همي بس بالفشفاش

[مشهور الرشدان]

بسم الله الرحمن الرحيم
السلام عليكم ورحمة الله وبركاته
هذه القصيده سويتها في الصف الثاني ثانوي يعني قبل 3 سنوات تقريباً كتبت في منتدى وتناقلتها منتديات كثيره احببت ان انقلها لكم علها تنال استحسانكم واعجابكم أخوي البدر رايك يهمني بشكل كبير اتمنى منك التركيز والتمعن لكم خالص احترامي



ألا ياناشدن عني علومي هاك خذها كـــــــــــاش

.. صدمني وقتي القاسي وضاعت كل خطواتـــــــــي ..

أحاول أرسم البسمه ولكن آتعثر مــــــــــــــــاش ..

شفاتي ماتعرف دربن يوصلني لبسماتـــــــــــــــــي ..

أنا يوم فتحت عيني وشفت الشاش هاض الجاش
..
أناظر وش جرى بحالي وأحاول أكتم آهاتــــــــــــي ..

تخالط دمي الأحمر تخالط مع بياض الشـــــــاش .

. أحاول أخفي الدمعه وخابت كل هقواتــــــــــــــــي ..

أنامن ضاع في حب الكريم الطيب الغشــــــــاش

.. أخذ مني هنأ عمري وخلاني لدمعاتــــــــــــــــــــي ..

سقى الله يوم أناصغير وهمي بس بالفشفــــــــاش .

. ماأعرف الحب وأوجاعه ولا أعرف آجر وناتــــي ..

وأنا كني ورق شام وجيت لفرطة الحشــــــــــاش

.. أخذ جوه على حسابي وأناملزوم بسكاتــــــــــــي ..

أناأسأل قلبه الطيب على نزف الجروح أعتــــاش .

. وفأ بالغدر والنكران وفأ وأبدع بطعناتـــــــــــــي ..

وفأ وأكبر وفأ يومن دخلت بغرفة الأنعـــــــــــاش .

. غدر عينيه لازمني ومات بوسط كلماتـــــــــــــي ..

مشهور الرشدان

[منور العنزي]

الاخ مشهور الرشدان
صح لسانك وعلا شانك
قصيدة رائعة من روعة شاعرها
كتبت فأبدعت بعذوبة حروفك وابياتك
دمت ودام حظورك وابداعك
تقديري واحترامي لك

[خلف الغريب]

صح لساانك يا مشهور واحب ان اشكرك على طلب التوجيه وصدرك الرحيب لاستقبال الملاحظات وانا هنا معك بانتظار اخوي البدر وبقية الاخوة الكرام ..
لدي عدد من الملاحظات اثق تماما ان اخي البدر سيحيط بها ..

[مشهور الرشدان]

صحت ابدانكم وشاكر مروركم اخوي خلف ياليت تطرحها الحين عشاني والله متشوق لها ومتشوق لرد اخوي البرد هات ماعندك بارك الله فيك

[سالم صالح]

صح السانك اخوي / مشهور الرشدان

وتأكد انك على الطريق الصحيح وذلك من خلال طلبك للنقد فبذلك سوف تجد النجاح باذن الله


الحقيقة انا لست ناقد ووجود اخواني يكفي ولكن اعتقد ان القصيدة فيها بعض الخلل في الوزن في بعض الابيات


وهذا ما تحتاجه في الوقت الحالي وهو التركيز على اتقان الوزن


تقديري لك ولرحابة صدرك

[مشهور الرشدان]

صح بدنك اخوي سالم وكل بحر له وزنه الخاص شاكر مرورك دمت بوود

[بدر الخلاوي]

الغـــــالي مشـــهور الرشـــدان صح لسانك وصح فكرك يامبدع

نص رفيع المستوى اشكرك من كل اعماق قلبي

اما بخصـوص النـقد فســأ ترك المــجال


لـمن كــلف بمهمة نــاقــد

سيكون النجاح والابداع حليفك مادمت تحب ان تعرف اخطائك

دمت بحمى الرحمن

[محمد بن موسى]

مشهور الرشدان


قصيدة كما ذكرت تناقلتها عدة مواقع بأسماء مختلفه

واذكر كلماتها من سنوات ولا اعلم من قائلها

ومن الجميل ان يكوون صاحب هذة الابيات من ابناء ويلان الكرام

صح السانك مدد بلا عدد يالذيب

[حمد الخمعلي]

الاخ مشهورالرشدان

صح لساانك وكلماات جميله0

وبما انك خصصت البدر للنقد فنحن بنتظااره0


كُن بخير

[مشهور الرشدان]

بدر صالح الخلاوي شاعر مثلك يقولي نصك رفيع المستوى قسم بالله تكفيني
الله يعطيك العافيه شاكر مرورك دمت بخير

[مشهور الرشدان]

اخوي محمد واخوي حمد صحت ابدانكم الله يعطيكم العافيه
اخوي حمد يهمني رايك وملاحظاتك اذا عندك ثق ثقه تامه اتقبلها بكل سرور
شاكر مروركم دمتم بوود

[حمد الضوّي]

الأخ مشهور الرشدان


صح لسانك وبيض الله وجهك على سعة صدرك وتقبلك للنقد البناء وصدقني إذا

استمريت على هذه الطريقه ستجد من يفيدك ويعطيك إيجابيات وسلبيات القصيده

( واخونا البدر فيه الخير والبركه وغيره من الأخوان) علما ً إنك انت الآن شاعر جميل

وإذا وجد شئ من الملاحظات فتأكد إنه كل شاعر مر بهذه المرحله ( مثل ميقال :

ما أحد ٍ جاء من بطن أمه متعلم ) وأنا عندي إحساس بإنك سوف تكون شاعرا ً

مميزا ً بإذن الله ,,,,,,,,,,,,,,,,,,,,,,تقبل مروري

[مشهور الرشدان]

تجربه عشان اشوف ردودكم

[مشهور الرشدان]

اخوي حمد الضوي صح بدنك وجهك ابيض وانا مب في بداياتي الشعريه
بس اول مابديت ماحصلت احد قالي هذا في خلل سوى كان الوزن او القافيه او المعنى عشان كذا اطلب منكم التمعن في نصوصي واطلب من اخوي البدر عشان انا متاكد من نقده الصحيح وهو اخذ عهد ع نفسه وصراحه حبيت صراحته وعدم المجامله فيه وهذا الشي ماحصلته في احد غيره بالمنتدى ادري طولت ههههههههههه شاكر مرورك

[البدر]

القدير : مشهور الرشدان

بما انك تطلب النقد فهذا يدل على عقليه واثقه ومؤشر ايجابي وان شاء الله سوف تصل الي القمه .

في الحقيقه يفترض اني ما انقد القصيده بعد الاستاذ خلف الغريب وشكرا له لانه ذكرني هنا وانا لست الا نقطه في بحر خلف الغريب.


اخوي مشهور الرشدان

في الحقيقه انت في البدايه ملزم بإثبات ملكيتك للقصيده لانها منتشره في المنتديات بدون واذا كانت لك فقد ضاعت حقوقك الا اذا تعرف اين نشرتها اول مره وبأسمك .

على كل سوف اوضح بعض الملاحظات على هذه القصيده:

- بالنسبه للقافيه والوزن فهي جيده نوعا ما ماعدا:

-ثقل بسيط في الشطر " ماأعرف الحب وأوجاعه ولا أعرف آجر وناتــــي" ..

-كذلك كسر في الشطر "أنا يوم فتحت عيني وشفت الشاش هاض الجاش" لان الكلمه تكتب هكذا "فتّحت" ولو نطقت بدون تشديد يلتغي الكسر لكن معنى الكلمه لايكون سليم .

-مع ان البعض يظن ان في القصيده كسور كثيره لكنها سليمة من حيث الوزن اذا تم قرأت الكلمات بالشكل المطلوب.

- "تخالط دمي الأحمر تخالط مع بياض الشـــــــاش " تكرار كلمة "تخالط" يعتبر حشو هنا وغير مفيد للمعنى.

-"أنامن ضاع في حب الكريم الطيب الغشــــــــاش" كيف تجي كريم وطيب وغشاش ؟؟!!

- "أناأسأل قلبه الطيب على نزف الجروح أعتــــاش ." هنا في خلل تركيبة معنى الشطر فهو مقسوم لقسمين ليس بينهم رابط "أناأسأل قلبه الطيب" و "على نزف الجروح أعتــــاش "

- كذلك البيتين الاخيرين معناهم غير واضح ولايوجد ترابط بالمعنى

- القصيده تعاني من بعض الضعف في ترابط الابيات لكن اجمالا هي جيده وتستحق الاشاده


-

[مشهور الرشدان]

مدري ليش ماتطلع الردود لازم عشر حروف بعدين اشوفها

[مشهور الرشدان]

هلا هلا يامرحبا حي هالصوت اول شي الملكيه اول ماكتبتها في منتدى تعب قلبي ومنتديات الوله كان النك شيخ مسكين وتناقلتها المنتديات ويكتبون بقلم شيخ مسكين وقبل المنتديات نزلته ع كاسيت وتناقلته الاستديوهات باسم مشهور العنزي ولو تسئل اي شخص من المنتديات المنقوله فيها يقولك اما النك او الاسم

ثاني شي الثقل قد اتقف معك في الثقل لكن الكسر اسمحلي اقول وجهت نظري
انا يوم افتحت عيني وشفت الشاش هاض الجاش مب يعني فتحت عيني لا افتحت عيني هذا المقصد
تخالط دمي الاحمر كررتها عشان اوصل فكرت ان الدم تخالط مع الشاش ما اعتقد ان فيها حشو عشان توصيل فكره وفي شعار كثير سوو نفس هالتكرار اقرب مثل مطلق النومسي يوم يقول اذوب وانت تذوب واذوب وتذوب
انا من ضاع في حب الكريم الطيب الغشاش يعني كل الصفات هذي فيه كان معي طيب وكريم بعدين اتغير حاله في اخر المطاف وصار غشاش يعني مااخلص في الحب غيروه العواذل
انا اسال قلبه الطيب الفكره واضحه مستغرب من قلبه الطيب وسالته هو اعتاش ع نزف الجروح ولو حطيت حرف واو يتكسر البيت حطيت الفكره بدون حرف الواو
ومنك استفيد استاذي البدر ولا تحسب اني قلت الكلام هذا عشان ردع لا والله بس توضيح لا افكاري ومعرفت مستواي شاكر مرورك استاذي البدر بيضه الله وجهك ويعطيك الف عافيه