الساحل الشرقي

[فايز الفرحان]

قصيدة بمناسبة تعيين سعود بن فهد بن مغراء معرفا على قرية محير ذويرة تشرفت بالمشاركة في هذه القصيدة بتاريخ 3/10/1431 هـ

http://t1.gstatic.com/images?q=tbn:SJDJ8JTyL-E7cM:http://www.hailnewsup.com/hail//uploads/images/hailnew-53fbb6e3fa.jpg

من الساحل الشرقـي علي حــزة الميعـــاد *** وصلنا لكم من فضل ربي و تيسيــره
تزاحمنــي اشواقي لربعـــي و انا معتـــاد *** اجيهم لو ان الدرب صعبــه مشاويـره
سلامـي عليكـــم عـــد ما بالسماء ينقـــاد *** نصوب السحاب اللي تدافع على الديره
جمعنا الوفاء و الطيـب في ثالث الاعيــاد *** على سنـــة اللــه لاتطيــر و لا طيـره
عسى جمعكـــم ياربعنـــا كل عـــام يعــاد *** و نفرح بجمعاكم على الخير و الخيره
ترى من صبـر حقق مــراده واجــاد وزاد *** ومن لاصبر مافاد نفســه ولا غيـــره
وإذا قام حــظ الرجــل يوصله راس المــاد *** وحظ القشر من وسط حفره لدحديره
وترى من تسمع للنميمـه ما عمـــره ســـاد *** تجيه الهروج اللــي تلخبــط تفاكيــره
وترى الطيب دربه صعب يبغى له استعداد *** لو انه ذهيب سهل كثــرو مداويـــره
وتـــرى السيــره الزينــه تقربــك للاجــواد *** وراع الحماقه جنبه من وراء خيــره
وتواصل مع اربوعـك لو انك بعيــد بـــلاد *** فلا حك جسم الادمي مثــل أظافيــره
أهديت القوافــي و السموحــه من النقـــاد *** ترى المعتذرعذره يجي دون تقصيـره

الشاعر القدير/ عبد الله جريبيع العنزي

[هيـاا العـازمـي]

.
.

الفاضل .. فايز الفرحان

إنتقاء مميز

يصح لسان شاعرها عبد الله جريبيع العنزي

وسلمت يمناك أيها القدير

وعلى البركة التعيين للسيد سعود بن فهد بن مغراء :)

تقديري

هيــــااااا

[مشهور الرشدان]

صح لسان شاعرها وسلمت يمين ناقلها
يستاهل ابن مغراء كل خير تقبل مروري اخوي فايز