,{احساسك الشعري في ورطة},,(طلال معيض)

[احساس قلم]

http://www.weelan.org/misc/weelan_alsh3ry.gif






السلام عليكم ورحمة الله وبركاته ,,, اصبحتم وامسيتم ببيـاض




لكم من كـل ترحيب اجمله ,, ومن الشعراعذبه ,, ومن التميز افضله ,, اشتقنا لمعانقةالابداع .





نواصل الابحار في عالم الابداع والشاعريه المتجدده مع شعراء ويلان المبدعين . في هذه الرحله الجديده مع ضيف جديد وشاعر مميز .





في هذه الرحله سوف نعيش الاحساس الشعري الصادق والحاضر دائما بتميز وابداع..
مع شاعرنا الرائع والمبدع
(طلال معيض)






وهذه المرة ستكون محتلفة كليا عن الجزء الاولى :






سوف اقوم بطرح مجموعه من الاسئله على الشاعر
اي مايقارب سؤالين ثلاثة في هذالجز من الاسئلة
وساترك فرصة لاخواني الشعراء بطرح اسئلة ايضا بشرط ان تكون هذه الاسئله
شعرية فقط
بحد ادنى لكل شاعر بيتين ثلاثه
وانا يكتفى بخمسة اسئلة من الشعراء
اي ان كل واحد لدية الرغبة في سؤال شاعرنا
يسألة سؤال واحد فقط بيتين مثلا ليتسنى للاخرين المشاركة
وايضا حتى لايتشت شاعرنا
وطبعا هذه الاسئلة تكون خلال اسبوع واحد وتكون هذه الاسئله مقسمه الي جزئين فقط ومن ثم يقوم الشاعر بالاجابه على هذه الاسئله بأبيات شعر من تاليفه وله الحريه المطلقه في عدد الابيات بحد ادنى بيتين .


وسوف اطرح المجموعه الاولى من الاسئله ويكمل من اراد المشاركة وانتظر حتى يجيب الشاعر على جميع اسئله المجموعه الاولى ومن ثم يتم طرح المجموعه الثانيه من الاسئله في رد جديد بهذا الموضوع.





,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,


الجز الاول

1- هل لنا ان نعرف من هو طلال معيض؟
2-ماهي مهنتك ياطلال؟

\\,,
من يريد المشاركة من الشعراء بالاسئله فلتفضل مشكورا؟

[طلال معيض]

اولا الف شكر لك احساس قلم دائما مبدعه وصاحبة افكار رائعه واللهم لاحسد ماشاء الله عليك صراحه نحسد على وجودك معنا في هذا المنتدى الراقي باعضائه وعساني ان اقدم مااستطيع به ويحوز على رضا كل المتابعين

ولن اقول انها ورطه لان الشاعر الذي يحس بالورطه في الشعر اعتقد انه لن يقدم اي شي للمتلقي ولاكن لعلني اقول انها محاوره او اختبار شعري
ولنبداء 00000000

- هل لنا ان نعرف من هو طلال معيض؟

طلال هو انسان زي اي انسان=في دنيتي مابين صايل وجايل
لاكن يميزني مع الناس شيــئـــان=شاعر قدير ومن ضنا عيال وايل
2-ماهي مهنتك ياطلال؟


من فضل ربي مهنتي شانها شان=والحمد لله من جزيل الفضايل
وشلون ابينها وانا مؤمن ايمان=لاصرت اعرف اسرار بعض العوايل

[علي السابل]

تحيه للضيف المبدع ... ومضيفة الإبداع


سؤالي هو :


متى تحس ان الشعر صوره يترجمها كلام

.................. متى تحس انه معك لوحه بيد رسامها


مدري تحتاج الملهمه تجلس مع الصف الأمام


....................... ولا تحس غيابه حضور نهر الهامها


؟؟؟

[هندي المقبل]

مع الشكر لصاحبة الفكره واضافه مميزه للموضوع

واهلا بالضيف الكريم صاحب الدار

وسؤالي :


احيان موقف تنكتب فيه الاشعار = واحيان بأشعارك تجيب المواقف
ودي اعرف الفرق؟ وانت ايش تختار؟ = ياشاعرٍ بفنون الاشعار عارف

[البدر]

أبسآلك ياطلال معيض
.............. عن من شراء البنت ريميه
بياعها واحداً قبيض
.............. وزباينه عدوا الميه
ياصار ماله بها تعويض
............. هو وش يبي خايب النيه؟

[سالم صالح]

شكراً لصاحبة الموضوع على التميز والاضافة الجميلة


واهلاً بالشاعر المميز / طلال معيض


وصح الساانك شاعر رااائع ولا يعترف بالتورط نهائياً


تقديري لك

[طلال معيض]

علي السابل
متى تحس ان الشعر صوره يترجمها كلام

.................. متى تحس انه معك لوحه بيد رسامها


مدري تحتاج الملهمه تجلس مع الصف الأمام


....................... ولا تحس غيابه حضور نهر الهامها

00000000000000طلال

لامن كتبت بصدق واحساس ومعاني باحترام=من هالفكر تنجب بكر صعبه على سوامها
والشعر لولا الملهمه وش خانته يابن الكرام=منهو يحسب حسابها يتعب على هندامها

0000000000
هندي المقبل
احيان موقف تنكتـب فيـه الاشعـار
واحيان بأشعـارك تجيـب المواقـف
ودي اعرف الفرق؟ وانت ايش تختار؟
ياشاعـرٍ بفنـون الاشعـار عـارف

00000000000طلال

ماشفت موقف بعد الاشعار قد صار=والشعر للموقف تراه يترادف
الموقف اول ثم يبدن الافكار=نختار قبل وعلنا مانتخالف
-----------

البدر

أبسآلك ياطلال معيض
.............. عن من شراء البنت ريميه
بياعها واحداً قبيض
.............. وزباينه عدوا الميه
ياصار ماله بها تعويض
............. هو وش يبي خايب النيه؟
---------طلال 0000000
والله اعلم

يالبدر روضتها ترويض=وكتبتها اليوم بيديه
ما ابيعها لو ابيع البيض=لابو هذيك الحراميه
واليوم شفها معانا تغيض=طلبتك تصير مخفيه

[طلال معيض]

ماابيعها لو ابيع البيض
طلبتك تصير مخفيه

خطاء كتابه

[احساس قلم]

اااااااااااااالله عليكم
وش اقول وقفة اعجاااااااااااااااااااااااااب
لمن كتب هنا من ابيات من المبدعين
ومن الضيف
سانتظر المزيد من الدرر
على السابل \\,,
هندي المقبل\\,,
البدر\\,,
صحت السنتكم ماقصرتوا
مبدعنا (طلال معيض)
كم انت رائع فقط,,,,

[بدرفهد الجعفري]

الله الله

احسنتي يا احساس في تطوير فكرة هذا الموضوع فعلا اصبح الموضوع ممتع في كل جوانبه

شكرا لكل الشعراء الذين استثاروا مارد الشعر لدى طلال معيض

وصح لسان الشاعر طلال معيض واعتذر لاني ماني شاعر ومازلنا بإنتظار شعرائنا الكرام

[سالم العنزي]

كفو يابن معيض وصح لسانك

هذا هو الاختبار الحقيقي وهذه العلامه الكامله التي حصلت عليها

تطوير في محله للفكره

صح لسانك

[سالم صالح]

مرحباً للمرة الثانية ضيف ومضيف ومشاركين


واتمنى ان يكون مروري خفيف على قلوبكم الطاهرة ,,,



في نظرتك اي الاشعار يأصل = عند القلوب اللي تحب القصايد
هل هو غزل والا مديح وتواصل = والافخر ناتج فعول وعوايد

[بدر الخلاوي]

شكرا للأخت الكاتبه احساس قلم على موضوعها المميز والذي اشاد في الجميع


صح لسااااااااانك يا معيض شاعر كفو ولا يهونون بقية الزملاء


ســــؤالي هو

ياطــلال يابن معــيض والــعلم علـمآ زيـن

............................ ابسئلك عن حاجه ولاهي خصوصيه

وش اللي تشوفه وانت شاعر وعندك عين ؟

........................... تـــقول الصـــراحه والــولي يصلح النيــه


تقديري واحترامي للجميع

[سليمان مفضي العنزي]

ابداع بكل الاتجاهات

صح لسان الشاعر طلال معيض

وشكرا للشعراء المشاركين فالكل مشارك في امتاعنا

متابع....

[أبو غرام]

الله الله الله

إستضافه بالفعل رائعه

وتطوير الفكره بلا شك .. اضفت إليها .. فلله درّ من طوّرها

.
.

رساله إلى طلال معيض : لله درّك .. والإبداع ليس غريب عليك

أما سؤالي طال عمرك :


وش موقفك اليا دحمتك الاشاعات=بالمعضله واللي يجي من شررها
تزبن على مولاك او بعض الابيات=أوهو تشيم وسمّها في نحرها
وإليا هناك الحظ في بعض الاوقات=سحابتك منهو يطوله مطرها ؟

[طلال معيض]

سالم صالح

في نتظرتك ايات الاشعار ياصل=عند القلوب اللي تحب القصايد
هل هو غزل والا مديح وتواصل=والا فخر ناتج فعول وعوايد

طلال

لاجبت جزل ومعه الابداع حاصل=وحطيت فيها من قليل الفرايد
للمستمع تاصل بليا فواصل=تصير اصلا انت للشعر قايد
00000000000000

بدر الخلاوي
ياطــلال يابن معــيض والــعلم علـمآ زيـن

............................ ابسئلك عن حاجه ولاهي خصوصيه

وش اللي تشوفه وانت شاعر وعندك عين ؟

........................... تـــقول الصـــراحه والــولي يصلح النيــه

طلال

قضيه قضيه يابدر مابها تخمين=نشوف البحر طبوه ناس حونشيه
عساالله لايبلى ويشفيهم المبلين=لياقال كلمه قال انا ناطح الهيه

[طلال معيض]

جائز المليحان
وش موقفك اليا دحمتك الاشاعات
بالمعضله واللي يجي من شررها
تزبن على مولاك او بعض الابيات
أوهو تشيم وسمّها فـي نحرهـا
وإليا هناك الحظ في بعض الاوقات
سحابتك منهو يطوله مطرهـا

طلال

يعني عطوني في قفا الظهر طعنات=الاوله يعني مسكت بنحرها
ماهمني عاذل وحاسد وشمات=هم دافع لروحي تحقق فخرها
لامن دعيت الله بخمس الصلاوات=عسا جنان الخلد نفسي قدرها

[محمد بن موسى]

ابو معيض

صح السانك يالغالي مدد بلا عدد

ابداع وتألق ماهو مستغرب على شاعر بمثل مكانة طلال



طلال وان حدك زمانك على اقصاك=وتخالفت في راسك ظنون وظنون
وش موقفك ؟ لامن صديقك تناساك=وقفى وخنجر صّدته فيك مطعون

[طلال معيض]

محمد بن موسى

طلال وان حدك زمانك على اقصاك
وتخالفت في راسك ظنون وظنـون
وش موقفك ؟ لامن صديقك تناساك
وقفى وخنجر صّدته فيك مطعـون


طلال


لاحدني وقتي تنصيت شرواك=واللي معانا بالمثل مايهونون
ومن صدت عني قلت يازين فرقاك=وان خان اموت بذمتي فيه ماخون

[خلف الغريب]

ابداع وجزالة وحضور لافت للانتباه ..

كل الشكر للضيف وللمضيفة على هذا الموضوع الذي اقل ما يوصف به الابداع والطرح الجرئ..


صح لسانك يا شاعرنا واجدت وافدت فلله درك.


شكرا لاحساس الرائعة على هذه الاستضافة ونحن في ويلان مدينون لها بهذا الجمال وهذا الابداع

[سعود المسعودي]

شكراً لصاحبة الموضوع \ احساس قلم \ على التميز والاضافة الجميلة


واهلاً بالشاعر المميز / طلال معيض



وصح لسانك واجدت وافدت فلله درك.




دمتم بخير

[ماجد الغانم]

طلال معيض

لله درك

مميز الله لا يهينك

وكل الشكر لك على هذا الابدااع

والشكر كذلك موصول للأخت احساس على هذه الفكرة الجميلة التي أظافتها على هذا الطرح

ودمتم جميعاً بالف خير

[طلال معيض]

الف الف شكر لكل من اشاد ولكم مني اجمل التقدير وهذا من ابداع الرائعه احساس

[احساس قلم]

الرائع طلال معيض
اولاشكرا لك هذالمديح والذي اتمنى ان
اكون استحقه فعلا
صراحة كان المفروض ان يكون هناك جزاء ثاني
ولكن الاخوان وشعرانااااا الرائعون ماقصروا
لذالك ساختم هذا الابداع بسؤالين
اولهم

امامك صورة لجبل اجا ممكن تعبر عنها ببيتين
شعر

http://www.shmmr.net/vb/images/image_host/image/aja-mount.jpg


2-بيت شعر تنهي به هذالقاء
مع الشكر لجزيل لك

[طلال معيض]

من فوق هذا الجبل سلمى واجا كانواا=الحب فوق الجبل فعلا هنا اعمى
الحب ياماانقتل به ناس قد عانواا=ضحو باجا ثم ضحو فيك ياسلمى



اما البيتين

مع السلامه مابقى بالخاطر الا كلمتين=الاوله حب وفا والثانيه كلمة عتاب
الاوله تهدى لكم يالطيبين المخلصين=يكفي كسبت المعرفه وانتم عزيزين الجناب
والثانيه يالنت متحمل غثاك اربع سنين=حقك علي ان شفتني ولا تحسب لي حساب

[هندي المقبل]

مع السلامه مابقى بالخاطر الا كلمتين=الاوله حب وفا والثانيه كلمة عتاب
الاوله تهدى لكم يالطيبين المخلصين=يكفي كسبت المعرفه وانتم عزيزين الجناب
والثانيه يالنت متحمل غثاك اربع سنين=حقك علي ان شفتني ولا تحسب لي حساب


الشاعر طلال معيض

صح لسانك على هذا الابداع من اول الي اخر مشاركه

لكني احتج واعترض بشده على القرار الذي في البيت الاخير .

فلو لم يكن في النت الا اننا تعرفنا على طلال معيض فهذا يكفي ففيه نتعرف على الطيبين امثالك وفيه نتسامر معهم على الرغم من بعد المسافات .

فاتمنى منك مراجعة هذا القرار

[احساس قلم]

شكرا لكل من مر من هنا
شكرا لرائع والمبدع طلال معيض
وانتظروني مع شاعر اخر
دمتوا جميعا بود