لو قلت..... أحبك

[نوف العبدالله]

http://sphotos.ak.fbcdn.net/hphotos-ak-snc4/hs403.snc4/46636_155656321127260_100000486794579_481276_14435 19_n.jpg

لو قلت أحبك

حبيبي.....

بظلم الكلمه

كلمة أحبك

ماتعبر عن إحساسي

ايوه إني أحبك واغليك

والنعمه.....

محدِ من الناس مثلك

لامس إحساسي

ياكل نبضي .....

والإنفاس ملتمه

أتنفسك كالهوى

يدخل مع أنفاسي

حبك عبيري

وعطراشمه

ومقدارك كبير

ياتاجِ على راسي

ليتك تجيني طيف

افز و المه

يلي غلاتك ازود

من هلي وناسي

كانت حياتي قبل

لقياك في ظلمه

يانور عيني

وضوى عمري

ونبراسي


من بوح مشاعري:
نوف العبدالله
:more20:

[مازن الفهد]

حبيبي..بظلم الكلمه=كلمة أحبك ماتعبر عن إحساسي
ايوه إني أحبك واغليك والنعمه=محدِ من الناس مثلك لامس إحساسي
ياكل نبضي ..والإنفاس ملتمه=أتنفسك كالهوى يدخل مع أنفاسي
حبك عبيري وعطراشمه=ومقدارك كبير ياتاجِ على راسي
ليتك تجيني طيف افز و المه=يلي غلاتك ازود من هلي وناسي
كانت حياتي قبل لقياك في ظلمه=يانور عيني وضوى عمري ونبراسي


صح لسانك يا نوف العبدالله
ابيات اعجبتني و اعجني الاحساس اللي داخل النص
بعيد عن الوزن .. ابياتك ذات حركه و احساس جميل و يعبر عن صدق المشاعر
نعند ملاحظات عزيزتي و انا ملاحظاتي متواضعه لأني مازلت بالبدايه
.
حبيبي..بظلم الكلمه=كلمة أحبك ماتعبر عن إحساسي
البيت الأول
لو لحنتي البيت .. مثلاً على أي أغنيه و التلحين هو الأسهل
خوذي الشطر الأول ( حبيبي..بظلم الكلمه) و لحنيه .. و بعد كذا طبقي نفس اللحن على الشطر الثاني ..
اذا حسيتي ان اللحن ما طابق معناه البيت مو موزون .. لازم يتطابق الشطر الأول مع الشطر الثاني ..
و البيت الأول مع البيت الثاني .. و هكذا ..
لو أخذنا مثال ..
.
يا صاحبي هات القلم بكتب لك = كل الهموم اللي بنت مبناها
.
اللحن هذا على أغنية ..
يا طارشي ود السلام و رده = للي عيونه و الهدب مسوده
و هي اغنيه اماراتيه ممكن تكونين عارفه لحنها ..
.
و تكرار القافيه
لأنك كررتي ( احساسي ) مرتين بالبيت الاول و الثاني
و التكرار لا يمكن الا بعد سبع ابيات و تكرارها كمان يدل على ضعف الشاعر
الافضل تجنب التكرار ..
.

و فيه ملاحظه على استخدامك .. كلمة ( و النعمه ) و كأنك تحلفين بغير الله .. اذا مافهمت المعنى غلط
و اكيد عارفين الحلف بغير الله شرك ..

هذي تعليقي المتواضع عزيزتي و اتمنى اكون افدتك و انا بحاجه للتوجيه
و اعذريني اذا ثقلت عليك و متأكد راح اقرالك الأروع و الأجمل قريبا ما دمتي بهذا الحماس و رغبة التعلم و تطوير الموهبه
و انتي رائعه و مميزه و لكن بحاجه بس لحاجات سهله ..
و مشكوره على ابداعاتك المتتاليه ..

[نوف العبدالله]

يسلم حضورك ومداخلتك الرائعه اخوي مازن

اشكرك على نقذك الفعال وراح آخذ به بعين

الإعتبار ومنكم نستفيذ ماشاء الله عليك

شاعر متمكن الله يعطيك العافيه

[فهد السلقاوي]

نوف شاعره




واخوي

مازن

ماقصر


كل اللي ابي اقوله

قاله


لله درك

على هذا الاحساس الشعري الرائع


اريد ان اطلب منكي اختي طلب

القصيده

الجايه

ابيها بمنتدا الشعراء

لانك تملكين احساس موعادي

احساس شاعر

مشاعر شاعر

لله
درك


اخوك
فهد السلقاااااوي

[نوف العبدالله]

أخوي فهد السلقاوي اشكر مرورك العطر

وإطراءك الرقيق وهذا وسام على صدري

وان شاء الله لما اتمكن راح انشر في

قسم الشعراء لأني مازلت اتعلم

ومنكم نستفيذ فلاتترددو

في نقذي وارشادي

ولكم مني جزيل

الشكر

اختكم نوف العبدالله