة عليها الكوارث = زلزال او سيل المزون الهمايل
بأسم الملك والدين والشعب والوطن = تلقى جسور الخير فيها حصايل
الله خلقنا نعمر الارض بالوفاء = ولاثارت الهيجاء نشيل الثقايل
وختامها مني صلاة على النبي = شفـيع خلق الله يوم الهوايل

[محمد بن موسى]

الشاعر / فرج الدهمشي






يامرحبا حييت يا منبع الجـود = يالقائد اللي شوفته يـوم محسوب

عودة ملك ماهي شعـارات ووعود = عودة حبيب الشعب بالخير مصحوب

عودة ملك دايم على شعبـه يجود = من طيب ساسه صار للشعب محبوب

عودة ملك بقلوبنا كان موجود = رغم الغياب اللي به الوصل محجوب

اللي بنى مجده على شامخ الطود = اللي بشوفه جمر الاشواق مشبوب

باسم الوطن نهديه باقات وورود = ونكتب قصايدنا هجيني ومسحوب

نبني صروح الحرف لاهبت النود = ونرسم ملامح صورته نبض وقلوب

الحب جنه والغلا نبضه يزود = شمس الوفا في شوفته مالها غروب

شعبك يحبك يابو متعب بلاحدود = وبيرق غلاك بقمة العـز منصوب

ياسيدي بوجودك الخوف مفقـود = سيف الشريعه بين غالب ومغلوب

ياالحاكم اللي لك مواثيق وعهـود = لا ضاعت الحيلات والحق مسلوب

انت الحكيم اللي بالافعال محسود = وانت الحليم اللي بالاسلوب مرغوب

انت الزعيم اللي على القمه يسود = وانت الكريم ليا غدى الطيب عذروب

وسلامتك يا سيدي منبع الجود = عسى الُولي يجعلك الآجر مكتوب

[محمد بن موسى]

الشاعر / سالم السلمي




الظهر وقت النوم جتنا البشارات=تقول مابه نوم جتك البشاير
الطائره عدت جميع المطارات=على(رياض)العزسوت دواير
بها سليل المجد راع المروات=عبدالله اللي لاغدا الوقت جاير
عبدالله اللي دائماللمهمات=حلالها باالوقت لاصار صاير
هو ضلنا لاصار باالوقت ميلات=معا دروب المجد هو دوم ساير
باالطايره وارسل جميل القرارات=في مصلحه شعبه يدور السراير
اعفاء عن الموتى وثبت بدلات=والقرض زاده يوم شافه تطاير
قال انعمو باالامن واعتزو الذات=وخلو على الظالم تدور الدواير
الله يحفظه للوطن باالسلامات=من كل سوء ولاتجيه الشراير

[محمد بن موسى]

الشاعر / فاضي عبدالعزيز




استبشري ياالمملكه دار ال سعود=وزفي التهاني في عذي العبارات
لك عاد من جوده بالاعيان مشهود=خادم بيوت الله في كل الاوقات
يا خادم البيتين يا حاكم الجود=نقول لك من قلب صادق سلامات
يا سيدي شف شعبك الطفل والعود=عن فرحته عبر بكل العبارات
في غيبتك الكل ضايق وملهود =ولك بالدعاء يشرع بخمس الصلاوات
والحمد للي بأمرته يخضر العود =شفيت وعدت ويا عساها سلامات
طهور لو ان الذنب ماهو بموجود=لك بها الأجر من ولي السموات
لشعب فرحه بجيتك ما لها حدود=حب وولاء واخلاص مع طيبة الذات
لحظة وصولك صفوا جموع وحشود=وفرحتهم بإصدار عدة قرارات
حيث للمواطن والوطن خيرها يعود=عسى الله يديمك سنين طويلات
فرحت للي من دونه الباب مردود=وعفيت من سجنه سنين عديدات
وفرحت مديون من القـل مضهود=من الدين والقل يسهر اليل مابات
لحكم العداله قمت في راي وجهود=بالسيف والحكمه وفي هدي الايات
يا سيدي شعبك زرع دارك ورود =وجميعهم للمملكه سور وحمات
حنا لملكنا سلاح ودروع وجنود=هذا ولانا وصوري يالقناوات
مع الملك بالحال والمال والفود=في صف واحد ما تجيه انقسامات
شعب الجزيره كلها صقور وفهود=من الجنوب الى شمال القريات
ومن حد تبوك وساحل الوجه ماكود=والساحل الشرقي وحد الامارات
والمملكه في خير وسهود ومهود=بذرا هل العوجا ولا به مراوات
برقابنا لهم ولاء ووعد وعهود =في وقتنا الحاضر وفي ماضيٍ فات
عهد من الوالد يورث لما لود=لان العهد لو ماتو الناس ما مات
عهد توارثناه من جد وجدود=والعهد باقي والوفى له علامات
عهد القبائل دام والحبل مشدود=ولائنا بالشده ووقت المسرات
ماهو اتفاق احزاب ببنود وعقود=ولا حنا احزاب اطياف ولا عصابات
حنا الذي مانحسب النقص والزود=وعهودنا محفوظةٍ كل الاوقات
في ضل عبدالله عن الكيد والكود=وسلطان حلال الصعاب العسيرات
ونايف هو النايف وفي نوفته زود=امن الوطن عن الشدايد والازمات
وامير حائل دوم بالفضل ماكود=سعود الجود للي يحل الصعيبات
الله يديم المملكه دار ال سعود=ولاهان شعبٍ مخلصٍ كل الاوقات

[محمد بن موسى]

الشاعر / محمد العاند



يا وطنا تباشربابو متعب يعود=تو طاب القصيد وطاب موالها
الجزيره تلبس في قدومه ورود=يوم قامت تنادي له ولبى لها
والله انا بشوفه نحتفل بالصمود=لوتغير بلاد العرب واحوالها
كلنا يا وطنا لابومتعب جنود=صفوة ملوك يعرب واعظم رجالها
ياوطنا تزود وشعرنا بك يزود=واحمد الله شربت اليوم فنجالها
ثورة الشعر في صدري تفوق الحدود=ضمت الكون كله . شوف خيالها
في خفوقي هواجيسٍ تجيني ورود=ونوب اصدر هواجيسي على فالها
يا سحاب القصايد ماك قبل الرعود =لا نثرته جبلها صب شلالها
كل مخلوق ما بين الفنا والوجود= كل ما مد حبله مدت حبالها
واجمل الشعر يبقى في عيون الشهود=قصةٍ كم حكتها الناس لاجيالها
لكن اليوم جابت من دررها عقود=ولبستها العروسه فوق سلسالها
العروسه من اجمل ما هوتها الحشود=ما اهتوت غير من هو محتمي جالها
حبها وسط قلبه ورثةٍ من جدود=يوم جاها من اقصى الارض يسعى لها
تربة المجد مخلوطه بتربة خلود=اعتزت بابومتعب ويتعزوا لها
خيرها من تحتها طود من دون طود=من عطاها شعوب الارض تلجا لها
وخيرها من علاها بيت رب الوجود =بارك الله ما حوله على حالها
و الله اللي حماها من عيون الحسود=درةٍ والبحور الزرق تبرا لها
من طمع لو بحفنة من تراب النفود=تسقط الروس دونه قبل يشتالها

[محمد بن موسى]

الشاعر / سالم الصالح






اطهر غلا تعبير من قلب دانة=بمناسبة عودة ملكنا على خير
فيه الفرح ممزوج صدق وامانة=ماهو تصنع او كتابة مناشير
بكفوف يدّيها يصفق حنانة=وتتفتح البسمة ورود ونواوير
واشوف انا اللهفة تشع بجنانه=وبعيونها لون السعادة تباشير
طفلة وفزت بالخبر من مكانه=يوم انها شافتك باقدامك تسير
فطرة من الله دون شرط واعانه=حبك سرى في قلب من عهده صغير
ياسيدي والحب باني كيانه=وحس الغلا بقلوب شعبك مزاهير
تبقى لنا ذخرا وتبقى حصانه=عن جايرات الوقت وهب المعاصير
سلامتك والعيد هذا زمانه=كلاً على طلتك بافراحه يطير
واطهر ولاء شفته انا بعين دانه=يوم اعلنوا جيتك ياقايد الخير

[محمد بن موسى]

الشاعر / خلف الغريب



حبيب الجزيرة مرحبا والقلوب شهود=تباشر بك القمري وغنا وهلا بك
فرح بك كبير العمر والشب والمولود=وهتف لك ضمير الشعب مرحى وحيا بك
هلا ما غرست من الفرح بالقلوب ورود=وهلا ما مسحت دموع من لاذ في بابك
هلا كثر حسناتك , هلا يا زعيم الجود=هلا كثر ما سولف بك الشعب بغيابك
هلا بك كثر ما هب فوق البسيطة نود=وكثر ما ازهرت واصبح بها الورد متشابك
قدومك قدوم النور يالكوكب المفقود =وحضورك حضور الغيث يا زين تسكابك
سيول المحبة جتك تمشي بدون سدود=من اقصا شمال المملكة ودها ترابك
شف افراح تيما واهل تيما تشوف حشود=يشارك بها هداج واعلن بترحابك
لك بقلب شعبك حب خالص بدون حدود=ملكت القلوب وصابها الذعر بمصابك
حملت الهموم هموم شعبك , وفوقه زود=وتألم جسدك ومن سببها الالم صابك
كذا طبعك الاخلاص للواحد المعبود=جحدت الصواب وقلت يالعرق نرضا بك
كلامك يبل كبود , وايضا يعل كبود=يدٍ تبذل احسان .. ويدٍ تحتمي غابك
محنك عطاك الله حكمة وقو زنود =دحرت الصعيب وقلت يا صعب ما اهابك
اذا ثارت شعوب الممالك وفود وفود=وقفنا وفود وفود ندعي لمن جابك
عسى الله يعطر تربته راس ذاك العود=ومادام انت حي له فهو دوم يبقى بك
جدودك جدود العز يا حيها من جدود=واذا انت الحفيد فيا زمن نوخ ركابك
ولانا لحكمك ما نشهد عليه شهود=من طريف لحدود الوديعة رضينا بك
تناخت قبايلنا على عهدها المعهود=ولا فيه حزب , احزابنا هي هي احزابك
رزقنا بك الله , وابتلابك عدو مقرود=والا واتعاسة من بالايام يبلا بك
كفوفك سيوفٍ حدها للقا مجرود=واللي ماهداه الله يبي يقضعه نابك
دحرت الفتن واخزيته الفاسق النمرود=وهذا الله معاقب من نوا يحرق اعصابك
امام الهبايب صرت طود حمى له طود=رياح المشاكل ما قدرت تشلع اطنابك
تمسكت بالقرآن وبسنة المحمود=ووقفت بطريق الشر , وتوزع اطيابك
ولاهو غريبٍ منك هالمجد يا ابن سعود=جدودك بنوا هالبيت والبيت يزها بك

[محمد بن موسى]

الشاعر / انور العبدلي




هذا الوطن يعني ملك حنا بدونه وش نكون=حنا ترى بليا وطن ايتام ضاعوا وذهبوا
ودام الوطن فيه ولنا عبدالله الاب الحنون=ماهمنا جور الزمان ولاهمنا ناس طلبوا
حنا نقدر للجميل حنا نحبه في جنون=يفداه اغلا عيالنا اللي مشوا واللي حبوا
نارد جنود مدربه عدونا مهما يكون=مانحسب احسابه ابد لوكان له ناس حسبوا
حنا فدا لجل الوطن لجل المليك اللي يمون=تفداه كل ارواحنا واللي يعادونه هبوا
اي والله انك عندنا قدرك كبير ولاتهون=ياللي يمينك مزنةٍ من خيرها الشعب شربوا
يافزعة اللي حيلته يشكي زمانه ومغبون=ياكافل ايتام العرب بعد الولي بظلك ربوا
ياسيد اسياد العرب يامحركٍ فينا الشجون=يااطهر ملك في غيبته شعبه من الشوق تعبوا
ياسيدي وجهك امل فيه السكينه والسكون=تحمل ملامحك الوفا واللي نفوا هذا كذبوا
وفي قامتك ياسيدي لاقمت مافي الكون كون=لك هيبةٍ ياسيدي تلغي حروف اللي كتبوا
صورتك دايم تنتقل بين المحاني والعيون=غالي علينا كلنا رضيوا عدانا او ابوا
حنا نقدر للجميل حنا نحبك في جنون=تفداك كل عيالنا اللي مشوا واللي حبوا

[صالح الأسود الجعفري]

محمد بن موسى
الله يعافيك ع المجهود
وصح لسان الشعراء من غيرتخصيص

[مشهور الرشدان]

محمد بن موسى (سلطان الحرف )

الله يعطيك العافيه على هذا المجهود والله يبيض وجهك
على وضع قصائد الشعراء المبدعين شكرا جزيلاً

[حلا الشمال]

وطنيتك رائعه اهنأك على هذي البيااات ويستااهل ابو متعب
صح لسااانك 1000