سعود المسعودي
27/09/10, (09:53 PM)
السلام عليكم ....
هذي محاوره بين الجبلين صياف الحربي و محمد ابن جرشان البقمي
صياف الحربي:
يامرحبا ترحيبتن عندها ناشد ومنشود ... واللي يدور للغلا لا يبات الا بسوقه
مدام ابن عواد موجود ضلع طويق موجود ... يوجعك لو يطيح فوقك و لو تطيح فوقه
ابن جرشان :
يالحربي يالمقرود زعلت لك تسعين مقرود ... وغليص لو قاد الجمل يجبرك بكره تسوقه
والمشكله لو هي بسيطه عرفت النقص والزود ... لو كانني بين الجمل ما تغطيها شدوقه
صياف الحربي:
ان كنت رجال محنك تروح الصبح وتعود ... تعرف طعامن يجرح الحلق قبل انك تذوقه
المشكله ماهي كبيره لكن السيف محدود ... والثوب لو يبعد عن النار ما تكثر شقوقه
ابن جرشان:
ياصاحبي ما حسبت دخلك مع هل الدخل محدود ... واثرك كما عود الثمامه قصيراتن عروقه
لا يطرحك فالنار والتهلكه حامد ومحمود ... وتضيع تالي الليل في زهقه النفس الزهوقه
صياف الحربي:
انا عطيتك شرطة الما لكن العد مورود ... كلن يوقف في طريقي ويطلبني حقوقه
انت زعلت وقمت ترسل علي جيش وجنود ... لكن كل التمر روّح ماتبقى الا عذوقه
ابن جرشان:
ياصاحبي صياف منته على هاك الدرب محدود ... محدن جبرك تصير مع خط فيده ومعشوقه
مير التباهي والتفاخر يسبب كسره العود ... وانت ليا بقت العهد صاحبك لازم يبوقه
صياف الحربي:
اليا هرجنا بالامانه يصير الدرب مجرود ... واليا سرقنا حكمنا يقطع اليمنى السروقه
ان كان عندك سالفه شوف حمل شعيل مشدود ... لكن لا يبرك بحمله ويرغي من فتوقه
ابن جرشان:
عدل عضودك قبل لا تلتفت لعضود جلّود ... جلّود بالمشعاب بو راس ما توخذ حقوقه
واليا تعديت الحدود الصحيح يثور بارود ... ماني بمكرم شاربك وانت لحيتك محلوقه
صياف الحربي:
انت علامك مختلف والعلوم سهود ومهود ... ياهيه لاتنثر زهابك ولا تقدر تحوقه
ثوّرت بندقك العزيزه بلا بارود و زنود ... الله لا يجزاك بالخير يا الرجل السبوقه
ابن جرشان:
ياصاحبي بعض السوالف لها جهده ومجهود ... وتخلي الفلاح يسقي النخل يجني عذوقه
كم قلت ياصياف درب القشر والشين مسدود ... لكن قامت تشعفك صوبنا برقا و روقه
صياف الحربي:
اصبر شويه ثم اولع على القرصان وتجود ... و انشق المجنون صبره ويصحي من نشوقه
لا بارك الله فالبعير الشرود قليّل الفود ... اللي ليامني لحقته يزعلني لحوقه
هذي محاوره بين الجبلين صياف الحربي و محمد ابن جرشان البقمي
صياف الحربي:
يامرحبا ترحيبتن عندها ناشد ومنشود ... واللي يدور للغلا لا يبات الا بسوقه
مدام ابن عواد موجود ضلع طويق موجود ... يوجعك لو يطيح فوقك و لو تطيح فوقه
ابن جرشان :
يالحربي يالمقرود زعلت لك تسعين مقرود ... وغليص لو قاد الجمل يجبرك بكره تسوقه
والمشكله لو هي بسيطه عرفت النقص والزود ... لو كانني بين الجمل ما تغطيها شدوقه
صياف الحربي:
ان كنت رجال محنك تروح الصبح وتعود ... تعرف طعامن يجرح الحلق قبل انك تذوقه
المشكله ماهي كبيره لكن السيف محدود ... والثوب لو يبعد عن النار ما تكثر شقوقه
ابن جرشان:
ياصاحبي ما حسبت دخلك مع هل الدخل محدود ... واثرك كما عود الثمامه قصيراتن عروقه
لا يطرحك فالنار والتهلكه حامد ومحمود ... وتضيع تالي الليل في زهقه النفس الزهوقه
صياف الحربي:
انا عطيتك شرطة الما لكن العد مورود ... كلن يوقف في طريقي ويطلبني حقوقه
انت زعلت وقمت ترسل علي جيش وجنود ... لكن كل التمر روّح ماتبقى الا عذوقه
ابن جرشان:
ياصاحبي صياف منته على هاك الدرب محدود ... محدن جبرك تصير مع خط فيده ومعشوقه
مير التباهي والتفاخر يسبب كسره العود ... وانت ليا بقت العهد صاحبك لازم يبوقه
صياف الحربي:
اليا هرجنا بالامانه يصير الدرب مجرود ... واليا سرقنا حكمنا يقطع اليمنى السروقه
ان كان عندك سالفه شوف حمل شعيل مشدود ... لكن لا يبرك بحمله ويرغي من فتوقه
ابن جرشان:
عدل عضودك قبل لا تلتفت لعضود جلّود ... جلّود بالمشعاب بو راس ما توخذ حقوقه
واليا تعديت الحدود الصحيح يثور بارود ... ماني بمكرم شاربك وانت لحيتك محلوقه
صياف الحربي:
انت علامك مختلف والعلوم سهود ومهود ... ياهيه لاتنثر زهابك ولا تقدر تحوقه
ثوّرت بندقك العزيزه بلا بارود و زنود ... الله لا يجزاك بالخير يا الرجل السبوقه
ابن جرشان:
ياصاحبي بعض السوالف لها جهده ومجهود ... وتخلي الفلاح يسقي النخل يجني عذوقه
كم قلت ياصياف درب القشر والشين مسدود ... لكن قامت تشعفك صوبنا برقا و روقه
صياف الحربي:
اصبر شويه ثم اولع على القرصان وتجود ... و انشق المجنون صبره ويصحي من نشوقه
لا بارك الله فالبعير الشرود قليّل الفود ... اللي ليامني لحقته يزعلني لحوقه