تعال بسحر يشموم الكلام ورقة الاسلوب

[صالح السالم]

هجاد الجرح وهموم الغياب ودمعي المسكوب = ولهب نار الفراق .. وزمهرير موادع الغالي
وقحل ريضان صدر(ن) من زمن مطلوبها مطلوب = رجاها في مقابيل الليالي طيبة الفالي
يمر اليوم.. وتمر السنين.. وعمرنا محسوب = وانا ضامي وصالٍ بعد صبر يحقق امالي
تعال وشب قنديل الفرح في صدري المكلوب =فديتك طول صبري هدني واثر على حالي
تعال بطلةٍ يحيى بها قلبٍ بها معطوب = سكنته قبل يسكن به بشر يالاول التالي
تعال بسحر يشموم الكلام ورقة الاسلوب =وبدد كل كرب وكل حزن يمر في بالي
كواليح السنين اللي مضت لي جابت الماجوب = ظلام يقتفيه من الهموم انواع واشكالي
سحايب طلتك رغم البطاء براقها مشبوب = تصبرني رجاوي جيتك عن نار غربالي
واذا كان الاماني بعد صبري حبلها مجبوب = يعيش الحزن في عين اليتيم ولا درى السالي
انا اعرف لو حزنت الحزن ما غير من المكتوب = ولكن موتي افضل من فراقك يا بعد حالي

[مشهور الرشدان]

صالح سالم / صح لسانك مدد بلا عدد

قصيده جزله ومن رجالن جزل

احييك على هذه الشاعريه الفذه

صح لسانك ملايين تقبل مروري دمت بحفظ الرحمن

كان هنا مشهور الرشدان

[حمد الضوّي]

صالح السالم




صح لسانك ملايين قصيده جزله من شاعر جزل بيض الله وجهك..............تقبل مروري,,,,,,,,,,,,,,,,,,تحياتي

[محمد بن موسى]

الشاعر القدير / صالح السالم

لله درك وبيض الله وجهك

قصيدة سحرت القراء بجمالها وروعة مفرداتها وجزالتها
وبكل امانه اخي صالح عندما اجد نص من نصوصك اثق تمام الثقه بأنك ستروينا شعراً
فلك اسلوب خاص بالكتابه لا يتقنه الا صالح السالم
لك مني كل الود والتقدير

وصح السانك مدد بلا عدد

[بدرفهد الجعفري]

صالح السالم

سلم فكرك على هذه المعزوفه الرائعه

ابيات اعجبتني وامتعتني

اسجل اعجابي هنا

[سالم العنزي]

الشاعر صالح السالم


لله درك على هذه القصيده فهي مختلفه هذه المره بجمالها

اشبعتني شعرا ياصالح

صح لسانك

[عيسى العنـزي]

صالح السالم


صح السانك ولاهنت
رائع وجميل انت

تقبل احترامي

[صالح السالم]

صالح سالم / صح لسانك مدد بلا عدد

قصيده جزله ومن رجالن جزل

احييك على هذه الشاعريه الفذه

صح لسانك ملايين تقبل مروري دمت بحفظ الرحمن

كان هنا مشهور الرشدان

صح بدنك اخوي مشهور

وبيض الله وجهك

اسعدني مرورك

لك كل الشكر والتقدير

[صالح السالم]

صالح السالم




صح لسانك ملايين قصيده جزله من شاعر جزل بيض الله وجهك..............تقبل مروري,,,,,,,,,,,,,,,,,,تحياتي

صح بدنك اخوي حمد

الف شكر لك على مرورك واطرائك

تقبل ودي وتقديري

[صالح السالم]

الشاعر القدير / صالح السالم

لله درك وبيض الله وجهك

قصيدة سحرت القراء بجمالها وروعة مفرداتها وجزالتها
وبكل امانه اخي صالح عندما اجد نص من نصوصك اثق تمام الثقه بأنك ستروينا شعراً
فلك اسلوب خاص بالكتابه لا يتقنه الا صالح السالم
لك مني كل الود والتقدير

وصح السانك مدد بلا عدد

صح بدنك اخوي محمد

وشكرا لتقليدك لي وسام شرف بشهادتك التي افتخر بها

مرورك وتواجدك اسعدني

تقبل ودي وتقديري

[سعد بن هندي]

الشاعر القدير/ صالح السالم
صح السانك واعتلا شانك
قصيده جزله من شاعر جزل
متمكن يعرف ايصال معناه بقالب شعري مميز
اهنيك على هـ الابداع الغير مستغرب
على شاعر بحجم الشاعر صالح السالم
وهنا اسجل اعجابي
مع اطيب وازكا التحايا

[غموض الشمال]

صح الله لسانك ملاااايين اخوي صالح

نص يفوح منه عبق الشعر والجمال

كل الشكرعلى القصيده الاكثر من رائعه

تفديري لك

[سالم صالح]

المبدع ,,,,


صالح السالم


صح السانك وكلك فانت مبدع الى ما لانهاية ويصعب علي تحديد بيت وذكر جمالياته فالقصيدة متكامله ودرة من اجمل الدرر الشعرية


تقبل خالص تقديري

[البدر]

الشاعر القدير : صالح السالم

ابدعت في هذه القصيده ففيها من العذوبه مايكفي لمعلقه

صح لسانك مليووووون

لكني اخي العزيز اسمح لي بملاحظه بسيطه على الشطر التالي :

تـعــال بـطـلـةٍ يـحـيـى بـهــا قـلــبٍ بـهــا مـعـطــوب

اعتقد ان كلمة "بها" الثاني زايده وليس لها معنى مفيد بل انها تخرب المعنى فكيف يكون القلب معطوب بالطله لان الها في "بها" عايده للطله والشطر يكون في معناه الصحيح "تعال بطلة يحيى بها قلب معطوب" ولكن اكيد يكون هناك خلل في الوزن فأضفت انت "بها" لكي يستقيم الوزن ولكنك افسدت المعنى .

تحياتي لك وآسف ان اخطأت