هويـّة .. ( بــــدون ) ..!!

[مشاري بن فالح]

ليت الجواز اللي صدر لي من العام=مسموح له ينزل بلندن وباريس
والله لترك واجباتي مع الزّام=وارسم طريقي من خطوط التضاريس
قالوا (بدون) ودربك اشواك والغام=بالخارطه مرسوم دارك مع ابليس
قلت ادري ان الحظ لاطاح ماقام=خلاّ مناعير الجزيره مفاليس
وجدي على حلمٍ طويناه بالام=وجدي على ليلٍ قضى بالوساويس
بالأمس كنّا بالمعارك له حزام=صفوة قروم ولا بنا خايب وهيس
ياكم روسٍ لجلها عافت اجسام=تسعين بالميّه (بدون القراطيس)
حنا بدون اوراق رفّعنا الاعلام=وحنا حمينا الدار من كلّ تدنيس
حنا بني وايل على الشر ضرغام=قبل الهويّه كاسبين النواميس
عقب النصر ياحيف رحنا بالاقدام=صرنا قضيّة رف خلف الكواليس
لكن جزا الاحسان تسفيرٍ الزام=وبعضٍ بقى في ديرته خالي الكيس
اوهام ياللي توعدونا بالاوهام=فاق الضمير اللي غرق بالكوابيس
مع السلامه يالعروبه والاكرام=يمكن ألاقي بالغرب بندْ تجنيس
لطلب لجوءٍ بين ويلز وتتنهام=علّه يطيب الحظ من عقب تنحيس
غربه حياتي وانا في دار الاسلام=يالله عفوك لالفى حادي العيس

لـ مشاري بن فالح البدري العنزي ( هاجس الحرمان)

28/1/2011

[محمد بن موسى]

مشاري بن فالح


الشعر له نكهه خاصه عندما يقال من معاناه
ومن هاجس عاش كل لحظات المعاناه وكل تفاصيلها

نعم يافالح عشنا معك هذا الهاجس وتذوقنا مرارة الظلم بعد العزه


لله درك يابو فالح على هذا النص الشامخ الذي لا يجيده الا كبار الشعار امثالك

وصح السانك مدد بلا عدد

تقبل فائق الود والمحبه

[بنت راشد]

مشاري بن فالح
صح لساىنك مدد بلا عدد وبارك الله فيك

[جلال الدرعان]

يالله على الابداع والجمال والتميز,,, اخى الغالي كلماتك لااجد وصفا لها
سوى الذهول والانبهار,, اسلوبك رااائع وكلماتك ووصفك اروع
احسست انى احيا بالقصيدة لقدرتك الغريبة على وصف كل شىء مهما كان صغيرا
اخى المبدع لا اجد مااقول سوى سلمت اناملك على هذه الدرر وسلم لنا قلمك المتالق
اخى تحتار منى الالفاظ والمعانى فلا اجد سبيلا سوى التصفيق واعلان الاحترام لقلمك الماسي
وارجوك لاتحرمنى جديدك الراااائع

[عبدالله المعيوف الدهمشي]

مشاري صح لسانك

شاعر جزل

[حمد الخمعلي]

الاخ القدير الشااعر المميز/مشاري بن فاالح0

قصيده نبعة من قلب ومن جرح عميق ومن شااعريه اصيله0

صح قلبك وسلم نبضك

كُن بخير

[سلامة الجعفري]

الله يعين يامشاري


صح لسانك ملاييين

وخير الشعر مايصدر عن معاناه


تقبل مروري

[سليمان مفضي العنزي]

كفوو ياشاعر العراق القادم

اسلويك دائما مختلف وقصيده له نكهه خاصه

صح لسانك يالبدري

[محمد الراجح]

مشاري بن فالح


صح لسانك وشهادتي فيك لاتفي بما يجول بالخاطر لهذة المعاني التي صغتها بقصيدة
لك كل الأحترام

.
.
.
.
.

محمدالراجح

[خلف الغريب]

حسبنا الله ونعم الوكيل ..

مشكلة البدون عار في جبين الدول التي ارتكبته ..

ابدعت ايها المبدع وليس بغرابة عليك هذا المستوى من الجزالة والصدق والابداع حتى في معاناتك ..

دمت بخير يا مشاري ..

[سليمان الجعفري]

الاخ القدير الشااعر المميز/مشاري بن فاالح

قصيده راااائعه نبعة من قلب ومن جرح عميق ومن شااعريه اصيله

صح لسانك حتى ترضى وسلم منطوقك ياالغالي

انا اقترح على ادارة المنتدى سحب جوازك.. اسف ( قصدي العمل)

تحياتي لك

[سالم صالح]

مشاري بن فالح


صح السانك جزل داااائما وقصيدة رااااائعة


تقبل تقديري

[بنت الكحيلا]

صح لسانك اخوي مشاري بن فالح

والله يعطيك العافية على القصيدة الرائعه

ابدعت بارك الله فيك

[مشهور الرشدان]

مشاري صح لسانك وعتلا شأنك على هذه القصيده. الحزينه.
أخي الكريم اقترح عليك انك تروح إلا أحد شيوخ عنزه.
وتعد له اسمك الى سابع جد وتقوله أنا من الفخذ الفلاني من عنزه
وان شاء الله تنحل مشكلتك. واذا مانفعك. بشئ أعرف ان مافيه خير.
تحيأتي اخوك أبوحفص

[سعد النفج]

صح لسانك مشاري ..
شاعر جزل و تجمع كنوز الشعر ..
هذا النص كتبته من معاناه و لعله يصل إلى من يهمه الأمر ..
مبدع لا عدمناك ..

[تركي علي الخالدي]

مشاري بن فالح

اهلا بحضور الشعر وصح لسانك يالبدري

ابيات مميزه

[سالم العنزي]

مشاري فالح

صح لسانك على هذه القصيده المميزه بنكهه مختلفه

مشاري فالح والحضور المختلف دائما

تقبل اعجابي

[أبو غرام]

يالله يالامير

نصك لعب على اوتار القلب
حيث يوجد الكثير من بني القبيلة
لم يتم البت بأمرهم

صح لسانك ولو ان هذا المقام ليس مقامها
فأنت أكبر ونصك أعظم من هذه المقولة

سلم فكرك يالامير ..

اخوك ابو احمد

[عبدالمحسن الجلوي]

الاخ مشاري البدري (( هاجس الحرمان)) صح لسانك قصيدة رائعة من شاعر أروع .... صح لسانك وتقبل خالص تحياتي ...

[بدرفهد الجعفري]

شكرا شاعرنا الجميل : مشاري بن فالح

على هذا الحضور المميز كالعاده ابدعت في ماكتبت .. لا املك الكثير من الكلامات لتفي هذه الشامخه حقها .. فقط اسجل اعجابي واقول لك صح لسانك