ومازالت سرقة القصائد مستمره0

[حمد الخمعلي]

تفاجأ الشاعر الكبير/عوض محمد القطياني العنزي خلال تصفحه لجريدة الرياض بوجود قصيدته (جدار الطين)بـأسم الشاعر راكان النفيعي0

القصيده تناقلتها أغلب المنتديات من فتره طويله وما زالت إلى الآن موجوده وعبر رسائل الجوال0

هذه القصيده كاامله0




على ذاك الجدار اللي على حد البيوت الطين00

وقفت وهاجس الذكرى نفض في قلبي غباره

وقفت أطلق مدى شوفي وأناظر مفرق الدربين00

وأشوف الدار وعيوني تضم الدرب وجداره

أجل هذا الجدار اللي سهر يوم العرب غافين00

أجل هذا الصديق اللي ذكرته وأذكر أسراره

أنا أذكر يوم يجمعنا يغطينا برمش العين00

نسج ليله وسوابه على عشاقه ستاره

حجر لكن أحس أنه يحس بفرحة القلبين00

وأحس إنه نفس لكن غدا جامد من أقداره

حجر يوم العرب تنسى إذا مرّت عليها سنين00

حجر يوم العرب تنسى حبيبٍ مبعده داره

ولكن الجدار اللي تركته من هذاك الحين00

عرفني يوم قابلته وبلل دمعي حجاره

جلست وهاجت الذكرى وقلت بخاطري مسكين00

ثمان اسنين في وحشة ولا احد بيننا زاره

وفا ذاك المكان اثبت بان الادمي من طين00

تخيّل يوم لامسته تنهد من شقا ناره

سألني قال أنا أذكركم تجوني بالظلام أثنين00

بكيت وقلت صدّقني رحل وانقطعت أخباره

[سالم العنزي]

يفترض على الشاعر دائما توثيق قصائده اما في مطبوعه معروفه او منتدى ثقه حتى يحفظ حقه من السرقه .

ضعفاء النفوس للأسف كثر

شكرا اخو حمد

[خلف الغريب]

لا شك ولا جدال ان هذه القصيدة للشاعر الكبير عوض القطياني العنزي وضعاف النفوس لا يدعون مثل هذه الدرر تمر بلا محاولات سرقة ..

شكرا للتنويه اخي حمد وباسم ويلان عموما أرجو أن توجه دعوة للشاعر الكبير عوض القطياني للتسجيل هنا وعلى الرحب والسعة ..

[محمد الدلماني]

بصراحه شيء عجيب ان تكون السرقه بهذه الجرئه


شكرا لك مشرفنا الكريم حمد الخمعلي

[حمد الخمعلي]

الاخ سالم العنزي

الف شكر لك على مرورك


اخي القصيده موثقه ومعروفه ولا كن الغريب جرأة هذا الرجل بسرقتها وهو يعرف انهااا مشهوره والكل يعاارضه

[حمد الخمعلي]

ابو خاالد

الف شكر لك على تعليقك وشهاادتك على القصيده0


الشاعر عوض القطياني وجهة له دعوه وسوف يكون بإذن الله موجود معناا عند فراااغه0

[حمد الخمعلي]

الاخ محمد الدلمااني

الف شكر لك على مرورك وليس غريب بعد حصول هذه السرقه فالكثير يعااني ويسمع قصائده في حنااجر غيره

[بنت الكحيلا]

والله ماني مستغربه هالشيء

لأن سرقات القصايد في هذا الوقت اصبحت عااادي للأسف


وكلما كثر المستشعرين كثرت السرقات

مشكور اخوي حمد الخمعلي

وتسلم على هذا النقل االطيب

لك شكري وتقديري

[مشهور الرشدان]

سألني قال أنا أذكركم تجوني بالظلام أثنين00

بكيت وقلت صدّقني رحل وانقطعت أخباره

بيتين بالصميم عز الله انه مدرسه شعريه

بالنسبه لسرقات فهي كثيره هذه الايام
والله يلعن اللي ياخذ مواهب غيره ويحطها له