منابهه يروون حد الحسامي

[مشهور الرشدان]

بسم الله الرحمن الرحيم
السلام عليكم ورحمة الله وبركاته

هذه القصيده قالها الشاعر عوض بن سليمان الرشدان العنزي بــ جيرانه

أهل العذيب وعلى راسهم الشيخ فهد بن سلطان الفقير شيخ شمل


المنابهه
من عنزه عرفاناً بما حصل منهم من معزه وتقدير لمده أربع سنوات لــ غرض الدراسه


يامتجه يم العلا خذ سلامي


لاهل العذيب ومن سكن ديرتله


للشيخ ابو نايف رفيع المقامي


واخوانه اللي بالوفاء مسندله


واهل المخطط بلغوهم كلامي


أهل البيوت البينات المظله


أربع سنين عندهم بالتمامي


عده نهار وقربهم ماتمله


منابهه يروون حد الحسامي


ان جاء نهارً ينقل السيف سله


ياقام عج مثورات العسامي


ملكادهم يشف الكبود المغله


من صلب وايل محتمين الجهامي


اللي تياريخ العرب يشهدله


معروف ذكره من جنوبً وشامي


غنابها يوم السعد مقبلله


واليوم في عهد الملوك الكرامي


عقب الزعيم اللي السباع اخضعنله


حفظ حقوق الناس شرع ونظامي


ومحبه الاسلام عاشو بضله


وصلوا على المبعوث سيد الانامي


اللي من المخلوق مختاره الله

[سالم العنزي]

والله والف نعم بالمنابهه وهذه عوائدهم

وصح لسان الشاعر سليمان الرشدان وشكرا له على هذه القصيده ورد الثناء لأهله

وشكرا لك اخوي مشهور لنقلها لنا هنا

[بدرفهد الجعفري]

شكرا للشاعر سليمان الرشدان على رد الثناء

والف نعم بالمنابهه وهم يستحقون هذا المدح واكثر

وشكرا اخي مشهور الرشدان على نقلها

[جلال الدرعان]

حرووف تألقت في فضاء هذه الصفحه
صح لسان شاعرها ولاعدمنا
يمناك في إنتقائك المميز
دمت ودام قلمك بروعة إختياراته وجمال إحساسه

[محمد بن موسى]

والله ومليون نعم ولا يسدون


مشهور الرشدان

تسلم على اختيارك الرائع والموفق

ودائماً مبدع يابن رشدان

دمت براحة بال

[مشهور الرشدان]

الغالي سالم العنزي صح بدنك وشاكر مرورك

[مشهور الرشدان]

بدر الجعفري صح بدنك وفعلن يستاهلون هذا المديح واكثر
شاكر مرورك

[مشهور الرشدان]

جلال الدرعان صح بدنك واسعدني مرورك عبر متصفحي والله يبيض وجهك

[مشهور الرشدان]

سلطان الحرف

يستاهلون المديح واكثر يزداد هذا الموضوع جمالاً بمروك عبر متصفحي

شكرا من القلب استاذي محمد