سـج القــدم

[نايف هويدي العواجي]

بسم الله الرحمن الرحيم

.. نصــيــحـه ..


سـج القدم وارقا الحزوم المنيفات=وذب الهجيني وانطنـخ لو دقيقـه
ما عاد با الدنيا سنينن طويلات=يا كــود عمرك يابـن ادم بضيـقـه
وفي طاعة الله اد خمس الصلوات=ولاتصير طايح وسط حفره عميقه
وابعد عن اهل النمـم والحكيـات=ناسن تشب بين الخلايق حريـقه
واصبر ترا صبر الرجاجيل قوات=ومن خاب لعبه انطرد من فريقه
خلك كريم دوم فعـلك مـروات=دايم بفعـل الطيب انت السبيـقه
خـلك بحب البر ماخذ شهـادات=البر احسن من تروح الحديقـه
والصحبـه الزينه تراها غنيمات=ومن ظبط الخوه مشا في طريقـه
وكسب النصيحه خلها من الشهوات=ومن زين الدلـه يزين ابريقـه
ترا النصيحه مكسب القرم بذات=والحر مع الاحرار دايم طليقه
سـج القدم وارقا الحزوم المنيفات=وذب الهجينـي وانطنخ لو دقيقه


...
..
.

[مشهور الرشدان]

سـج القدم وارقا الحزوم المنيفات..وذب الهجينـي وانطنخ لو دقيقه
الله عليك يا ابن هويدي يا اخويه انت ابوك هويدي وانا ابويه هويدي وناسه ههههههههههه صح لسانك وبيض الله وجهك نص رائع واروع مافيه هذ1 البيت
تقبل مروري اخوي نايف دمت بوود

[عبدالمحسن الجلوي]

الشاعر نايف هويدي العواجي


الله الله صح لسانك وأبشر والله لاذب الهجيني دقيقتين ماهودقيقة ...


تسلم والله يانايف على هالابيات المميزة ........

[محمد بن فرحان]

صح لسانك يابو هويدي ,,,,, أبيات جزلة من شااعر جزل
ولكن اتمنى تقبل ملاحظتي بصدر رحب وهي : إن هناك خلل فالوزن في بعض الأبيات مثل :
وكسب النصيحه خلها من الشهوات..
أتمنى الأنتباه في أبداعك القادم .... وهذا لا يمنع من جمال القصيدة ,,,,,
تقبل تحياتي

[منور العنزي]

وفي طاعة الله اد خمس الصلوات..ولاتصير طايح وسط حفره عميقه
افضل نصيحه
خـلك بحب البر ماخذ شهـادات..البر احسن من تروح الحديقـه
معه >>>> دكتوراه
صح لسانك
ودمت ودام ابداعك
تقبل مروري

[محمد بن موسى]

نايف بن هويدي

صح السانك مدد بلا عدد

تقبل مروري وفائق احترامي

دمت بود

[نايف هويدي العواجي]

صــح ابــدانــكم
والله يعطيــكم العافيه على مروركـم الجميل
الذي عــطر صفحتــي
ولــكم خـــالص تحيـــاتي

[البدر]

حي الله نايف هويدي العواجي

والله اني معجب بشخصيتك وثقتك في نفسك مع اني لا اعرفك شخصيا ولكني اذكر لك الكثير من القصائد التي تطلب النقد فيها وتتقبل النقد وهذا الامر اثر بشكل كبير على شاعريتك وتتطورت بشكل مستمر .

اخي نايف القصيده الحاليه تعاني من عدد من المشاكل وان شاء الله مع مرور الوقت وكثرة الممارسه سوف تتجاوزها بأذن الله وانا واثق من هالشيء.

وسوف اذكر لك بعض الملاحظات في القصيده لكي تستفيد منها :

اولا الخلل في الوزن :
وابعـد عـن اهــل النـمـم والحكـيـات
وكسب النصيحه خلها من الشهوات
والـحـر مــع الاحــرار دايــم طليـقـه
في الاشطر السابقه خلل واضح في الوزن ويوجد اشطر اخرى فيها ثقل

لذلك اتمنى منك ان تهيجن قصيدتك على لحن واحد من اول بيت الي اخر بيت وركز وانت تهيجنها اذا فيه بيت انجبرت انك توقف وانت تهيجنه فهذا فيه كسر واتمنى اني ما اشوف لك ابيات مكسوره بعد الان .

ثانيا: فيه الكثير من الابيات ماهي مرتبطه مع بعض حتى في البيت الواحد لايوجد ترابط بين الشطرين والترابط نعني به ان كل بيت يتبع لما قبله بنفس الفكره او مكمل لها واحيانا تخرج من الفكره الي فكره جديده ولكن بأسلوب ذكي لاينتبه له القاري.. لكن لاتهتم لذلك الآن لان هذا الامر يخطي فيه شعراء كثر .

ثالثا: لاتجيب كلمه لمجرد انها تركب على القافيه بس وهي مالها دخل في المعنى او تجيب شطر وكانه يكمل شيء وهذا الشيء المكمل غير موجود مثل :
"ومـن خـاب لعبـه انطـرد مـن فريقـه" بدأت بحرف الواو وهو حرف عطف ولكن اللي قبله ماله دخل فيه .

رابعا : الضعف في حبكة القصيده وان شاء الله هذاالامر يتطور مع مرور الوقت مثل :

"من زين الدله يزين ابريقه " مافيه اي شعر !!


اتمنى لك التطور والنجاح

[فيصل الدخيل]

صح لسانك يانايف ولاتحرمنا من جديدك >>
اخووك فيصل صالح الدخيل الجعفري
>>
تقبلو مروري

[أبو غرام]

عز الله درر يابن هويدي

ونصائح ولا اجمل

صح كلك ياطويل العمر ولاعدمناك

اخوك ابو احمد

[خالد الغانم]

صح لسانك وعلا شانك اخوي نايف العواجي على هالقصيده الراائعه

وتقبل مروري

[مشاعر شآمخه]

صح السانك مدد بلاعدد
تقبل مروري

[حمد الضوّي]

اخوي نايف العواجي/ صح لسانك وعلا شانك,,وأنا أيّد كلام اخوي البدر في كل ماذكره ,,,,,,,,,,,,والف شكر

[ناقد2]

حي الله نايف هويدي العواجي

والله اني معجب بشخصيتك وثقتك في نفسك مع اني لا اعرفك شخصيا ولكني اذكر لك الكثير من القصائد التي تطلب النقد فيها وتتقبل النقد وهذا الامر اثر بشكل كبير على شاعريتك وتتطورت بشكل مستمر .

اخي نايف القصيده الحاليه تعاني من عدد من المشاكل وان شاء الله مع مرور الوقت وكثرة الممارسه سوف تتجاوزها بأذن الله وانا واثق من هالشيء.

وسوف اذكر لك بعض الملاحظات في القصيده لكي تستفيد منها :

اولا الخلل في الوزن :



في الاشطر السابقه خلل واضح في الوزن ويوجد اشطر اخرى فيها ثقل

لذلك اتمنى منك ان تهيجن قصيدتك على لحن واحد من اول بيت الي اخر بيت وركز وانت تهيجنها اذا فيه بيت انجبرت انك توقف وانت تهيجنه فهذا فيه كسر واتمنى اني ما اشوف لك ابيات مكسوره بعد الان .

ثانيا: فيه الكثير من الابيات ماهي مرتبطه مع بعض حتى في البيت الواحد لايوجد ترابط بين الشطرين والترابط نعني به ان كل بيت يتبع لما قبله بنفس الفكره او مكمل لها واحيانا تخرج من الفكره الي فكره جديده ولكن بأسلوب ذكي لاينتبه له القاري.. لكن لاتهتم لذلك الآن لان هذا الامر يخطي فيه شعراء كثر .

ثالثا: لاتجيب كلمه لمجرد انها تركب على القافيه بس وهي مالها دخل في المعنى او تجيب شطر وكانه يكمل شيء وهذا الشيء المكمل غير موجود مثل :
"ومـن خـاب لعبـه انطـرد مـن فريقـه" بدأت بحرف الواو وهو حرف عطف ولكن اللي قبله ماله دخل فيه .

رابعا : الضعف في حبكة القصيده وان شاء الله هذاالامر يتطور مع مرور الوقت مثل :

"من زين الدله يزين ابريقه " مافيه اي شعر !!


اتمنى لك التطور والنجاح


شكرا للأخ البدر فقد اختصر علي الكثير

اخوي نايف ماذكره البدر عين الصواب مع انه يوجد في القصيده ايضا ملاحظات اخرى لكن ارجوا منك الاهتمام في تلك الملاحظات في البدايه

اتمنى لك كل التوفيق

[سعد النفج]

الراقي / نايف هويدي ..
صح لسانك ..
شاعر جميل رغم صغر سنك و متفاءل بشاعريتك و راح يكون لك تواجد قوي بإذن الله ..
مع اقتناعك بالنقد الهادف و كذلك بثقتك في نفسك و شاعريتك بإذن الله ستكون في المقدمة ..
مميز و اتمنى لك دوام التوفيق ..
.

[نايف هويدي العواجي]

يعطيكم العافيه
مشكورين على مروركــم الجميــل ونقدكم الذي اتعلــم منــه
ولــكم خالــص تحيــاتي

[حمد الخمعلي]

الاخ نايف هويدي

صح لسانك وسلمت0

ماذكره الاخ البدر وناقد في مكاانه واتمنى منك الاستفاده من الملاحظات المذكوره0

كُن بخير

[نايف هويدي العواجي]

صــح بـدنــك
ومشــكور على مرورك الجميل
ولك خالص تحياتـي

[سالم العنزي]

اخوي نايف العواجي

صح لسانك ويوجد في قصيدتك الكثير من مواطن الجمال والقادم اجمل ان شاء الله

[سالم صالح]

نايف هويدي


صح السااانك وكلك وتأكد انك على الطريق الصحيح وسوف تصل باذن الله الى القمة والى الاماااام وانا اخوك

واحساسي انك سوف تكون من المبدعين فقصيدتك فيها من الجمال الشيء الكثير


تقديري وودي

[نايف هويدي العواجي]

الله يعطيــكم العافيه
على مــروركم الجميل
ولــكم خالص تحيـــاتي

[خلف الغريب]

صح لسانك يا نايف والبر بريرة فعلا ..

احس ان عندك تطور بعد النشر هنا في ويلان وانا واثق انك ستكون شاعر لامعا ان شاء الله فأكثر من السماع للشعراء الكبار واقرأ أكثر وبعدها ستحس بالتطور تلقائيا ايها الشبل المبدع ..

ملاحظات اخوي البدر في محلها والاستفادة منها ستجعلك تتلافي ما قد يكون مستقبلا..


تحياتي لك وشكرا لجميل حضورك

[نايف هويدي العواجي]

صح لسانك يا نايف والبر بريرة فعلا ..

احس ان عندك تطور بعد النشر هنا في ويلان وانا واثق انك ستكون شاعر لامعا ان شاء الله فأكثر من السماع للشعراء الكبار واقرأ أكثر وبعدها ستحس بالتطور تلقائيا ايها الشبل المبدع ..

ملاحظات اخوي البدر في محلها والاستفادة منها ستجعلك تتلافي ما قد يكون مستقبلا..


تحياتي لك وشكرا لجميل حضورك

صح بدنــك
ومشكور الله يعطيك العافيه
ولـك احــلى التحــيات