لـعـيونك تـعـنيـت [الأرشيف] - °~*¤®§(§ شبـــكة ويــلان العـربـيـه §)§®¤*~ˆ°

بندر السديري

28/12/10, (03:06 PM)

بسم الله الرحمن الرحيم
السلام عليكم ورحمة الله وبركاته

مِسَــــــــٍآكمْ // صِـــــبَــآحْكُمْ .. وردْ ..

أعزائي ,,

أستاذنكم بحجز ركن خاص بي ,,

أفرغ بعض من مكنوناتي ومشحوناتي به ,,

وأتمنى منكم عدم البخل في زيارتي وأرتشاف القهوة معي ,,

إلى من أخذه الفضول إالى عالمي الخاص ,,

هَآ أنا أحيي بكْم و أستقبِلُكَم بكلُ سُرُورْ .. }

لكنْ رجــآءْ .. // هُنا صفحتِي و مَسَآحتِيْ الخآصّةْ .. ,

وقَبْلَ دخُولِكْم قُومْو بـِ تَرْكْ كُلْ ما يسمى الكرهَـ .. !!

فقدْ دخلتَ مكآنْ الحبَ ..

أَنثٌرْ ما يجُولْ بـ بحُورْ قلبِي وعَ ـقْليْ ..!

هنا أنـآ .. مُجَرّدْ.. رجًلً,

بندر السديري

28/12/10, (03:09 PM)

آولأ
سآبدآء بآلتعريفَ عنَ كيآنيَ
آلأسم/بندر بن تركي بن محمد الاحمد السديري
آلموَطنَ/ السعوديه
آلعمر/25سنهَ
آلمؤهلَ/ خريج جامعي (قانون وسياسه)

بندر السديري

28/12/10, (03:15 PM)

بدآيه مدوَنتيَ
بتآريخَ 28/12/2010م
آلسآعه 3:11دقيقه مسآءَ

بندر السديري

28/12/10, (10:29 PM)

الله يسقي دار الاحباب باالسيل=يعلها خمسين يوم(ن) وليله

يمطر عليها من صدوق المخاييل=ويكسي خضار العشب راس النثيله

دار(ن) لها بعروق قلبي مداهيل=حيث انها مرباع خلي ومقيله

لاهي على دجله ولاهي على النيل=ولاهي على راس الرجوم الطويله

بندر السديري

30/12/10, (01:05 AM)

الف رحمه على ذاك القبر والف نور=والف رحمه على روح الطفوله اسيل

لو تحس المنايا ولو تحس القبور=ماخذت ضحكة الدنيا واغلى خليل

لكن الموت حق وكل لحظه يدور=وكم عمار(ن) قصفها في صباح(ن) وليل

عقبها شفت حزن الكون غطا الزهور=واختفا كل معنى للزمان الجميل

شفت كيف الرجوله قابله للكسور=دمعة الوالد ابطت من عيونه تسيل

يامحمد رحمها الله وخلك صبور=والله يعظم اجرك والشفاعه بديل

اذكر الله وخلك ياالسنافي شكور=العمر كاالوديعه فالزمان الوحيل

واستلم قاف بندر وياعساها طهور=ضيقتك والحنايا اللي وجعها طويل

بندر السديري

31/12/10, (07:10 PM)

لي صاحب(ن) باالقلب والعين ساكن=واشعل بقلبي نار من حر فرقاه

يطري عليه لاسمعت الاماكن=ولجيت الاماكن قلت انا كنت وياه

كل الحواس الخمس منه تباكن= اسد واعظ ابهام كفي اويلاه

بندر السديري

01/01/11, (10:30 PM)

ياوجدي حالي على لاماك ياوجدي=ياالشبل حبه بوسط القلب يلعبه

ابو جديل(ن) على متنه ليا كدي=اسود سوات الظلام وخالقه ربه

بندر السديري

02/01/11, (02:12 PM)

دقيت سلف الحوت مع هجعت الناس=وحركت من جده لدار الحويه

اللي سكنها صاحبي عدم الاجناس=والحوت يمشي فوق ميه وميه

شفقان شوفه والروابع بهاالراس=ياخـذبي التفكير روحه وجـيـه

وبعد وصلته قالت الوضع حساس=الـكل نظـرتهـم يابـنــدر عـليـه

قلت اسمعي مانيب راجع باالافلاس=لو بس من ريقك ورشفه هنيه

واخذت مطلوبي ووسوست وسواس=ورجعت وقليبي جلس فاالحويه

بندر السديري

04/01/11, (03:29 PM)

الملكي من غرام الروح=بيح خفاه وسرى ليله

محبوبتي ياحمام الدوح=غصب(ن) على الروح تدليله

لبيه ياالمترف المملوح=لبى غلاك ومواويله

لبى عيون(ن) تعرف البوح=وخد(ن) من الرمش ياويله

لبيه ياتوتك المجروح=فوق الثنايا مشى سيله

لبى جديل(ن) عليك يفوح=ريحه زباد(ن) ورى الشيله

لبى دلع قدك المفضوح=لبى نحرك وفناجيله

لبيه ياثوبك المفتوح=يزهى ردايفك وتشيله

شوفتك عندي ترد الروح=ياعلاج قلب(ن) سرى ليله

بندر السديري

10/01/11, (01:56 AM)

جوهرة

جوهرة كانت بيدي حملتها بين اكفي

اتأملها . . . . . احلم بها

بنيت لها قصرا" بين اضلعي . . . . .

وفجأة !

وأنا غارق في جمالها . . . . تحولت هذه الجوهرة المكنونة . . . الى جمرة مجنونة

احرقتني بنورها . . . وحولتني الى رماد

ليس له فائدة . . .. . سوى الذكرى
سوى الذكرى ..

سوى الذكرى..

سوى الذكرى..

(مما كتبته)

بندر السديري

11/01/11, (01:20 AM)

انا الملكي
وهذا قصيدي يحكي قصة سكوتــي
ابكسر حاجز الصمت
واعلن للناس واقع حــكايـــاتــي

قصتي
للأسف بلا عنوان
عشتها في عـــالــم خيالــي
ضناني شوق الحبايب
ولكن!!
حبل الوصل جــــفانـــــي

اضحك مع هلي وناسي
وفي جوفي جمرة اشـتياقي
اسايرهم ببسماتي
ولكن
في صـــــــمتي لــهــيــبــي

أحاول اوصل لشط البحر ومينا
ولكن موج اليّم اشقاني
في نظرتي عبره
ودموعي تعدت ماي البحر العــالــي

دموع الحزن
ومرار القــهر
حـــطم بــقــايــا كــيــانـــي
وقلبي غرق في بحر أحزاني
وعجز من ينشل رفـاتـي
هذي قصتي
باختصار ويمكن عرفتوا
معنى احــساسي

بندر السديري

14/01/11, (11:56 PM)

لله در اهل الوجيـه المسافيـر=اهل النقى واهل صريح العباره
منهم محمد والتحايا لـه تسيـر=قدح على بعض التصانيف ناره
وانا بصفه جيت ورد ومصادير=ووقفت بوجيه الفلس كل إشاره
ذولا موقفة المطـر والتباشيـر=كد(ن) عليهم ياصحيبي خساره
لاجاك واحدهم شبيه الغناديـر=املس وضيع غيرته والحـراره
كب المجالس والدلال المباهيـر=وراح يترزز عند لينا وسـاره
عليه طيحني ولاشاور مشيـر=غير القلايد والكدش والسـواره
عار(ن) على دار النبوه وتحقير=وسواد وجه(ن) للسلوم وقـذاره
لو إن فيها خير ماعافها الطير=بضاعة الكفار وموضة دشـاره
ياالله تكافينا شـرور المقاديـر=وتستر علينا سـر ولا جهـاره

بندر السديري

19/01/11, (12:55 AM)

استرخص الذوق والمجمول عن اذنه=الملكـي بيفتـح الطاقـه ويتهـايـق
يسعد صباح الدلـع والغـي والفتنـه=ويسعد صباح المنام الهـادي الرايـق
اروح لامن لمحتـك ياالغـلا كشنـه=لا صرت توك من احلا نومتك فايـق
كنك تفك الجمال العف مـن سجنـه=ويصبّح الكون من شرفتـك ويوايـق
يداعب الورد وعصفورن على غصنه=ويوسع بطلتك صدر المسا الضايـق
بمشاهدك رف قلبي وانجـلا حزنـه=يلي عليـك النعومـه والدلـع لايـق
لعيونك الروح والاعصاب مشتحنـه=يسوق قلبي لشوفك صاحبـي سايـق
في ذمتتي لو ذبحني وصلك وغبنـه=ماعاقني عن وصالك ياالغـلا عايـق
ياويل قلبي على ماانام فـي حضنـه=واطمن الروح لا خايف ولا ضايـق
واسترخص الذوق والمجمول عن اذنه=الملكـي بيفتـح الطاقـه ويتهـايـق

بندر السديري

21/01/11, (12:01 AM)

بسم الله الرحمن الرحيم

السلام عليكم ورحمة الله وبركاته

كل ما اتمناه .. أن ماينزفه قلمي .. ينال اعجابكم ..

حبيت اتكلم عن الأتكاليه والأنطوائية التى تجتاح حياة

كثير من الشباب والبنات ... في وقتنا هذا ..

هل هي عادة اعتدنا عليها ؛؛ أم كسل مسيطر سيطره كامله

من وجهة نظري هي من المشاكل ...الهامه التى لابد ان نناقشها ..

ونجد حلول لها ||| من أسبابها
الفراغ والوحدهـ..

وعدم الاختلاط مع اصدقاء مقربين .. ؛؛ لأن القرب منهم والاحتكاك معهم

يكسبه (

خبرات ) يمكن ان تخرجه من عالمه الذي يعيش فيه ....

هي ليست مرض ظاهر يراه كل من حوله..وليست

مرض نفسي خطير مثل

انفصام الشخصية ...فالإنطوائية هنا مشكلة وليست مرض وحل هذه المشكلة

ممكن ويستطيع الشخص ان يحل هذه المشكلة بنفسه.

1- التوجه الى الله سبحانه وتعالى

2- الإرادة القوية والصبر

3- القراءة والإطلاع

4- المشاركة الدائمة

5-

عدم الإحساس بالخوف والخجل

6- عدم الأهتمام بالحاقدين

أحبائي ( أعضاء شبكة ويلان )

اتمنى انو ماقصر قلمي بطرح قضية يعاني منها الكثير ...

تحيااتي

بندر السديري

21/01/11, (10:57 PM)

الملكي هل القوافي والقصيد=سمن على كبد العــدو موالـهــاا

عيال زايد عزوة اليوم الشـديد=اللابه اللي ماربــح من طالهــاا

دواسرن فاالطيب والراي السديد=ترمي عمايمها وتحذف عقالهاا

يامحزمي يادم يمشي فاالوريد=ماللشـدايد كـون طيب رجالهـاا

بندر السديري

22/01/11, (01:26 PM)

ينـوي الـجرح خـلي ميــر قــلـبي فطــين =مـــادرى انــي عـليه ادور والفهــاا

مادرى ان السديري طول عمره ذهيــن=بـندر يبـعـثر الاعـصـاب ويصـفهـــاا

بندر السديري

23/01/11, (10:24 AM)

http://up.2sw2r.com/upswf/N9D83824.swf (http://up.2sw2r.com/upswf/N9D83824.swf)

بندر السديري

24/01/11, (01:56 PM)

في غيبتك مشاعري لك عليهاا=وظلوع صدري حايشتها بلاده

خبري بها يوم الطواري تجيهاا=ترجف محانيها بليا إراده

واليوم حتى انفاسها ماتبيهاا=وطعم المسا في غيبتك صار ساده

بندر السديري

25/01/11, (11:33 PM)

http://www.weelan.com/vb/image.php?u=5631&dateline=1276607166 (http://www.weelan.com/vb/member.php?u=5631)

استمتع كثيرآآآ بتصفح مدونتك

بندر السديري

27/01/11, (02:14 AM)

http://www.akhbar.ma/pics/max300x300/aid-36328_0.jpg

يعجبني تفكيرك..

من يـروم المعـالي مايهـاب الصعــود

.. ومن يعشـق التحـدي بالتحـدي ظفـر

بندر السديري

28/01/11, (05:16 PM)

عطني حيــاة لها طعم وريحة ولون .. ترى روحي عطية لك .. ماهي مجاملة ..

وجهة نظرمقتنع فيها ..

بندر السديري

01/02/11, (02:36 PM)

سلام الله عدد ماغنت الورقا على الاغصـان=وعدد مالاح براق الحيـا وهلـت تباشيـره
وعدد ماسطر بكبد الورق من كايف القيفـان=وعدد ماشب خفاق المولع شوق(ن)وغيـره
على رجال(ن) تحل الكايده وتكرم الضيفـان=مطالق(ن) تنومس باالسلوم وتحشم الجيـره
وانا يومي ورت العد اسقاني وانا ضميـان=وعلى جاله انوخ قاف حرفي وياالله الخيـره
تحياتي على كل الحضور بمنتـدى الويـلان=وعسى ربي يجملني واسوق الطيب واديـره
وهذي قافية بندر تمـد يمينهـا مـن شـان=تسافر في معاليق الحنايـا بـدون تأشيـره
تدوج بفكر عشاق القصيد الرايـع الطربـان=وتشبع رغبة الشفقـان للشعـر بحذافيـره
قصيدي ياقصيدي سم باالله وادحر الشيطـان=تقدم وافتح قفول الصـدور وفضهـا سيـره
قصيد(ن) مايحرك جفن عين ومايهز إلسـان=رفيق(ن) بار باالخوه وخانت بـه معاذيـره
والا يالله دخيلك من حضور(ن) ابكم ونقصان=وانا في وجهك من غرور شيطاني وتقصيره

بندر السديري

09/02/11, (12:08 PM)

الا ياهموم الوقت زدتي على المهموم=تلاقت همومي مع هموم الـ ......
نصارع ظروف الوقت واللي حصل مقسوم=نسامر نجوم الليل لين الصباحيه
يضيع الهوى مابين عاداتنا وسلوم=كثير المواقف تخلف الراي والنيه
ترى ماتريح غير من قالوا المرحوم=ولاعاد باالدنيا له احلام ورديه

بندر السديري

13/02/11, (04:06 PM)

http://n4hr.com/up/uploads/617035d0ea.jpg

اعشق هاالفنانه لحد الجنوووون
اعشق اغانيها
اعشق صوتها
اعشق احساسها

لا يعتب حدا . ولا يزعل حدا=انا لحبيبي . وحبيبي إلي
قالتها فيروز ولأبعد مدا=وبالله ياحبيبي إسمع مايلي
انا افدا ظلوعك وظلوعي فدا=لجروح الغياب ونارن تسطلي
معك ياوليفي لاتذهب سدا=رفقة الغلا والخرج الممتلي
بدا للزمان وللفرقا بدا=ترثع بغلانا اللي ماله حلي
لو على درب الولف عمري غدا=فدوتك عمر مغليك الممحلي

بندر السديري

20/02/11, (06:18 PM)

http://www.co-love.com/vb/image.php?u=42&dateline=1295873102

^

يلعن ابو الشوق لا يرحم ولا ياوي=قطّع معاليق قلبي يالله الخيره

يطوي ظلوعي من اسباب البطا لاوي=ويضيق صدري واعاف الدار والديره

بندر السديري

11/03/11, (02:35 AM)

بسم الله ابدا وافتح لشرد المعانـي كـل بـاب=الطـرق طرقـي والتحيـه للعمـوم اسوقهـا
ياقافي اسلم ثم سلم لي علـى بيـض الثيـاب=سلام(ن) اغلا من حجر عيني ورفـة موقهـا
قاف السديري في ظلام الوقت ذيب(ن) مايهاب=ايخمّـد الفتنـه ويطفـي نارهـا وعروقهـا
مطنوخ بدروب المراجل ذيب من بين الذيـاب=سيوف عزي في سما الطاله تلـوح بروقهـا
ماهمني حقد الردي ولا خفت من نعق الغراب=وهروج من يغتـاب نفسـي ماتهـز عذوقهـا
ولا شحنّي من يصدق فـي تلعـات الرقـاب=لا بـد ماتفتـح لـه الدنيـا قفـل صندوقهـا
ويشوف براق الحقايق لا فضح زيف السراب=ويميـز العقّـال مـن وقفاتهـا ومنطوقـهـا
اقولها وارقا برجلي فـوق هامـات الصعـاب=لو لقمتي عند الـردي فـي ذمتـي ماذوقهـا
اعز نفسي عن دروب الذل واسـوق الركـاب=على علوم(ن) للمراجـل جازلـي طاروقهـا
يوم(ن) غيري لاحداه الوقت ياكل لـه تـراب=المرجله عنده عـدم والنفـس طايـح سوقهـا
ادخل على الله من سواد الوجه وصكات الغياب=امـا حيـاة العـز والا المـوت يامعلوقـهـا
وقاف السديري في ظلام الوقت ذيبن مايهـاب=إيخمّـد الفتنـه ويطفـي نارهـا وعروقهـا

بندر السديري

27/03/11, (03:02 AM)

http://www.weelan.com/vb/image.php?u=5631&dateline=1276607166

جعلك ماتشوف شر يابوفهد
طهور ان شاءالله

بندر السديري

31/03/11, (02:31 AM)

اخوي الغالي : محمد بن موسى
الحمدلله على سلامتك
وطالع من الشر ياالغالي
وياليت تهتم بصحتك اكثر
وتمنيت انك ماطلعت على مسؤليتك ياليت انتظرت كم يوم لين نتطمن اكثر

بندر السديري

02/04/11, (11:34 AM)

http://www.ahoaak.com/vb/image.php?u=4&dateline=1301733479

الملكي يمشي بدمه @حب الدلع والتغـناجي

متخدرن باالغلا وسمه@كنه على سلك ديباجي

لي صاحبن فاالحلا قمه@بين الصبايا لبس تاجي

ويلي على حبه وضمه@ويلي على المرمر العاجي

سبحان من صور بفمه@توتن حمر ماهو ارواجي

ان قلت له قطفه وزمه@صد وحمس قلبي بصاجي

يضحك وليفي ولا همه@ضاري على الطيش واحراجي

[/poem]

بندر السديري

07/04/11, (01:15 AM)

:(
:(

:(

:(

:(

بندر السديري

07/04/11, (01:24 AM)

الاغنيه هذي لها ذكرى عزيزه علي
واهديها لكل من مر من هناا
وياويل حالي بس

http://www.youtube.com/embed/QPbLwh3kRaE

بندر السديري

16/04/11, (01:45 PM)

ياسلامي عـد مزنـن تهلـل ثـم سـال=وعـد رعـاد السحايـب وعـد بروقهـا

للرفيق اللي علومه علـى روس الطـوال=عاسف امهـار القصايـد ورافـع سوقهـا

صاحبي سلطان بشكيلك اوضاعن أجـلال=كود تبرى النفـس ويفـك ربـي عوقهـا

يـوم انـا شفيـت فنجـال دلـه بالعـدال=مالقيت الا الغـدر فـي طعمهـا وذوقهـا

والخيانـه بنهـا والتلـون حـب هــال=ول ياكيـف الـردى والنفـوس وبوقـهـا

طاب قلبي من هوى البيض وترفات الجمال=وإسمحت نفسي مـن الحـب والله فوقهـا

والله إني راس رجال من روس الرجـال=والرجـال الصاملـه بيـنـن منطوقـهـا

مشربي من صافي العـد والنبـع الـزلال=والمراجـل عاشقتنـي وانـا معشوقـهـا

مارضيت الذل وأقفيت عن صفـر الـدلال=دلتـي كبيتهـا يـوم شـفـت حروقـهـا

جاك طرق الملكي يوم ليل الجـرح طـال=واسهرتنـي هاالقوافـي علـى طاروقهـا

بندر السديري

24/04/11, (01:02 AM)

http://www.sandroses.com/gal/albums/romance/normal_093020fb369.jpg (http://njmad.com/vb/t35257.html)

سلامتك يابعد عيني=ماجور قلبك من العله
ليت المرض في شراييني=مامر قلبك ولا دله
ليت الوصل بس بيديني=واجي واحصّنك بسم الله
واحضنك بشويش بحضيني=وليل الغلا نسهره كله
واسقيك حبي وتسقيني=حبن مصفى على حله
وكل التفاصيل تغريني=كيف اتجاوزك واصله
نشوة غرام المحبيني=اللي لمعلوقي إتله

بندر السديري

28/04/11, (02:39 PM)

الملكـي جـر القوافـي مــن الـجـاش=وجاتك جيوش الحرف جيش(ن) ورى جيش
سلم على راس(ن) على المرجلـه شـاش=يحيـا علـى الطـالات ويمـوت ويعيـش
مـا ذلله طـرد المـراجـل ولا انـحـاش=يوم اعتـز(ن) بـه ناقضـات العكاريـش
الطيب في قلبـي لـه عـروق واعـراش=نـابـت بقلـبـي ماينـوشـه مناقـيـش
مادانـي الخملـه ولا اخــاوي الــلاش=وارفـع مقامـي عـن دروب المخاريـش
لا عاش مـن يستصغـر الـذل لا عـاش=يمشـي بدربـه ويتعـاطـى البخاشـيـش
الحـر مايسكـن جواخـيـر وعـشـاش=يرقى على المرقـاب ثـم ينفـض الريـش
وإلا الردي راحـت حياتـه علـى مـاش=بيمـوت مـابـل الكـبـود المعاطـيـش

بندر السديري

05/05/11, (06:51 PM)

شي شد انتباهي
وهو : اغلبية المواضيع بكل الاقسام تلاقي المشاهدات مشاءالله باالمئات
ولكن الردود تلقاها سته سبعه !!
اتوقع ان هذا نوع من انواع الشفاحه كل واحد بيشوف فلان وش رد على فلان او فلانه والعكس صحيح ..
بهاالطريقه ماراح ينجح اي منتدى باالدنيا ..
لازم يكون فيه تشجيع والبدايه تكون من الاداره نفسها عشان العضو يحس ان فيه احد مهتم فيه ويتابعه ..
وكله كوم وقسم الشعر كوم اللي يدخل ويرد على قصيدة فلان عشانه يعرفه والباقين باالطقاق بس يدخل يشوف ردود الاعضاء عليه ويمشي !! طيب رد ياخي ترى الرد ببلاش واذا انت شايف اي ملاحظه باالقصيده قلها لاتسوي مثل اللي يدخل ينتقد قصيدة شاعر وقصائده الثانيه مايرد عليها حتى وهي معجبته كنه حاقد عليه ..
عجبي !!

بندر السديري

09/05/11, (01:03 AM)

قريت موضوع بقسم الشعر عن الأم نكد علي واااجد

وربي مااحد يعرف قيمة الأم الحقيقي الا اللي فاقدهاا

الله يرحمك يايمــه ..

ضاق صدر الملكي وخنقته العبره وهاجر=مع طيور(ن) للفرح بفراقها راحت معاها

اه من شي(ن) بقلبي ماتداويه الدكاتر=سم روحي والعروق الضاميه جفف دماها

لي ثلاث شهور وبصدري سكاكين وخناجر=لا نسيت ولا قدرت اسلى وقلبي مانساها

اه ياصبح(ن) خذا مني صبوح الوجه طاهر=امي اللي رحمة الله فوقها صبح ومساها

من نهار فراقها قلبي تعلق باالمقابر=والبيوت انوارها ماتت وتبكي من غلاها

مابقالي باالحياه ولا بقالي باالمحاجر=غير دمع(ن) كل مامرت على بالي بكاها

والحزن بقصى الضلوع بمشة المعلوق حافر=ماتفيد به الرقى وقراية(ن) منقوع ماها

بندر السديري

14/05/11, (02:18 PM)

http://www.co-love.com/vb/image.php?u=42&dateline=1295873102

^

ياللي عليك ظلوع صدري تلاقا=وكبدي لحقها من بعادك حراقي
برضيك لو كل الخلايق ضياقا=واذوقك حب(ن) لذيذ المذاقي
نبعه معاليق الظلوع الدقاقا=ومصبه عروقي ونبض اشتياقي

بندر السديري

22/05/11, (10:07 AM)

http://img101.herosh.com/2011/05/15/218594111.jpg

لاهنت يادمع(ن) على خد رجال

لجت معاليقي من الجـال للجـال=واهتز قلبـي والقصايـد جفولـه
شفت السحاب وصادق الوسم همال=وتسابقت لجله حروفـي عجولـه
لاهنت يادمع(ن) على خد رجـال =هل وتحدر وانهمر فـي هطولـه
الدمع غالي وارخصه رحمة اطفال=تواضعت هامـة ملـك للطفولـه
مامال ابومتعب ولو ميـل إعقـال=رمز الطناخه والوفـا والرجولـه
يالله عساك بخير وسنينك إطـوال=ولك في دروب العز صوله وجوله

بندر السديري

24/05/11, (01:39 PM)

ليت الغرام اللـي سكنـي يتبـدد=وتكن ياقلـب السديـري وتهـدا
ياعيني اللي دمعها جـرح الخـد=لاهيب ملطومه ولاهيـب رمـدا
لامسا عليها الكون والليل الاسود=يفوح محجرهـا وتـزداد وجـدا
سبة جروحن كل يومـن تجـدد=لاراح منها وفـد يبـدل بوفـدا
تارد مثل ورد الظوامي على العد=مابيـن معلوقـن ومابيـن كبـدا
بأسباب جرحه صاحبي ناعم القد=خان الغرام وماذخر فيـه جهـدا
تنكّر لعرف الغـلا وبيـح السـد=واعلن رحيله والمعاليـق جـردا
عليه قلبـي كـل ليـل يتوجـد=والجرح من بين المعاليق هنـدا
عقب الوداعـه واللطافـه تمـرد=يحتار باالتجريح من ويـن يبـدا
كنت احسبّنه في حبالـي تجـود=واثره على الفرقا حريصن وجلدا
نفسي عيوف وصامل القلب لاصد=يمـوت ماجـا للمقفيـن عبـدا
ببكي عليه ايام واسنيـن واعـد=فرقاه موت وسبة المـوت بعـدا
والا غـلاه جنيـه شـع وتوقـد=ماظن في يـوم يتغيـر ويصـدا

بندر السديري

25/05/11, (01:53 PM)

http://ittihadnet.net/ittihadnet/9b61e74c56.jpg

أيةُ نور ثلآث : إذا وَعْدَ أَوفْى , وإِذا لَعِبَ أَتعَبْ , وإذا تَكْلمَ أَسَكتْ

إذا أرآد الله بفريق سـوء , أن يجعل فالعروس لقائهم , فلا مفر ولا مجال فهو أمام قائدين , قائد فالملعب لآ يعرف الرحمة يمهلك ولكنه بلمسه يهلكك , وقائد فالمدرجات صدى صوتة يدخل إلى قلوبهم فيدخل في نفوسهم الرعب حتى يهلكهم , فهم فالملعب وخارجه هالكون لا محآلة

يالبى قلبك يابو نوراان

بندر السديري

30/05/11, (02:11 AM)

خـاص

إرفق إبحال بندر يوم مد إلك يده=يحسبنك من دروب المحبه خلاوي

وقلبك الخام مايعرف صنوف الموده=ماوطت في مداهيله مواطي هواوي

وأحسبنك غشيم وشعرك اللي تكده=ماتنشق رياحينه ياكود الشقاوي

اللي حبك براه ولاعن(ن) جد جده=ظامي(ن) لو ورد جيلان عد(ن) رهاوي

وأثرك إبسكة العشاق يامستبده=جرتك واضحه لو تبعدين الخطاوي

والهوى طير وصدوف الليالي مهده=واضح الفرق بين الخرب وحر(ن) نداوي

حاشم(ن) نفسي وباب المحبه بأرده=مالي ومال خيبات الوفا والهقاوي

بندر السديري

31/05/11, (06:16 PM)

الطيب يبقى للرجاجيـل مدهـال=صعب(ن) ياكود الا على الغانمينا
اشنابنا رفت على العـز وجبـال=ماتنثنـي هاماتنـا ولا إشتكيـنـا
تربا على ايدينا المراجل وتختـال=وناطا على خد الـردا لا وطينـا
نتعب على الطالات في دق وجلال=وندسم اشناب الخـوي واليمينـا
ومن ضامته سود الليالي والاهوال=يبشـر بعـزه لانصانـا حزينـا
له في مداهيل المعاليـق منـزال=وانا عليه اشفق مـن ام الجنينـا
مانكنز الاموال من خلف الاقفـال=إنحـدث بنعمـت إلهـي علينـا
حييت ياقاف(ن) لبوزيـد تنثـال=منه المراجل مـن قديـم السنينـا
هيضني الطاروق وجريت مـوال=ارثعت يامعـدي المراقيـب فينـا
بنـدر حفيـدك للثقيـلات شيّـال=حافظ وصاتـك فاالمعاليـق دينـا
لو زال زولك ياالسديري فلا زال=صيتك وفي حبل الوصاه إلتوينـا

بندر السديري

03/06/11, (11:01 PM)

تدري وش اللي جارح(ن) كبد بندر ؟=إني عطيتك عشق مامر بإنسان

أطهر من خيال(ن) غشا الأرض وأندر=من تحفة(ن) فريدة النوع وجنان

ولقيتك لجرح المعاليق مصدر=تلعب على الحبلين بايق وخوان

تضحك على قلبي وتطعن وتغدر=وأنا على النيه لك الله من أزمان

والحين فارقني على الجور مقدر=لي عزت(ن) تشبه سنا الجدي لابان

بندر السديري

08/06/11, (12:41 AM)

http://www.co-love.com/vb/image.php?u=42&dateline=1295873102

للعشق لذه تحدّر مع شرايني= بأسبابها اغيب لا فاقد ولا واعي
لولا إني اضم لوح الصدر بيديني=تحطمت من شعوري حدب الاضلاعي

بندر السديري

22/06/11, (04:00 PM)

http://www.s-maj.net/vb/image.php?type=sigpic&userid=23050&dateline=1308746727

صدوف الزمن واحداث الايام والشدات=حدتني عن ديار(ن) مصيفي بأراضيهاا
حدتني عن النمسا كسور القدم باالذات=وانا ناوي(ن) ذا العام ادوج بعوالهاا
سقا الله ليال(ن) زرتها في زمان(ن) فات=وعسى الله يعوضني واسج الرجل فيهاا

بندر السديري

28/07/11, (02:21 AM)

فلسفه على بساط الفراغ تنحدر من ابواب القناعات

الى رصيف الوقع .. لتشكل لنا فرضيات ايصيغها بقلمي

.
.

نعم .....

نسمع النحيب وتعلوا اصوات الفشل والإنكسار وفقدان
الذات في سبيل البقاء

جميعها كلمات ليست في قاموس الامل والتفائل فإن

ليس هناك شي بالوجود يلغى ان تعيش كما تحـب

والنفس البشريه معقدة لكـنها عادله احــياناً

هل نسآل انفسنا لماذا نحـب ؟

لماذا نكره ؟

لماذا نبيع ؟

لماذا نتخلى عن كل شي لجل شي واحد ؟

لماذا كل هذا التفاني والحرب الدائمه بداخلنا

نحو مستقبل مبهر وناجح ومرضي لنا ..

كل تلك الاشياء مصدرها شي واحد وهو ان

النــفس البشريه بطبيعتها و خصائصها تتوجه دائما نحو

باب واحد وهو رضاها .

تلك النفس تبحث عن سعادتها تبحث عن الراحه لها .

تفكر احيانا بالمحيط الذي تعيش فيه فقط .

والباقي ( فخار يكسر بعضه ) .

ـ نحب تلك الفتاه او تحب ذلك الفتى .. لماذا ؟

لكي تلبي و نلبي تلك الرغبات التي هي فطره بنا

فطره بذلك الكائن البشري الذي يحمل بداخله

عواطف ، غرائز ، ميول ، احتياجات .... إلـخ

لكي يكون متوازن ويحس بكتمال ماينقصه .

وكذلك وهو الشي نفسه للوجه الآخر ..

لماذا نبيع احبابنا وتتهالك مشاعرنا واحاسيسنا

التي كانت موجه نحو شخص وبالآخير غابت

تلك الاشياء التي بداخلنا وتحولت الى رماد

كلها لكي نرضي تلك النفس البشريه ..

لكــن نختلف بطريقة التعبير ويختلف السبب

وتختلف تلك الظروف التي تساعد وتكون محفزات

لنا ... لنعيش كـما نريد وننعم براحة البال .

لكـن تلك النفس البشريه لاتجعلها تتمادى

وتتخطىء الحدود التي وضعت لها

فالنفس البشريه تنقسم الى ثلاث انفس :

ـ نفس مطمئنه .

ـ نفس أماره بالسو ء .

ـ نفس لوامــه .

فيجب ان يكون هناكـ تزازن بينها لكي

نعيش اسويا فلا تطغى واحده على الأخرى .

همســه :

لكل شي بالكون سبب فالنكون نحن السبب بإسعاد

من حولنا ولا نكون سبب في تعاستهم .

تحيااتي

بندر السديري

15/08/11, (12:02 PM)

http://www.s-maj.net/vb/image.php?type=sigpic&userid=23050&dateline=1313398439

في دروب العـز للعليـا رقيـت=راكز(ن) للطيب رايـات وعلـم
ابدع ابيات القصايد بيـت بيـت=واقدح افكاري على ذيـك القمـم
المراجل بصمة(ن) لي ماحييـت=علّـم الغيّـاب واللـي مافـهـم
كان ماجالي على دنيـاي صيـت=عقّب الفنجـال مـن خـط القلـم
كم من ليل(ن) على القمرا سريت=وكم على الشدات سريـت القـدم
لو يشيـن الوقـت والله ماهقيـت=يخلف عـزوم السديـري ويحلـم
عادتي لو شان وقتـي ماشكيـت=غير للي كاسـي العظـم اللحـم
من دلال الطيـب والله مارتويـت=ولا إنجلا عماسي ولا طار الضرم
والله إن اشـف منهـا ماأنثنيـت=دام جسمي ينقله صلـب العظـم
يوم كنك يابوزيـد(ن) ماغزيـت=دوك راس غليص يامال الشحـم

بندر السديري

25/08/11, (05:34 AM)

ناح الحمام وحسبي الله على الورق=والقلب جاوب باللحن كل ورقا

فديت انا من حبها بالحشا فرق=بينه وبين البيض ياناس فرقا

ابوجبينن لاكشف كنه البرق=سبحان من سواه في وصف برقا

والخشم سلة سيف ورموشها زرق=مثل الرماح وتزرق القلب زرقا

يفدونها كل الغنادير والطرق=صحيح لامن قالو الناس طرقا

تعال في وسط الحشا يالغلا وارق=وانا بحبك ياالغلا ودي ارقا

صحصح انا باالغرب والقلب باالشرق=جسمي بغرب الدار والقلب شرقا

بندر السديري

04/09/11, (01:55 PM)

http://t1.gstatic.com/images?q=tbn:ANd9GcT4wMmxGY98QrZMnvIV9r9N9aheCxQGz he3CPoE0w483vRCfkdSeT1PWdM

يلعن ابو الشوق لا يرحم ولا يـاوي=قطّـع معاليـق قلبـي يالله الخيـره
يطوي ظلوعي من اسباب البطا طاوي=ويضيق صدري واعاف الدار والديره

بندر السديري

08/09/11, (03:08 PM)

http://www.zwjte.com/s/media/images/0f231cb7f4.jpg

عذالنـا مـن غلانـا اليـوم محتـره=خل الغـلا يلعـن الاول علـى التالـي
عيونهم مـن عـروق الحقـد محمـره=خص(ن) ليا ارسلت لي واحرقت جوالي
وجيوبهم من فحيـح الحسـد منطـره=لني علـى نيتـي ولنـي علـى فالـي

http://www.s-maj.net/vb/image.php?type=sigpic&userid=23050&dateline=1315483028

بندر السديري

23/09/11, (04:32 PM)

http://www.zwjte.com/s/media/images/c70fac80b9.jpg

ويلي على مااتحضنك وتحضني=وارمي على كتفك همومي واودعهاا

لك فاالحشا حاجت(ن) ماخيبت ظني=افلها حزة الحاجه واجمعهاا

سوالف(ن) تضحك عيوني قبل سني=تنفخ على جمرة الشوق وتولعهاا

مشاعري لارحم واليك يشعني=وبيبان قلبي لقدم رجلك مشرعهاا

ماسل حالي وذابحني ومحزني=الا عروق(ن) على طبعك مطبعهاا

http://www.s-maj.net/vb/image.php?type=sigpic&userid=23050&dateline=1315483028

بندر السديري

31/10/11, (11:39 AM)

http://t0.gstatic.com/images?q=tbn:ANd9GcSsrqAtm0WQMAFa7OGWAvr-EgPaH19ADevZ9oygL6wFKSETEsL8wSgn_Fw

عسى السحاب اللي على نجد همـال=يسقي ثرى قبر(ن) به الجود مدفـون
يمطر على ترابه من الجـال للجـال=ويسيل سيله عشـرة ايـام بالهـون
قبر(ن) يضم معرّب الجـد والخـال=كف الندى شيخ الكرم وافي العـون
ابو الضعوف اللي على خدها سـال=دمع الفراق ومن ضحى السبت يبكون
وابو اليتامى والارامل لهـا ظـلال=وابو مساكين(ن) من الحزن يشكـون
سلطان ابو خالد لـه الدمـع ينهـال=تبكيه دوله والعـرب بـه يعـزون
فاحت على جمر الحزن صفـة دلال=وشلون مافاحت من الحزن وشلـون
شف خادم البيتيـن يبكيـك مهتـال=والشعب من فرقاك ياشيخ محـزون
مات البناخي حزنـي بفقـده جـلال=بندر عليه الحال من دون فـي دون
طاح الجبل لكن عوضنا بـه جبـال=اخوان نـوره لا بغيتـو تعـزوون
عسـاه باالجنـه اميـر(ن) ونـزال=وعساه ينعم بين انهـار وغصـون

بندر السديري

14/11/11, (01:24 AM)

بهرت دلة نشيدي وسقت فنجالـي=للطيبيـن المطانـيـخ الهـواويـه
اللي على ساحة الشعـار تبرالـي=ترقب سحاب القوافي من مناشيـه
ياالحربي الشعر لامن جا على بالي=تشوف اله في حجور العين ماريه
يجذب حنايا الظلوع ويبري الحالي=عن شمس الاحزان إلي في فيته فيه
رفيقي اللي وقاني اشهـب الالـي=لا هوجس القلب وانقطعت عراويه

بندر السديري

16/11/11, (10:32 AM)

الاغنيه اللي باالتوقيع لها ذكرى عزيزه علي

width=500 height=300

بندر السديري

23/11/11, (01:39 AM)

دنت رعود القصايـد وبارقهـا يلـوح=وامطرت سحابة الحرف وسمّا إخيالهاا
فوق مدهال المحبين والصدر السموح=وجرة(ن) لو سال سيل الحيا مازالهـاا
لعنبو من لامني فيك ياالوجه الصبـوح=مهرة(ن) بين الحنايـا وانـا خيالهـاا
تستحي من عاطفتها وتبطـي ماتبـوح=وتخجل إمن إثيابها وتجفل إمن إظلالهاا
سلمتني قلبها واخذت قليـب(ن) وروح=عاشق(ن) يروح فيها لا شم إشيالهـاا
حبها عطر المعاليق وطب(ن) للجروح=سمي وموتي هدبهـا وحبـة خالهـاا
بري حالي لا تثنـت وعاتقهـا يفـوح=غبت مع ريح المعتق وريح إجلالهـاا
ياحمام الورق يلي على الطاقه تنـوح=نفسي القشرا بنوحك مهوب أشوالهـاا
هب ياقلب المعنا وياالوقت الشحـوح=تخرب بيوت الرجاجيل وتهدم حالهـاا
إقلطي ياباشة الغيد وابني لك صـروح=في حشى بندر عسى الخايبات إفدلهـاا
منكتب حبي وحبك قبل نخلـق بلـوح=يابعد روح الغـلا والحنايـا وجالهـاا

بندر السديري

04/12/11, (07:53 AM)

http://farm5.static.flickr.com/4072/4228699610_843a19a946.jpg

:rolleyes:
لبى قلبك يا يزيد

بندر السديري

17/12/11, (02:29 PM)

http://www.youtube.com/watch?v=79LP9pJJnig

بندر السديري

28/12/11, (01:23 AM)

http://www.youtube.com/watch?v=IRvGPEkvL_M&feature=related

بندر السديري

30/12/11, (01:43 AM)

ياطير ياللي كفخت بذا السما العالـي=خذ في طريقك سلامي واسمع الاتـي
للصاحب اللي تعرض لي وبرى حالي=وحد المعاليق تنظم لـه مـن ابياتـي
ياليتني طير مثلـك واشبـح الغالـي=لا هدني شوق روحي وباالحشى باتي
طيفـه خـوي الحنايـا دوم يبرالـي=غير الغلا له مداهيـل (ن) خفياتـي
عليه مني غلااااي بكـل الاحواالـي=وعليه منـي سلامـي مـع تحياتـي

بندر السديري

13/01/12, (03:25 AM)

تعال اضمـك واتوسـد حنايـاك=واغفا على صدرك واضيع بحنانك
والى ضميت تعلني من شفايـاك=والى لحقني جوع باكـل لسانـك
هذي سواتي ورني وش سويـاك=عشان شفـي ياغـلاي وعشانـك

بندر السديري

25/01/12, (01:26 AM)

http://www.alsnani.com/up//uploads/images/alsnani09ced9b246.jpg

القطيف ان صاح جاوبته طبيعـه=فار إله دمي وحثيـت الخطـاوي
مانبـيـع ترابـهـا لا مانبيـعـه=لو طوانا في سبيل العـز طـاوي
نارد الموت الحمر بأمر الشريعـه=جارفين القاع كالسيـل النحـاوي
انتبه ياالرافضـي مالـك ذريعـه=جاك شجعان(ن) تعزوت باالعزاوي
تشرب الـدم وحماياهـا مريعـه=شفّت دلال الفـدا شـف القهـاوي

بندر السديري

20/02/12, (02:54 PM)

http://www.youtube.com/watch?v=O2I9F6rtSa0

بندر السديري

14/08/12, (08:51 AM)

هلا مرحبا لا لاح للخيـر بـراق=وسما المطر واسقا البلد والعبادي
تلوح البروق وتنتشي غب الاعماق=وتسيل السيول ويمتلي كـل وادي
الا يالله بنو(ن) من الخيـر دفـاق=وعقب كتمت العجه يطيب البرادي

بندر السديري

12/11/12, (01:08 AM)

يامن يرد الخبر عن صاحب(ن) غايب=اقفى بـه الوقـت وعيونـي يخيلنـه
عقبه خفوقي على جمر الجفى ذايـب=وطويق كنه علـى ظلوعـي يشيلنـه

بندر السديري

15/11/12, (01:30 AM)

إهداء لوالدي

http://www.7eda.com/vb/uploaded/1141_1213889374.jpg

وطينا دروب العـز والـراس مرفـوع=واخذنا وسام الطيب غصب(ن) بلا طيب
انا حبي إلممشـا الرجاجيـل مـزروع=بغب الضمايـر والظلـوع المحاديـب
عشقنا الصعايب وانثنت لين(ن) وطوع=وتركنا السهـل للمرخمـه والرعابيـب
انـا ياسمـو المرجلـه نـادر النـوع=ولابه عجب لا صرت ذيب(ن) ولد ذيب
تقهويـت طيبـك يابوبنـدر ومطبـوع=ختم طوعك بروحي عن الشك والريـب
وللطيب زرع(ن) بالحشا يبطي الجـوع=يمـره ولا يلحـق عليـه المشاهـيـب