(احساسكـ الشعري في ورطة ) سالم صالح,,,

[احساس قلم]

http://www.weelan.org/misc/weelan_alsh3ry.gif





السلام عليكم ورحمة الله وبركاته ,,, اصبحتم وامسيتم ببيـاض
لكم من كـل ترحيب اجمله ,, ومن الشعراعذبه ,, ومن التميز افضله ,, اشتقنا لمعانقةالابداع .


نواصل الابحار في عالم الابداع والشاعريه المتجدده مع شعراء ويلان المبدعين . في هذه الرحله الجديده مع ضيف جديد وشاعر مميز .


في هذه الرحله سوف نعيش الاحساس الشعري الصادق والحاضر دائما بتميز وابداع..
مع شاعرنا الرائع ومشرفنا منتدى المناسبات والاخبار الادبيه الشاعر:
(سالم صالح)

آليه الموضوع:


- سوف افتتح الموضوع بطرح سؤالين على الضيف .
- كل عضو من الاعضاء يريد ان يسآل الشاعر يجب ان يكون السؤال ببيت او بيتين او ثلاثه فقط .(حد ادنى بيت واحد وحد اقصى ثلاث ابيات)
- يجيب الشاعر على الاسئله بنفس القافيه والوزن.
- الاسئله تكون شعريه من تآليف الشاعر فقط.
- مدة هذا اللقاء اسبوع واحد فقط .


البدايه مع شاعرنا الجميل سالم صالح


1- من هو سالم صالح ؟
2- ماهو الهم الذي يحملة سالم صالح بصدرة؟


3- في قصيده "كلك جروح" تقول :
كلك جروح وعادتك بـس تجـرح
.................قلبي وانا اللي فارشه لك بساتيـن
كم شلت عنك الهم واليـوم تذبـح
................جازيت طيبي من يمينك سكاكيـن

2-... ماذا تقول الآن ؟
3-هل جرب سالم صالح طعن الحبيب
بالفعل ام انه مجرد خيال شاعر؟



اترككم مع اجمال حوار شعري مع ضيفنا الشاعر سالم صالح..

[ماجد الغانم]

أهلاً بشاعرنا القدير والمميز

سالم الصالح

وشكراً أخت أحساس على هذا الأختيار

لي عودة بإذن الله

[أبو غرام]

أبو دانه هنا !!

يامرحبا يا مرحبا ^_^
.
.
يالله حي الشاعر والاخ والزميل

يالله حي صاحبي اللي قلبه خضر <<< ناويه بنيه ^_*

بصراحه يابو دانه .. سجلني متابع لك هنا على الدوام

فأنت اينما تحل بلا شك ستجعل الانظار ترقبك

أخوك ومحبك في الله / أبو أحمد

وسؤالي مركب طال عمرك (^_^) :


خضر الغصون اليانعه في خفوقك=ماهن جدادٍ كم لهن عندك أعوام ؟
وليا نصحت وصار خلك يبوقك=وش حيلتك والجرح غاير ومقدام ؟
ومدام رجلك للمعالي تسوقك=الطير وش يجدعه لا حلّق وحام ؟


وسلامتك

[محمد بن موسى]

ابو دانه

ياهلا فيك يالغالي

منور

اتيت الآن للترحيب والسلام

ولي عودة قريباً

[غيمة طهر]

الله
مبدعين وربي
يسلم نبض قلبوكم
فديتكم

.

[سالم صالح]

السلام عليكم ورحمة الله وبركاتة


شكراً للاخت الكاتبة / احساس قلم


على هذة الاستضافة الكريمة والتي اتمنى من خلالها ان ارضي ذائقتكم الراقية

واشكر كذلك كل من مر من هنا من الاخوان والاخوات الاعزاء واثني عليهم لكلماتهم الرائعة والمميزة


وانتظروني ان شاء الله قريباً محملاً باجاباتي المتواضعة


تقديري وامتناني

[البدر]

شكرا للأخت احساس قلم

واهلا بالانسان الخلوق الشاعر: سالم صالح


ابسآلك يابو دانه وانت هات الجواب = متى المشاعر من الشاعر تجي مفلسه؟
ومتى يصير الخطاء بالقول مثل الصواب = ومتى يصير الشعر ياصاحبي مرطسه؟

[عبدالله عشوي]

شكرا

للاخت الكاتبه

احساس

على هذه الفكره الطيبه ياطيبه

وهذه الابيات اهداء الى البناخي الغالي سالم الصالح وارجو ان يرد عليها


سالم اذا انك صدق شاعر امحنك=قلي نسبنا يابن الاجواد من وين
ابي علم صحيح اعرفه منك=ماهو من الي مضيعين العناوين

[هندي المقبل]

الاخت احساس قلم

ليس من السهل الوصول للقمه لكن الاصعب هو البقاء عليها

وانتي بهذا الموضوع المتجدد بفكرته وطرحه تميزتي بحق .. فشكرا لك .

واهلا بالاخ العزيز على قلبي : سالم صالح

هذا الانسان الوفي
هذا الانسان الذي ملك الجميع بأخلاقه العاليه واسلوبه الجميل بالتعامل

مهما قلت عن سالم فلن اوفيه حقه ..

انا هنا لكي اقول لك شكرا ابو دانه لقبول هذه الاستضافه في هذا الموضوع الذي استضاف نخبه من شعراء ويلان .

حتما سيكون مقابل ابداع شعراء ويلان ابداع مقابل من شاعر ويلان سالم صالح .

متابع ..

[أخو هيا]

متشكر على الموضوع

[سالم صالح]

اولاً / اشكر الاخ العزيز / هندي المقبل

على هذة الكلمات الجميلة التي اتمنى ان اصل اليها وان اكون عند حسن الظن دائماً


- من هو سالم صالح ؟





انا العشيق اللي عشق في دربه طيور الحرار= اللي تروم العز وان ضاق جوله هدها
وانا الصديق اللي صدق في خوته يوم الفرار = اعطي من احساسي وفاء وامد يدي مدها
ازرع سنابل خوتي واجني على طيبي وقار = ولاهمني قو الرياح انا جبالي تصدها



2- ماهو الهم الذي يحملة سالم صالح بصدرة؟





همي رضى الله مع رضى والديني =ماهو بهم اللي طرد زخرف ومال
كلٍ يروح ولابقى لك عويني =ياغير طيبك والبقى حلو الاعمال





3- في قصيده "كلك جروح" تقول :
كلك جروح وعادتك بـس تجـرح
.................قلبي وانا اللي فارشه لك بساتيـن
كم شلت عنك الهم واليـوم تذبـح
................جازيت طيبي من يمينك سكاكيـن

2-... ماذا تقول الآن ؟





طاب جرح العام واظنه زماني هو كفيله=مابقى غير المكان اللي ترك وسم الجريمة
ساق لي ربي دواي بيد من طيبه نفيله =لين حبيت الجروح وصارت بعيني كريمة




3-هل جرب سالم صالح طعن الحبيب

بالفعل ام انه مجرد خيال شاعر؟






ياكثرها احداث الغرام وكل يوم نعيشها = نغوص في بحر الخيال نعيش واقعنا حياه
احيان نعشقها عقل واحيان نعشق طيشها =نرسم لها عشق ووله نرسم لها غيم وسماه








والمعذرة اذا قصرنا تقديري لكم والله يستر منكم انتم واسئلتكم الشعرية

[خالد الغانم]

يا سلام عليكـ يـ ابو دانه رائع بكل ما تعنيه الكلمهـ من معنى بأجاباتكـ الرائعهـ
انسان مبدع وشاعر كبير وانسان خلوق متمثل في سالم الصالح وما نتابعهـ في هذا الموضوع ما يصير مستحيل
متابع لكـ اخوي الغالي واصل ابداعكـ

والشكر موصول لصاحبة الموضوع الماسة شبكة ويلان احساس قلم على استضافتها
نخبة شعراء ويلان المبدعين

[مشهور الرشدان]

هلا وغلا اخوي ابو دانه اليك سؤالي عباره عن لغز وانت كفو ومايصعب عليك حله
ولا قصور بالشعراء الاخرين اليك

بسالك وبغاء جواب ما عينت

ذاك العزيز اللي عقب عز ذلي

اول رجل هالحين يمكن غداء بنت

مسكين دمعه فوق وجنه يهلي

وسلامتك

[نافع عيد الجديد]

أهلاً بشاعرنا القدير والمميز

سالم الصالح

وشكراً أخت أحساس على هذا الأختيار

الية اللقاء ماتزيد عن ثلاث ابيات وابو دانه مهما قلت عنه لن اوفيه حقه وكونك من الذين تشرفت بمعرفتهم عم طريق هذه الشبكه والتي اعتبرها هي المكسب الحقيقي وعز الله نعم المعرفه ومعرفة مثلك وشرواك شرف لي وتاج على راسي
الابيات تعبر عن ماوجهت معك يابو دانه






عز الله انك وافي(ن)في مباديك=في وقت قل اللي يسوي سواتك
شاعر شهم مطنوخ مع ذيك مع ذيك=للمرجله والطيب راهن حياتك
رجل كريم ويفخر اللي يخاويك=الطيب وهوالطيب ياخذ سماتك

[سعد النفج]

الراقية / احساس قلم ..
شكرا مرات و مرات على هذا الموضوع الرائع و على اختيار ضيف آخر من أركان هذه الشبكة المميزة ..
الرائع / سالم صالح ..
أهلا بك و مرحبا ..
سالم صالح .. شاعر مميز .. شهادتي دوما مجروحة بهذه الشخصية التي قل ما نجدها في هذا الزمان ..
حضرت للترحيب فقط و استمتعت كثيرا ببوحك الراقي ..
دمت بخير ..

[فيصل الرسلاني]

إستمتعت كثيرا بمروري بهذا المتصفح ...شكرا لأبو دانه ...وصاحبت الموضوع

لا هنتو ...بارك الله فيكم

[سالم صالح]

جائز المليحان



خضر الغصون اليانعه في خفوقـك
ماهن جدادٍ كم لهن عندك أعوام ؟
ولـيـا نصـحـت وصــار خـلـك يـبـوقـك
وش حيلتك والجرح غاير ومقدام ؟
ومــــدام رجــلــك لـلـمـعـالـي تـســوقــك
الطير وش يجدعه لا حلّق وحام




ســـــــــــالم الصـــــــالح






يانخل شامخ والرطب في عذوقك=بين الحنايا منبتك طيب واكرام
كثر الرياح وشرها ما يعوقك =كم واحدٍ تحتك لقى بردك ونام
وياعين لدي لسماء دوم فوقك=الحر ما طشه مقاليع الاقزام

[سالم صالح]

البـــــدر




ابسآلك يابو دانه وانت هات الجواب = متى المشاعر من الشاعر تجي مفلسه؟
ومتى يصير الخطاء بالقول مثل الصواب = ومتى يصير الشعر ياصاحبي مرطسه؟





سالم الصالح




يالبدر جيتك وحامل في يديني كتاب=كتاب علم المشاعر واجبٍ ندرسه
الشاعر اللي بارضه شفت حيف وخراب=هو يِزْرع الحب فيها والشجر نغرسه
وكل شيءٍ تساوى في غياب العقاب=الين صارت خطوط اقلامنا بربسه




....

[ماجد الغانم]

الأخ والشاعر القدير

سالم الصالح

لله درك على هذه الردود الوافية

وتفضل سؤاالي:


بيضا ياسالم اشوف اليوم هي رايتك =واحساسك الشعري محدن يقدر يورطه
لكن ابسأل عن اشيا تحدث بساحتك =اوظاعها يابودانه حيل متمرمطه
كم طالبٍ شفت ماقدر ابد هقوتك = والياكتب جملته مافيه من يغبطه

[خلف الغريب]

حضرت هنا للمتعة ولمتابعة ما تخطه أنامل ومشاعر الغالي جدا ابو دانة الصديق العزيز والوافي ابن الوافي ..

اشكر للمبدعة احساس قلم هذا التميز وهذا العطاء الرائع ..

قد اعود هنا..

[سليمان مفضي العنزي]

موضوع جميل شكرا للمضيفه وللضيف ولكل من شارك

الشاعر سالم صالح اسمح لي بهاذين البيتين رغم اني لست بشاعر:





من متى تكتب شعر ؟ اقصد الشعر الجزيل = ومن من الشعار يعجبك ودك تسمعه؟
وكيف هيضك القمر ؟ في نهاراو وقت ليل = والعلوم اكثار لكن قليل المقنعه

[احساس قلم]

الله عليك
ياسالم صالح صراحة ابدعت
ولازلنا ننتظر المزيد
\\..
آل ويلان مااروعكم جد احرجتوني شهادتكم وسام على
صدري افتخر فيه وربي
شكرا من القلب

[سالم صالح]

شكراً للاخ العزيز والشاعر القدير / عبدالله عشوي ....

على تواجده ويسعدني ان ارد على ابياته الجميلة واتمنى ان تحوز على رضاكم


سالم اذا انك صدق شاعر امحنك=قلي نسبنا يابن الاجواد من وين
ابي علم صحيح اعرفه منك=ماهو من الي مضيعين العناوين




سالم الصالح



السالفة ماهي بصعبة وفنك=بوايلٍ حنا عليها براهين
العزوة اللي بالنخاوي يجنك=اخيولها من كل صوب وميادين

[سالم صالح]

اولاً اشكر اخي العزيز / خالد الغانم على شعوره المميز واطراءه الراقي ولاهنت على مرورك المشرف



وكذلك ارحب باخي الشاعر المميز / مشهور الرشدان

وياهلا بك مليااار وشرفتني بكل امانة بهذا التواجد والله يساعدنا على حل هاللغز رغم انني ضعيف جداً بالالغاز




بسالك وبغاء جواب ما عينت=ذاك العزيز اللي عقب عز ذلي
اول رجل هالحين يمكن غداء بنت=مسكين دمعه فوق وجنه يهلي





سالم الصالح



ترى الزمن هذا غريبٍ به ايقنت=ان النجم غيّر مكانه وظلي
وان القلم بعلومه وشرعه آمنت=بس البلا في وقتنا اليوم ملي





.........

[مشهور الرشدان]

سالم صالح صح لسانك وبيض الله وجهك بس لو يغيرون العنوان احساسك الشعري في ورطه لني ما اتوقع ان سالم صالح يقع بورطه شاعر كبير متمكن الى الامام يامطنووخ

[محمد بن فرحان]

شكراً أخت أحساس على هذا الأختيار

واهلا وسهلا بشاعرنا القدير " سالم صالح "

شاعر لديه قدرة شعرية واضحة ومتمكن

شاعر له باع طويل في الشعر أتمنى له التوفييييق

لكن ودي اسأله :

ياسالم الصالح كلونا الهواميــــــر ### صرنا ضحية للهامور وخويــــه

الو نصبوك اليوم في منصب اميـر ### وش انت ناوي بين هذي وذيه

مدري لنا تبغى تزف التباشيـــــــر ### وإلا تقووول الكارثة عالميـــــه

دمت بحفظ المولى ,,,,

[سالم صالح]

أهلاً بشاعرنا القدير والمميز


سالم الصالح

وشكراً أخت أحساس على هذا الأختيار

الية اللقاء ماتزيد عن ثلاث ابيات وابو دانه مهما قلت عنه لن اوفيه حقه وكونك من الذين تشرفت بمعرفتهم عم طريق هذه الشبكه والتي اعتبرها هي المكسب الحقيقي وعز الله نعم المعرفه ومعرفة مثلك وشرواك شرف لي وتاج على راسي
الابيات تعبر عن ماوجهت معك يابو دانه






عز الله انك وافي(ن)في مباديك=في وقت قل اللي يسوي سواتك
شاعر شهم مطنوخ مع ذيك مع ذيك=للمرجله والطيب راهن حياتك
رجل كريم ويفخر اللي يخاويك=الطيب وهوالطيب ياخذ سماتك





الاخ العزيز والشاعر القدير


نافع الجديد


صح السانك وشكراً لك من القلب على هذة المشاعر الرائعة والتي اتمنى ان اكون عند حسن الظن وبيض الله وجهك وما ذكرت هذة الاشياء الا من طيبك ومعدنك الاصيل وعز الله ان من فوائد هالمنتدى انه عرفنا على شرواك


والحقيقة ان القصايد كلها ما ترضي اللي بالنفس تجاهك ماهو لااجل انك كتبت لي هذة الابيات لاوالله فقدرك ومعزتك يعلم به الله فهي سابقة وستبقى باذن الله
ادام الله المحبة وشكراً لك ملياااااااار

[سالم صالح]

ماجد الجعفري



بيضا ياسالم اشوف اليوم هي رايتك =واحساسك الشعري محدن يقدر يورطه
لكن ابسأل عن اشيا تحدث بساحتك =اوظاعها يابودانه حيل متمرمطه
كم طالبٍ شفت ماقدر ابد هقوتك = والياكتب جملته مافيه من يغبطه





سالم الصالح



المدرسة ياسمو الشعر برعايتك=ماتعرف الاالنجاح ودوم هي تشرطه
حتى ولو شفت فيها من كسر شرهتك=ذاك الفشل منهجه وخطوطه ملخبطه
واذا على الطالب اللي تارك قرايتك=هذاك ضمن الرقوم اللي انا مسقطه






.............

[سالم صالح]

الراقي / سعد النفج

اهلا بك وبهالطلة نورتني


الاخ / فيصل الرسلاني

ياهلا بك مليار وشكراً على هذا المرور المميز


الشاعر المميز والقدير/ خلف الغريب


شكراً لك على هذة المشاعر الراقية والوافية من اهل الوفاء والكرم


بيض الله وجوهكم على هذا المرور الذي اسعدني وشرفني

[عبدالله عشوي]

سالم الصالح

كنزمن كنوز الجعافره

الله يحميه من كل مكروه

امين يارب العالمين

[سالم صالح]

الرائع / سليمان مفضي العنزي

انت شاعر رااائع ولاتكتب الا الجزل




من متى تكتب شعر ؟ اقصد الشعر الجزيل = ومن من الشعار يعجبك ودك تسمعه؟
وكيف هيضك القمر ؟ في نهاراو وقت ليل = والعلوم اكثار لكن قليل المقنعه





سالم الصالح



ترى الجزالة رمحها عندي وراسه لدليل=والبيت لاصاره جزل اشفق عليه وارمعه
والزين ياخوك معروف في كل وقت وكل جيل=زهره على الوادي نفح الزين كلٍ يتبعه
ويهيض صدري لسماء بشوفة الطرف الكحيل=اللي ينير عيوننا من شي شفته شرعه






...........................

[سالم صالح]

محمد ابن وائل

صح السانك شاعر راائع...



ياسالم الصالح كلونا الهواميــــــر =صرنا ضحية للهامور وخويــــه

الو نصبوك اليوم في منصب اميـر = وش انت ناوي بين هذي وذيه

مدري لنا تبغى تزف التباشيـــــــر=وإلا تقووول الكارثة عالميـــــه





سالم الصالح




لو هو بكيفي مثل ماقلت انا اصير=امير لاسير عليك بهدية
واعطيك مايعطي كريم المناعير=بالمده اللي ماعطي قبل زيه
وازف لك بشرى غيومٍ من الخير=مضمونها زرع البشر بان حيه
لكن اخاف ان الزمن فيه تقصير= على وجيه الطيب واهل الحمية





,,,,,,,,,,,,,,,,,

[احساس قلم]

ااااااااااااااااالله ااااااااااااااااااااااالله عليك ياسالم صالح
ابدعت وامتعت
وصح لسانك
مليون ولايكفون
\\’’ (file://\\’’)..............
واليك اسئلة الخاتمة
1- سالم صالح جدة مدينة الرخاء والشدة كم يسميها البعض.
ماذا يقول سالم صالح في جدة ؟

امامك صورة عبر عنها ببيتين شعر ؟
http://www.yu-std.com/forum/imgcache/2/1516yu-std.gif
وفي اخر هذا اللقاء ماذا ؟ تقول ؟
وتحيتي لكم جميعا آل ويلان ,,,,,.....

[سالم العنزي]

القدير سالم صالح

ابداع في ابداع

صح لسانك واعتلا شانك

امتعتنا بهذا الحوار

[سالم صالح]

ااااااااااااااااالله ااااااااااااااااااااااالله عليك ياسالم صالح
ابدعت وامتعت
وصح لسانك
مليون ولايكفون
\\’’ (file://\\’’)..............
واليك اسئلة الخاتمة
1- سالم صالح جدة مدينة الرخاء والشدة كم يسميها البعض.
ماذا يقول سالم صالح في جدة ؟

امامك صورة عبر عنها ببيتين شعر ؟
http://www.yu-std.com/forum/imgcache/2/1516yu-std.gif
وفي اخر هذا اللقاء ماذا ؟ تقول ؟
وتحيتي لكم جميعا آل ويلان ,,,,,.....




.. ماذا اقول عن جدة ,,,




سلام ياجدة بعد عدة شهور=لك موقفٍ في خاطري مانسيته
شفت الامل مع شرفته بان لي نور=نورٍ يمد يديه وانا خذيته
زال الالم والهم والحيف والجور=من جيتك وضيقة همومي رميته






التعبير عن صورة بوكية الورد ,,,,,,,





ياورد لك قدرة على جذب الانفاس=ولك قدرةٍ تملك جميع المشاعر
بوكية ورد وحرك بسالم احساس= احساس شوق بسبته صرت شاعر







في اخر اللقاء احب ان اشكر جميع من مر من هنا سواء من شارك وشرفني بذلك او من كان زائراً لهذة الصفحة فهذا وسام على صدري وكذلك اشكر الاخت الكاتبة / احساس قلم

على هذة الاستضافة المميزة وهذا الكرم الغير مستغرب وارجوا ان اكون ضيف خفيف على الجميع واعذروني على القصور,,,,





اسوق ذود الطيب حبٍ وتقدير=وامد يدي شكر واطيب تحايا
للي شرف حضورهم خير تعبير=اسعدتم شعوري بزين المزايا
واشكر بعد من فكرت بالتصاوير=اخراجها المبهر بكل الزوايا
الطيب ياللي تجمعون النواوير=ساس المحبة والغلا والعطايا







وشكراً للجميع مع خالص تقديري واحترامي

[احساس قلم]

واشكر بعد من فكرت بالتصاوير
اخــراجــهــا الـمـبــهــر بـــكـــل الـــزوايــــا

شكرا لك من القلب شهادة اعتز فيه
ابودانة اسعدتني ضيافتك
وراقت لي ابياتك
للمرة المليون صح لسانك
\\..
آل ويلان اعتذر لكم جميعا وخصوصا ضيوفي القادمين
لنى ساوقف هذا الموضوع الي بعد العيد
طبعاا لضروف السفر والحج للبعض فلكم مني ازكى تحية واعظمها
دمتو دوما بخير

[ماجد الغانم]

الأخ الغاالي

والشاعر القدير

سالم صالح

لله درك

رغم أن شهادتي فيك مجروحة إلا أنك بكل أمانه

قدمت هنا أحساس راقي ورد وافي

بيض الله وجهك على هذا الحضور الذي ليس بغريب من شاعر بحجمك ويمتلك التميز والابدااع

والشكر موصول لصاحبة الفكرة الراقية الأخت احساس قلم

على السماح لنا في هذه الصفحة الجميلة والتي من خلالها منحتنا فرصة استثارت مشاعرك والتي قدمت لنا أجمل واجزل الأبيات ولم يواجه احساسك الشعري اي مشكلة وصح لساانك وفكرك على هذا النزف


والشكركذلك لكل من شارك معنا من الأخوة الشعراء


ودام الجميع بكل خير