اللي يتحدى ينزل.......

[طنياوي 1]

مرحبا يا اعضاء هذا الصرح الشامخ


حبيت اداعبكم بأول مشاركه لي معكم


فلنرى من سيتصدى ....




لكم تحيه



جيتكم يا هيه رافع بيرقي والراس عالي = شايل ٍ بيدي زهاب وشايل براسي موده
احشم المحشوم فيكم واحشم اللي ما يبالي = صارلي شهرين ادورذا الشعر منهو يرده



وسلامتكم



طنياوي 1

[فهد الخدلي الفدعاني]

جيتكم يا هيه رافع بيرقي والراس عالـي

ونعم والله

وياهلا والله ومرحبا فيك يا طنياوي في منتدي ويلان


ارجو الانتظار شوي وسيحضر احد الشعراء المبدعين هنا

وينكم يالربع


ولاهنت ياذيب

[هزاع الساري]

الله عليك يا طنياوي

ننتظر شعراء المحاورة يجوووووووون

[مزيد المزيد]

هلابك يالطنياوي وحياك الله


ونتمنى ان نستمتع معكم بمحاوره جميله باسمائكم الرائعه وننتظر شعراء المحاوره معكم


دمتم بخير

[بدر الحنيف]

خلووووووووووووهاااااااا



خلووووووووووووهاااااااا



"هيه " ما تنقال يا المنجوم لحشام الرجالي = الزهاب اللي بيدينك رح تعشاه وتغده

الله يكثُر حلالك والله يكثُر حلالي = انت باب الشر ودك نفتحه والا نسده
0


العرندس

[هادي بن معزي]

حياك الله يا مرحبا وفي انتظار شعراء المحاورة

ماشاء الله عليك متحمس الله يوفقك

هادي بن معزي

[طنياوي 1]

هيه تنقال لمثل شرواك يالرجل المثالي = والحدود الكل يعرف وين ياصل عند حده
اعرف اعرف من تحاور وانت غالي عند غالي = نكشف المستور والا نعد هالقاف ونمده








تعال يالاشوسي

[القماصي]

اللــــــــــــــــــــــــــه عليكم


محاوره كاايفـــــــــــه

القمااصي

[الزرعاوي]

وين باقي الطاروق ياشباب

سرى النهار وجانا الليل والطاروق بس بيتين أفاااااااااااااااااا

أنا معاكم بالصف...........

خلووووووووووووووووووها

[مزيد المزيد]

هلابكم الجميع ويعطيكم العافيه وكم نتمنى ان المحاوره تكون بنفس الوقت

وان تكونوا جميع" متواجدين ...

لذلك اتمنى ان لايكتب الاخ العرندس رده الا اذا راى اسم الطنياوي بين المتواجدين

لنعيش معكم جو المحاوره بشكلها الرائع

دمتم بخير

[محمد الدلماني]

الله الله عليكم

الليل الليل

[طنياوي 1]

خلصونا يا جماعه





خلوه يرد الوقت اللي يبيه



ترى الدعوه محاوره انترنتيه لا اكثر ولا اقل




متى بنتواجه يعني


الله عرفناه بالعقل



خلونا نكمل



يالله العرندس


وينك جاك الموووووووووووت







طنياوي 1

[بدر الحنيف]

انا


لا أحب كثر الكلام بالمحااااوره


اذن مالكم عندي الا بيوووووت





شفت طنياوي ينادي بالنظام الرأس مالي = ناكر الدين الحنيف وله طواري مستبده

قلبه الطيّب نعرفه ما يحب الا العوااااالي = مير نوبات(ن) تخمه يلطم أيدينه بخده


"
"
"



العرندس

[بدر الحنيف]

ابشر يا أخ مزيد

رأيي من رأيك

ان نكمل المحاوره الليله


انا بانتظاااار


الطنياوي

[مزيد المزيد]

شكرا" لكم اخواني الطنياوي والعرندس

وفعل" نبيها مدام انها حاميه مايصير كل يوم واحد منكم يرد :D

نبيها بوقت واحد لاجل نستمتع معكم ونعيش جوها الحقيقي

الله يعطيكم العافيه وصح الله لسان الطنياوي والعرندس

ونحن معكم متابعين ان شاء الله لو ماتردون الا من سنه لسنه ;)

دمتم بخير

[طنياوي 1]

قلبي الطيب جعلني باللي مثلك ما ابالي = والنظام اللي تخبره يب يعدك ثم تعده
لا ضربت الخد بيدي اعرف ان مابي هبالي = دامك العنقا وانا الضرغام خلك مستعده

[الزرعاوي]

الشرهه ماهي عليكم على من تابعكم
أنا أبي أبدأ طاروق يالشياله ...........

[كامل الخدلي]

الله يعطيهم العافيه

[بدر الحنيف]

الطنياوي

اشوف اغلى ما لديك ذووود المجاهيم


الي ارسلته فالبداااايه

لذا قمت تضرب من جرف بعدامه

صح السانك ولاهنت

استلم



كل شاعر يوم اشوفه وقفته ياهم ملالي = اقرصه بشحيمة اذنه لين يعرف من يصده

كيف أعلمك الليالي وأنت تجهلك الليالي = كب طاروق القصيد وكبّر لراسك مخده








العرندس

[طنياوي 1]

والله مدري وش تقول يالعرندس


الوكاد


كمل كمل






تعال يا الاشوسي




ولا تكثر سوالف ( محاوره مهي بلوت )

[طنياوي 1]

لا تلوص الله وكيلك منت ذيبان الشمالي = انت لامنك لقمت الزين ما يمكن تهده
تب تسوي نفسك الفاهم وعقلك بالعلالي = مير خل الطابق المستور مستور ( ن ) لمده

[مزيد المزيد]

هلابكم اخواني وارى ان تقف المحاوره الى هنا وياخوي الطنياوي

انت عدت القاف مره ثانيه والمشكله انه قافك انت وهو ساري قبل

احشم المحشوم فيكم واحشم اللي ما يبالي

قلبي الطيب جعلني باللي مثلك مـا ابالـي

بالاضافه الى بعض المعاني التي يترفع عنها الجميع ..

دمتم بخير

[طنياوي 1]

عن تسيير القاف

اعتذر


لاني لست بعاجز


لكن نسيان الله وكيلك

ومدري وش اللي جأ ووش اللي راح



اما بالنسبه للمعاني


فهي ببطن الشاعر يا مزيد


ولا يحق لك ولغيرك التدخل بها اليس كذلك



الاخ العرندس يبيها خوابير وانا حاضر .... خابور اكبر من الثاني

وهو ماشالله عليه كلا الاول وقلت ياكل الثاني دامه مشتهي


لكن الظاهر يبي ملاك وعاف طنياوي





لكم تحيه





طنياوي 1

الزعيـــــم

[مزيد المزيد]

عفوا" اخي الطنياوي

ولكن الا يحق لكم ان تحترموننا بما اننا متابعين لكم ونشجعكم بردودنا لكي تكملون المحاوره ....


اتوقع انكم تبحثون عن التسليه والالفه كما نبحث نجن عنها والنسيان ليس عذر" لانك تستطيع الرجوع لابياتك والتاكد

عموم" العرندس انهائها ولكن نريد نضع النقط على الحروف لكي نتجنبها في المرات القادمه

لكم جزيل الشكر والتقدير

[بدر الحنيف]

للشاعر الطنياوي


أنا ارتفع عن بعض المعاني


وارجو أن تسمو الى ذائقه المتلقي


صح السانك ولا هنت

[احمد الغثمري السبيعي]

<==========---------حاط يده على خده ومتابع

[طنياوي 1]

ليش تفهم غلط انت يا حلوووووووووو






الزيـــــــــــن ( يعني القاف الزيـــــــــــن )




اي معاني واي خرابيط





تبي نكمل نكمل




ماتبي براحتك يا عرندسسسسسسسس




والخابور اللي وكلتك اياه هو بالفقره الثانيه



العنقا .............. والضرغام








فهمت عيني






سلامات

[هادي بن معزي]

السلام عليكم ورحمه الله وبركاته
كانت المحاوره جميله في البدايه ولكن الي اقدر اقوله هو شي واحد




صح لسان العرندس




هادي بن معزي

[طنياوي 1]

ماعليك زووود يا معزي

وصح بدنك



حتى لو ما قلتها لي


عادي

لانها بأخوي العرندسسسسسسسسس



وتشملني ....... ( تحس واحد مدخل نفسه غصب )


اوكي اترك الحميا شوي



صح بدنك






طنياوي

[الدهناوي]

صح لسانكم جميعا



اخي العزيز طنياوي في الحقيقه من خلال متابعتي للمحاوره اجدها جميله

لكن عندي ملاحظه على كلمتك

((فهي ببطن الشاعر )) من ملامح الجمال في المحاوره ان يستمتع المتلقي بها قبل الشاعر((ويجب ان يفهم ما يدور)) والا لما حضرنا المحاورات

((ويختلف تأويل البيت من ذائقه الى ذائقه))

فالمحاوره سجال وهي متدرجه لذلك المتابع له حق في ابداء الراي والتعقيب


وتقبل تحيتي

اخيك...الدهـــناوي

[ناقـد ويلان]

صح لسان العرندس

[شاعر محاورات]

صح لسان الجميع