خلاص نويت اتزوج وابا اتوب

[عبدالمحسن الجلوي]

خلاص نويت اتزوج وابا اتوب = واترك بنات الناس واشوف ذاتي

ونويت ابطلق لحيتي واقصر الثوب = وان ناموا العربان قمت لصلاتي

وابي اغض الطرف لاشفت رعبوب = واغـير اللي باقيا مـــن حــياتي

يوم انتبهت وشفت انا العمر منهوب = واللي مضى فايت ولا عاد ياتي

مثل السراب اللي به الشوف مكذوب = ومثل الحلوم اللي تجي بالمباتي

ياهند روحي والله ان مالك ذنوب = فـلا تلوميني تقــولي وصـــاتي

اللي ماهو مكتوب ماهو بمكتوب = أصبر على جــرح الــزمن والشماتي

من قلب متحطم ومن وجه مشحوب = باركـت للي ضيعوا أمنياتي

لا شك انا من غزوا الايام مصيوب = ومن صبحوه القوم خــاف البياتي

جيت الوجار اللي له سنين مشبوب = أول عليه الناس دايم ســراتي

في بيت قرما من صماصيم منجوب = أكــرم من رياح الشمال العواتي

مهجور كنه من ورا دور يعقوب = من يــوم ماراعيه للـــحق فــاتي

وقفت قدامه وانا الدمع مسكوب = انفض غباره وامسحه في عباتي

جوني عياله قالوا ادخل عن الشوب = وتبعتهم اخفي كثير عــبراتي

بكيت يوم ان البكا صار موجوب = للــي لــهم بالـقلب فايــض غلاتي

[محمد بن موسى]

عبدالمحسن الجلوي

صح السانك ونبض قلبك

قصيدة رائعه تذكرني بقصيدة ابن عبار (( التوبه ))

نويت اوفــر لحيتي واقصر الـثوب
واشوم عن لعب الورق والاغـاني

وهناك تشابه كبير بالقصيدتين من ناحية فكرة القصيدة واغلب مفرداتها


كن بخير

[خلف الغريب]

صح لسانك يا عبد المحسن ولا هان هذا البوح وهذا التوجه الجميل ..

فعلا يلاحظ وجود شبه بين القصيدتين ولعله من باب التأثر لا اكثر اما باقي القصيدة فهو رائع ويحمل الكثير من وجدان صاحبها ..

لا فض فوك ودمت بهذا التألق ..

[حمد الضوّي]

عبدالمحسن الجلوي
ـــــــــــــــــــــــــــــ
صح لسانك قصيده جميله من شاعر جميل ,,,,,,,,,,,, تقبل تحياتي

[نايف هويدي العواجي]

صـح لســانـك
قصيده جميله ورئعه
شكرا على هذا الابداع الشعري
وتقبــل تحيـــاتي

[بدرفهد الجعفري]

صح لسانك عبدالمحسن الجلوي

قصيده جميله ورائعه وشاعر مبدع

تقبل اعجابي ومروري المتواضع

[علي السابل]

صح لسانك يا عبد المحسن

قصيده ناضجه في كل شئ

حتى لو قال الإخوان ان فكرتها مسبوق عليها

لكن تناول موضوعها كان بقدرة شعريه عظيمه


تقبل التحيه والتقدير

[سالم العنزي]

احسنت ياعبدالمحسن وصح لسانك والله يلحقك خير ان شاء الله

تقبل مروري

[سالم صالح]

الرائع


عبدالمحسن الجلوي


صح السانك قصيدة راائعة ومميزة ولا يضرها ان تكون الفكرة مسبوقه اذا كانت بحبكة شعرية جميلة


لله درك وتقبل تقديري وودي

[سعود المسعودي]

صح لسانك عبدالمحسن الجلوي



حتى لو قال الإخوان ان فكرتها مسبوق عليها



قصيده جميله ورائعه وشاعر مبدع



تقبل اعجابي ومروري المتواضع

[البدر]

الشاعر عبدالمحسن الجلوي

صح لسانك في الحقيقه القصيده قيمه وجميله وانت شاعر كبير . ولن اتكلم عن جمالية القصيده لانها كثيره وكبيره

ولكن كوني هذه الايام اتصيد شبه الاخطاء في القصائد المنشوره في ويلان طبعا حسب وجهة نظري لذلك اسمح لي بهذا التعليق .

-القصيده تقريبا لها موضوعين ولم يكن الترابط بينهم قوي من البيت العاشر بديت في موضوع ثاني .

-أول عـلـيـه الـنــاس دايـــم ســراتــي
هنا استخدمت كلمة "سراتي" اعتقد انك تريدها ان تكون مثل "ساهرين " او يسمرون" لكن" سراتي" اصلها "مسرى" اي السير ليلا.

- أكـرم مــن ريــاح الشـمـال العـواتـي
كيف تشبه الكرم في رياح الشمال العواتي فالرياح العواتي ليس فيها الا عذاب .

- مهجـور كـنـه مــن ورا دور يعـقـوب
لو استبدلت كلمة "ورا" بـ "قبل" اعتقد افضل.

- بكيـت يـوم ان البكـا صــار مـوجـوب
اعتقد ان كلمة "موجوب" لاتعني واجب .

اخي عبدالمحسن آسف جدا لتطفلي وماكتبته يعبر عن وجهة نظري فأن اصبت فهذا ماصبوا اليه واتمنى اكون افدتك وان اخطأت فأعتذر وارم ماقلت بعرض الحائط

ويسعدني تواجدك في موضوعي "كيف تكتب شعر مميز وتختلف عن الاخرين" المثبت في هذا القسم .

[عبدالمحسن الجلوي]

اخوي محمدبن موسى بعد تعليقك ذهبت لقوقل وبحثت عن القصيدة ولا اخفيك اني تفاجأت عندما رأيت البيت الذي اشرت اليه مع تغيير بسيط ولكن ربما تحول البيوت على بعضها يمكن هو اخذه مني:d

هههههههههه طبع مستحيل انا اللي طبحت عليه لكن ابي اقول

معين شعري نهر ماهو بمنضوب = يشبه لشط النيل والا الفراتي

لو يشربون الناس ماهو بمشروب = يفيض يسقي يابسات النباتي

اذا لقيت الليث يفتر بنيوب = احذر من انياب ن ماهن ضاحكاتي

الورد ماينبت على صبخ جبجوب = والملح مابلل كبود الظماتي

ولي بعيرا كل ماناخ مشعوب = رجليه من طول السرا حافياتي

ماورده بالقيض والحر لاهوب = نحاه لايشرب مع الشارباتي

واتلاه يومن مات خلاه مكبوب = حامن عليه نسوره الحايماتي

مكبوب مفردها كبه اي تركه طبعا هذي لغة خاصة :d


البدر كان رسول الله صلى الله عليه وسلم اكرم من الريح المرسلة...


الاخوان الاعزاء شرفني مروركم جميعا وانا كلي بفخر بتصفحكم المشرف...


ايه صح البدر السراة الذين يذهبون بالليل ولاتعني مسافرين انما سراة لديوان الرجل(( التعلله )) الله لايعللك ... وشكرا اخوي بدر واسعدني استفسارك ودمت بصحة وعافية...

[خلف الغريب]

بصراحة انا اتوقف هنا بل و اقف اجلالا واحتراما للروح الطيبة والخاطر الرائع لأخينا الشاعر الرائع
عبد المحسن الجلوي لطيب نفسه ونقاشه الجميل وتقبله لوجهات النظر
وهكذا سوف نرتقي بشعرنا ومستوانا النقدي عموما واشكر اخي البدر على امانته في النصح وجمال نقده وحسن عرضه لوجهة نظره ..

[سعد النفج]

صح لسانك ..
من البداية و النص ابداع ..
و حتى النهاية .. ونحن نعيش تفاصيل النص ..
.
صح لسانك مدد بلاعدد ..
نص يستحق الإشاده ..
.
دمت بخير ..