كل من عاش في الدنيا يشوف

[محمد فليح الجعفري]

كل من عاش بالدنيا يشوف العجايب
مثل ماشفت بالدنيا وشفته باهلها

قمت ابرق وافرق بين مخطي وصايب
مثل فرق الجبال النايفه من سهلها

والتوافيق عندالله حظوظ و وهايب
عند رب يجازي كل نفس بعملها

اشهد ان الهدوم يسترن المعايب
اثرها تستر الحرمه وتستر فحلها

الاوادم بعضهم مثل وصف الجلايب
لو توحد بها ذيب الخلا كان اكلها

كم صبي تحسب انه ع الضرايب
وان بخصته , كرهت الديره اللي نزلها

مايسر ان حضر , وان غاب ماقيل غايب
مار الارزاق عند رب لخلقه كفلها

مايضد الضديد ولايفيد القرايب
يوم نفسه تعدى حدها من زعلها
وفيه رجل يحل المشكله والنشايب
كل ماحملوه الواجبات احتملها
واقف للزوم ومرتكي للنوايب
والحمول الثقيله مالها الا جملها

ليت روحه قبل تركز عليه النصايب
حط عنه اربعين من الزلايب بدلها
وفيه منهو مسالم مايحب الطلايب
مشتقى من رضى نفسه ولا من زعلها
وفيه منهو اذا كبرت عليك المصايب
ساق وجهه وجاهه لك ونفسه بذلها


وفيه منهو يبا الجودا فلاشك هايب
كل ماناض صدره جى عضوده خللها

وفيه منهو يحل المعجزات الصعايب
اصغر افعاله الجزلات محدن فعلها

وفيه منهو يعيش وعيشته بالسبايب
كل ماسمعله غلطة من رفيقه نقلها

وفيه منهو على نفسه رضى بالغلايب
الله اللي رفع نفس ونفس خذلها

لو تبي تنصحه لله نجر الهبايب
انكرك والنصيحه ردها ماقبلها

اشهد انه عقوبه من كبار العقايب
قاصر المعرفه قلبه كما قلب بلها

هاذي قصسدة نزللته من منتدى واهدية لكل الشعراء وشكرا

[سالم العنزي]

اخوي محمد فليح شكرا لك على النقل

وصح لسان شاعر هذه القصيده الشاعر الكبير احمد الناصر الشايع

اخوي احمد اذا ماكانت القصيده لك لاتنزلها هنا بل نزلها في منتدى المختارات الشعريه حتى لايفهم الموضوع بشكل خاطيء

اتمنى من المشرفين توجيهك حتى لايتكرر هذا الخطاء

[البدر]

مع التحيه والتقدير لمشرفي هذا المنتدى ......!!!

القصيده ليست في مكانها المناسب!

[احساس قلم]

قصيدة رائعه لشاعر قمة
صراحة هومن الشعراء الذين لايتكررون
وقصايدهم غير
صح لسانك استاذي الكريم وصح لسان الشاعر
الرائع احمد الناصر
دمت بود دوما