هذا الوطن

[انور العبدلي العنزي]

هذا الوطن يعني ملك حنا بدونه وش نكون=حنا ترى بليا وطن ايتام ضاعوا وذهبوا
ودام الوطن فيه ولنا عبدالله الاب الحنون=ماهمنا جور الزمان ولاهمنا ناس طلبوا
حنا نقدر للجميل حنا نحبه في جنون=يفداه اغلا عيالنا اللي مشوا واللي حبوا
نارد جنود مدربه عدونا مهما يكون=مانحسب احسابه ابد لوكان له ناس حسبوا
حنا فدا لجل الوطن لجل المليك اللي يمون=تفداه كل ارواحنا واللي يعادونه هبوا
اي والله انك عندنا قدرك كبير ولاتهون=ياللي يمينك مزنةٍ من خيرها الشعب شربوا
يافزعة اللي حيلته يشكي زمانه ومغبون=ياكافل ايتام العرب بعد الولي بظلك ربوا
ياسيد اسياد العرب يامحركٍ فينا الشجون=يااطهر ملك في غيبته شعبه من الشوق تعبوا
ياسيدي وجهك امل فيه السكينه والسكون=تحمل ملامحك الوفا واللي نفوا هذا كذبوا
وفي قامتك ياسيدي لاقمت مافي الكون كون=لك هيبةٍ ياسيدي تلغي حروف اللي كتبوا
صورتك دايم تنتقل بين المحاني والعيون=غالي علينا كلنا رضيوا عدانا او ابوا
حنا نقدر للجميل حنا نحبك في جنون=تفداك كل عيالنا اللي مشوا واللي حبوا

[بنت الكحيلا]

صح لسانك اخوي انور العبدلي

والله يعطيك العافية على القصيدة الرائعه

وتسلم على هذا البوح الصادق والمعبر

لك شكري وتقديري

[محمد بن موسى]

انور العبدلي

صح السانك مدد بلا عدد

كتبت وابدعت والوطن ومليكه يستحقون منا ان نكتب لهم بحرفو من ذهب

تقبل مروري واعجابي

دمت ودام تألقك

[البدر]

الشاعر الكبير : انور العبدلي

لله درك على هذه القصيده التي نسجتها على طاروق مميز وابدعت فيها


شاعري القدير ياليت تحاول ضبط هذه الاشطر فربما فيها ثقل او ان لها نطق مختلف يحتاج الي ضبط رغم ان هذا لايعد عيبا في القصيده لكن ربما يستغربه البعض من انور العبدلي
ماهمـنـا جــور الـزمـان ولاهمـنـا نــاس طلـبـوا
حنـا نـقـدر للجمـيـل حـنـا نحـبـه فــي جـنـون
ياكافـل ايتـام العـرب بعـد الـولـي بظـلـك ربــوا

[سليمان مفضي العنزي]

ابداع من شاعر يعشق الابداع

انور العبدلي صح لسانك

[بدرفهد الجعفري]

الشاعر انور العبدلي

شكرا على هذه القصيده التي امتعتنا بها واطربتنا

ابداع مستمر ومتجدد من شاعر مهنته الابداع

تقبل اعجابي

[حمد الضوّي]

الشاعر أنور


صح لسانك قصيده جزله من شاعر جزل
لافض فوك



تحايا

[انور العبدلي العنزي]

كل الشكر والتقدير لمن مر بمتواضعتي
صحت ابدانكم والله لايهينكم
دمتم بود

[انور العبدلي العنزي]

اقتباس:
المشاركة الأصلية كتبت بواسطة البدر http://www.weelan.com/vb/kingstyle/buttons/viewpost.gif (http://www.weelan.com/vb/showthread.php?p=343319#post343319)
الشاعر الكبير : انور العبدلي

لله درك على هذه القصيده التي نسجتها على طاروق مميز وابدعت فيها



شاعري القدير ياليت تحاول ضبط هذه الاشطر فربما فيها ثقل او ان لها نطق مختلف يحتاج الي ضبط رغم ان هذا لايعد عيبا في القصيده لكن ربما يستغربه البعض من انور العبدلي

ماهمـنـا جــور الـزمـان ولاهمـنـا نــاس طلـبـوا
حنـا نـقـدر للجمـيـل حـنـا نحـبـه فــي جـنـون
ياكافـل ايتـام العـرب بعـد الـولـي بظـلـك ربــوا

هلا وغلا اخوي البدر

والله انك اكثر واحد احسب له حساب
ولاهي مهونه بالاخوان هنا

وانت اللي تخليني اعيد النظر بالقصيده قبل وضعها في هذا الصرح الشامخ
والاشطر اللي ذكرت يمكن بها ثقل مع اني لحنتها اكثر من مره وماطلع معي شي
واما النطق الكلمات واضحه مار الظاهر تدور لي عذر

عموما اخوي البدر
هذا اللي محلي هالمنتدى التوجيه الصحيح وياليت كل منهو يشوف خطا يعدله
هذا من صالح الشاعر مهو ضده
وانا ارجو من كل الاخوان هنا اي شاعر يرى على اي قصيده تخصني ملاحظه
يكتبها على طول ولايتردد لان الفائده اولا واخيرا لي
فلا تبخلو علينا بتوجيهاتكم
ومرورك شرف لي

دمت بود

[خلف الغريب]

اي والله انك عندنا قدرك كبيـر ولاتهـون
ياللي يمينك مزنةٍ من خيرها الشعب شربوا
يافزعة اللي حيلته يشكي زمانـه ومغبـون
ياكافل ايتام العرب بعد الولي بظلـك ربـوا
ياسيد اسياد العرب يامحركٍ فينـا الشجـون
يااطهر ملك في غيبته شعبه من الشوق تعبوا


لله درك يا انور وسلمت وسلم قافك وسلمت كلك ..

مبدع يا انور ويستاهل ملكنا عسى الله يطول عمره ويحفظه لنا ..

ملاحظات اخوي البدر في محلها وشكرا لتجاوبك وروحك الطيبة


الف تحية لجمال حضورك

[سالم صالح]

الراقي ,,,,

انور العبدلي

صح السانك وفكرك ايها المبدع وللامانة وبعيد عن اي ملاحظة فانت شاعر جزل من اول قصيدة نزلتها في هذا المنتدى وتقبلك للنقد هذا دليل على رقيك والصراحة زاد اعجابي بك اكثر فانا كنت من المعجبين بقصائدك ولاغبار على ذلك وزاد اعجابي بعد ردك على البدر فهذا دليل على وعيك وفكرك الناضج

صح السانك مرة اخرى من اول بيت لاخر بيت طاروق رائع وتسلسل بالفكرة وقافيه جميلة مبدع دااااااااائما ويستاهل الملك والوطن هذة المشاعر من شاعر مميز بحجمك,,,,,


تقديري وودي لك

[انور العبدلي العنزي]

هلابك اخوي خلف الغريب
مرورك شرف لي لاهنت
دمت بود

[انور العبدلي العنزي]

اقتباس:
المشاركة الأصلية كتبت بواسطة سالم صالح http://www.weelan.com/vb/kingstyle/buttons/viewpost.gif (http://www.weelan.com/vb/showthread.php?p=343601#post343601)
الراقي ,,,,

انور العبدلي

صح السانك وفكرك ايها المبدع وللامانة وبعيد عن اي ملاحظة فانت شاعر جزل من اول قصيدة نزلتها في هذا المنتدى وتقبلك للنقد هذا دليل على رقيك والصراحة زاد اعجابي بك اكثر فانا كنت من المعجبين بقصائدك ولاغبار على ذلك وزاد اعجابي بعد ردك على البدر فهذا دليل على وعيك وفكرك الناضج

صح السانك مرة اخرى من اول بيت لاخر بيت طاروق رائع وتسلسل بالفكرة وقافيه جميلة مبدع دااااااااائما ويستاهل الملك والوطن هذة المشاعر من شاعر مميز بحجمك,,,,,



تقديري وودي لك

هلابك اخوي سالم صالح

الله لايهينك شهادتك وسام على صدري اعتز به
وانتقاد اخوي البدرشرف لي انا احترم هذا الرجل وانالم اتشرف بمعرفته
يعجبني اسلوبه بالنقد
وللامانه
القصيده لم تكتمل الى الان هذه كانت ابيات كتبتها على موضوع صوره وصدى في احد المنتديات
ولكن تحقيق لرغبة اخ عزيز على نفسي قمت بتنزيلها هنا
وسوف انزلها بعد ان تكتمل هنا
وياويل البدر لو يجيها
يصير الحجاز بلقحه هههههه

تشرفت بمروكدمت بود

[عبدالله المعيوف الدهمشي]

ياسيدي وجهك امل فيه السكينـه والسكـوت
،،،،،،،،،،،،،،تحمل ملامحك الوفا واللي نفوا هذا كذبـوا


أي والله كذبوا

الله عليك يا أنور

صح لسانك ملايين