بوح المشاعر!..حديث الذات!

[فــرج الدهمشي]

http://smiles.fahrs.com//data/32/aaa7asmilies.gif





هنا يبدأ قلمي يبحر مع مشاعري ..وما يفيض به قلمي من شعرا



في البداية يا مرحبا فيكم يا أخوتي في متصفحي ..


http://smiles.fahrs.com//data/32/ss1818.gif


أشكر القائمين على المنتدى على أعطاء الاعضاء فرصة لكي ينثروا مشاعرهم ..




http://smiles.fahrs.com//data/32/aaa9asmilies.gif



http://smiles.fahrs.com//data/32/sss1414.gif


http://smiles.al-wed.com/smiles/13/flowers_221.gif

[فــرج الدهمشي]

ياحمـود شـب النـار زوّد لهايبـه=واحمس لنا بن ٍ مـع الهيـل ذايبـه

مع تمرة ٍ مرباه فـي نقـرة الحسـا=وصفر الدلال اللّي من البن رايبـه

بأرضٍ كساها الزين بالعشب ربعت=والديم يسقي وسمها مـن سكايبـه

وريح الخزامى والنفل عبقه انتشـر=وفاح الشذا عبر النسيـم وهبايبـه

مع رفقة ٍ دايم على الطيب عزهـا=تجمع رفاقـات الخفـوق وقرايبـه

هذي مناة الروح عنـدي وشفّهـا=تنسى الهموم اللّي على الصدر صايبه

ياالله ياللّي خالـق الارض والسمـا=تفرج هموم اللّي شكا من مصايبـه

والحمد للي بأمـره الأرض ربعـت=وخلا عليها الغيث تمطـر سحايبـه

[فــرج الدهمشي]

ربعي بني وايل خيار الرجاجيل=مافيهم اللّي بالمواقـف يّجنبك
تاريخهم بالعـز جيلٍ بثر جيل=وافعالهم من قاصي الأرض تجذبك
عيال وايل بالوفا تعّدل الميل=وفزعاتهم بالطيب بالعيـن ترهبك
وقفاتهـم مابين موجز وتفصيل=نعم الرجال اللّي بالافعال تعجبك
اهل الكرم ..عز الرجال المشاكيل=لا قلتها مافيه رجل ٍ يحاسبك
فريّس لا ركبواعلى ضمّرالخيل=في ساعـة ٍ مافيه رجل ٍيعيّبك
منا(مصوّت بالعـشاء)بالمداهـيل=تاريخ مجد وبالاصاله يناسبك
الوايلي لامن نصيته تساهيل=كل العلوم الغانمه فيه تعجبك
الوايلي لا ثار حّول كما السيل=وليا حضرفي مجلسٍ مايعذربك
الوايلي صيته كما نجمة سهيل=نوماس طيب وبالمواقف يناسبك
مدة يمين الحاتمي كالهماليل=تروي الكبود الضاميه ماتحاسبك
ماهو قصورٍ بالرجال الحلاحيل=اهل المبادي والكرم من مكاسبك
وكل القبايل والنعم يارجاجيل=وابن الحموله بالمواجيب يطربك

[فــرج الدهمشي]

اهلاهلا في لابة الطيب ويلان = اعداد ماهبت سحايب مطرها
يامرحبا ترحيب بدوٍ بضيفان= اعداد ماصاد البشر من بحرها
ترحيبة ٍ من داخل القلب ولهان = يقولها قلبي قبل يفتكرها
لاهل الوفاء والجود ذربين الايمان=مصوتين بالعشى في دهرها
لحضوركم يفرح بها كل الاوطان=دوم الفرح بحضوركم ننتظرها
قبيلة فيها دواهي وشجعان =شفنا النصر لامن لاح بظهرها
ميدانهم هي ساحة الموت ميدان=ميدان للي ماتحسب خطرها
كم طوعوا فيها زعيم ٍوطغيان=وكم فارس من فوق خيله فسرها
في معركة ذيقار عز ٍ وبرهان=زانت صورة للعرب مع صورها
بظهوره ٍ جابوا فيافي وريضان=ماهمهم صحراء الضمى من بحرها
فعل العرب من ماضي الوقت للآن=عز وفخر للي يدور فخرها
وصلاة ربي عد ماهلت امزان=على النبي فخر الامم هو قمرها

[فــرج الدهمشي]

يامرحبا حييت يا منبع الجـود = يالقائد اللي شوفته يـوم محسوب

عودة ملك ماهي شعـارات ووعود = عودة حبيب الشعب بالخير مصحوب

عودة ملك دايم على شعبـه يجود = من طيب ساسه صار للشعب محبوب

عودة ملك بقلوبنا كان موجود = رغم الغياب اللي به الوصل محجوب

اللي بنى مجده على شامخ الطود = اللي بشوفه جمر الاشواق مشبوب

باسم الوطن نهديه باقات وورود = ونكتب قصايدنا هجيني ومسحوب

نبني صروح الحرف لاهبت النود = ونرسم ملامح صورته نبض وقلوب

الحب جنه والغلا نبضه يزود = شمس الوفا في شوفته مالها غروب

شعبك يحبك يابو متعب بلاحدود = وبيرق غلاك بقمة العـز منصوب

ياسيدي بوجودك الخوف مفقـود = سيف الشريعه بين غالب ومغلوب

ياالحاكم اللي لك مواثيق وعهـود = لا ضاعت الحيلات والحق مسلوب

انت الحكيم اللي بالافعال محسود = وانت الحليم اللي بالاسلوب مرغوب

انت الزعيم اللي على القمه يسود = وانت الكريم ليا غدى الطيب عذروب

وسلامتك يا سيدي منبع الجود = عسى الُولي يجعلك الآجر مكتوب

[فــرج الدهمشي]

بـديت بسم الله بدع المثايل = الواحد اللّي يسأله كل سايل

سبحان ربي خالق الكون والبشر = في اجمل التصوير واعظم وسايل

وانا احمد الله دولة الدين موطني = دولة هل التوحيد واهل الفضايل

المملكة عـز المواطـن وعزها = من عز روس ٍ طايله كل طايـل

الديره اللّي راية المجد بأسمها = نفدى ثراها عن خطآ كل عايل

حنا مدابيس الوغى دون حدها = وحكامها آل سعود من صلب وايـل

اخوان نوره ذخرنا بعـد ربـنا = اهل المواقف والعطاء و الجمايـل

وكم دولة حلة عليها الكوارث = زلزال او سيل المزون الهمايل

بأسم الملك والدين والشعب والوطن = تلقى جسور الخير فيها حصايل

الله خلقنا نعمر الارض بالوفاء = ولاثارت الهيجاء نشيل الثقايل

وختامها مني صلاة على النبي = شفـيع خلق الله يوم الهوايل

[فــرج الدهمشي]

جريدة الرياض

الجمعه


13 / 4 / 1432 ه

18 / مارس / 2011 م


شعبك يحبك يابو متعب بلاحدود



http://www.alriyadh.com/2011/03/18/article614785.html

[فــرج الدهمشي]

ياذابل الشفه اللي هرجها خدري
ياناعس الرمش في نظره وسلهامه


الخد يزها جماله وجهك البدري
والقد يزها وصوفه فارع القامه


ان جيت مقبل تناثر ليلك الغدري
ضافي جديلك على الساقين وأقدامه


ترمي بسهم العيون وكان ما تدري
قلبي صويبك وهذي طعنة اسهامه


الليل بعيونك النجلا حفر قبري
من اول احلام عمري لآخر ايامه


الوقت لاشفت زولك مر بي بدري
كن الدقايق توازي ماضي أعوامه


الشعر مايوصفك لو انتثر حبري
على الورق يا(.....) جفت اقلامه


لكن عزايه احبك واقبلي عذري
القلب سيف المحبه ناوي اعدامه


لو مات حبك ياحبي ما نزل قدري
أشوم بأسمي وراسي رافع الهامه


مايكسر القلب غير البعد ياجبري
ولا ينزف الجرح الا غربة اوهامه


وشلون ابنسي غرام ٍ نبضه بصدري..؟
ياهاجس البوح والاحساس وهيامه..؟


وياذابل الشفه اللي هرجها خدري
يفداك حرف ٍ رسمتي بصمة ابهامه

[فــرج الدهمشي]

http://dc08.arabsh.com/i/02754/iesbzcwgbo0e.gif

[فــرج الدهمشي]

مساء الفل والجوري .. مساء النور والبلور=مساء ٍيشبه عيونك .. مساء الشعر والوانه



الا مني تذكرتك .. اغوص ابحور ويّابحور=واحس بلهفة المشتاق .. والعبرات حيرانه



فديت المبسم المعسول .. محلى بالشهد مخمور=احسه في خيالي .. من حلاته نـقـط السانه



سهرت الليل افكر به .. وقلبي صوبها مجرور=جلست الليل وعيوني .. عليها دوم ولهانه



انامشتاق ياقلبي .. يابنت ٍتشبهين الحور=اذوب ان شفت معسولك .. واغني جملة الحانه



انا لعيونها اصبر .. واصابر لو لحقني جور=احبه لو يبي عمري .. ابيع العمر من شانه



ترى صفحة حياتي شامخه .. ماقد سكنها زور=اموت ولا رضيت الـذل .. ياعمـري وحقرانـه



ترى من شافني صرّح .. يقول اني انا مسحور=وهو مسكين ما يدري بقلبي .. وشهي احزانه



احـبـك يا اجمل احلامي .. احـبـك يا شبيه النور=احـبـك يا بعد عمري .. وحبك باني اوطانه

[فــرج الدهمشي]

صباح الخير..


صباح اكبر من التقدير..!


الى من عاشقه قلبي..


صباحك شوق ونغمة طير..!


صباح الضحكه الحلوه


يجيني عزفها غنوه


صباح الورد


صباح اللي بعدكم برد..!


تعال اقرب وجيب ادفاك


تعال اقرب ابيك اهناك..


نعانق بالسما احلام..


رضا مغرور وشوق هيام..!


معاني صادره لرضاك


ومعاني وارده لرضاي


ياعزف الناي


ياروح من القهر منفاي ..!


صباح الذوق


صباحك يعتريني شوق..


ولهفه مالها اخر


مدام لشووفكم باتوق..!


يااطهرحب


يااعظم من سكن هالقلب..!


دخيلك شوفها دنياي


تنادي يالغلا وياي..!


صباحي في وجودك غير

[فــرج الدهمشي]

ليه يادنيا الالم ..




بعد ما تعيشينا الامل ..



يكون بعد العناق هذاك اللي يسمونه فراق




وانا اسميه الممات ..




هذي الدنيا كلها قسا..




اكتسى روحي العنا..




تعبت ادور لعيوني ضيا..





بعد ان بداء قلبي يحس بالامان ..




في ظل قلبك الحنون،




واطمأنت روحي واحست بأهتمامك





وتراقص الحب فرحا




لانه ذاق حلاوة حبك الطاهر...




بعد معاناة مع مرار الحياة ,,



أعلنت الرحيل ..






أيهون عليك قلبي..




ألا تعز عليك دمعاتي .،




أيعجبك نزف جراحي،،




التي ولدها رحيلك المفاجاء




أحب ان أخبرك...،




ان جنتك التي أنشأتها بين كنفاة قلبي الصغير .،،




قد انقلبت الى نار تسعر ..



ومن بعد انوار البهجه التي ملأت بها روحي




قد أنطفأت ..



ورغم ذلك سأظل ... !!

[فــرج الدهمشي]

من صدر شاعر كفخ منه القصايد وفاح = اجمل بيوت القصيده جاك عربونها

اليا طرقت القصيده والحمام استناح = وغنت علي ام سالم جرة الحونها

ونقيت جزل المعاني من عدودن قراح = وشلون ماانقى المعاني وانت مزيونها؟

حبك ملكني وصنته مثل لبس الوشاح=اوشاح شيخن ليا من احتمت دونها

[فــرج الدهمشي]

السلام عليكم ورحمة الله وبركاته

حروف رماح في وجه من يعيب اهل الطيب

فيه وجه اهل الغيبه والنميمه ضعاف النفوس في زمن الرويبضه

وهو الشخص التافه يتكلم في أمر العامة






ياعايب اهل الطيب عالج معـايبك=ذنبك تـعـدى المبتلى فـي ذنوبه
لاشفت طيب الناس ثارت لهايبك=على الذي دربـك قـصر عـن دروبه
لا مانعٍ عـن عرض غـيـرك كتايبك=ولا سرت مثله مع هل الطيب نوبه
هذي ركاب القوم فاقت ركايبك=وثوبك قـصـيـرٍ عـن تفاصيل ثوبه
دام الجـرب يجدع طوارف حلايبك=عالج بحالك لين تبرى جنوبه
وعـز الله انه ماربح راس شايبك=دامك من اللي بالقوافي حروبه
اترك مصايبنا وعالج مصايـبك=واكرب خـبوبك قـبل تكرب خبوبه
رح للمحاكم لاجـل تـنهي طلايـبك=والا علاجك عارفيـنٍ حبوبه
ياعايب اهل الطيب عالج معـايبك=ذنبك تعدى المبتلى في ذنوبه
لا رافعٍ صيتك ولا صيت شايبك=وراع الجرب يقعد يهارش جنوبه

[فــرج الدهمشي]

http://www.mlfnt.com/lives4/13040597161.jpg

[فــرج الدهمشي]

روس الفخر تعلا متون ومناكـب=والطيب بفعول الرجـال ايتهيّا
والمرجله بفعول اهلهـا تواكـب=لو ما استحى وجه ٍ من الطيب عيّا
على طريق الجود ماشي وراكـب=ما يحسد اللـي بالفيافـي تفيـّا

[فــرج الدهمشي]

العِـلمُ يُجدِي ويَبْقَى للفتى أبـدا ‏..‏ والمَالُ يَفنى وإنْ أجْدَى إلى حِينٍ

[فــرج الدهمشي]

الله وكيلك لو منا اغليك وابيك = ما ينزف الحبر الهيامي مهابه
انا من الويلان وان قلت انا آبيك = تأكد اني ما خدعتك بأجابه
اولاد عدنان ان بغينا نخليك = فوق السحابه فأنت فوق السحابه

[فــرج الدهمشي]

http://www13.0zz0.com/2011/05/06/14/272150254.jpg

[فــرج الدهمشي]

ياقلب لدروب العنى ويش جابك=عند الذي يزعل اليا شاف طيبك
وان ماظهر له بالزعل راس نابك=من غيرته يالقرم صعبٍ يسيبـك
والكذب مايقدر يحط الردى بـك=لكن شياطين العرب وش تبي بك
يشوف ركبه ماتبـاري ركابـك=ولو شد حيله بالندى مايجيبـك

[فــرج الدهمشي]

الهقاوي في خيالي


صحيفة السياسه


http://www.al-seyassah.com/AtricleView/tabid/59/smid/438/ArticleID/132277/Default.aspx#startframe

[فــرج الدهمشي]

مجلة فتل الألكترونيه


(عطر القصايد )


http://www.ftll.cc/news.php?action=view&id=3198


( ناعس الرمش )


http://www.ftll.cc/news.php?action=view&id=2506

[فــرج الدهمشي]

http://www10.0zz0.com/2011/05/29/04/768018831.jpg

[فــرج الدهمشي]

صوت من الشاعر عويد كسار المضياني




عينك تشوف أطباع روحك مع الناس=وكلٍ على أطباعه يشوف الخليقه
كانك صدا صديت لوبيدك ألماس=وكانك ذهب والــناس لمعة بريقه
دهامشه والنعم يامعرب الساس=من ورث أبوك وطيب جد العريقه
يزبن عليك الهم ماشاف الأتعاس=ويزبن عليك الضيق ماشاف ضيقه
يزبن عليك الفقر ماشاف الأفلاس=وأنت الطريقه بأنعدام الطريقه
وأنت الفخر فيك افتخر يرفع الراس=وفيض المشاعر بالبحور العميقه
وأنت القصيد اللي نبض كل الاحساس=وعز الصديق الياأعتزى في صديقه
مابغا أمدحك في بيت يبقى بكراس=قلبك ذهب والناس لمعة بريقه
كان الفرج بالأرض يمشي مع الناس=أنت الفرج من بعد رب الخليقه





صدى الشاعر فرج الدهمشي




الصاحب اللي خوته ترفع الراس =مثل الذهب في معدنه في بريقه
اللي بنا بيت القصيده على ساس =مثلك حرام يشوف شي يضيقه
يا صاحبي حذراك تشكي على الناس =الله كريم ولا قطع بالخليقه
شمس القصيد وصبح غيم بالأنفاس=شاعر وضوح ومنهجه له طريقه
اللي ملا روح المشاعر بالأحساس =بحر من القيفان قاعه عميقه
ما هو بها مصنوع شاعر بكراس =لو ضاعت الشعار تسلك طريقه
نجم القصيد اللي ضوي الأدماس =مثل العسل والحرف زهرة رحيقه
يا صاحبي لاهنت يا معرب الساس =عز الخوي لا قيل مثلك صديقه

[فــرج الدهمشي]

http://www3.0zz0.com/2011/06/27/13/728163636.jpg

[فــرج الدهمشي]

قادة اصطبل الاصايل مهرةٍ عنقا طويله=الجموح اللي تعزوى بأول خيول الاصايل
بالسبق معها ومعها خطوت الواثق دليله=خطوت اللي ماتعوَد بالسبق غيرالاوايل
كل حملٍ في زمانك حالف اني غير اشيله =واركز برجم المشاعر بارقٍ فوق النثايل
من وفاها بالمحبه مثمر بموسم حصيله =والعواذل من حصيله كسبهم مامن صمايل
وردتني من غلاها نهر عذب وسلَسبيله=لا نثنى زهر المحبه ثم تعطر ثم تمايل
في سفوح امن المحبه لا رقينا بالطويله=عشت ذيبٍ بالطويله واسألي سبع القبايل
والله اني ما تعزوى غير بسيوفٍ صقيله=كل سيفٍ لو تعزوا عزوته بعيال وايل
قادة اصطبل الاصايل مهرةٍ عنقا طويله=الجموح اللي تعزوى بأول خيول الاصايل

[فــرج الدهمشي]

http://www11.0zz0.com/thumbs/2011/07/21/03/104119982.jpg

بِسْمِ اللّهِ الرَّحْمَنِ الرَّحِيمِ

شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ

مِّنَ الْهُدَى وَالْفُرْقَانِ فَمَن شَهِدَ مِنكُمُ الشَّهْرَ فَلْيَصُمْهُ وَمَن
...كَانَ مَرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ يُرِيدُ اللّهُ
بِكُمُ الْيُسْرَ وَلاَ يُرِيدُ بِكُمُ الْعُسْرَ وَلِتُكْمِلُواْ الْعِدَّةَ وَلِتُكَبِّرُواْ
اللّهَ عَلَى مَا هَدَاكُمْ وَلَعَلَّكُمْ تَشْكُرُونَ

بريحة العطر والمسك والعود..رمضان علينا وعليكم يعود..شهر الخير والكرم والجود..تهاني لكم من قلب ودود..
اللهم بلغنا رمضان..وأعنا على الصيام والقيام..وقراءة القرآن

كل ساعة
كل يوم
كل اسبوع
كل رمضان
كل عام وانت بخيرومبروك عليكم الشهر الكريم ..

[فــرج الدهمشي]

يامرحبا باللي لفونا مداهيل = منهم صديق ٍوالقرابه مع الجار

(يامرحبا ترحيبة البدو بالسيل)= لاصار ربعي بالمجالي وحضار

حنا ضيوف ٍعندكم يارجاجيل =وانتم معازيب ٍ وانتم هل الدار

رافق وخلك مع رجال ٍ حلاحيل =وابعد عن اللي رفقته تجلب العار

هذا زمان غير الجيل بالجيل =والقبلي الشرقي معاه الهوا دار

وشف الحقيقة اصبحت هرج تمثيل =والثلج جانا من هواها لهب نار

والقول واضح مايبي اي تحليل =واللي سكن وسط البحر يآمن اغبار

والسالفة تثقل اذا صار تطويل = قلنا اختصار ونحسب المتر بشبار

وصلاة ربي عدّ مزن ٍ هماليل =على رسول الجود هو خير الاخيار

[فــرج الدهمشي]

ياعايب اهل الطيب عالج معـايبك=ذنبك تـعـدى المبتلى فـي ذنوبه
لاشفت طيب الناس ثارت لهايبك=على الـذي دربـك قـصـر عـن دروبه
لا مانـعٍ عـن عــرض غـيــرك كتايبك=ولا سـرت مثله مع هل الطيب نوبه
هذي ركاب القوم فاقت ركـايبك=وثوبك قـصـيـرٍ عـن تفاصيل ثوبه
دام الجـرب يجدع طوارف حلايبك=عالج بحالك لين تبرى جنوبه
وعـز الـلـه أنــه ماربح راس شايبك=دامك من اللي بالقوافي حروبه
اترك مصايبنا وعالج مصايـبك=وأكرب خـبوبك قـبل تكرب خبوبه
رح للمحاكم لاجـل تـنهي طلايـبك=وألا علاجك عارفيـنٍ حبوبه
ياعايب أهل الطيب عالج معـايبك=ذنبك تعدى المبتلى في ذنوبه
لا رافعٍ صيتك ولا صيت شايبك=وراع الجرب يقعد يهارش جنوبه





مجاراة تشرفت بها من الشاعر القدير عبد اللطيف العوني



يالدهمشي بالطيب هبت هبايبك=والناس طيبك كلهم سولفوا به
إترك ردي الذات واغنم باطايبك=كلٍ فعوله بالنهايه تنوبه
أنت ابلجٍ بالخير تمطر سحايبك=صيتك بروق العز تضوي نصوبه
شاعر وعز للابتك ولقرايبك=يوم الردي بالعيب مالي جيوبه
اسلم ودم بالطيب تذري هبايبك=واللاش بالشينات تذري هبوبه

دم بعز وتقبل إجلالي





مجاراة تشرفت بها من القدير أحمد الهريش





بسم الله الرحمن الرحيم
السلام عليكم ورحمة الله وبركاته

أرحب بكم جميعا وأهديكم هذه القصيد ياجايب اهل الريب
والتي هي عبارة عن محاكاة لقصيد ياعايب اهل الطيب

للشاعر القدير : فرج الدهمشي ..

* بداية أستأذنه في أن أرتقي لمحاكاة قصيدته ..
* ثم أني لست بشاعر ..
إنما أنتقي من الحروف ومن القوافي ما أعبر به عن بعض ما يجول في خلدي : )



( يا جايب اهل الريب )
أبو ريناد


ياجايب اهل الريب هذي دوايبك=تجيبهم من دون أيّت صعوبه
تعصف ولا ترحم أحد من زلايبك=صرصر على منهو تجلّى عيوبه
وجّه سهام الويل ورّي عجايبك=سهمٍ عرف مسلك طريقه وصوبه
وسلّ سيفٍ صانعه من لهايبك=سيفٍ تسلط فوق نفسٍ لعوبه
أعلنت انا الإعجاب كله سبايبك=يادهمشي ياراعيَ اصل العروبه
شِعرك حكى أصلك ومعدن ترايبك=تزرع حروفك في أراضي الخصوبه
إن غبت يبقى بيننا الحرف نايبك=الشاهد اللي في المعارك خطوبه
والسِلم فيه الشعر ينثر أطايبك=أنشودةٍ تعزف لحونٍ طروبه
غيثِ علينا هاطلٍ من سحايبك=شلال مايٍ ينهمل في عذوبه
تنشر نسيم الحب فينا هبايبك=نسيم ترجم للمعاني هبوبه

[فــرج الدهمشي]

http://dc15.arabsh.com/i/03320/4oa2p9si24rw.jpg








الحب جنه والغلا نبضه يزود = شمس الوفا في شوفته مالها غروب

شعبك يحبك يابو متعب بلاحدود = وبيرق غلاك بقمة العـز منصوب

ياسيدي بوجودك الخوف مفقـود = سيف الشريعه بين غالب ومغلوب

ياالحاكم اللي لك مواثيق وعهـود = لا ضاعت الحيلات والحق مسلوب

انت الحكيم اللي بالافعال محسود = وانت الحليم اللي بالاسلوب مرغوب

انت الزعيم اللي على القمه يسود = وانت الكريم ليا غدى الطيب عذروب

[فــرج الدهمشي]

العلم يرفع بيتًا لا عماد له .. والجهل يهدم بيت العز والشرف‏

[فــرج الدهمشي]

العيد شوف احباب ومسامح = يا زلة الغاليين منسيّه
يا قلبي اللّي للخطا دامح = كل عام والطعنات مبريّه
مهر الصدور العاشقه جامح = ما يعسفه كود الهواويّه

[فــرج الدهمشي]

فــرحة الـعـيـد




هلت تباشير الفرح ليلة العيد = وسقت التهاني بالبيوت الجزيله
اسمى التهاني سقتها لباشة الغيد = اصدق مشاعر من خليل لخليله
للّي غلاها داخل القلب تحديد = سبة عناي وعلتي كل ليله
ياما انتظرته بين حسره وتنهيد=عيني اسليها ونفسي عليله
الغاده اللّي وصفها غير يازيد = ام العيون الناعسات الضليله
اللّي غيابه يشعل النار ويزيد = وسط الحنايا مثل جمر المليله
من لوعة الفرقا وكثر التناهيد = هز الكيان وخافقي عزتي له
ليا اقبلت مثل المزون المراجيد = تسقى خفوقي والضلوع النحيله
لعيونها نبض القصايد اناشيد = تروي حكايات الليال الجميله
اكتب لها شوقي وصدقي بتأكيد = بالغايه اللّي كل بارق تخيله
للشامخه بنت الرجال الصناديد = اللّي غلاها ما ادور بديله
واجمل هديه تحتوي فرحة العيد = فيها التهاني والمعاني النبيله




مجاراة وافيه من الشاعر القدير حشر الغضيان
لقصيدة ( فرحة العيد )



لجل القصيده ماعذرك تقطع البيد =تزهر لياليهـــــا وتصــبح حليله

معذور ياسيد العرب والصناديد =ابن الكرام اهل الحمــول الثقيله

انته فرج والله يقرب لك الصيد =حتى على كتفك تهقـوى بشيله

وان كان ودك يارفيقي معاضيد =ابشر وانا لك مثــــل برقً تخيله

حتى على جور الزمن والمناكيد =نمهد لك دروب الفتــاه الجمــيله

حتى على جور الزمن والمناكيد -نمهد لك دروب الفتــاه الجمــيله

ونزيل عن صدرك هموم وتناهيد =اشوفها وســــط القــــوافي نثيله

اصبر وباذن الله تبي ترجف الايد =رجفت فرح من واحداً في خليله

[فــرج الدهمشي]

http://www.youtube.com/watch?v=qz0qlhngJKI





يالله يالمعبود يافارض الصوم=علـيـك يارب العـباد إتكالـــه
يارب لولا رحمتك صارت علوم=صكّت بنا العدوان شرق وشماله
يارب صلّينا لك الخمس باليوم=تحمي بلادي أرض مهد الرساله
لك يالمواطن الفرح حل بقدوم=صقر العروبه يوم حطّت إرحاله
أبعد همومك مابقى انسان محروم=عاد المليك لكل قلبٍ صفالــه
جاكم أخو نوره سند كل مظيوم=ريف الضعيف وفرحة اللي عناله
صدره شمالي يحتضن كل مهموم=من صلب وايل والطنايا خواله
مليكنا طير السعد حر زيزوم=أرواحنا وقت الشدايد فدالـه
نرقد وعينه لاجلنا عافت النوم=والد رحوم ومعتبرنا عيالـه
يامرحبابك عد ماتنشي غيوم=واعداد ماهل المطر من إخياله
واعداد ماصك بسماها من نجوم=واعداد مافي أرضها من جباله
بقلوبنا مسكنك ياسيدي دوم=وفراقكم يصعب علينا احتماله
غالي ولا يلحقك يالوايلي لوم=وافي بفعلك ياعريب السلاله
للخير في وجهك علامات ورسوم=وللمجد بافعالك نشوف الدلاله
كل مسلمٍ ساعدته بشي معلوم=لوهو بعيد أوطان ترفـى خماله
طيّب . شديد .وواضح النهج مفهوم=أرسيت ياملك القلوب العداله
عادل ويلمس عدلكم كل مظلوم=حكّمت شرع الله في كل حاله
يمناك سلطان السعد كلّه عزوم=شبل الأسود وكل مجدٍ زهاله
أخوان نوره باوّل العهد لليوم=زال الظلال بحكمهم والجهاله

[فــرج الدهمشي]

(( اخوان نوره ذخرنا بعـد ربـنا ))




بـديت بسم الله بدع المثايل = الواحد اللّي يسأله كل سايل

سبحان ربي خالق الكون والبشر = في اجمل التصوير واعظم وسايل

وانا احمد الله دولة الدين موطني = دولة هل التوحيد واهل الفضايل

المملكة عـز المواطـن وعزها = من عز روسن طايله كل طايـل

الديره اللّي راية المجد بأسمها = نفدى ثراها عن خطآ كل عايل

حنا مدابيس الوغى دون حدها = وحكامها آل سعود من صلب وايـل

اخوان نوره ذخرنا بعـد ربـنا = اهل المواقف والعطاء و الجمايـل

وكم دولة حلت عليها الكوارث = زلزال او سيل المزون الهمايل

بأسم الملك والدين والشعب والوطن = تلقى جسور الخير فيها حصايل

الله خلقنا نعمر الارض بالوفاء = ولاثارت الهيجاء نشيل الثقايل

وختامها مني صلاة على النبي = شفـيع خلق الله يوم الهوايل

[فــرج الدهمشي]

هذه الابيات من اول بداياتي الشعريه اتركها بدون اي تعديل
(ماني بمدح الناس مجبر وملزوم )



ماني بمدح الناس مجبر وملزوم = لولاه مدح ٍفي ربوعي وناسي
دهامشه محزم ليا صرت مضيوم = لاضاق صدري قلت ياتاج راسي
دهامشه فيها بطولات وعزوم = أقوالهم مثل القرار الرئاسي
دهامشه للمجد عنوان ونجوم = أمجادهم فوق الجبال الرواسي
دهامشه يوم العرب غزو وهجوم = جيشن على صف المعادين قاسي
مادينهم هرج وسواليف وهدوم = دين ٍعلى منهج وسنه وساسي
يا عنك ما عن جارهم ينقص لزوم =نبع الكرم والطيب مع كل راسي
في زينة التاريخ ماني بمليوم=الصيت شمس ٍبالمجاليس ماسي
كم مجلس ٍ عامر ٍعلى دايم الدوم =عطره جديد البن طب العماسي
كلام ٍ بجزل الدلايل ومختوم = ماهو مثل هرج ٍ بليا مقاسي

[فــرج الدهمشي]

http://dc10.arabsh.com/i/03480/8czc5odko1qh.bmp

[فــرج الدهمشي]

صوره اثرت فيني كثير .. الله يرحم جميع اموات المسلمين


ولا ننسى البر بالوالدين و الدعاء لهم


http://dc05.arabsh.com/i/03508/07l9gxt1vkm1.jpg

[فــرج الدهمشي]

http://dc15.arabsh.com/i/03537/uy2zebydqxi4.jpg

صوت الشاعر القدير منصور الرويلي



كــلــمــتــي لا قــلــتــهــا كــــــــذا ولا كــــــــذا = دون عـصـمــان الــشــوارب واقـفـيــن
ربــعــي الــويــلان . يـالــعــزوة . لـــــذا ؟= أعـــــــتـــــــمـــــــد بالله رب الــــعــــالــــمــــيـــــن
مـاعــلــيــنــا مـــــــــن طــهــابــيـــل الــــهـــــذا = سارقيـن الضـوء .. خاليـن اليـديـن
والادب ذاك الـــشــــمــــوخ الـــجـــهـــبـــذا = في مجالسنا على المركى اليمين
هـــكــــذا حـــنــــا .. ؟ ونــبــقـــى هــــكــــذا = عـــلّـــم الـــلــــي بـالـمـعــالــي طـامــعــيــن
رؤســنــا للـمـرجـلـه .. نــبــض وغــــذا = مــــــن خـلـقــنــا الله وحـــنـــا شـامـخــيــن
والــوطـــن لا رواحــنـــا نــفــحــة شــــــذا = ريــــح هــيــل وريـــــح ورد ويـاسـمـيــن
مــــادريــــنــــا كــــــــــــان مـــقـــصُـــدهـــم اذا = لــــــــن حــــكــــام الــجـــزيـــرة مـنـصــفــيــن
يــابــن وايــــل لــجــل رأســــك حــبـــذا = يـاصـلـه مـــن رأســــي الـعـلــم الـيـقـيـن





صدى الشاعر فرج الدهمشي




الشعر للرويلي بأحساسه غـذا = يوم من بحر الشعر جاب الثمين

بالحميا والوفـا قلبـه هـذا = من يلومه لو كتـب بالنادريـن

هكـذا شعـر .. الجزالـه هكـذا = شاعراً يختال .. بالمعنى السميـن

كلمته عنـد النشامـا توخذا = ويجمل المضمون بالعلم اليقين

ربعك الويـلان .. يالعـزوه لـذا = بالمواقف يابن عمي شامخيـن

لابـةٍ للسلـم ماجـات بـوذا = تتبع آل سعود والمجد الرصين

من قديم الوقـت طيبهـا حـذا = للمراجل مرتوي .. دنيـا وديـن

هكـذا شعـر .. الجزالـه هكـذا = شاعراً يختال بالمعنى السميـن

[فــرج الدهمشي]

تعبير عن اعجاب بالشاعر القدير صالح الضويحي
وبمناسبة افتتاح موقعه الجديد



صوت الشاعر فرج الدهمشي




من شفت اسمك صدري احسه يضيق =من زحمت الأبيات قدام بابه

كل ٍ يبي صالح قبل نشفة الريق =كل بيت في مدحه حسب له حسابه





ماابغا انظم أبيات القصيده على شان=ينقال شاعر والليالي توافيق
أكبر فخر للمدح ينظم بقيفان=ياالحر يالنادر بليّا مسابيق
الطيب ورث جدود يرجع لويلان=متعاهدين لأثنين مده مطاليق
كم ليلةٍ والنار شبت لضيفان=والدلّه اللّي تقدع بحالي الريق
شفتك كما سهيل اليماني اليّا بان=غيم ٍسقى قاع المحل حزة الضيق
مثلك أصيل الخيل يصهل كحيلان=سيفٍ يصحي عاثر الحظ ويفيق
يابن الضويحي مامدحتك على شان=ينقال شاعر والليالي توافيق




صدى الشاعر القدير صالح الضويحي

http://dc15.arabsh.com/i/03537/d0gmu6fbj7z7.jpg




نبض الوفاء يسقي يباس المعاليق=لافاض من صدرا عزيزا جنابه

صوتٍ تجاوز مغلقات الصناديق=كله وفاء والطيب قدر ومهابه




جزل الكلام اللي على كف ميزان=غيثٍ هما واسقى يباس المعاليق

وفاه نبض احساس والشِعر وجدان=صوتٍ على عزفه تــزين الطواريق

يالدهمشي لاهان قدرك ولاهان=راسٍ حفظ عهد الوفاء والمواثيق

ماقدّر الطيّب سوى طـيّب الشـان=اللي يشوف بعين الانصاف ويويق

مني سلام اعداد هـتان الأمزان=بأسم المكارم كان فنجالها سيق

ومنى سلام اعداد مابالفخر بان=صيت الشجاع بساعةٍ تنشف الريق

عليك ياساس الوفاء سر واعلان=ياتاج راسي ياحفيد المطاليق

[فــرج الدهمشي]

صوت الشاعر عويد كسار العنزي ( بحر القصيد )


http://dc17.arabsh.com/i/03537/6sp5vpi9y009.bmp





عينك تشوف أطباع روحك مع الناس=وكلٍ على أطباعه يشوف الخليقه
كانك صدا صديت لوبيدك ألماس=وكانك ذهب والــناس لمعة بريقه
دهامشه والنعم يامعرب الساس=من ورث أبوك وطيب جد العريقه
يزبن عليك الهم ماشاف الأتعاس=ويزبن عليك الضيق ماشاف ضيقه
يزبن عليك الفقر ماشاف الأفلاس=وأنت الطريقه بأنعدام الطريقه
وأنت الفخر فيك افتخر يرفع الراس=وفيض المشاعر بالبحور العميقه
وأنت القصيد اللي نبض كل الاحساس=وعز الصديق الياأعتزى في صديقه
مابغا أمدحك في بيت يبقى بكراس=قلبك ذهب والناس لمعة بريقه
كان الفرج بالأرض يمشي مع الناس=أنت الفرج من بعد رب الخليقه





صدى الشاعر فرج الدهمشي





الصاحب اللي خوته ترفع الراس =مثل الذهب في معدنه في بريقه
اللي بنا بيت القصيده على ساس =مثلك حرام يشوف شي يضيقه
يا صاحبي حذراك تشكي على الناس =الله كريم ولا قطع بالخليقه
شمس القصيد وصبح غيم بالأنفاس=شاعر وضوح ومنهجه له طريقه
اللي ملا روح المشاعر بالأحساس =بحر من القيفان قاعه عميقه
ما هو بها مصنوع شاعر بكراس =لو ضاعت الشعار تسلك طريقه
نجم القصيد اللي ضوي ليل الأدماس =مثل العسل والحرف زهرة رحيقه
يا صاحبي لاهنت يا معرب الساس =عز الخوي لا قيل مثلك صديقه

[فــرج الدهمشي]

ترحيبيه قديمه بأستاذي الشاعر القدير زايد الدغماني



حي الله من جانا امسيـر=مـن سكاكـا جانـا متهيـر
الدغمـانـي رجــل ٍ خـيـر=عسـاهـا أيـامـه سـعـيـده
بالقيصومـة لـك جماعـه=يامرحبـا بـك كـل ساعـه
مرحـب بـراع الشجـاعـه=دايـــم أرائـهــم ســديــده
أرويـلـي وعقـالـه مـايـل=هو راعي العليا من وايل
مــن قـبـل لـهــم فـعـايـل=نظـرتـهـم دايـــم بـعـيـده
ونعـم بشيـوخ الشعلانـي=أكـرام اليـا جاهـم عـانـي
النوري هوعالي الشانـي=وأورنـس الذيـب الوليـده
هــــم قـرايـبـنـا فـخـرنــا=مـاشــي عـنـهـم ذخـرنــا
لامــن دعـونـا حـضـرنـا=جيـنـا مــن أديـارٍعـديـده
وأختم كلامـي أبترحيبـك=أنـــرحـــب يـامـعـزيـبــك
أن طبنا والله مـن طيبـك=وهــذا خـتــام القـصـيـده




الشاعر القدير زايد الدغماني


http://dc14.arabsh.com/i/03537/r6tjah2ssspr.bmp





فرج فرج جعلك سالـم=اعـزك والله العـالـم
شاعر ردك دايم والـم=جعـل حياتـك مديـده
افخر ببوتـك لاجنـي=شعرك كنـه يحتظنـي
طرقك دقيق(ن) وفنـي=وافنون الشعر تجيـده
يافرج عـزالله وافـي=ترحب با الضيف الافي
اخون عزيز(ن)وسنافي=وخصالك دايم حميـده
وان جيت ابمدح افعولك=مايقدر حرفي يطولـك
ماظن يلحق قولي قولك=لكن قلبي شوفك عيـده

[فــرج الدهمشي]

صوت الشاعر ناصر عطاالله العنزي
مدري وين راح اختفى : )






عزي لمن مثلي حياته زحاليق = كل ما رفع راسه تجيه الاعاقه

ولا كمى اللي عاش عمره تلافيق = ابسط حوايج دنيته بطقاقه

ليتك يبن عمي على حالي اتويق = كني مريض ٍ ناخر الدود ساقه

واليوم صبري صار مافيه توفيق = او صبرن بليا فود فعل الحماقه

يا الله ياخالق جميع المخاليق = ياعالم بخافي الامور الدقاقه

تجيرنا من نار تشوي المعاليق = يارب انا مالي على النار طاقه







ردي لابياته








لاتشتكي ياهام سنجار و طويق = حبل الوصل مشدود عندي وثاقه

فزعاتنا ماهي برد الطواريق = ابشر وحنا يالبناخي رفاقه

من غربنا إلين توصل تشاريق = فدا ولك فوق القرابه صداقه

نزيل عنك كل ما يمكن يعيق = واللي تبيه يجيك طيب ولباقه

حنا ليامن وصلت نشفة الريق = نزيد للجهيل جهل و حماقه

بالجنه العليا نمارق واباريق = والعبد بالدنيا كثير انزلاقه

الصبر والسلوان جعل الله يتيق = قلبك لهديٍّ يرتضيلك سياقه

ويجيرك الفتنه وبطش المطاريق=في ساعة والمرء تلتف ساقه

[فــرج الدهمشي]

كل عام وانتم بخير






سلام مني يالوجيه المسافير= سلام مخصوصٍ جديدٍ طرازه
حياكم الله يالمطاليق بالخير=ياللي لكم بين الضلوع ارتكازه
من فكرٍ انقى من حليب المغاتير =اصفى من اخيار العسل في قزازه
بالمسك والجوري وريح النواوير=ارسل سلامي للحضور بركازه
جوي معاكم ياجماعه يجي غير =عن كل جوٍ ضف حزني وحازه
من شاعرٍ مطنوخ مع كل تعبير= لجل الوفا والطيب حاز امتيازه
من لابتن بالعز روس ومناعير= ترقى (سنام المجد) معها جوازه
من دور (وايل)..من عهد(سالم الزير)=خوينا يمشي فخر بعتزازه

[فــرج الدهمشي]

قسمة قدر حانت بليا مواعيد = لقيت فيها طيب الصيت والكار
نسل الرجال الشامخين الصناديد = الوافي اللي له معزه ومقدار







لحظة صدفته كنها (فرحة العيد) = في وصفها تقصر جزيلات الاشعار
نظرة غلا مضمونها صار تأكيد = ان الغلا لو توصفه فيه تحتار

[فــرج الدهمشي]

صوت الشاعر فرج الدهمشي




عواد عوّد وانت بالاسـم عـواد = عود ٍ ومثلـك لازم انـه يعـودي

طوّل غيابك حيل ياذيـب الاولاد = يالله عساها خير مامـن نكـودي

الطيّب يذكر دايم ٍ بيـن الاجـواد = ولاالردي ينسى ولابـه قعـودي

لك بصمة ٍ مامسهـا كـل نقـاد = جزل القصيد وكل مابه عهـودي

الشعر يسأل وينه اليـوم عـواد = يبيه يحيي عرقه اللـي يسـودي

عرق ٍ يموت وفرحته صوت رعاد =وعواد اقبل يدحم اللـي يـزودي

والختم صلـو عـد ماثوَر زنـاد = وعداد ماهبت من الشرق نـودي

على النبي الهاشمي سيد الاسيـاد = اللي بـدون رسالتـه مانسـودي




صدى الشاعر القدير عواد الدهمشي









كل ٍعلى ما تزرعه يـده حصـاد = وانا زرعت الورد واجني ورودي

والطيب لوسقته بالانـذال مافـاد = إن مارجعلك شر مافيـه فـودي

وهذا الوفا لوينقسـم بيـن العبـاد = ياخذ فرج نصّـه إذا مايـزودي

الطيب للعيّـاش يرضخ وينقـاد = هذا كلامـي والقبايـل شهـودي

وفـاك يالبـلاّز بالعـون معتـاد = دايم على درب المراجل سنـودي

وانـا إذا ربـك اشــا والله آراد = لارجع وانا ماقول واخلف وعودي

لكن ظروفـي جعلها تبتعـد غـاد = إدعوا معايـه جعلهـا ماتعـودي

ولازالت ظروفي وبي الزمن جاد = لاشعل قناديل الشعر من وقـودي

ولاهان كل اللي نشد وين عـوّاد = واقسم قسم انتم سبايب وجـودي

[فــرج الدهمشي]

أجْهَلُ النَّاسِ مَنْ كانَ على السلطَانِ مُدلاً وللإخوانِ مُذلاً

[فــرج الدهمشي]

قادت اصطبل الاصايل مهرةٍ عنقا طويله=الجموح اللي تعزوى بأول خيول الاصايل

بالسبق معها ومعها خطوة الواثق دليله=خطوة اللي ماتعوَد بالسبق غيرالاوايل

كل حملٍ في زمانك حالف اني غير اشيله =واركز برجم المشاعر بارقٍ فوق النثايل

من وفاها بالمحبه مثمر بموسم حصيله =والعواذل من حصيله كسبهم مامن صمايل

وردتني من غلاها نهر عذب وسلَسبيله=لا نثنى زهر المحبه ثم تعطر ثم تمايل

في سفوح امن المحبه لا رقينا بالطويله=عشت ذيبٍ بالطويله واسألي سبع القبايل

والله اني ما تعزوى غير بسيوفٍ صقيله=كل سيفٍ لو تعزوا عزوته بعيال وايل

قادت اصطبل الاصايل مهرةٍ عنقا طويله=الجموح اللي تعزوى بأول خيول الاصايل

[فــرج الدهمشي]

يالله يالمعبود يالواحد الحيّ = ياعالم الغيب وخفيات الاسرار
تسعد عروقن مالها بالردى ضيّ = عبدك ضعيف ولو ملك كل الاقطار
انت العظيم اللي سقى قاعه الميّ = وانت الرحيم وغافر ذنوب الابرار
يقولها من ما ملك داخله شيّ = رضاك نعمه يطلبك عتق من نار

[فــرج الدهمشي]

ابارك واهني صديقي وزميلي الشاعر الرائع /حشر الغضيان
بمناسبة ترقيته من رتبة نقيب الى رتبة رائد في شرطة حائل
الف الف مبروك ..







اليوم انا ودي ابارك واهني = واكتب تباشير الفرح والقصايد
في ترقية شخص عزيز واغني = يومه ترقى من نقيبٍ لرايد
مبروك لك تاج بكتفك يحني = ياصاحبٍ فيك الفخر دوم زايد
والنعم مني مع حروف ٍ حوني = خصت (ابوياسر) به الطيب سايد



جينا نزف اسمى التهاني بطرياك = واصدق مشاعر بالقوافي تهنيك
اليا حضرت بفعلك القول سماك = ولاغبت كل المدح حاضر بطاريك
الطيب والهقوه من ادناك لأقصاك = يالشاعر اللي صادقاتٍ معانيك
تستاهل الرتبه على طيب مبداك = وافي وربعك بالمواقف تهقويك
ساس الوفاءوالطيب سيف ٍبيمناك = اللابة اللي بالمواجيب توفيك
مادام اسمك حافظ ٍطيب معناك = واسمك سما لأطيب معاني مسميك
وسلايل الويلان مثلك وشرواك = يالوافي اللي نفتخر في مباديك
كل ما كتبتك زاد شعري بذكراك = ياللي طوال وشامخات ٍمراقيك
ما اقول غير الله يعزك ويرعاك = وتحقق احلامك وتكمل مساعيك

[فــرج الدهمشي]

ابارك واهنّي الشاعر / خلف المشعان بمناسبة زواجه جعل الله زواج خير وبركه ورزقه الذريه الصالحه ...





لا ياخلف من جاء واللي بعد راح = لا يضيق صدرك يالشمالي على شيّ

لجل المحبه والغلا خاطري ساح = ياعزوة اللي فزعته تكفي الحيّ

يالكوكب الدري ياشمس الاصباح = ياسيفي اللي في يميني على ايديّ

كم ليلة ٍوالضيق في صدر الاشباح = ليت القصايد خففت واقعي ليّ

ورق القصيد اللي على دفتري ناح = يتبع ورى برق المشاعر يبي ميّ

يامزبن المضيوم في ليل الاجراح = يانخوة الفدعان يافزعة الخيّ

بعين الفرج شفتك وانا همي انزاح = وشلون اضيع وكوكبك بالسماء ضيّ

نجم الشمال ان بآن جذاب الارواح = لا يضيق صدرك يالشمالي على شيّ

[فــرج الدهمشي]

http://www.youtube.com/watch?v=3shEb3QbEL4





دحة العياش من الدهامشه .. في زواج عبد الله الطرقي الضبيان ..

[فــرج الدهمشي]

ابارك واهني الشاعر / خلف المشعان بمناسبة زواجه جعل الله زواج خير وبركه ورزقه الذريه الصالحه ...





لا ياخلف من جاء واللي بعد راح = لا يضيق صدرك يالشمالي على شيّ

لجل المحبه والغلا خاطري ساح = ياعزوة اللي فزعته تكفي الحيّ

يالكوكب الدري ياشمس الاصباح = ياسيفي اللي في يميني على ايديّ

كم ليلة ٍوالضيق في صدر الاشباح = ليت القصايد خففت واقعي ليّ

ورق القصيد اللي على دفتري ناح = يتبع ورى برق المشاعر يبي ميّ

يامزبن المضيوم في ليل الاجراح = يانخوة الفدعان يافزعة الخيّ

بعين الفرج شفتك وانا همي انزاح = وشلون اضيع وكوكبك بالسماء ضيّ

نجم الشمال ان بآن جذاب الارواح = لا يضيق صدرك يالشمالي على شيّ





مجاراة الشعراء الكرام لأبياتي والتهنئه للشاعر خلف المشعان


الشاعر القدير فلاح بن منشار



صح اللسان اللي على المقديه باح=ومبروك للمشعان والخير له جيّ
وافي علومك يافرج مثل الاصباح=وانته كريم وصاحبك من جبل طيّ


الشاعر القدير محمد الجبريني



الله يديم لخلف مشعان الافراح =ويارب يالله طالبك تسعده لي

الشاعر اللي مثل بالشعر مصباح =انشهد انه بالشعر ماهو شوي

ماني لغير الكفو شرواه مداح =وانا احمد الله شاعراً محد قدي

وياناظم أبيوتك على قافية اح=عزالله انك شاعر براسك احمي

نظمتها يالدهمشي نظم مسباح=ترقا بجزل أبيات شعرك معدي

شاعر تحقق بجزل الشعر نجاح =والمعذره منك بتقصير ردي

وربعك بني وائل هل السيف ورماح=رجالهم بالطيب يظهرر تحدي


والله لو مالصبح عليه انباح=لنظم بيوتٍ بك تقال وتعدي

[فــرج الدهمشي]

لي فتره كبيره ودي اكتب وعندي كلام كثير ودي اقوله واتكلم فيه
لكن الوقت لا يسعني كثير

احب اتكلم ان طيبة القلب انها تكون لحد معين فقط
طيب القلب في الكثير من الاحيان يتم استغلاله او حتى من اناس لايهمهم الا تحقيق غاياتهم وانانيتهم
ولو كان ذلك على حساب طيب القلب وهنا يجب على صاحب القلب الطيب ان يدرك ان هناك من يستغل طيبته وهو على نياته لا يعلم ..
وطيبته مع هذه النوعية من البشر في غير محلها لانها السبب في ظلمه
الطيبة مطلوبة مع الجميع ولكن ليست على حساب صاحبها و حساب حقوقه وكرامته
صفة الطيبة من الخصال النبيلة والكريمة فمن هم الذين يدركون ويشعر بقيمتها وقيمة من يحملها
في زمننا هم ومع الاسف قليلون
وعزائك ياصاحب القلب الطيب انك تتحلى بصفة كريمة يفتقدها الكثيرين ...

[فــرج الدهمشي]

^
^
^

هالكلام الله العالم اني لا اقصد فيه أحد معين .. لكنها هي أفكار احاول ترجمتها وفضفضتها
اوضح بعيد عن الشعر والهجاء لاني كتبت كثير

[فــرج الدهمشي]

تعال واسمع ما قدحت بورقها=وهاك الحروف مورده بالقواميس
والدلّه اللي وسط بيتي وذقها=عطني انا بشرب واشب الفوانيس
يامحلا الجلسة تبدد قلقها=بين الرجال وكيف بن ومحامييس
وقصايد ٍبالقلب عندي وثقها = ماقبل انا الهزله وحكي الدبابيس
مايحني الهامه سوى اللّي خلقها=وانسى كلام اللّي براسه وساويس
ومن يوم غابت شمس عمري شفقها=ام العيون اللي ذبحنّي نواعيس
سبحان من صوّر حلاها ورزقها = حازت على كل الوصايف بتأسيس
راحت وانا روحي وقلبي عشقها=اجمع من ايام الشقى وامتلى الكيس
حسبي على شيطان منهو سرقها=وحسبي على حظي وحسبي على ابليس
والنفس راقت راح منها زهقها=مع بنت منهم كاسبين النواميس

[فــرج الدهمشي]

عندما يمدح الناس شخصاً ، قليلون يصدقون ذلك وعندما يذمونه فالجميع يصدقون.

[فــرج الدهمشي]

http://img02.arabsh.com/uploads/image/2012/08/15/0e3f4d4366f303.jpg

[فــرج الدهمشي]

أنا عريب الجد والعم والقوم
لامن بغيت تشوف النسب والعزاوي



أمعرب الجدين ولاني بمذموم
وأنت الذليل اللي ماهو بمتساوي